ايه رأيكم يا جماعه؟

[speed demon666]

السلام عليكم و رحمه الله و بركاته
كنت عايز اخد رأيكم في حاجه مهمه و ضروري انكم تساعدوني فيها
انا انشاء الله ناوي اشتري عربيه و جت في دماغي اني اشتري الشيفورليه الجيمي موديل تمانينات او الاول التسعينات , منها عربيه ناشفه جدا و تستحمل الطرق بتاعتنا و ديزل و واسعه في نفس الوقت و مش كبيره اوي ولا صغيره اوي يعني تنفع في جميع الظروف و في نفس الوقت سمعت ان اسعارها مش عاليا , لو في حد ممكن يفيدني اكون شاكر ليه جدا , ولو الفكره مش عجباه ممكن انه يفيدني باقتراح أو بديل عنها
و شكرا

[tarekkasaby]

بس قطع الغيار يا ترى متوفره و لا لأ و اسعارها ايه لازم تحط الموضوع ده فى دماغك و خصوصا انها موديل التمانينات
و استنى برده اراء الاخوه الاعضاء فى المنتدى

[hazem_khidr]

نفس كلام الاستاذ طارق.
شوف قطع الغيار الاول و مدي توافرها و اسعارها.
تاني حاجه ممكن تقولنا انت حدودك كام و نحاول نشوف عربيه في المبلغ المحدد.
لا انت مهما كان ماشي جوه البلد مش محتاج عربيه بالامكانيات دي الا لو شغلك في الصحرا مثلا

[Ghamrawy]

بص يا باشا لا اعتقد ان الموتور بتاع العربية دى كان بينزل ديزل اساسا ده اكيد راكبلها موتور عربية تانية و مع احترامى للصناعة الامريكية فالامريكان معمالوش موتور ديزل محترم لحد دلوقتى
اما بالنسبة للعربية فانا عندى قريبى هنا فى الاسكندرية عنده واحده من التمانينات موتورها 5800 سى سى V8 البلوك الصغير و فى منها البلوك الكبير بس نادر فى مصر و عربية ماشاء الله بس البنزين خرافى بدرجة غير طبيعية و غير كده لو ماشى فى شارع ضيق حاتجيب جناب العربيات اللى فى الشارع كله
اما عن قطع الغيار بالنسبة لموديلات التمانينات فهى نادرة و صعبة ،التسعينات معرفش بصراحة

[Ghamrawy]

فى حاجة احسن من كل ده تابع مزادات الجمارك اللى بتنزل فى الجرايد بيبقى فيها حاجات لقطة و اسعارها حلوة و موديلات جديدة

[speed demon666]

شكرا يا جماعه على سرعه الرد , هو مبدئيا بانسبه للموتور الجيمي هو في فعلا موتور ديزل منها (وعلى فكره من كل اومعظم انواع ال 4x4 الامريكي ) و انا جبت موديلات العربيه دي , اللي انا قصدي عليها مش الكبيره اوي لأ انا قصدي على الصغيره ( s-15) , بس بالنسبه لقطع الغيار بصراحه لسه مسألتش عليها و فعلا لسه محتار من ناحيتها , اما بانسبه لسعرها انا سمعت ان في منها بيكون في الثلاثينات , و انا حدودي بردو في نفس النطاق فقولت ان انا هدفع يعني هدفع طب أجيب حاجه ناشفه و في نفس الوقت فيها كماليات و بردو مش كبيره أوي يعني هي ممكن تكون في حجم الفرونتيرا تقريبا , و انا مش من النوع اللي بهلك العربيه فقولت ان العربيه مع استعمالي الخفيف نوعا ما هتعيش من غير مشاكل

هي دي فكرتي و أرجو ابداء الرأي لو في حاجه غلط


ممكن بردو تشوف تاريخ العربيه من خلال اللينك ده

http://en.wikipedia.org/wiki/Chevrolet_S-10_Blazer

[Dr_Mido]

وجهه نظرى المتاوضعه ان العربيه دى مش منتشرة فى مصر
انزل اسئل على قدع الغيار بتاعتها الاول و مين بيعرف يصلحها وشوف سعرها ولو كل دة مشى تمام اتكل على الله وهاتها ولو انى افضل موديل معروف فى مصر

[sherif80]

شوف قطع الغيار الاول و مدي توافرها و اسعارها.

+100000000000000000000000

دى اهم نقطة تفكر فيها قبل ما تفكر حتى فى السعر و امكانيات العربية خصوصا ان موديلها قديم.
للاسف فعلا ان فيه عربيات فى مصر على قد ما هى كويسة على قد ما تدوخك علشان قطع غيارها نادرة

[ahmedsiyam]

باشا نفذ فى العربية لسبب بسيط
هايتعملك الف حساب و موش هتلاقى واحديتغابى معاك من الرعاع امثال سائقى الميكروباص و التاكسى و طبعا هم كثرة و القلة محترمين
بس نصيحة لو جبتها بنزين حولها غاز طبيعى و فى ناس كتير عملت كده

[speed demon666]

+100000000000000000000000

دى اهم نقطة تفكر فيها قبل ما تفكر حتى فى السعر و امكانيات العربية خصوصا ان موديلها قديم.
للاسف فعلا ان فيه عربيات فى مصر على قد ما هى كويسة على قد ما تدوخك علشان قطع غيارها نادرة

وده فعلا اللي انا ناوي إن شاء الله اعملو النهارده نازل أشوف ايه وضع العربيه دي , هي بصراحه عربيه جامده و عجباني جدا بس اللي مخلين قلقان موضوع قطع الغيار , ربنا يسهل و نلاقي العمليه سهله

[speed demon666]

باشا نفذ فى العربية لسبب بسيط
هايتعملك الف حساب و موش هتلاقى واحديتغابى معاك من الرعاع امثال سائقى الميكروباص و التاكسى و طبعا هم كثرة و القلة محترمين
بس نصيحة لو جبتها بنزين حولها غاز طبيعى و فى ناس كتير عملت كده

و الله دي بردو أحد الاسباب اللي مخلياني أجيب العربيه دي , لان أكتر من مره واحد يستعفا عليا علشان عربيتي صغيره , فقولت مبدهاش نجيب دبابه علشان نوقف كل واحد عند حده ههههههههههههههههههه
و انا كده ولا كده يا أحمد باشا كنت ناوي أجبها ديزل حتى لو جه الموتور بنزين هبيعو و اجيب ديزل