بعض استفسارات عنالاستبترونيك واشياء اخرى

[memoo8888]

ليا كام سؤال ومتحددين بنقط :
1--- ايه الفرق بين الاستبترونيك والاتوماتيك ونظريه عملهوهل هو منزالواتوماتيك فى وقت واحد وازاى؟؟
2--- ايه المقصود برقمال vin فى العربيه
3-- هل اى عربيه بلذات الانسر البوما مادام فيها ايرباج لازم لميه ال srs تنور وتطفى لما ادور ولو منورتش يبقى معناه ايه؟
4--- السمارتكى او البصمه عباره عن ايه وهل شغال ببطاريه ولا ايه؟ "البصمه"
5-- المفروض البوما فيها ايموبلايز داييره نحاس على الكونتاكت يعنى متدورش الا بالاصلى طب انا جربتكذا عريه بمفتاح متقلد واشتغلت طب فين الشفره؟؟

[Ahmed Nasr]

متــابــع................

[yasserelsayad]

1- الفتيس الاستبترونيك ممكن تنقل فيه زى المانيوال كدا وفيه اتوماتيك باردوا
ودى صورة ليه .. بتجيب العصاية عند الـ D وبعدين بتزقها فى المجرى اللى على اليمين دا وتلاحظ مكتوب + و -
لو زقيت العصاية على + هتنقل للنقلة التانية .. يعنى انت ماشى مثلا على التانى وجبت العصايا على + هتنقل على التالت ولو جبت على - هتسقط نقلة .. وممكن تسوق اتوماتيك عادى لو جبتها على الـ D تانى



2- رقم الـ Vin دا بيبقى رقم متسلسل بتاع العربية طالعة بيه من المصنع زى متقول كدا رقم التعريف بتاعها زى الرقم القومى بتاعك كدا

3- موضوع الايرباج انا مش عارف النظام فى الانسر ايه .. بس معظم العربيات بيكون فيه شكل واحد رابط الحزام بالجنب كدا وفيه دايرة قدامه .. لو دى فضلت منورة يبقى فيه مشكلة فى الايرباج

4- السمارت كى او البصمة بتكون شغالة على بطارية العربية زى اى حاجة اليكترونية فى العربية
مثلا السمارت كى بتاع السيراتو .. بيخليك تفتح العربية لما تدوس على زرار فى الاكرة بتاعت الباب وتدور لما تدوس فرامل و زرار مكتوب عليه engine start stop .. كل دا من غير ما تطلع المفتاح من جيبك
ودى صور المفتاح والزرار بتاع الاكرة والزرار بتاع engine start stop







5- لما العربية بتكون فيها immobilizer بيظهرلك شكل مفتاح او عربية وجواها مفتاح فى التبلوه ودى مش ممكن تدور غير بالمفتاح بتاعها او مفتاح تانى بس عليه الشفرة .. لكن لو مظهرتش العلامة دى يبقى مش موجود
ودى صورة من الجنسيس كوبيه

[محمد عبد العزيز]

الله بنور عليك يا استاذ ياسر

[M.Osman]

yasserelsayad

بوست من الآخر !

[medo_2060]

موضوع رائع والف شكر لاستاذ ياسر على المعلومات القيمه

[memoo8888]

بس معلش زياده فى التوضيح شويه
1-- اللنسر على كلامك مفيهاش شفره؟؟ رغم ان من كمالياتها ايموبليزر طب ازااااااااااى؟
2--- الاستبترونيك بسوق بيهمنوال بدون دبرياج وازاى؟؟
3---بلنسبهلليرباج عشان نشيك عليهالمبه ال srs تنور؟؟
وشكراا للاجابات

[mahgary]

انت جبت من الاخر شرح واضح جدا

[Ahmed Nouh]

ليا كام سؤال ومتحددين بنقط :
1--- ايه الفرق بين الاستبترونيك والاتوماتيك ونظريه عملهوهل هو منزالواتوماتيك فى وقت واحد وازاى؟؟
2--- ايه المقصود برقمال vin فى العربيه
3-- هل اى عربيه بلذات الانسر البوما مادام فيها ايرباج لازم لميه ال srs تنور وتطفى لما ادور ولو منورتش يبقى معناه ايه؟
4--- السمارتكى او البصمه عباره عن ايه وهل شغال ببطاريه ولا ايه؟ "البصمه"
5-- المفروض البوما فيها ايموبلايز داييره نحاس على الكونتاكت يعنى متدورش الا بالاصلى طب انا جربتكذا عريه بمفتاح متقلد واشتغلت طب فين الشفره؟؟

لمزيد من التوضيح

1- الفتيس الاستيب ترونيك ما هو الا فتيس اوتوماتيك ببرمجه وادوات تسمح لك بالتحكم فى النقلات , لكن كتكوين هو تبيكال الفتيس الاوتوماتيك

3 - اللمبه بتنور مع باقى لمبات التابلوه اول ما تفتح الكونتاكت علشان تقولك انها شغاله مش محروقه , بعد ما تدور لو فضلت منوره يبقى فى مشكله

4 - مصطلح بصمه ده مجازى هو مجرد زرار ومش بيقرا البصمه ولا حاجه

5 - مش كل اللانسر البومه فيها ايمبولايزر

[hondaman]

بس معلش زياده فى التوضيح شويه
1-- اللنسر على كلامك مفيهاش شفره؟؟ رغم ان من كمالياتها ايموبليزر طب ازااااااااااى؟
2--- الاستبترونيك بسوق بيهمنوال بدون دبرياج وازاى؟؟
3---بلنسبهلليرباج عشان نشيك عليهالمبه ال srs تنور؟؟
وشكراا للاجابات

