وأخرتها مع التاكســـــــــــــى !!

[دموع الثلج]

طيب تعرفي يا دموع اننا دلوقتي بقينا ندفع تمن زحمة الطرق؟.. لما آجي اتفق على الأجرة مع سواق تاكسي و استكتر اللي هو طالبه يقول لي الطرق كلها واقفة و انا طلعان عيني من الصبح :(

انا على اي حال بازود الأجرة لما الاقي الطرق منيلة كده كالعادة.. بس ساعات الواحد بيقع في سواقين عايزين الحرق في ميدان عام

بصى يا علا الموضوع على فكره مش بسيط


طب التاكسى العادى اهوه بنقول غلابه وهما يتولع فيهم بصراحه بس مش كلهم الحق

تعملى ايه طيب مع السيتى كااااااااااب بئه شوفى معاناتى :

اولا بتطلبى التاكسى بيتاخر عن المعاد نص ساعه وتقعدى تتصلى على السواق النص ساعه لحد ما يشرف
ثانيا لما توصلى المكان بالسلامه الطبيعى انك بتدفعى المكتوب على شاشه العداد اللى بيحصل لو كان المطلوب مثلا كسور يعنى 7 جنيه لو دفعتى 10 المحترم ميرجعش الباقى ولو كان المطلوب 10 ودفعتى عشره

يقولك البقشيش يالهوووووووووووى البيه عاوز بقشيش زياده على العداد

[fiatmomo]

المشاوير لحد 5 كيلو او 7 كيلو ... ( فى وسط القاهرة ) بسيب العربية واخودها مشى ...
نادر جدا جدا جدا لما بركب تكاسيات ,اخر مره ركبت كان من 6 شهور تقريبا ( تاكسى العاصمة ) و ركبتة مضطر لان خرطوم المية اتقطع وركنت العربية وروحت بالتاكسى لغاية البيت ..... اه افتكرت وركبت تاكسى تانى لما كنت بجيب جوانات للعربية ومساعدين .

يعنى من الاخر مش بركب تاكسى الا لما العربية تعطل ( ربنا يستر ) . ولو مشوار فى وسط البلد ... بستعمل طاقتى البشرية حفاظا على طاقتى العقلية والفكريه

[OlaOsman]

بصى يا علا الموضوع على فكره مش بسيط


طب التاكسى العادى اهوه بنقول غلابه وهما يتولع فيهم بصراحه بس مش كلهم الحق

تعملى ايه طيب مع السيتى كااااااااااب بئه شوفى معاناتى :

اولا بتطلبى التاكسى بيتاخر عن المعاد نص ساعه وتقعدى تتصلى على السواق النص ساعه لحد ما يشرف
ثانيا لما توصلى المكان بالسلامه الطبيعى انك بتدفعى المكتوب على شاشه العداد اللى بيحصل لو كان المطلوب مثلا كسور يعنى 7 جنيه لو دفعتى 10 المحترم ميرجعش الباقى ولو كان المطلوب 10 ودفعتى عشره

يقولك البقشيش يالهوووووووووووى البيه عاوز بقشيش زياده على العداد

لا بأه ده استعباط

و ما اتصلتيش بالإدارة ليه تشتكي لهم؟ همه بياخدوا قليل أصلا عشان يطلبوا بقشيش كمان؟

[دموع الثلج]

يا ستى السواق مدنيش فرصه افكر اشتكى

قعد يحكى لى قصه حياته ومعاناته مع اداره الستى كاب

لان كل سواق له ريت معين لازم يعمله كل شهر ولو موصلش الريت ده بيتخصم من مرتبه الاساسى فبيقبض مرتبه ناقص غالبا لان الناس خايفه من السيتى كاب على اعتبار انه اغلى من التاكسى العادى فمحدش بيركب كثير تلاقيهم احيانا بيلفوا فى الشوارع يدور على زبون خليجى عشان يبقشش كويش ههههههههه


اضاافه لان نظام الاداره سيئ يعنى ممكن يدى للسواق الواحد فى اوردرين لمكانين المسافه بينهم ساعه ولازم يكون يكون فى نص ساعه واصل للزبون السواق بيكبر دماغه طبعا وبيوصل براحته يكون الزبون طقه وركب تاكسى عادى

