لكل اللى بينسوا يربطو حزام الامان

[Car's Sniper]

بسبب تعليم القيادة السىء فى مصر وعدم وضع قواعد لمدربى القيادة
طلعنا بالفطرة مش متعودين على حزام الامان..وانا فاكر لما كنت آجى اربط الحزام كان المدرب يقولى بلاش الدنيا حر
فاتعودت على عدم ربط الحزام فترة لكن بعد كدة عرفت اهميته من كلام الناس ...بس بعد ايه
كل مرة آجى اركب العربية انسى اربطه واتعودت على لمبة الحزام منورة فمكنتش باخد بالى منها
لغاية ماجتلى كذا فكرة عشان مانساش
الاولى: العربية كانت جاية بتوكة فى الحزام كدة للشيكة والتوكة دى ممكن تثبتها فى اى مكان فى الحزام وبكدة تمنع انه يرجع لمكانه تانى ..فكنت لما آجى امشى الحزام يقعد يخبط فى القايم فافتكر اربطه
بس معرفش التوكة دى بتتجاب منين وهل موجودة فى مصر اساسا ولا لأ(عربيتى كانت استيراد معاقين)
الفكرة التانية :تربط حزام الكرسيين الاماميين حتى فى حالة عدم وجود ركاب...يعنى تربط الحزام بتاع الكرسيين عالفاضى...عشان لو ركبت العربية تحس بالحزام وتفتكره ولو ماحستش بيه فى كرسيك فحزام الكرسى اللى جمبك هايفكرك...وغير كدة بيدى العربية منظر جامد وهو مربوط عالفاضى كأنها عربية سباق متعدلة
واخيرا ربنا يبعد عنكوا شر الطرق المصرية

[nobody]

بس أنا مبقدرش أصلا أستحمل ألبس الحزام وأنا داخل على الكمين أول مابعدي من الضابط بشيله على طول لاعشان بيخنقني والحمد لله بلبسه بسرعه جدا قبل أي كمين

[Car's Sniper]

بس أنا مبقدرش أصلا أستحمل ألبس الحزام وأنا داخل على الكمين أول مابعدي من الضابط بشيله على طول لاعشان بيخنقني والحمد لله بلبسه بسرعه جدا قبل أي كمين

هههههههههههههههههههههههههههههههههههههههه
معظم الشعب بيلبس الحزام عشان اللجان...وعشان الحر تبقى تشده كل شوية بعيد عن جسمك او حركة من مكانه الملاصق لجسمك يعنى ترفعه لفوق سنة او تحت سنة

[yasserelsayad]

انا مش بعرف اسوق من غير الحزام بحس ان انا سايب كدا .. لازم حاجة تمسكنى فى الكرسى :)

[mobitic]

الحمد لله اتعودت عليه من بدرى
واللى مريحنى ان جسمى رفيع بالتالى مش بحس انه مضايقنى قوى
بس بصراحة فايدته كبيره جدا ياريت كلنا نلتزم بيه مش علشان اللجان وخلاص

[gazzar91]

على فكرة الحزام اللي الناس بتربطه علشان اللجان أنقذني (بعد ستر ربنا) من كسر في الظهر....
أنا نفسي أفهم الجزام بيخنق في ايه يعني؟؟؟ بيضايق في ايه؟؟؟ بيزعل الناس ليه؟؟؟
أنا الحمد لله متعود قبل ما أطلع على الطريق بربط الحزام...
أنا اتقلبت بالعربية و كان معايا واحد صاحبي و الحمد لله ولا واحد فينا جراله حاجة!! كل اللي حصل شوية تعب في الرقبة و الظهر من الـ Whiplash....

و لو محدش مصدقني يتفرج....




لو سمحتم يا جماعة أرجوكم اربطوا الحزام... "ذويكم بحاجة اليكم"!!!

ربنا يستر طريق الجميع..
في رعاية الله....

