تم كسر زجاج السياره وسرقة اللابتوب

[mrwho1982]

اللي هايشيل لاب توب في العربية يشيلو في شنطة السيارة

وخلو بالكم في حركة جديدة اتنين يعملو نفسهم بيتخانقو قدام العربية ويجي واحد حلو لو انت حاطوجنبك او في الكنبة اللي ورا

وبالسلامة يا جنتل

خالو بالكم وربنا يستر

[bakkarahmed]

ربنا يعوض عليك خير...
المشكله ان السرقه دلوقتي بتكون علني ومحدش بيفتح بقه علشان الناس دي بتبقي مبرشمه ومعاها سلاح ومستبيعين
ربنا هو الستار وحسبي الله

[pro_samir]

لسة حاصله انهارده مع شريكي في الشغل كان تعبان و كسل يودي العربيه الجراش ركن قدام البيت ونسي علي الكنبه ورا اكتر من لابتوب بكراتينهم :s واحد كسر الإزاز بس الناس شافوه وملحقش يسرقهم الحمد لله

[هيثم]

جرب تبلغ اداره المستشفى
واظن انك هتسمع منهم انها مش اول حادثه تحصل بالشكل ده
و لو ده كان ردهم
قدم بلاغ فى الجماعه بتوع الامن

[ahmedsamir79]

ربنا يعوضك خير عن الى اتسرق

[M.Mosaad]

الحمد لله علي كل حال و ربنا يعوضك إن شاء الله

بس انا مش عارف كمان 10 سنين مثلا هيبقي ايه حال البلد الواحد هيبقي بيفتح باب شقته و يبص يمين و شمال فبلها و لا ايه ربنا يستر

[م. عصام مهنى]

ربنا يعوض عليك
البلد معرفش مالها لا امن ولا امان
طيب الناس هتعمل ايه
واية حالة اللامبالاة دى
اكيد بتاع الامن شافه بس قالك وانا مالى

ربنا يستر

[rocker]

بص ربنا يعوض عليك
بس لازم تبلغ فى قسم الشرطه الى تبغه المنطقه دى ليه ؟
لان ضابط المباحث حياخد المحضر من المعاون ولما تكتر المحاضر المفتوحه دى لازم تتقفل
يقوم الراجل طالع ماسك شويه عيال من المنطقه وهما معروفين له
ويقوموا علشان يتقوا الشر يجيبوا الولا الى عمل كده
او يلموا الدور شويه
فلازم سيادتك تبلغ وماتتهاونش بالبلاغ
وعلى فكره
اعذروا ضابط المباحث ومعاونيه العمليه مش سهله ابدا

[msfahim]

ربنا يعوض عليك

[nour3alanour]

ربنا يعوض عليك بأحسن من اللي راح منك ان شاء الله
بس فعلا رجاء انك لازم تبلغ حتي لو مش هيعملولك حاجة بس فعلا لما البلاغات منك ومن غيرك تكتر لازم هيتصرفوا فبلاش نقول مفيش داعي ولو ان بصراحة اهمال البوليس للحاجات اللي زي دي هو اللي خلا مصر تبقي بلد غير آمن تماما
دلوقتي مبقاش فيه اهتمام غير بحوادث القتل وبس!! وأي حاجة غير كده يقولولك احمد ربنا انك سليم!!

وعلي فكرة انا حتي وانا ماشية بالعربية لازم ابقي قافلة الابواب كلها من السنتر علشان محدش يفتح الباب من بره ويلطش شنطتي اللي بتبقي علي الكرسي جنبي او علي الكنبة وانا واقفة في اشارة ولا حاجة (وحصلت كذا مرة لناس أعرفهم)
بجد الدنيا مبقاش فيها امان خالص وحسبنا الله ونعم الوكيل في اللي بيعمل كده

[age]

مصر بلد الامن هههههها

[masryxt]

علي فكرة ياجماعة المنطقة دي وما حولها نسبة السرقة بالنسبة للعربيات عالية بشكل مخيف

انا فية واحد قريبي اتسرق الجنوط اللي ناحية الرصيف في عز الظهر وواحد تاني الكاسيت واكر التكييف واحد تالت الشنطة وكان حاططها كمان في شنطة العربية مش في الصالون

فواضح المنطقة دي بالذات فيها قلق

[m_s_azzam]

خالى بالك ممكن يكون اللى سرقك ده مراقبك وشافك وانت بتظبط الحاجهو لان انا حاصلى نفس موضوعك و ربنا يعوض عليك

[memo_p910]

شكرا لك مشاركاتكم وعلى فكره انا رحت عملت محضر في قسم مدينة نصر

[alisleman]

جرب تبلغ اداره المستشفى
واظن انك هتسمع منهم انها مش اول حادثه تحصل بالشكل ده
و لو ده كان ردهم
قدم بلاغ فى الجماعه بتوع الامن

هو دة الكلام المظبوط لان حاميها حراميها انا عاوز اقولك حضرتك بتقول ان غبت عن العربيه لمدة ساعه يعنى فى الساعة دى الناس مرحتيشى نامت ورجعت ولاتغير ورديه ولا غيرة مليون فى الميه ان الامن اللى سرقهم كلهم صحاب وبيدارو على بعض وبيع وقسمه لانك جرب تكون حرامى لمدة لحظه تفكير انتا ياحرامى هتفكر تسرق وتكسر زجاج عربيه قدام مستشفى وجنب الامن معتقدشى
اسف للاساءة بس انا حاسس ان دى حاجاتى اللى اتسرقت ان ممكن اى حد يكون فى موقفك