الحماية من السرقة - منكم نستفيد

[Dojuar]

كذا موضوع قريتهم عن سرقة السيارات اليومين دول

والواحد لو كان راكن جمب بيته أو شغله مش ممكن هيعين حارس عليها

ايه هيا الطرق اللي تخلي السارق حتى لو عرف يدخل العربية ميعرفش يطلع بيها و يصاب باليأس بسرعة؟؟

وفي نفس الوقت تكون عملية - بسيطة -غير مكلفة

في انتظار اقتراحاتكم

[أبو_يوسف]

اسمح لي اشارك برابط لموضوع كنت عامله من فترة
http://www.nilemotors.net/Nile/167905-a.html

[abo_hosni]

الحرامي هيسرق عربية لو:
1- بداخلها حاجات مغرية و لو كانت كيس شيبسي
2- لم يجد عقبات تحول بينه و بين السرقة

يبقى الحماية من كذا جانب و أنا هاتكلم عن اللي باعمله:
1- إياك، إياك ثم إياك تسيب حاجة مغرية للحرامي -و لو كانت غير ذات قيمة- داخل السيارة، مثل نظارة شمس، موبايل، لابتوب، شنطة أياً كان نوعها و شكلها، الكاسيت حتى لعب الأطفال
طيب لو اضطرتك الظروف لوجود شئ من هذا القبيل معك في السيارة، أنا هاقول لك باعمل إيه: يستحيل أسيبه في العربية، ما تفكرش تحطه في مكان بعيد عن العين زي مقدمة الدواسة أو تحت الكنبة، طيب يستحيل كمان أشيله من الصالون و أحطه في الشنطة. لأن الشارع مليء بالعيون اللي بيشوفك بتعمل إيه و هيعرف أنك حطيت حاجة مهمة في الشنطة. و النتيجة هترجع تلاقي زجاج الباب مكسور و العربية مسروقة أو الشنطة اتسرقت أو فيها علامات و خدوش من محاولة السرقة
يبقى الحل أنك تاخد الحاجة دي معاك و تخللي العربية فلة و فاضية من جوه
لو الكاسيت عندك له وش اخلعه و خده معاك و انت طالع أو حطه في درج التابلوه من غير ما تلفت النظر

2- زرع المعوقات أمام الحرامي، كل ما الحرامي شاف معوقات أكثر كل ما صرف نظر عن العربية خالص، المعوقات اللي عندي و بعضها ظاهر و بعضها لأ
1- لمبة جهاز الإنذار
2- قفل بين الدركسيون و الدبرياج، و فيه منه حول الدركسيون فقط
3- مفتاح يعمله الكهربائي لفصل البوبينة و تركبه في مكان سري تكون انت بس اللي عارفه، و ابقى قابلني لو دور العربية

3- يفضل عدم استخدام الغطاء و ترك السيارة في مكان غير مظلم و عليه حركة

[Dojuar]

طب و ايه رأيكم في قفل الطارة بالطريقة العادية؟؟

يعني اشيل المفتاح من الكونتاكت و بعدين احرك الدركسيون لغاية اما يقفش

[د.محمود صلاح]

اعمل اللي عليك واستودعها الله ..

الإنذار , المكان المناسب للركن , الإشتراك في جراج , السايس اللي ماليين الشوارع لهم مهمة حراسة العربية , عدم ترك أي شيئ مغري للسرقة , ,,,الخ

[M.Radwan]

اشتري عربية يكون فيها ايموبلايزر،

[N.a.j.d]

هوا الاحسن انه تقفل التاره وبكدا مش حتتحرك العربيه خاالص

[Mostafa.Mahran]

هو فى نقطتين
1-سرقة العربية
2-سرقة شىء من العربية

سرقة العربية
-تركب قفل حديد على الدريكسيون
-مفتاح فصل الموبينا
-الايموبلايزر بالنسبة للعربيات الحديثة

