هجوم الناموس ورمل السفر على وش العربيه

[rocker]

مساء الخير ورمضان كريم عليكم جميعا وربنا يتقبل منا جميعا ويهدينا الى صالح الاعمال
الموضوع ده هوا للناس الى بتسافر كتير وعلى سرعات عاليه
وانا بحكم سفرى الدائم وشبه اليومى بين المواقع فكرت فيه كتير
وهوه اولا الناموس الى بيلصق على وش العربيه وعلى وش الريداتير وظهر المرايتين والزجاج الامامى
وثانيا الرمل والزلط الرفيع الى بينزل من عربيات النقل ويعمل رماله sand blasting لاتخن بويه عربيه وينقرها
ايه الحل ؟
سألت سواق ميكروباس قال لى لدهن وش العربيه نستابون قبل كل سفر واغسله على ما ترجع
طبعا ده مش حل عملى ؟
هل حد من الاخوه فكر فى الموضوع ده ؟
اخوكم
م اسامه عاشور
اسكندريه

[al_manara]

انا بشوف الناس بتركب وش مشمع . او حاجة تانية مش عارف اسمها اية . ولونة اسود

[A.Saad]

الناموس لو مسحته بالمساحة هيبهدل اكتر
اعتقد فيه سائل مساحات بيكون مخصص لحشرات اللازقة على الزجاج

الرمل لازم تبعد عن النقل
او تجيب الوش الجلد اللى العضو الفاضل قال عليه
بس ده ما يقعدش على طول لان البويه تحته لونها هيتغير

http://www.nilemotors.net/Nile/146348-a.html

[rocker]

الناموس لو مسحته بالمساحة هيبهدل اكتر
اعتقد فيه سائل مساحات بيكون مخصص لحشرات اللازقة على الزجاج

الرمل لازم تبعد عن النقل
او تجيب الوش الجلد اللى العضو الفاضل قال عليه
بس ده ما يقعدش على طول لان البويه تحته لونها هيتغير

http://www.nilemotors.net/nile/146348-a.html

شكرا على الاستجابه
وانا دخلت على الموضوع ولقيته مفتوح قبل كده ومعظم الكلام عن الطريق السالى بتاع دمياط اسكندريه
وده فعلا طريق الموت باليل والصبح
وماعليهوش اى تواجد امنى غير كمين على كوبري رشيد من ناحيه والنحيه التانيه كمين فى بدايه كفر الشيخ
بعدها فيه قسم شرطه جنب محطه المياه الجديده ونقطه اسعاف
وفيه كمين تانى على اول كوبرى البرلس تخصصه نقل بس
واتعمل فيه معسكر امن مركزى جديد بين بليطم وجمسه ب 14 كم من بليطم
واتحط رادار شبه ثابت يوميا ونش بيقف بعد كلابشةب 5 كم فى اتجاه جمصه

تعالوا بقى باليل
مافيش نمله هصصصصصصصصصصصص
والناس كلها خايفه من بعضها
وعلى فكره الى جروا ورا الراجل ومراتيه بالعصا دول مش حراميه
دول غفر على مزارع السمك الى بعد كوبرى البرلس وكانوا فاكرينه بيسرق
او بيعمل اى حاجه فى العربيه مخدرات او او او
الصبح كان بيقف كمين فى بلطيم الكمين ده بيبات باليل فى معسكر الامن بتاع جمصه
الكمين ده كان فيه امين شرطه اسمه محمد كان بقى بيعمل ايه اسمعوا
هوا عارف ان الناس الى على الطريق ده راجعه من بورسعيد محمله او رايحه ممونه فلوس
او ناس رايحه تصيف فى جمصه او بلطيم
يوقف العربيات الغريبه ويكلم نفسه فى الجهاز الموتورولا ويقول لك رادار
ترد عليه رادار ايه يقول لكاركن على جنب قدام ويججى لك بنفسه ويقول لك معلش انا حاسامحك بس نفطر طبعا او نتغذى او نتعشى
وبس تقوم سيادتك تمشى متنفض من 10 الى 50 حسب نوع الفطار الى انتى شايفه
انا بقى قال لى اول مره بس حضرتك تتفضل معايا نفطر سوا بس ونكشف على سيادتك
رديت عليه ومالوا يالا بينا هوا انا ورايا ايه
قام جه زميله وغير الموضوع ولم الدور والعمليه ماشيه كده
على فكره الولا ده تقريبا اترفد
الكلام ده علشان بس الناس ماتخافش من الطريق ده
وربنا معاكم فى السفر باليل او بالنهار المهم انك ماتقفش ولا تركب حد معاك لا مللكى ولا مييرى طبعا ولا نسسسسسوااااااااان
بطلوا بقى ...................
نرجع لمرجعنا الاصللى الوش الجلد بتاع العربيه دى علشان اناموس بيتباع فين

[vampero]

انا 3m على عربيتى هنا فى الخليج عشان الكلام ده وبصراحه تحفه. يقعد 5 سنين تشيله تلاقى العربيه لسه جديده.مركب الفيام الشفاف من

ClearMask Automotive Paint Protection And Headlight Protection Film - Auto Clear Bra - Scotchgard Protector - Headlight Covers

انا مركبه على الفانتازيا........

