عند نفس السعر تركب 1600 ولا 2000 سى سى

[Sameh]

حبيت أطرح السؤال الغريب ده نظراً لوجود عربيات 2000 سى سى دلوقتى فى الفئة السعرية بتاعت 1600 ، زى الشيرى 620 والبريليانس جالينا والهيونداى سوناتا ، وبتمثل إغراء كبير إنك تقتنى موتور 2000 سى سى زيرو فى مصر

أنا وجهة نظرى إنك لما تلاقى عربية 2000 سى سى بسعر عربية 1600 سى سى فى مصر ، ماتفرحش بالموتور الأكبر ، إفتكر فرق الجمارك الرهيب بين الإتنين (40% و 135%) غير فرق رسم التنمية والضريبة ، هتلاقى فى الآخر إن إنت إشتريت عربية رخيصة برة تمنها حوالى نص تمن العربية التانية ال 1600 ومع ذلك إنت إخترتها وإشترتها ودفعت كل السعر ده للحكومة وما أخدتش بيه جودة منتج ولا حاجة ، إنما ال 1600 اللى بنفس السعر : إنت إشتريت جودة بجزء أكبر من فلوسك

مثال:

ممكن تدفع 117 الف فى لانسر مقابل شوية فلوس راحت للحكومة والتجار وبباقى الفلوس منتج جيد (ثمن العربية برة)

وممكن تدفع 117 الف فى شيرى 620 عبارة عن جزء كبير أوى للحكومة (شريحة 2000 سى سى) وجزء للتجار والباقى (جزء أقل من بتاع لانسر) إشتريت بيه منتج أقل جودة (ثمن العربية برة) !!

ونفس المثال بين الجالينا والميجان مثلا - والسوناتا والأوكتافيا أو الجيتا

رأيكم إيه ؟

[fahd_628]

اشترى 1600 مضمون احسن من 2000 مش مضمون

[GoldenManEye]

فى ظل اللى إنت قلته وفى ظل اللى أنا شايفه فى البلد.

أشترى 1300 مش 1600 ! :)

[hazem_khidr]

حضرتك عنوان الموضوع مختلف عن الكلام اللي مكتوب.
يعني افتكرت هل بنفس التمن تركب ايه 1600 و لا 2000؟
انما حضرتك دخلت الجمارك و الضرايب في الموضوع.
بس عموما
ركوب المواتير الكبيره مافيش احسن منه لكن برضه يتحط علي عربيه محترمه .
يعني الاسبرانزا الكبيره دي محتاجه موتور اكبر من ال 2000 اللي فيها علشان تحس فعلا انك راكب عربيه.
انا بقي عن نفسي عندي اركب فيات 1000 سي سي و ما اركبش سبرانزا 2000 سي سي .
جوده العربيه اهم

[sab3aawy]

هو بس فيه اضافة بسيطة

ان العربيات المعروضة من فئة ال 2000 سى سى فى نفس الشر يحة السعرية بتاعه ال 1600 سى سى هى عربيات مجمعة محليا وبالتالى تخضع لنفس الشريحة الجمركية على المكونات،حيث ان جمارك مكونات السيارات المحلية لا تتأثر بالسعة اللترية، وسعر النيسان إكس تريل والشيوركى المجمعتان محليا اكبر دليل على ذلك،، لكن الواقع يقول ان السيارت ال 2000 سى سى اللى حضرتك ذكرتها من فئة جحم اكبر ، يعنى مثلا انت بتقارن السيارة سبيرانزا A620 او السيارة جالينا او السيارة سوناتا ، وكلها من فئة 470 سنتيمتر مقابل اللانسر والكورولا والأوكتافيا والميجان وهى سيارات من فئة 450 سنتى متر ، اى الفئة الأصغر، فالواقع انك هنا بتقارن حجم ومحرك اكبر واسم تجارى ذو قيمة اقل، مقابل حجم ومحرك كلاهما اصغر واسم تجارى ذو قيمة اعلى، يعنى الفرق هنا هو فرق الماركه مقابل الحجم والمحرك ، وليس فرق الجمارك والضرائب مقابل المحرك، لأن السيارات المستوردة 2000 سى سى سعرها بعيدا جدا عن الفئة دى (من اول 300 ألف وطالع)

