إعـــــــلان

Collapse

.

,
See more
See less

ما هيا مقاييس الفشل والنجاح في سوق السيارات المصري ؟؟

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    ما هيا مقاييس الفشل والنجاح في سوق السيارات المصري ؟؟

    من وجهة نظرك :
    ما هيا المقاييس التي يقاس عليها فشل عربية او نجاحها في السوق المصري ؟؟؟
    وياريت لو بالترتيب يعني بالأولوية

    يعني امتى نقول ان العربيه دي فشلت وامتى نقول العربيه دي نجحت

    وهنعطي أمثلة لبعض المقاييس دي :

    1 - انتشارها
    2- سعر اعادة بيعها ( عالي - منخفض )
    3- اعادة البيع ( من حيث سهولة البيع - صعوبة )
    4- تواصل الاجيال بتاعتها ( يعني الموديل الجديد يباع على سمعة القديم وهكذا ولا لم يعد له وجود )
    5- ما يقال عليها في السوق ( سواء صحيح او غير صحيح حسب وجهة نظر كل واحد )
    6- قطع الغيار ( متوفره - مش متوفره - رخيصه - غاليه )
    7- الصيانة ( سهله - صعبة )
    8- كفائتها ( اعتماديتها - قوة ادائها - كماليتها - اعطالها )

    اللي عنده مقاييس كمان يقولها
    مستني ارائكم ؟؟؟
    [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
    [COLOR="Olive"]قال رسول الله صلى الله عليه وسلم :[/COLOR]
    [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]
    الكلمات الدلالية (Tags): السيارات, الفشل, المصري, سوق, مقاييس, هيا, والنجاح
  • #2
    ببساطة شديدة , العربية الفاشلة عندنا هنا هي المش بتتباع , يعني بالانتشار

    و بغض النظر العربية المش منتشرة حلوة ولا لأ , و لكنها اسمها فاشلة هنا في بلدنا , و دة لأنها محققتش المعادلة التريحنا احنا كمواطنين مصريين
    www.drop-studios.com

    https://www.facebook.com/pages/Drop-Studios/301516983191811?ref=hl

    Comment

    • #3
      الانتشااااااااااااااااااااااااااار لان ده حيحل كل المشاكل التانيه اللي انت قولتها زي اسعار الصيانه وقطع الغيار و اعاده البيع والسمعه والاجيال وكل حاجه ضيف علي كل ده ان احنا شعب مقلد بطبعه
      و زي ما فال الشاعر.......... ياله من شعب بغبغان عقله في اذنيه

      Comment

      • #4
        العربيه الناجحة فى مصر

        اختلف تصنفيها على مر العصور

        يعنى فى عصر التمناينات وبدايه التسعينات كانت العربيه ذات قطع الغيار الرخيصة والمتوفرة (ولنا مثال فى 128 والفيات 131 وباقى انواعه)

        مع نهاية التسعينات الى وقتنا هذا

        العربيه صاحبة اقل اعطال (واعتماديتها عاليه) هى الرائجة لحد دلوقتى وده سر تفوق المستوبيسى لانسر بالاخص وباقى الاقران من العربيات اليابانية

        لكن طبعا لكل قاعده شواذ وفيه احيانا فئة تشترى عربيه معينه لشكلها الجذاب وتمنها الغالى علشان الوجاهة اجتماعيه وحب الظهور

        وتغير الوضع الاقتصادى ومعاه اتغير مفهوم امتلاك العربيه

        يعنى دلوقتى امتلاك العربيه فى مصر اصبح ضرورة اكتر منه رفاهية وده طبعا بسبب تردى اوضاع وسائل النقل العام فى مصر

        وبالتالى اغلبية المصريين بيتجهوا لشراء عربيه تمنها رخيص بسبب تردى الاوضاع الاقتصادية وفى نفس الوقت يرحم نفسه من عذاب المواصلات العامة