الاستيبترونيك .... عبارة عن كمبيوتر منفصل عن كمبيوتر العربية ... كل ما فى الامر انك لما بتغير + او - بتدى امر للفتيس انة يغير
الفتيس اتوماتيك عااااادى جدا بس ذيادة علية الكمبيوتر دة
الجديد واللى ظهر منة مشاكل كتير زى بتاع التيوتا mmt ديسك واسطوانة ودبرياج وبتنقل لوحدها عن طريق محرك صغير راكب على الفتيس دة بدل دواسة الدبرياج هوة اللى مسؤل عن التغير فى السرعات دة لو كنت جايبة على e أو es اما وضع المانويل أنت بتغير فى الميعاد اللى يريحك
ألاستيبترونيك لما بتقلب على وضع المانويل وقرصت جامد على غيار فى الاخر العربية بتغير لوحدها للغيار الاعلى عشان السيفتى للمحرك

[memoo8888]

مش فاهم ازاى بيبقى منوال واتوماتيك بنفس الوقت لانى عمرى مسقت عربيه استبترونيك

[hugan]

مين الافضل
الاوتو العادي والقديم اللي هو معروف
ولا ستيب ترونيك

[omar-saad]

بص حضرتك الفتيس الاستبترونك دة
عبارة عن فتيس اوتوماتيك ولكنة فى نظام كمبيوتر بيحول النقل الاوتوماتيكى
لنقل عادى باستخدام الدراع+\-
مش فتيس مانيوال
يعنى مافيهوش دبرياج ولا حارات للفتيس زى الفتيس المانيوال العادى
الفرق ما بين الاتنين
ان الفتيس الاستبترونك فيه اليه معينة بتخليك تتحكم فى زمن النقلة
لانك طبعا عارف ان الفتيس الاوتوماتيك بينقل على rpmمعين
لوحدة
انما الالية دى بتديك حرية الحركة ونقل الغيار زى منتا عايز
تسقط نقلات بال- او تزود نقلات بال+ وتطول او تقصر زمن النقة
ونفس الوقت من غير جهاز الدبرياج بكامل محتوياتة
والفتيس دة موجود من حوالى 10 سنين او اكتر فى موديلات بى ام ومرسيدس
وبعد كدة استحدثتة الشركات الالمانية وبعدين اليابانية واخيرا الكورية
وهوة فتيس مميزاتة كويسةوليه فدرة رياضية اكتر فى السواقة عن الفتيس الاوتوماتيك العادى

[hugan]

بص حضرتك الفتيس الاستبترونك دة
عبارة عن فتيس اوتوماتيك ولكنة فى نظام كمبيوتر بيحول النقل الاوتوماتيكى
لنقل عادى باستخدام الدراع+\-
مش فتيس مانيوال
يعنى مافيهوش دبرياج ولا حارات للفتيس زى الفتيس المانيوال العادى
الفرق ما بين الاتنين
ان الفتيس الاستبترونك فيه اليه معينة بتخليك تتحكم فى زمن النقلة
لانك طبعا عارف ان الفتيس الاوتوماتيك بينقل على rpmمعين
لوحدة
انما الالية دى بتديك حرية الحركة ونقل الغيار زى منتا عايز
تسقط نقلات بال- او تزود نقلات بال+ وتطول او تقصر زمن النقة
ونفس الوقت من غير جهاز الدبرياج بكامل محتوياتة
والفتيس دة موجود من حوالى 10 سنين او اكتر فى موديلات بى ام ومرسيدس
وبعد كدة استحدثتة الشركات الالمانية وبعدين اليابانية واخيرا الكورية
وهوة فتيس مميزاتة كويسةوليه فدرة رياضية اكتر فى السواقة عن الفتيس الاوتوماتيك العادى

امممممممم
مشكور للتوضيح

[Mzeid]

بالنسبة لصندوق التروس الستبترونيك أو تقدر تقول x ترونيك لن كل شركة بتطلع باسم مختلف فيه التبترونيك و الستبترونيك واسامي تانية ( مع الفرق في الاوبل اسمه ايزي ترونيك و دة له نظام عمل تاني )

بالنسبة لصندوق التروس دة كغيره من الصناديق الأتوماتيكية بيكون موصل بال torque converter علشان يفصل بدل الدبرياج
تمام ... ؟!
بالنسبة للصناديق التروس الأتوماتيكية بيتحكم فيها كومبيوتر خاص بيه بيدخله مدخلات معينة و على أساسها بينقل التروس
في الستبترونيك في الوضع اليدوي حضرتك بتعمل ByPass للكومبيوتر يعني بتتخطاه
بمعنى أوضح بدل ما اشارة تحكم تطلع من الكومبيوتر تقول لاليات التحكم انقلوا لحضرتك اللي بتعطي الاشارة دي بدلا من الكومبيوتر في الوقت اللي يعجبك سواء بقى بدراعات خلف الدريكسيون أو بعصاية الفتيس نفسها أو لو حتى بالصوت بس حضرتك بتتولى عملية نقل السرعة
و لكن دة لا يمنع تحكم الكومبيوتر في أوضاع خاصة لحماية المحرك و صندوق التروس
يعني لما سرعة السيارة بتقل بيسقط نقلة اوتوماتيك
و ممكن لو حضرتك عايز تنقل نقلة بس النقلة دي غلط مش هتتنفذ

و بالنسبة لصندوق التروس الاوتوماتيك ممكن اضبطه على ال RPM اللي ينقل عنده زي ما انا عايز
واحد صاحبي معاه 307 عمل كدة راح التوكيل خلاهم يعلوا شوية سرعة المحرك اللي بينقل عندها الصندوق