[mina_ramsis]

اتكلمتوا عن الكفاءة و الجوده و الماركة و نسيتوا اهم حاجة و هى استهلاك البنزين اللى احتمال يغلى كمان
لو مكانك هشترى 1600

[memoz]

ماهو برضوا 2000 cc عن 1600 cc يفرق بس مش لدرجة الصيني
منا ممكن اجيب 2000 cc
100 حصان واجييب 1600cc 140 حصان يعني ال cc مش معيار برضوا لوحدوا

[محمد ابراهيم 1]

1600
لأنها حتكون أولا ماركه أحسن من ال 2000
ثانيا عشان البنزين

[ابوشريف]

خير الامور الوسط (1600)

[حماده عزو]

1600 علشان البنزين

[ehabradwan]

اخليني في المضمون و اجيب 1600

[Sameh]

التصحيح بتاع سبعاوى أول مرة أعرفه ومتشكر عليه ، يعنى السيارات اللى أكتر من 1600 سى سى و مجمعة فى مصر لا يتم التعامل معها جمركياً مثل باقى السيارات المستوردة بالكامل

إذن بعد الإضافة دى نقدر ننسب سعر ال 2000 سى سى المنخفض نسبياً للجمارك المخفضة عشان التجميع محلى + سعر مناسب برة ، مش مجرد إنها رخيصة أوى برة زى ما العبد لله إتكلم (بالبلدى ده يصب فى صالح ال 2000 وال 2400)

علاقة إسم الموضوع بالجمارك هى إننى قصدت أتكلم إن إزاى السعر متساوى برغم فرق الجمارك الكبير ، يعنى ده معناه إنى بشترى حاجة رخيصة أصلاً فالمفروض أبعد عنها وأروح للعربية اللى تمنها فيها مش كله للحكومة - ده كان قصدى يا حازم قبل إضافة سبعاوى

بس مازال السؤال مطروح برضه 2000 و 2400 صينى وكورى ولا 1600 أوروبى ويابانى !!

[sab3aawy]

عن نفسى لما اتحطيت فى الإختيار دة فضلت ال1600 اليابانى، يعنى كان ممكن مثلا اركب اسبرانزا A620 ،لكن انا فضلت الإسم ذو السمعة الأعلى لأن ده ينعكس على جودة المكونات والسمعة الجيدة لقطع الغيار والتصميم الماخوذ في اعتباراته خبرة 80 سنة

لكن بصراحة لو كانت الفئة اعلى شوية وكان قدامى السوناتا قصاد الكورولا مثلا، برضه السوناتا هتلوح دماغى شوية لأن اسم هيونداى حاليا اصبح اسم له وزنه وليس كما كان من 10 سنوات مثلا ،

عموما ولأن الشئ بالشئ يذكر ،ساعات فيه ماركات بتتباع وتنجح فى مصر اكثر من ماركات اعلى وبنفس السعر والمواصفات لأسباب قد تتعلق بسمعة التوكيل او اسعار قطع الغيار

وابسط مثال على ذلك السيارة الماتريكس والسيارة فولكس فاجن باراتى، والسيارة الماتيريا والسيارة الأفانزا، تقريبا كلهم فى فئات سعرية متقاربة وفئة حجم ومحرك واحدة تقريبا ، ومع كدة اقل اسم فيهم (هيونداى) هى اكثرهم مبيعا برغم ثقل اسماء المنافسين (تويوتا، دايهاتسو، فولكس فاجن)، حتى بعد ان انتقل تجميع السيارة الماتريكس الى تركيا لاتزال اكثر السيارات طلبا فى هذة الفئة فى مصر

[MMamdouh]

their is no replacment for bigger displacment

MMamdouh

[HRH_Sameh]

1600 عشان الضريبة والبنزين