[fady.bekatcho]

سواقين التاكسيات فى القاهرة بقوا عايزين الحرق اصلا

انا كنت بصيف فى مرسى مطروح السنة الى فاتت المفروض الاجرة 3 جنة كانوا بيطلبوا خمسة وحاقات فظيعة

دا حتى بتاع المكروباصات هناك بيزودا واتخانقنا مرة معاهم وكنا هنروح القسم وبلاوى من السواقين

ولا لما اجى اسافر من بنى سويف للقاهرة علشان الكلية

الاجرة اساسى ب 5.50

ساعات يقلوا 10
والنهاردة قالوا 12
وكل يوم بسعر جديد

[Ghamrawy]

يظهر ان مافيش فايدة و لازم نعمل فيهم زى الاعلان بتاع ميلودى :)

[Anti_virus_abdo]

انا بقيت كل ماركب تاكسى قاعد قلقان من اول الطريق لآخره هديله كام ، ولما يقف فى اشارة اقوم قايل خلاص هزودله نص جنيه او جنيه على اللى كنت هديهوله وهكذا .. موضوع كله قلق ..

طب انا مرة راكب تاكسى من جنينة مول لسيتى ستارز يعنى مفيش فردة كعب ، التاكسى شبه علبة الكبريت بالظبط انا كانت رجلى تقريبا مدلدله من الشباك ، اديته 2.5 ، لاقيته بيقولى ايه دة يا كابتن هات 5 جنيه ، والله لو كان قال هات نص جنيه .. جنييييييه ، كنت اقول ماشى لكن دة عاوز الضعف ابن ال .. ، رحت بصيتله كدة وقلتله 5 جنيه ؟ .. وفتحت الباب والله كان هيتخلع فى ايدى ورحت ماشى وسايبه ، وهو طبعا من ورا يا كابتن يا كابتن ومش معبره ، والأمن بتوع سيتى ستارز بصوا للسواق و ياللللله يا حاااااااااج اطلع ....

اتوقع إن لولا الأمن كان زمانه نزل ورايا وحدفنى بالكوريك ولا حاجة ..

بس بصراحه يا باشا 2.5 قليل
ده انا مره كنت رايح الكليه من مصطفي النحاس (هندسة المطريه) و كان عندي امتحان و ركبت معاه و كل حاجه و عمال يتكلم معايا السكه كلها علي ان الحاجات غليت و كده و انا فاهم انو بيلف و يدور عشان اديله اجره كويسه انا قلت شكله كده هيقرفني اديله 2 جنيه زياده و خلاص و اريح دماغي (هو المشوار اصلا 10 جنيه) بس راح في نص السكه كده و هو بيتكلم علي ارتفاع الاسعار و انها بتأثر في كل حاجه و كده قالي انا مثلا هاخد منك 25 جنيه في المشوار ده و انا مدايق انا من كتر ما مستغرب من الي قاله ضحكت قلت اكيد بيهزر رحت قلتله ما تخليها 30 احسن :D
قالي لا عشان انت شكلك ابن حلال بس و مش عارف ايه و كلام التسبيت ده حاخد 22 و معرفش اشمعنه الرقم ده اللي اختاره يعني رحت قلتله انت بتهزررررر و شديت معاه طبعا و من كتر الزعيق الي كان بيزعقه حسيت ان هو الي علي حق و انا الي غلطان :D بس راح منزلني عند نص السكه كده (بعد النزهه بشويه ) و كان عايز 10 جنيه طبعا انا مرضتش و بعد خناقه جامده و الناس اتلمت اديته ال 10 عشان اخلص و كان ورايه امتحان و خدها و برضه اعد يزعق و يدعي و حاجه زباله يعني و ركبت تاكسي تاني و خد 6 جنيه لغايت الكليه و حليت حلو في الامتحان الحمد لله :)
اسف علي التطويل بس لما شفت الموضوع افتكرت الراجل المجنون ده :@

[ahmed1981]

الحقيقة أن عندي إحساس عميق بل وظن أكيد أن الحكومة لا تريد حل مشكلة التاكسي
طبعاً المقصود هو التاكسي القديم وليس تاكسي السهرة .. أقصد تاكسي العاصمة

