لو شباك السائق مغلق يبقى المكيف شغال ..

[د.محمود صلاح]

ألاحظ منذ فترة شبابيك سائقي السيارات .. بالذات في الحر والنهار

فإن كانت مغلقة يعني المكيف شغال .

لاحظت كل الكرولا بمختلف الموديلات دايماً الشباك مغلق

لاحظت بعض اللانسر والصني مفتوح وبعضه مغلق

لاحظت الغالبية العظمى للفيرنا واللانوس الشبابيك مفتوحة

اغلب العربيات الحديثة موديل سنة او سنتين دايما مشغلين المكيف

أغلب العربيات القديمة موديل 6 - 7 سنين للوراء مش مشغلين المكيف


..... لاحظ معي كده واديني رأيك ...

[snakeson2]

فعلا الموضوع دة ملاحظ بس اعتقد ان ممكن واحد يكون مش عايز يستهلك بنزين كتير فبيفتح القزاز مثلا مع ان عربيتة 2010
و التكييف مع الزحمة والمانوال مقرف!
العربيات الكوري اعتقد بتتعب بعد 5 سنوات يعني التكييف بيسخن العربية علي حد علمي

[ecybrarian]

انا ما بشغلش التكييف إلا في احلك الظروف..انا مش تكييفجي..بس هالاحظ واقول لك

[Ahmed.Ali]

انا مبقفلش التكييف نهاااااااااائي اصل الصوت بيبقي اهدا بكتيير الرائحه احلي بكتير فالبنزين الي هدفعه هرتاح بيه
انا خلاص معدل الاستهلاك عندي مبحسبوش الا بالبنزين و الحمد لله الموضوع مش مكلف اوي

[ahmedyehia515]

ألاحظ منذ فترة شبابيك سائقي السيارات .. بالذات في الحر والنهار

فإن كانت مغلقة يعني المكيف شغال .

لاحظت كل الكرولا بمختلف الموديلات دايماً الشباك مغلق

لاحظت بعض اللانسر والصني مفتوح وبعضه مغلق

لاحظت الغالبية العظمى للفيرنا واللانوس الشبابيك مفتوحة

اغلب العربيات الحديثة موديل سنة او سنتين دايما مشغلين المكيف

أغلب العربيات القديمة موديل 6 - 7 سنين للوراء مش مشغلين المكيف


..... لاحظ معي كده واديني رأيك ...

والله ملاحظة كويسة و ممكن نحكم على مستوى العربية من الموضوع ده بس الموضوع هيكون فى ظلم جامد اوى للعربيات تحت 1500 سى سى لأن أقل من كده التكييف فعلاً مع المانيوا بيخلى العربية تقيلة أوى و بالذات فى الزحمة، بس متهيألى لو على الطرق السريعة كله هيقفل شباك السواق عشان حتى لو التكييف بيسخن العربية، الهوا اللى داخل هيبردها على طوول.

أنا شخصياً التكييف شغال أساسى طوول الوقت عشان الريحة و الدخان و الصوت و طرطشة المياه ، يعنى الكام جنيه اللى هوفر بيهم بنزين هتعالج بيهم و العربية ليها قطع غيار بس للأسف البنى آدم مالوش. إلا طبعاً لو فيه مشكلة فى العربية ، بكون طافى التكيف

[yasserelsayad]

انا على طول مشغل التكييف صبح وليل عشان الدنيا بتبقى اهدى ومفيش ريحة دخان او تراب

فعلا الموضوع دة ملاحظ بس اعتقد ان ممكن واحد يكون مش عايز يستهلك بنزين كتير فبيفتح القزاز مثلا مع ان عربيتة 2010
و التكييف مع الزحمة والمانوال مقرف!
العربيات الكوري اعتقد بتتعب بعد 5 سنوات يعني التكييف بيسخن العربية علي حد علمي

اهتم انت بالعربية وهى هتهتم بيك وبلاش الاعتقادات دى .. هو خمس سنين دى حاجة عشان العربية تتعب فيهم
عندنا ليجانزا موديل 2000 التكييف بتاعها بيشتغل طول الوقت .. يعنى عندنا من 10 سنين وداخلة فى الـ 11 و عاملة فوق الـ 300 الف كيلو وتعتبر فبريكة مش راشة غير نظافة وبتعمل الصيانة الدورية بتاعتها.

[zanativich]

والله ان على الطرق السريعة مشغل التكييف دايما علشان الصوت والهوا مع السرعات وجو البلد لو الجو كويس خلاص لان بيكون مشوار صغير لو حر بيشتغل
لا دى وظيفته يشتغل فى الحر مش اوفر

[walidzakzok]

الكورولا ممكن عشان طول عمرها غالية فزبونها هاي بروفيل ومتعود على التكييف ...هههه..ايه رايكو فى التحليل دة

[Mohamed.Ramah]

مفيش bmw او mercedes شفتها فاتحة الشباك ابدا ما عادا الموديلات القديمة وليست كلها

[Eng.Geo]

لحد أمتي هنهنن في الحديد ونهين نفسنا ؟
يعني أدفع شوية فلوس في بنزين ولا أدفع أكتر منهم في حاجات ساقعة مش مفيدة وعصائر كترها ضار و ممكن توصل لأدوية
انا ساعات بشغل التكييف في الشتا ( ساقع ) يمكن طبيعتي كدة
ممكن تبقي الحرارة 20 وانا بنص كم
بس لقيت اني لما بقفل الأزاز بيبقي أحسن كتير عشان التراب والعوادم وحاجات كتيييييير
ولما مشغلش التكييف مش بوفر فلوس
وبلاحظ كتير يا دكتور ان في عربيات كتير جديدة وماشيين فاتحين الأزاز
في الغالب بعتبره بيوفر

[Ahmed Samy]

أنا ساعات باشغل التكييف و افتح القزاز ربع فتحة

منها أشم هوا و احس اني وسط الناس ...و برضه طراوة

ده بيحصل لو خرجت في الوقت بعد الساعة 6 مساء

احساس حلو على فكرة

[Ayman-Ahmed]

احتمال يكونوا مدخنين لو فاتحينه.
او بيتكلموا فى الموبايل كتير.او بيستعملوا الكار كيت.اوعايزين يستمتعوا بالكاسيت لو مقفول.

[omar-saad]

خدوا بالكو
الناس بتحسد اللى قافل الازاز بتاعة
طبعا علشان التكييف
سمعتها بودنى

[ahmad--ezzat]

فى ناس مش بتحب تكييف العربيات مهما كان الحر......

ودة عشان ميخدوش برد لما ينزله بره العربيه

[ali.mahmoud]

هى بتبقى حسب طبيعة الواحد فى اللى بيوفر وفى اللى الجو عادى بالنسبالة مش اكتر وفى اللى مش معاه بنزين كفاية ومروح مثلا هى بتبقى حالات مش اكتر وعادى يعنى اللى يوفر يوفر واللى هيتهنى هيتهنى