عربية فى حدود 150-160 عائلية

[nader makram]

هى المهم تكون العربية كبيرة و اتوماتيك و مريحة فى السفر و فيها cruise control فمش هينفع اللانسر الجديدة عشان مفيهاش مثبت سرعة و الاكتوفيا اغلى من 160 و الافينسيس مانيول بس و السيفيك و سوبارو امبريزا و مازدا 3و كورولا 2008 الجديدة صغيرة علينا
فقدامى دلوقتى بيجو 307 station و الاسترا station عشان هما اكبر اتنين فى السعر ده فانهى احسن؟ و لو فى مقارنة بنهم يبقى كويس أوى و يارت لو فى اختيارات اخرى
و شكرا لكل ردودكم بجد الناس هنا بتحب المساعدة أوى

[HeMa1981]

تويوتا كرولا الشكل الجديد بدون تفكير

توكيل محترم
عربية مش بتصرف
اعطالها قليلة جداً جداً
قطع غيار موجودة


رأي ابعد عن البيجو والفرنساوى عموماً " مصاريفه كتير "

[marsguy]

يا جماعه

إزاي ما حدش فكر في الفورد فوكاس؟؟؟

دية عربيه رهيييييبه ما شاء الله

أنا لي 2 أصحاب، واحد جاب هوندا سيفيك 2007 والتاني جاب فوكاس 2007 برضه

أنا باركب العربيتين دايما، وية شهادتي

الهوندا موتورها طبعاً تسارعه أسرع، بس بعد كده الفوكاس أحسن في كل حاجه

الفوكاس عربيه عاليه عن الأرض بس ثباتها عالي جداً جداً جداً، وعربيه فخمه جداً جداً وقعدتها مريحه جداً وتديك شعور بالسيطره.

وعلى فكره توكيل فورد محترم جدا وعاوز ينتشر فا بيلعب على إنه يعمل سمعه كويسه في الفتره اللي جايه.

نصيحه يا جماعه إنزلوا بصو على الفورد فوكاس وبالذات الموديل العالي منها اللي إسمه "فورد فوكاس جيا"

[MEDO80]

سوناتا
اولا هيونداي
ثانيا قطع غيار موجودة و معقولة
ثالث اعادة بيع سهلة
رابعا ليها ضمان
خامسا 2000 سيسي و في منها 2400
سادسا شكلها و ركوبها جامد قويييييييي

[som3aa]

بس يا سيدى حسب انت عايز العيلة (ال5 أفراد) يركبوا العربية و لا يزقوها
لو عايزهم يركبوا جوه العربية و تسافر بيها نصيحة لاااازم تعمل test drive للعربية اللى هتشتريها دى علشان أنا لاحظت أن الناس بترشحلك عربيات station و كلها 1600cc يعنى من الاخر شكلكوا هتزقوا
ال civic و ال corolla عربيات ممتازة و واسعة بس ال civic شبابى شوية
على فكرة الoctavia ب 160 بالظبط عند الموزعين automatic لو عايزها
نصيحة منى اشترى السوناتا
2000cc ب 165000 (ممكن ارخص عند الموزعين برده اسال) عربية ممتازة محترمة قوية شوف ال reviews بتعتها online و ضمانها 100000 كيلو يعنى لو بتمشى 20000 كيلو فى السنة العربية هتعد 5 سنين فى الضمان.
العربية واسعة جدااااااااااااااااااااااااااااااااااا (اوسع من كلللللل العربيات اللى انت سمعت عنها) و عائلية جدا و أفخم منهم كلهم
الoctavia و الباقى 1600cc نصيحة بس شوف سحبهم عامل ازاى قبل ما تشترى.

[Megane]

حاول تشوف الميجان الستيشن فى حدود نفس المبلغ بتاع البيجو و الأسترا و صناعة فرنساوى مش تركى

السلام عليكم
أنا مع الرأى دة :):):)

[nader makram]

بس يا سيدى حسب انت عايز العيلة (ال5 أفراد) يركبوا العربية و لا يزقوها
لو عايزهم يركبوا جوه العربية و تسافر بيها نصيحة لاااازم تعمل test drive للعربية اللى هتشتريها دى علشان أنا لاحظت أن الناس بترشحلك عربيات station و كلها 1600cc يعنى من الاخر شكلكوا هتزقوا
ال civic و ال corolla عربيات ممتازة و واسعة بس ال civic شبابى شوية
على فكرة الoctavia ب 160 بالظبط عند الموزعين automatic لو عايزها
نصيحة منى اشترى السوناتا
2000cc ب 165000 (ممكن ارخص عند الموزعين برده اسال) عربية ممتازة محترمة قوية شوف ال reviews بتعتها online و ضمانها 100000 كيلو يعنى لو بتمشى 20000 كيلو فى السنة العربية هتعد 5 سنين فى الضمان.
العربية واسعة جدااااااااااااااااااااااااااااااااااا (اوسع من كلللللل العربيات اللى انت سمعت عنها) و عائلية جدا و أفخم منهم كلهم
الoctavia و الباقى 1600cc نصيحة بس شوف سحبهم عامل ازاى قبل ما تشترى.

شكرا اوى لردك بس هى الفكرة اننا عاوزيين اكبر عربية فى السعر دة فأكيد السوناتا مش هتبقى اكبر من 307 استيشين او استرا ستيشين فعشان كدة الاستيشين اكتر حاجة تناسبنا غير ان فى ناس كتير بتقول متدفعش فى عربية كورى 160 الف لما ممكن تجيب المانى او فرنساوىز
اما بالنسبة لحكاية ان 1600 قليل اوى على الاستيشين كفاية ان البيجو 307 استيشن كترت اوى فى الشارع و كمان لو شوفت التسارع بتاعها هتلاقيه من 0-100 فى 12 ثانية و دة مش وحش عشان انا اكيد مش هاشد بيها

[Amr_Moh]

الميجان الستيشن made in france

[sakrouz]

على الفكرة انا معيا 307 Sw عربية جامدة جدا فيها كل الكماليات مريحة جدا عفشة ناعمة متور جامد وسحب عالى قطع الغيار غالية شوية انا راى بيجو طبعا

[fahd_628]

انا انصحك و بشدة بالميجان الستيشن انا امبارح ركبتها فى معرض و انبهرت بصراحة تحفة فنية رائعة و الى بسقف بانوراما تحفة اوى اوى

[todolist]

الستروين c4 Picasso حلوة موت