أنا متأكد من أن الحكومة لاتريد إصلاح حالة
وما يزيد تأكدي أن حل هذه المشكلة سهل جداً وخطواته بسيطة ورغم ذلك يتم تجاهلة
وحتى لو الحل صعب لماذا لا نرى أي قرارات أو تفكير وتحرك للحل

بل بالعكس نجد قرارات تزيد الطين بله مثل قرار محافظ القاهرة بمنع أصحاب السيارات التاكسي المتهالكة بتبديلها بسيارات جديدة وبيع القديمة ملاكي أو تكهينها
وبالتأكيد السبب معروف لمصالح عامة وخاصة طبعاً

والحقيقة أنا أرسلت تساؤل للحكومة عن مشاكل التاكسي القديم (على موقع الحكومة وموقع محافظة القاهرة وجميع الصحف الحكومية)
وجاءني الرد على الإيميل بعد شهرين تقريباً بكلام واضح وملخصه :
(هناك مشروع مستقبلي لحل هذه المشاكل)
يا فرحتي فيه أمل يعني وربنا يدينا ويديكم طول العمر

[OlaOsman]

الحقيقة أن عندي إحساس عميق بل وظن أكيد أن الحكومة لا تريد حل مشكلة التاكسي
طبعاً المقصود هو التاكسي القديم وليس تاكسي السهرة .. أقصد تاكسي العاصمة

أنا متأكد من أن الحكومة لاتريد إصلاح حالة
وما يزيد تأكدي أن حل هذه المشكلة سهل جداً وخطواته بسيطة ورغم ذلك يتم تجاهلة
وحتى لو الحل صعب لماذا لا نرى أي قرارات أو تفكير وتحرك للحل

بل بالعكس نجد قرارات تزيد الطين بله مثل قرار محافظ القاهرة بمنع أصحاب السيارات التاكسي المتهالكة بتبديلها بسيارات جديدة وبيع القديمة ملاكي أو تكهينها
وبالتأكيد السبب معروف لمصالح عامة وخاصة طبعاً

والحقيقة أنا أرسلت تساؤل للحكومة عن مشاكل التاكسي القديم (على موقع الحكومة وموقع محافظة القاهرة وجميع الصحف الحكومية)
وجاءني الرد على الإيميل بعد شهرين تقريباً بكلام واضح وملخصه :
(هناك مشروع مستقبلي لحل هذه المشاكل)
يا فرحتي فيه أمل يعني وربنا يدينا ويديكم طول العمر

فعلا يا احمد.. يعني أبسط حاجة انهم يرجعوا نظام العداد من تاني بس يطوروه عشان يواكب العصر.. ده لو فعلا عايزين يحلوا المشكلة.

بس انا لفت نظري إيجابيتك و انك ما اكتفتش بالشكوى بس.. و لفت نظري كمان انك جالك رد

[AhmedGen2]

بس بصراحه يا باشا 2.5 قليل

انا اصلى اول مرة اخد تاكس من جنينة لستارز ، فقدرت الحساب بالمسافة والوقت ، لاقيته دخل شمال فى يمين فى شمال فى مش عارف ايه كدة هوب لاقيت ستارز قدامى ، مشوار مخدش أكتر من 10 دقايق ، بس لما حكيت لواحد صاحبى ساكن هناك قالى المفروض 3.5 ، بس مش دى المشكلة انا اكتر واحد بكرمهم وربنا ، ولو كان قاللى هات جنيه او نص كمان كنت اديته وخلاص مش ناقصة فضايح قدام سيتى ستارز ، بس انا كنت ساعتها على أخرى من بتوع التكوسة والمشوار اللى قبليه كان الحيوان واخد منى 10 جنيه ، فلما دة قالك هات 5 جنيه ، قلت انتوا هتشتغلونى بقى يا ولاد ال .... طب ما تقول هات 10 احسن انت كمان ... مانا شكلى بيقول إنى حصالة ، وبعدين خاصة إنى مكنتش قاعد مرتاح ، انا عشان طويل فرجلى كات خلاص عند قفايا وقاعد طول الطريق مقرفص ولا كأنى راكب فزبة .... فرميتله ال 2.5 و خدت بعضى ونزلت ودى تقريبا اول مرة اعملها فى حياتى هههههه دايما كنت ياما افاصل معاه ياما اديله اللى عايزه ...