        وظهور افات جديدة لم يعرفها الشعب المصرى (كالتحرش وانعدام الامن وعدم احترام خصوصية الغير واحترام المكان العام)

        وبالتالى نقدر نصف اقتناء العربيه فى مصر على 3 اسس:

        1- الاعتمادية العاليه معاها سعر متوسط للعربيه فى حدود ال 100 الف (تلتهم نصيب الاسد)

        2- الوجاهة الاجتماعيه فى حدود من 150 الى 200 الف وده نسبة صغيرة وطبعا مش كل اللى بيقتنى عربيه من الفئة ده يبقى قصدة الفشخرة

        3- الغلابه (وهذا ليس وصف تحقيرى وانما كلنا غلابة) اللى عاوزين يرحموا نفسهم من عذاب المواصلات وده بتبقى عربيه لحد 60 الف جنيه وده برده شريحة كبيره جدا
        [CENTER] [/CENTER]

        Comment

        • #5
          ممم كلام كبير
          احب اضيف اهم حاجة علي الاطلاق...لاننا شعب ودني فأهم اسباب نجاح عربية..السياسة التسويقية للشركة
          شعب يمشي ورا الاعلانات زي المسحورين
          و فيه ناس بتشتري هوا ف قزايز عشان اعلانه حلو
          [FONT="Comic Sans MS"][B]To Get The Best In Life
          You Have To Start With Yourself
          And Do Your .. BEST :B4_033:[/B][/FONT]

          Comment

          • #6
            المشاركة الأصلية كتبت بواسطة power مشاهدة المشاركة
            الانتشااااااااااااااااااااااااااار لان ده حيحل كل المشاكل التانيه اللي انت قولتها زي اسعار الصيانه وقطع الغيار و اعاده البيع والسمعه والاجيال وكل حاجه
            دي الخلاصة
            و للأسف , عربيات كتير حلوة جدا لكن بيبقى كل واحدة فيهم فيها مشكلة بتمنع انتشارها
            يعني النيسان تيدا شكلها مش بيعجب ناس كتير
            الفيات الجديد قطع غياره غالية و سمعة فيات التسعينات لسه مأثرة عليه و مش بيعمل دعاية
            و القائمة تطول
            ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

            [sor2]http://imageshack.us/a/img838/2058/8l0n.jpg[/sor2]

            Comment

            • #7
              من خلال الفئه السعريه والحاله الماديه لكل مالك تحدد مدى نجاحها او فشلها

              يعنى لو انت معاك مليون واشتريت عربيه ب100 ظهرت بعض المشاكل حكمت عليها بالفشل
              لكن لو معاك 100 واشتريت نفس العربيه بنفس المشاكل هاتقبلها عادى عشان سعرها

              وايضا لو انت بتشترى عربيه ب500 الف هاتدور على الالمانى النادر المميز ال....... الخ
              لكن لو بتشترى عربيه ب70 هاتدور على المنتشر اللى قطع غياره رخيصه ال.... الخ


              انا المقياس عندى هو
              عربيه ترضى متطلباتى انا وبس
              [CENTER][SIGPIC][/SIGPIC][/CENTER]

              [CENTER][B][URL="http://www.nilemotors.net/Nile/162345-a.html"][SIZE=5][FONT=Impact][COLOR=darkorchid](هام للمقبلين على شراء سياره مستعمله او جديده) هساعدك فى الاختيار[/COLOR][/FONT][/SIZE][/URL][/B][/CENTER]
              [CENTER][COLOR=darkorchid]:w6266d[/COLOR][/CENTER]
              [CENTER][COLOR=#ff8c00][COLOR=#000000][FONT=verdana][COLOR=blue][B][URL="http://http://www.nilemotors.net/Nile/162345-a.html"]http://www.nilemotors.net/Nile/162345-a.html[/URL][/B][/COLOR][/FONT][/COLOR][/COLOR][/CENTER]

