إعـــــــلان

Collapse

.

,
See more
See less

إلى كل من ينوي الشراء قريباً ... احترسو من سمير ريان !!!

Collapse
X
 
  • Filter
  • الوقت
  • Show
Clear All
new posts

  • إلى كل من ينوي الشراء قريباً ... احترسو من سمير ريان !!!

    هحاول مطولش على حضراتكو ... بس الموضوع كبير وأنا عايز الناس تركز في التفاصيل
    امبارح كنت بستلم أنا وزميلي وصديق عمري العضو محمود عربية أختو السيراتو سعودي من سمير ريان إلي بقدرة قادر غليت 500 جنيه في 24 ساعة ... ما علينا
    وصلنا هناك الساعة 5 بعد مكالمة من موظف المبيعات بيأكد إن العربية جاهزة على الإستلام ،،،طبعاً ماشاء الله زحمة بين ناس بتشتري وناس بتحجز وناس بتتفرج ... فين العربية ؟؟
    العربية في المخزن وطبعاً المخزن بيتراح بعربية علشان بعيد شوية ومفيش عربية ولا سواقين ... حفاظاً على الوقت أخدنا الموظف وطلعنا على المخزن ومحدش يفهمني غلط في حكاية المخزن دي ... حتة أرض فضاء واسعة لها بوابة وغفير والعربيات واقفة فيها ،منها لكل العوامل الجيولوجية من تعرية وتجوية.. واللي ناوي يقول إن دة عادي وهما يعني هيعملو إيه ؟؟؟ تابع معايا
    وصلنا المعرض وأخدنا دور علشان المحاسب يعد الفلوس عالبال ما العمال يكونو لغمطو العربية إلي هي أصلاً قذرة برة وجوة ... وبعد كدة جينا باءة للمعاينة والإستلام ... ركزززززز
    كل النواكل إلي بره العربية من مقابض وشبكة أمامية وحلية على الشنطة مصدية أو مطوسة أو مئكسدة .. سمها كيف شئت ... المهم د مش منظر عربية زيرو ... وطبعاً سوء التخزين سبب رئيسي في الكلام دة (التعرية والتجوية إلي قلنا عليهم) ... بدأ الموظف يحول يطلع الحاجات دي بالبولش ويدعك باءة .. لا يأس مع الحياه ، ولا حياه لمن تنادي ... مش بيطلع ،وكنا كلنا شايفين الكلام دة بس خلاص كنا بدأنا أصلاً نزهق فتغاضينا عن القصة دي وبدأنا نقلب في كل حاجة تانية ونتأكد إن كل حاجة تانية تمام كل صغيرة وكبيرة ... وكانت الكارثة (الموسيقى تخش على المشهد) ... شغلت التكييف وإستنيت شوية إنو يطلع أي سنة هوى بارد ... انسى .... إتأكدت من كل الزراير ... مفيش ... بطلت ودورت تاني ... ولا حاجة ... ناديت محمود صاحبي يمكن أنا حران ... مش ممكن .... كأنك مشغل سشوار ... أخيراً باءة ناديت الموظف تعالى ياعم شوف ... يجرب ويعمل كل حاجة .. بردو مفيش ... نادى إلي أعلى منو (رجل أسمر كدة مش فكر اسمو ) بدأ طبعاً يحسسني اني مليش غير في ركوب البهايم .. ..يقولنا إيه: بص حضرتك أول حاجة تدوس على الزرار دة (a/c) ( جاب التايهة من ذيلها)..وبدأ يجرب هو بطريقتو ... وفي الأخر بطل العربية وطلع منها وقفل الباب وقال : التكييف مش شغال.
    وبعد مداولات سرية بين الرجل الأسمر دة والموظف جلنا الرجل دة بإقتراح بيقول إيه : هنشحنها فريون وتيجو بكره تستلموها !!! أي واحد من السادة القراء يحط نفسه مكاني .. احنا وقعنا مع ناس ماعندهمش أي ذمة أو ضمير ... فعلاً المثل إلي بيقول السيط ولا الغنى ... طبعاً مستحيل إن احنا نستلم العربية دي ... المشكلة الحقيقية اني كمان مضمنش العربية إلي هيجبهلي تكون هي كمان مشحونة قبل كدة أو فيها أي عطل تاني مداري أو متلصم أو متصلح لحد ما يجي واحد إبن حلال يلبسها ... بس إنشاء الله مش هيكون من نايل موتورز لأني أخدت نمرة شاسيه وموتور العربية.... شاسيه رقم 85182899 موتور رقم 234211 وتاريخ خروجها من المصنع 12-2009 .... إحذر هذه السيارة .
    طبعاً الحل التاني ودة كان من شخص أقل ما يوصف به إنو مستهتر ولا يحترم العميل إن احناً نروح نستلم عربية تانية من المخزن على ضمانتنا يعني لو ظهر فيها حاجة بعد كدة ملهمش دعوة ونجي ناخد ورقها يوم السبت ... الشخص دة اكتشفنا بعد كدة إنو مدير المبيعات ... تخيلو يقلنا دا إنت عميل من وسط 50 عميل.. للدرجه دي العميل دة مبقلوش إعتبار ؟؟؟!!!! ملاحظة : عربية منغير ورق = مفيش عربية .... ملاحظة كمان : الساعة كانت بقت 8 ...ملاحظة كمان : اوعى تستلم عربية بالليل.
    وبعد ما أخت محمود إتشأمت من سمير ريان ومن السيراتو ومن الزيرو كلو قررت تسترد فلوسها بالكامل وتأجل القصة كلها لأجل غير مسمى.
    عذراً على الإطالة ... وربنا يبعد عنكم الشر ... وكل عام وأنتم بخير.
    [justify]M Y R I D E[/justify][SIGPIC][/SIGPIC]