سرقة شىء من العربية
-الانذار
-العربية متتركنش فى مكان بعيد و نائى
-ميكنش فى العربية اى شىء ملفت للنظر(كاسيت-شنطة-نظارة-ولا اى حاجة لان والله مرة عربية صاحبى الزجاج اتكسر علشان يتاخد منها علبة سجاير)
وفى الاول و الاخر ربنا هو الى بيستر

[N.a.j.d]

لا حول ولا قوه الا بالله
كمان عمل كدا عشان ياخد علبة السجاير!!!!!!!!!1
هههههه

[Mostafa.Mahran]

لا حول ولا قوه الا بالله
كمان عمل كدا عشان ياخد علبة السجاير!!!!!!!!!1
هههههه

بس خلى بالك دى كانت مارلبورو احمر مش اى حاجة يعنى

[N.a.j.d]

هههههههههه عشان كدا سرقها

[A.Saad]

حط الحاجة فى الشنطة قبل ما تروح المكان اللى هتقف فيه علشان ما تبنش هناك انك شايل حاجة فى الشنطة

[cOrn]

فى حاجة عاملة زى العصاية كدة بتشبك بين دواسة الدبرياج وطارة الدركسيون وبتتقفل بأرقام زى الخزنة و استحالة حرامى يحاول يفتح عربية محطوطة فيها العصاية دية حتى لو انت سايب الارقام الصحيحة و بكدة تبقى ضحكت على الحرامى هههههه و

[amr100]

الحرامي هيسرق عربية لو:
1- بداخلها حاجات مغرية و لو كانت كيس شيبسي
2- لم يجد عقبات تحول بينه و بين السرقة

يبقى الحماية من كذا جانب و أنا هاتكلم عن اللي باعمله:
1- إياك، إياك ثم إياك تسيب حاجة مغرية للحرامي -و لو كانت غير ذات قيمة- داخل السيارة، مثل نظارة شمس، موبايل، لابتوب، شنطة أياً كان نوعها و شكلها، الكاسيت حتى لعب الأطفال
طيب لو اضطرتك الظروف لوجود شئ من هذا القبيل معك في السيارة، أنا هاقول لك باعمل إيه: يستحيل أسيبه في العربية، ما تفكرش تحطه في مكان بعيد عن العين زي مقدمة الدواسة أو تحت الكنبة، طيب يستحيل كمان أشيله من الصالون و أحطه في الشنطة. لأن الشارع مليء بالعيون اللي بيشوفك بتعمل إيه و هيعرف أنك حطيت حاجة مهمة في الشنطة. و النتيجة هترجع تلاقي زجاج الباب مكسور و العربية مسروقة أو الشنطة اتسرقت أو فيها علامات و خدوش من محاولة السرقة
يبقى الحل أنك تاخد الحاجة دي معاك و تخللي العربية فلة و فاضية من جوه
لو الكاسيت عندك له وش اخلعه و خده معاك و انت طالع أو حطه في درج التابلوه من غير ما تلفت النظر

2- زرع المعوقات أمام الحرامي، كل ما الحرامي شاف معوقات أكثر كل ما صرف نظر عن العربية خالص، المعوقات اللي عندي و بعضها ظاهر و بعضها لأ
1- لمبة جهاز الإنذار
2- قفل بين الدركسيون و الدبرياج، و فيه منه حول الدركسيون فقط
3- مفتاح يعمله الكهربائي لفصل البوبينة و تركبه في مكان سري تكون انت بس اللي عارفه، و ابقى قابلني لو دور العربية

3- يفضل عدم استخدام الغطاء و ترك السيارة في مكان غير مظلم و عليه حركة

انا لسه كاسيت العربية مسروق مني الاسبوع اللي فات وراكن العربية في شارع عمومي والاجمل في اليوم ده كان المحافظ موجود بيتفد سير العمل في تركيب الغاز الطبيعي وعربيات المحافظة والمرور راكنة لكن اقول الحمد لله على كل شيئ وانا باعترف ان عندي اهمال لاني ما شلتش وش الكاسيت