              Comment

              • #8
                المشاركة الأصلية كتبت بواسطة kareem_a مشاهدة المشاركة
                ببساطة شديدة , العربية الفاشلة عندنا هنا هي المش بتتباع , يعني بالانتشار

                و بغض النظر العربية المش منتشرة حلوة ولا لأ , و لكنها اسمها فاشلة هنا في بلدنا , و دة لأنها محققتش المعادلة التريحنا احنا كمواطنين مصريين
                اوافقك الراي وفعلا كلام مظبوط
                ولكن فيه ناس بتاخد ان كلام السوق كلام اشاعات او كلام بدون فهم
                ولكن للأسف بتيجي تدور على اصله تلاقيه فعلا ان الكلام له اصل وفعلا مش متوافق مع غالبية الشعب فبالتالي مش بتحقق المعادلة بتاعت المواطنين وبتلاقي تفشل

                المشاركة الأصلية كتبت بواسطة power مشاهدة المشاركة
                الانتشااااااااااااااااااااااااااار لان ده حيحل كل المشاكل التانيه اللي انت قولتها زي اسعار الصيانه وقطع الغيار و اعاده البيع والسمعه والاجيال وكل حاجه ضيف علي كل ده ان احنا شعب مقلد بطبعه
                و زي ما فال الشاعر.......... ياله من شعب بغبغان عقله في اذنيه
                انا مش بقصد كده
                انا بقصد امتى اقول على عربيه نجحت وامتى اقول فشلت
                ايه المقياس اللي اقيس به عالعموم مش حسب احتياجي
                يعني فيه واحد عنده العربيه الصيني بتاعته ناجحه مليون الميه
                ولكن بالنسبة لمقاييس السوق فاشلة
                انا بتكلم في كده بقه ايه المقياس بتاع السوق اللي يحدد الكلام ده علشان محدش يختلف فيه

                المشاركة الأصلية كتبت بواسطة محمد عز مشاهدة المشاركة
                العربيه الناجحة فى مصر

                اختلف تصنفيها على مر العصور

                يعنى فى عصر التمناينات وبدايه التسعينات كانت العربيه ذات قطع الغيار الرخيصة والمتوفرة (ولنا مثال فى 128 والفيات 131 وباقى انواعه)

                مع نهاية التسعينات الى وقتنا هذا

                العربيه صاحبة اقل اعطال (واعتماديتها عاليه) هى الرائجة لحد دلوقتى وده سر تفوق المستوبيسى لانسر بالاخص وباقى الاقران من العربيات اليابانية

                لكن طبعا لكل قاعده شواذ وفيه احيانا فئة تشترى عربيه معينه لشكلها الجذاب وتمنها الغالى علشان الوجاهة اجتماعيه وحب الظهور

                وتغير الوضع الاقتصادى ومعاه اتغير مفهوم امتلاك العربيه

                يعنى دلوقتى امتلاك العربيه فى مصر اصبح ضرورة اكتر منه رفاهية وده طبعا بسبب تردى اوضاع وسائل النقل العام فى مصر

                وبالتالى اغلبية المصريين بيتجهوا لشراء عربيه تمنها رخيص بسبب تردى الاوضاع الاقتصادية وفى نفس الوقت يرحم نفسه من عذاب المواصلات العامة

                وظهور افات جديدة لم يعرفها الشعب المصرى (كالتحرش وانعدام الامن وعدم احترام خصوصية الغير واحترام المكان العام)

                وبالتالى نقدر نصف اقتناء العربيه فى مصر على 3 اسس:

                1- الاعتمادية العاليه معاها سعر متوسط للعربيه فى حدود ال 100 الف (تلتهم نصيب الاسد)

                2- الوجاهة الاجتماعيه فى حدود من 150 الى 200 الف وده نسبة صغيرة وطبعا مش كل اللى بيقتنى عربيه من الفئة ده يبقى قصدة الفشخرة