  • #2
    شكــراً ع التنبية ..
    ومعظم العربيات في مصر معرضة لجميع عوامل التعرية
    [CENTER][shr71=http://img230.imageshack.us/img230/7454/gen2mainext02.jpg]Gen Lovely 2[/shr71][/CENTER]

    [CENTER][SIZE=3][COLOR=purple][COLOR=black][COLOR=black][COLOR=blue][COLOR=black][COLOR=slategray]♥[/COLOR] [/COLOR]G[/COLOR][COLOR=darkred]e[/COLOR]n [COLOR=darkred]2[/COLOR] [COLOR=blue]A[/COLOR]st[COLOR=darkred]o[/COLOR]ni[COLOR=darkred]s[/COLOR]hin[COLOR=blue]g[/COLOR]ly St[COLOR=darkred]y[/COLOR]lis[/COLOR][COLOR=blue]h [/COLOR] [/COLOR][/COLOR][/SIZE][/CENTER]

    Comment


    • #3
      على فكرة انا جبت عربيتى من شهر من سمير ريان واخويا قبليا بإسبوعين كان جايب توب لاين والحمدلله الحاجات دى محصلتش وعايز اقولك ان المعاملة كانت كويسة جدا جدا وفعلا منضبطين اوى فى مواعيدهم
      واما انا رحت ودانى المخزن واتفرجنا واخترت العربية وجربت كل حاجة فيها وكله كان تمام طبعا التراب دا شئ اساسى فى اى مخزن فى مصر وعادى جدا جدا جدا كمان لكن العربية من جوه كانت نضيفة جدا وحجزت العربية وخت رقم الشاسيه والموتور ودفعت الف جنيه حجز وبعدت يومين بالظبط فى الميعاد المحدد لقيت الأستاذ طه بيتصل بيا بيقولى يافندم العربية ورقها كله وصل تعالى استلم رحت لقيتهم جايبيين العربية من المخزن ومنضفنها طبعا مش النضافة اللى فى بالى عشان مكان اللزق والكلام ده وخليتهم عادوا عليها تانى واتاكد من رقم الشاسيه تانى عشان اتأكد ان هى دى العربية اللى انا حجزتها ودفعت ومشيت بدون اى مشاكل وبسرعة شديدة وكان الكلام دا كله بليل فانا شايف ان سمير ريان من افضل موزعيين السيراتو فى مصر بدون اى انحياز
      [LEFT][CENTER][B][/B][/CENTER][/LEFT]