[ZALABANY]

العربيات اللي بتيجي من الخليج بيعملوا حاجه اسمها تغبيره على وش العربية من قدام هي ماده كده بتترش او تتدهن على العربيه عامله زي الجبس لونها بني فاتح كده بحطوها على صاج العربية في السفريات الطويله عشان الرمله اللي ممكن تخدش الصاج بس مش عارف موجوده في مصر ولا لا
ودي بتروح اول ما تتغسل على طول

[mohfud]

أبعد عن النقل والاوتوبيسات وغنلهم

[medo666]

في الخليج بيستعملوا البريل او سبراي تغبير وبيروح بعد الغسيل علي طول

[Sharky]

الوش الجلد الاسود اللى بيتركب على مقدمة السيارة دا ممكن يكون بيتباع فين ؟؟

[M.ABDEEN]

العربيات اللي بتيجي من الخليج بيعملوا حاجه اسمها تغبيره على وش العربية من قدام هي ماده كده بتترش او تتدهن على العربيه عامله زي الجبس لونها بني فاتح كده بحطوها على صاج العربية في السفريات الطويله عشان الرمله اللي ممكن تخدش الصاج بس مش عارف موجوده في مصر ولا لا
ودي بتروح اول ما تتغسل على طول

اللي بيتعمل ده عبارة عن
يجيب صابون سائل ويرشه على الكبوت والرفارف وبعدين يرش شوية مياه ويبدا يرمي على الرفارف والكبوت رملة وتراب ومع العوامل الجوية بتنشف وتكون طبقة زي اللي حخضرتك بتقول عليها والغرض منها
1- عمل طبقة تمنع الاتربة والزلط من انها تعلم او تخدش
2- بيدي انطباع ان العربية دي شغالة مع محاربي الصحراء وبتاعة رالييات وسفاري !!!!!

[samirpop2]

انا بحكم شغلي الكتير في رحلات السفاري بدهن صابون فيري السائل وبعد الرحله ما تخلص بغسله كأن العربيه جديده مفيش سنفرة من الرمل ولا ناموس ولا اي حاجه

[A.Saad]

http://www.nilemotors.net/Nile/126338-a.html

[kono]

العربيات اللي بتيجي من الخليج بيعملوا حاجه اسمها تغبيره على وش العربية من قدام هي ماده كده بتترش او تتدهن على العربيه عامله زي الجبس لونها بني فاتح كده بحطوها على صاج العربية في السفريات الطويله عشان الرمله اللي ممكن تخدش الصاج بس مش عارف موجوده في مصر ولا لا
ودي بتروح اول ما تتغسل على طول

ده بشوفه على عربيات كتيييير

[omaroof]

الحلول الموجوده للسفر كتير هى
1- زى مامعظم الناس بتعمل بتدهن فيرى او صابون سائل وده ارخص حل (عيبه بيأثر مع الوقت على لون بوية العربيه لامه يعتبر كيميكال)
2- التغبير وده زى مابعض الاخوة قالو عباره عن اسبرى بيترش على كبوت العربيه والقوائم وحولين صاج العجل ( عيبه مكلف ومحتاج كل مرة علبتين على الاقل)
3- الوش الجلد او المشمع وده كويس اوى بس عيبه لا يغطى قوائم البربيز وسعره عالى شويه بس لو بتسافر كتير يبقى ارخص حل لانك حاتستعمله كتير وفى الاخر بتوفر ثمن الحلول الاخرى كل مرة
وطبعا كلنا عارفين ان السفر على الطرق السريعه والرمال المتطايرة بتعمل زى سنفره فى بوية العربيه وبالتالى بتخرب البويه

[rocker]

انا بحكم شغلي الكتير في رحلات السفاري بدهن صابون فيري السائل وبعد الرحله ما تخلص بغسله كأن العربيه جديده مفيش سنفرة من الرمل ولا ناموس ولا اي حاجه

مشكور اخى