                3- الغلابه (وهذا ليس وصف تحقيرى وانما كلنا غلابة) اللى عاوزين يرحموا نفسهم من عذاب المواصلات وده بتبقى عربيه لحد 60 الف جنيه وده برده شريحة كبيره جدا
                يعني افهم ان الاعتمادية هيا رقم واحد
                وبالتالي اي عربيه هتفشل في المسألة دي يبقى بتحكم بفشلها في السوق بنسبة فشلها في اعتماديتها

                المشاركة الأصلية كتبت بواسطة hegazio مشاهدة المشاركة
                ممم كلام كبير
                احب اضيف اهم حاجة علي الاطلاق...لاننا شعب ودني فأهم اسباب نجاح عربية..السياسة التسويقية للشركة
                شعب يمشي ورا الاعلانات زي المسحورين
                و فيه ناس بتشتري هوا ف قزايز عشان اعلانه حلو
                مش شرط
                وبعدين انا مش بتكلم ايه اللي ينجح العربيه
                انا بتكلم ايه المقياس اللي اقدر اقيس به واقول العربيه دي نجحت ودي فشلت

                المشاركة الأصلية كتبت بواسطة tlrsiap مشاهدة المشاركة
                دي الخلاصة
                و للأسف , عربيات كتير حلوة جدا لكن بيبقى كل واحدة فيهم فيها مشكلة بتمنع انتشارها
                يعني النيسان تيدا شكلها مش بيعجب ناس كتير
                الفيات الجديد قطع غياره غالية و سمعة فيات التسعينات لسه مأثرة عليه و مش بيعمل دعاية
                و القائمة تطول
                برضه مفيش مشكلة كلام جميل
                ولكن افهم منه ان بيبقى فيه مشكلة في كل عربيه لم تنتشر
                وده اللي اقصده ان العربيه مثلا زي ما حضرتك قولت النيسان لم تحقق مبيعات لسبب ما وهو مقياس الشكل مثلا
                ايه بقه المقاييس العامة الغالبة في السوق المصري بتاعنا

                المشاركة الأصلية كتبت بواسطة momopersona مشاهدة المشاركة
                من خلال الفئه السعريه والحاله الماديه لكل مالك تحدد مدى نجاحها او فشلها

                يعنى لو انت معاك مليون واشتريت عربيه ب100 ظهرت بعض المشاكل حكمت عليها بالفشل
                لكن لو معاك 100 واشتريت نفس العربيه بنفس المشاكل هاتقبلها عادى عشان سعرها

                وايضا لو انت بتشترى عربيه ب500 الف هاتدور على الالمانى النادر المميز ال....... الخ
                لكن لو بتشترى عربيه ب70 هاتدور على المنتشر اللى قطع غياره رخيصه ال.... الخ


                انا المقياس عندى هو
                عربيه ترضى متطلباتى انا وبس
                انا مش بتكلم على شخص بعينه
                انا بتكلم عموما السوق عموما
                ايه المقاييس اللي تخلي عربيه تنجح في مصر وايه المقاييس اللي لو لم تتوفر تخلي العربيه تفشل وبالترتيب
                [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                [COLOR="Olive"]قال رسول الله صلى الله عليه وسلم :[/COLOR]
                [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                Comment

                • #9
                  المشاركة الأصلية كتبت بواسطة hegazio مشاهدة المشاركة
                  ممم كلام كبير
                  احب اضيف اهم حاجة علي الاطلاق...لاننا شعب ودني فأهم اسباب نجاح عربية..السياسة التسويقية للشركة
                  شعب يمشي ورا الاعلانات زي المسحورين
                  و فيه ناس بتشتري هوا ف قزايز عشان اعلانه حلو
                  ارجو بس ان احنا منتكلمش من منطق "الشعب المصري" , لأن انا و حضرتك من الشعب المصري

                  غير كدة , شركات ضخمة ليها ميزانية للاعلانات و القسم التسويقي ممكن تكون اكبر من ميزانية مصر , هل بيصرفوا كل دة على الاعلانات عشان مصر ؟!