      Comment


      • #4
        اولا احب اشكر الحج pegasus911 على التنبيه

        وثانيا اشكره على مساعدته امس .
        [CENTER][SIZE=3]لا اله الا انت سبحانك اني كنت من الظالمين [/SIZE][/CENTER]

        mahmos2000 سابقا

        Comment


        • #5
          ممكن لون العربية و الجنط كان كام؟
          [frame="2 100"]
          :36_8_1[1]:
          [/frame]

          Comment


          • #6
            شكــراً ع التنبية ..
            [SIGPIC][/SIGPIC][SIZE=3][COLOR=#68d122]من اهم انجازات مبارك :
            توحيد المصرين على كلمة حسبى الله و نعم الوكيل
            [/COLOR][/SIZE]


            محمد العصار

            Comment


            • #7
              المشاركة الأصلية كتبت بواسطة samehnoshi مشاهدة المشاركة
              ممكن لون العربية و الجنط كان كام؟
              جنط 16
              اللون تيتانيوم سلفر
              [justify]M Y R I D E[/justify][SIGPIC][/SIGPIC]

              Comment


              • #8
                شكرا على التنبيه
                https://t.me/pump_upp

                Comment


                • #9
                  حتي انت يا سمير ريان
                  [CENTER][FONT=Times New Roman][SIZE=3][COLOR=#08234d][B]يارب اغفرلي وارحمني واشفيني وارزقني واهديني يارب وسع رزقي وقربه ويسره وبارك فيه يارب[/B][/COLOR][/SIZE][/FONT][/CENTER]
                  [CENTER][SIGPIC][/SIGPIC][/CENTER]
                  [CENTER][B][FONT=Times New Roman][SIZE=5][COLOR=#0e2170]رَّبِّ ارْحَمْهُمَا كَمَا رَبَّيَانِي صَغِيراً [/COLOR][/SIZE][/FONT][/B][/CENTER]

                  Comment


                  • #10
                    حتى في الموانئ بيخزنوا العربيات بنفس الطريقة

                    Comment


                    • #11
                      انا فعلا كنت هلبس عربيه من سمير ريان
                      انا ساعتها كنت هشتري لانوس ولما رحت هناك حسيت اني داخل سوق خضار حتى بتوع المبيعات عندهم تحس من طريقة كلامهم انها مش مظبوطه وفعلا حكاية السعر دي غريبه جدا لأنها حصلت معايا بتاع المبيعات قالي بص العربيه النهارده بكذا ممكن تيجي بكره تلاقيها غليت علشان الحاج سمير ممكن الغزاله تبقى رايقه فا ينزل في سعر العربيه. ما علينا الي خلاني مشتريش منه فعلا هوه انه قالي بص يا باشا الضمان والكتالوج بتروح تجيبه من توكيل شيفروليه في المهندسين فا قلتله وانا اجيبه ليه هوه مش بيجي مع العربيه فا قالي لأ شيفروليه لازم تستلم من المهندسين المهم مضيت معاهم بالفعل وعملت الابلكيشن وتاني يوم اتصلت بشيفروليه قالولي اولا سمير ريان مش موزع معتمد (في المعرض عندهم بتاع المبيعات قالي احنا موزع رئيسي لشيفروليه) وتاني حاجه قالوهالي المفروض انك بتاخد ضمانك وكتالوجك مع العربيه في المعرض مش بتيجي عندنا قلتلهم امال سمير ريان بيعمل كده ليه قالولي فيما معناه انه بيريح دماغه

                      تاني يوم اصل المعرض بيا علشان استلم وامضي على الشيكات بتاعت التقسيط قلتله لأ مش هاجي علشان انا اتعاقدت خلاص مع معرض تاني وشكرا على كده.

                      وبعدها سمعت مشاكل تانيه مع ناس صحابي كانو اشترو من سمير ريان

                      من الاخر عايز تعاين كل عربيه لو محتار روح سمير ريان بس متشتريش من هناك
                      محمد عادل محمد

                      Comment


                      • #12
                        في العالم كله زيادة عدد العملاء لاي مكان بيساوي زيادة في الخدمه لاجتذاب عدد اكبر الا عندنا كل ما عدد العملاء يزيد كل ما الخدمات تقل كل ما برضة عدد العملاء بيزيد معادله غريبه مبتتحققشي الا في مصر