[dr.ayman]

السلام عليكم
احنا عندنا فى المنصورة المشوار المتوسط الوقتى ب 2 جنيه و لو فى زحمه الناس بتتحايل على التاكسى ب4 و 5 جنيه و مش بيرضى
انا بس كنت عاوز اقول نقطه انك حط نفسك مكانه هوا بيعمل خدمه هيا دى مصدر رزقه فا و انتا بتحسب المشوار بيكلف كذا جنيه شوف لو مثلا عمل عدد كذا مشوار فى اليوم هايكفيه ولا لا
انا عارف ان الموضوع صعب شويه انك انتا اللى بتدفع تعمل كدة بس للاسف دى وجهه النظر المقابله
و قيس على كده مثلا الدكاتره الدكتور بتروح له تعبان و هوا بس بيشوف حالتك و من اللى هوا ذاكره فى الكليه و بعد الكليه بيوصف العلاج و بتدفع اد كده
يعنى الدكتور انتا لو فكرت هتلاقيك بتدفع تمن تعبه طول سنين الكليه و الامتحانات و القرف اللى شافه لحد ما يفتح عياده
يعنى انتا و انتا بتفكر فى الفلوس اللى هاتدفعها بتكون بين نارين هوا من ناحيه و انتا من ناحيه
يا رب اكون وضحت وجهه نظرى اسف على الاطاله
بس الموضوع جه فى دماغى قبل كدة وانا بفكر الناس بتدفع ليه المبالغ الغربيه للدكاتره مثلا مع انه مش بيتعب قدام عنيهم

[Mido80]

انا بقي مافيش مشكلة معايا بالنسبة لركوب التاكسي لاني اول ما اركب معاة اعرفة اني ظابط شرطة وعليها يا عم، يفضل قلقان طول الطريق لحاد مانوصل المكان اللي انا عاوزة وبعدين اطلع لة 5 جنية اديهم لة ياخدهم وهو طاير من الفرح وساعات بيقولي "لالالا والله مش ممكن يا باشا" بس طبعا انا مش ممكن اظلمة؟ علي فكرة انا مش ظابط بس شطلي بيدي ظابط وباتصرف تماما زي ما اكون ظابط

[al_manara]

انا بقي مافيش مشكلة معايا بالنسبة لركوب التاكسي لاني اول ما اركب معاة اعرفة اني ظابط شرطة وعليها يا عم، يفضل قلقان طول الطريق لحاد مانوصل المكان اللي انا عاوزة وبعدين اطلع لة 5 جنية اديهم لة ياخدهم وهو طاير من الفرح وساعات بيقولي "لالالا والله مش ممكن يا باشا" بس طبعا انا مش ممكن اظلمة؟ علي فكرة انا مش ظابط بس شطلي بيدي ظابط وباتصرف تماما زي ما اكون ظابط

هههههههههه
الي بيعملوة في الناس بيطلع عليهم
فعلا التاكسي دلوقتي بقي مشكلة كبيرة العربيات بقت زبالة وعاوزين ياخدو اكتر من حقهم وتقريبا نادر جدا اما اشوف تاكسي مثلا عندة زجاج شغال غير باقي العربية الي مش نافع زي صفيحة الزبالة

[OlaOsman]

انا بقي مافيش مشكلة معايا بالنسبة لركوب التاكسي لاني اول ما اركب معاة اعرفة اني ظابط شرطة وعليها يا عم، يفضل قلقان طول الطريق لحاد مانوصل المكان اللي انا عاوزة وبعدين اطلع لة 5 جنية اديهم لة ياخدهم وهو طاير من الفرح وساعات بيقولي "لالالا والله مش ممكن يا باشا" بس طبعا انا مش ممكن اظلمة؟ علي فكرة انا مش ظابط بس شطلي بيدي ظابط وباتصرف تماما زي ما اكون ظابط

و الخمسة جنيه دي لكل المشاوير و لا ايه؟

[Xpert]

هعهعهع .. انا امبارح كنت في الحرفين (مش امبارح السبت برضه