                  العالم كله بيتأثر بالاعلانات طبيعي جدا
                  www.drop-studios.com

                  https://www.facebook.com/pages/Drop-Studios/301516983191811?ref=hl

                  Comment

                  • #10
                    عوامل نجاح سياره فى مصر بالترتيب كالتالى من وجهة نظرى
                    1- الدعايه و الاعلانات :
                    ده اهم عامل لنجاح السياره فى (مصر) واكبر دليل اللوجان بعد مامشيت على الحيط كسرت الدنيا
                    2- اسم الشركه : عامل اساسى ايضا لان المصريين بيخافو من التجربه الجديده والمجاذفه
                    3- اسعار قطع الغيار : عامل مهم جدا عند الجميع ويجب الالتزام به
                    4- الشكل الخارجى : مثال سيراتو vs فيات لينيا
                    5- الاداء وقلة المشاكل : الاقل اهميه والدليل الافيو
                    [CENTER][SIGPIC][/SIGPIC][/CENTER]

                    [CENTER][B][URL="http://www.nilemotors.net/Nile/162345-a.html"][SIZE=5][FONT=Impact][COLOR=darkorchid](هام للمقبلين على شراء سياره مستعمله او جديده) هساعدك فى الاختيار[/COLOR][/FONT][/SIZE][/URL][/B][/CENTER]
                    [CENTER][COLOR=darkorchid]:w6266d[/COLOR][/CENTER]
                    [CENTER][COLOR=#ff8c00][COLOR=#000000][FONT=verdana][COLOR=blue][B][URL="http://http://www.nilemotors.net/Nile/162345-a.html"]http://www.nilemotors.net/Nile/162345-a.html[/URL][/B][/COLOR][/FONT][/COLOR][/COLOR][/CENTER]

                    Comment

                    • #11
                      المشاركة الأصلية كتبت بواسطة Kareem_A مشاهدة المشاركة
                      ارجو بس ان احنا منتكلمش من منطق "الشعب المصري" , لأن انا و حضرتك من الشعب المصري

                      غير كدة , شركات ضخمة ليها ميزانية للاعلانات و القسم التسويقي ممكن تكون اكبر من ميزانية مصر , هل بيصرفوا كل دة على الاعلانات عشان مصر ؟!

                      العالم كله بيتأثر بالاعلانات طبيعي جدا
                      اسمحلي أرد عليك بعد التعريف بيا أكثر
                      د . تامـر حجازي
                      Marketing Product Manager
                      Master Degree in Sales & Marketing from Cambridge
                      يمكن اطلاق العموم علي فئة معينة اذا كانت الفئة المستهدفة اكثلا من 67 %
                      الموضوع مش ميزانية .. الموضوع فكر تسويقي .. و توجه أمريكي ناجح لبيع الهوا ف أزايز و يقلده من لا مبدأ واضح عندهم
                      أغلب السيارات الأوربية لم تنتهج مبدأ أن تعلن عن جودة سياراتها و هي ستثبت نفسها
                      و لكن مؤخرا اثبتت ان يجب ان يكون لها تواجد اعلامي
                      في المناطق الغير مركزية يجب ان يكون هناك تعاون من الوكيل أو دعم غير مشروط من الشركة الأم
                      المشاركة الأصلية كتبت بواسطة momopersona مشاهدة المشاركة
                      عوامل نجاح سياره فى مصر بالترتيب كالتالى من وجهة نظرى
                      1- الدعايه و الاعلانات :
                      ده اهم عامل لنجاح السياره فى (مصر) واكبر دليل اللوجان بعد مامشيت على الحيط كسرت الدنيا
                      2- اسم الشركه : عامل اساسى ايضا لان المصريين بيخافو من التجربه الجديده والمجاذفه
                      3- اسعار قطع الغيار : عامل مهم جدا عند الجميع ويجب الالتزام به
                      4- الشكل الخارجى : مثال سيراتو vs فيات لينيا
                      5- الاداء وقلة المشاكل : الاقل اهميه والدليل الافيو
                      Exactly
                      [FONT="Comic Sans MS"][B]To Get The Best In Life
                      You Have To Start With Yourself
                      And Do Your .. BEST :B4_033:[/B][/FONT]