                        Comment


                        • #13
                          في مصر احنا مش بني آدمين
                          سبحان الله كنت لسة بفكر في نفس الموضوع لاني بعدي على مخزن معرض المحمل كل يوم جنب السراج مول
                          ساحة ترابية غير مستوية مكدسين فيها السيارات و النسبة الاكبر منها سيراتو
                          العربيات منقوعة في الشمس و فوقيها اطنان من التراب و بتفضل على هذا الحال مركونة بالأشهر من غير ما تتحرك لحد ما حد يلبسها

                          الغريب انك بتشتري العربية على اساس انها جديدة و زيرو و بتدفع تمنها من دم قلبك على هذا الاساس
                          و تلاقيها اصلا بايظة من الركنة بالطريقة دي او على الاقل اتأثرت و عمرها قصر

                          [overline]
                          تعال شوف احنا مظلومين اد ايه:

                          1- العربيات في مصر اصلا بتكون نازلة الفرز العاشر لمصانع أوروبا و آسيا و غيرهم (السيارات اللي بتظهر عيوب في الاختبار النهائي بيبعتوها للدول التعبانة و على راسها مصر و دي معلومة انا متاكد منها)
                          2- بتتخزن في ظروف تبوظ اي عربية
                          3- بعد ما تشتريها تبتدي رحلة العذاب في مصر من حفر و مطبات و بنزبن مغشوش و مليان شوائب و جو ترابي و زيوت بيقولوا مغشوشة و خدمات صيانة من بهايم

                          مين بقى بعد كده بيشتكي ان العربية بتحدف شمال و لا بتسخن في مش عارف فين؟؟ احمدوا ربنا انها ماشية ضد كل الظروف دي!!

                          [/overline]

                          Comment


                          • #14
                            المشاركة الأصلية كتبت بواسطة maghnom مشاهدة المشاركة
                            في مصر احنا مش بني آدمين
                            سبحان الله كنت لسة بفكر في نفس الموضوع لاني بعدي على مخزن معرض المحمل كل يوم جنب السراج مول
                            ساحة ترابية غير مستوية مكدسين فيها السيارات و النسبة الاكبر منها سيراتو
                            العربيات منقوعة في الشمس و فوقيها اطنان من التراب و بتفضل على هذا الحال مركونة بالأشهر من غير ما تتحرك لحد ما حد يلبسها

                            الغريب انك بتشتري العربية على اساس انها جديدة و زيرو و بتدفع تمنها من دم قلبك على هذا الاساس
                            و تلاقيها اصلا بايظة من الركنة بالطريقة دي او على الاقل اتأثرت و عمرها قصر

                            [overline]
                            تعال شوف احنا مظلومين اد ايه:

                            1- العربيات في مصر اصلا بتكون نازلة الفرز العاشر لمصانع أوروبا و آسيا و غيرهم (السيارات اللي بتظهر عيوب في الاختبار النهائي بيبعتوها للدول التعبانة و على راسها مصر و دي معلومة انا متاكد منها)
                            2- بتتخزن في ظروف تبوظ اي عربية
                            3- بعد ما تشتريها تبتدي رحلة العذاب في مصر من حفر و مطبات و بنزبن مغشوش و مليان شوائب و جو ترابي و زيوت بيقولوا مغشوشة و خدمات صيانة من بهايم

                            مين بقى بعد كده بيشتكي ان العربية بتحدف شمال و لا بتسخن في مش عارف فين؟؟ احمدوا ربنا انها ماشية ضد كل الظروف دي!!

                            [/overline]

                            نسيت اقول ان فوق كل ده بتشتري العربية اغلى من سعرها برة مصر!!!

                            Comment


                            • #15
                              طيب ازاي بعد المعاينة تسيب العربية يومين قبل الاستلام؟

                              مش ممكن في اليومين يحصل حاجة؟
                              [CENTER]نحـــن بحاجــة "للخلافـــات" أحيــــانا ، لمعــــرفة ما يخفيـــــه الأخــرون فــي قلوبـــهم ، قد تجــــد مـــــا يجعــلك فــي ذهــــول و حيــــرة ، وقـــــد تجـــد مـــا يجعلـــك تنــزع قبعتــك إحتـــــــرامـــا لــــــه
                              [/CENTER]

                              Comment

                              Working...
                              X