                      Comment

                      • #12
                        اهم حاجه فى مصر الانتشار
                        يعنى الكل اشتراها تبقى حلوه
                        طيب والبدايه تبقى ازاى
                        يعنى اى عربيه بتبقى مبيعاتها فى الاول صفر وبعد كده تنتشر
                        ازاى بقى تنتشر
                        اعتقد الموضوع راجع للسعر والكماليات
                        يعنى سعر قليل مع كماليات كتيره تشجعك تشترى العربيه وبعد كده الانتشار هيقوم بالباقى
                        اى حاجه بعد كده مش مهمه
                        يعنى صيانه مع الانتشار هتبقى سهله
                        قطع غيار هتبقى رخيصه
                        إعاده بيع هيبقى كويس
                        [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
                        غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

                        Comment

                        • #13
                          المشاركة الأصلية كتبت بواسطة momopersona مشاهدة المشاركة
                          عوامل نجاح سياره فى مصر بالترتيب كالتالى من وجهة نظرى
                          1- الدعايه و الاعلانات :
                          ده اهم عامل لنجاح السياره فى (مصر) واكبر دليل اللوجان بعد مامشيت على الحيط كسرت الدنيا
                          2- اسم الشركه : عامل اساسى ايضا لان المصريين بيخافو من التجربه الجديده والمجاذفه
                          3- اسعار قطع الغيار : عامل مهم جدا عند الجميع ويجب الالتزام به
                          4- الشكل الخارجى : مثال سيراتو vs فيات لينيا
                          5- الاداء وقلة المشاكل : الاقل اهميه والدليل الافيو
                          يا جماعه الموضوع عن ما هيا المقاييس التي يقاس بها نجاد العربيه او فشلها في السوق المصري
                          مش العوامل اللي بتؤدي لنجاح العربيه

                          يعني ايه المقياس اللي يخليني اقول العربيه دي فاشله ولا دي ناجحه
                          ماهو المقياس اللي اقيس به حاجه زي كده ؟؟؟؟
                          [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                          [COLOR="Olive"]قال رسول الله صلى الله عليه وسلم :[/COLOR]
                          [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                          Comment

                          • #14
                            المشاركة الأصلية كتبت بواسطة أبو عبدالله مشاهدة المشاركة
                            يا جماعه الموضوع عن ما هيا المقاييس التي يقاس بها نجاد العربيه او فشلها في السوق المصري
                            مش العوامل اللي بتؤدي لنجاح العربيه

                            يعني ايه المقياس اللي يخليني اقول العربيه دي فاشله ولا دي ناجحه
                            ماهو المقياس اللي اقيس به حاجه زي كده ؟؟؟؟
                            اعتقد يا استاذي ان حالنا حال الأسواق الأخرى...

                            مثلاً عربيات ستروين هنا في مصر و في دول الخليج ... فاشلة هنا و هناك

                            يبقى الإنتشار اللي هو = إعتمادية
                            بالإضافة الى وكيل قوي واقف وراها ... في فرق بين عز العرب و غبوووووور ... فرق كبير و بتكلم على وكيل قوي و ليس وكيل بيحب في العميل ... وكيل قوي موفر قطع الغيار في كل حتة ... موفر مراكز الخدمة في كل مكان ... و هكذا

                            Comment

                            • #15
                              اللي بتقبل بنزين 80 وفيها مكيف وباور

                              Comment

                              السابق 1 2 template التالي
                              Working...
                              X