[Car's Sniper]

انا مش بعرف اسوق من غير الحزام بحس ان انا سايب كدا .. لازم حاجة تمسكنى فى الكرسى :)

انا لازم اخلى ركبتى كمان لازقة فى التابلوه...اينعم مابعرفش اطلع من العربية غير لما ارجع الكرسى ...بس فى نفس الوقت بحب اعمل كدة عشان احس ان انا والعربية كيان واحد

الحمد لله اتعودت عليه من بدرى
واللى مريحنى ان جسمى رفيع بالتالى مش بحس انه مضايقنى قوى
بس بصراحة فايدته كبيره جدا ياريت كلنا نلتزم بيه مش علشان اللجان وخلاص

طب خللى المرور تلغى مخالفة الحزام كدة وانت هتلاقى 99% من اللى كانوا بيلبسوه هايفكوه
دا فيه ناس بتحطه فوق جسمها من غير ماتربطه...باستغرب من الحركة دى اووووووووووووووى

على فكرة الحزام اللي الناس بتربطه علشان اللجان أنقذني (بعد ستر ربنا) من كسر في الظهر....
أنا نفسي أفهم الجزام بيخنق في ايه يعني؟؟؟ بيضايق في ايه؟؟؟ بيزعل الناس ليه؟؟؟
أنا الحمد لله متعود قبل ما أطلع على الطريق بربط الحزام...
أنا اتقلبت بالعربية و كان معايا واحد صاحبي و الحمد لله ولا واحد فينا جراله حاجة!! كل اللي حصل شوية تعب في الرقبة و الظهر من الـ Whiplash....

و لو محدش مصدقني يتفرج....




لو سمحتم يا جماعة أرجوكم اربطوا الحزام... "ذويكم بحاجة اليكم"!!!

ربنا يستر طريق الجميع..
في رعاية الله....

الف حمد لله على سلامتك ياحمد باشا وربنا يستر طريقنا جميعا

[م. عصام مهنى]

انا اتعود اول ما اركب العربية اربط الحزام على طول
الفكرة مش فى المرور
الموضوع سلامتك فى الاول والاخر
انا حتى ابنى 6 سنين لما يقعد جنبى اقولة اربط الحزام
اتعود اول ما يركب يربط الحزام لوحده

ربنا يسترها على الجميع

[wisambasha]

يعني احنا بنكره نلبس الحزم ونقول انه بيخنقنا

بينما في دول بيربطوا الحزام للناس اللي قاعدين ورا علي الكنبة الخلفية

وكل ده باختيارهم يعني عندهم وعي مش لازم القانون والغرامة تبقي وراهم بالكربااااااااااااااااج

اااااااااااااااااااااااااه يا مصرييين

[Ashraf_Ibrahim]

مبعرفش اسوق العربية بدون حزام
لما بركب العربية فيه حجات متتالية بعملها بتلقائية عشان انا عودت نفسي عليها قبل ماتحرك بالعربية
بقوم مشغل العربية
ابص على المرايات مظبوطة واللا محتاجة تتظبط
اربط حزامي
انزل فرامل اليد وانطلق

وربنا يستر على الجميع يارب

[ahmedsamir79]

انا لو مش لابس الحزام بحس إنه في حاجه غلط و انا سايق

[kar!m]

انا لو مش لابس الحزام بحس إنه في حاجه غلط و انا سايق

و أنا كمان .. بحس ان انا مش لابس هدومى

[Mody_Benz]

انا بصراحة اتعودت عليه خلاص
لازم لما انزل اركب العربية وطالع خلاص لازم احطه
بحس من غيره انى سايب وفى اللفات بحس ان جسمى بيتحرك وان محدش ماسكنى

[Car's Sniper]

افهم من كدة انى الوحيد اللى بينسى يربط الحزام

[noon_eg]

الحزام امان للركاب وانا حاكى لكم قصه سريعه

كنت راجع من مارينا سنه 2005 وكنت مش نايم كويس وكان ابنى ساعتها عمره 10 سنين وجالس قدام وزهق من الحزام واتخنق زى ما بتقولوا فلت له فك الحزام شويه

المهم وانا ماشى عند مدخل اسكندريه لقيت تريلا جيش شايله دبابه شكلها عجيب فسرحت لحظه وبصيت عليها واول ما رجعت ابص على الطريق لقيت عربيه هيونداى الكسيل بتهدى جامد لان قدامها عربيه سوزوكى ربع نقل بتعمل يو تيرن واللى قادمى فرمل جامد بس للاسف نور الفرامل مش شغال فحسيت انى داخل عليه بسرعه وكانت سرعتى 100 كم المهم مسكت فرامل جامد لقيت ابنى بدا يطير وحيخبط فى الزجاج الامامى معرفش ازاى ربنا هدانى لفكره - رحت شايل رجلى من الفرامل ومسكته بايدى ورجعت فرملت تانى المهم ملحقتش فخبطت فى العربيه اللى قدامى خبطه خفيفه ( لانه اول ما حس بانى بادخل فيه شال رجله من على الفرامل فعربيه جريت لقدام ) وده اللى انقذنا من موت محقق طبعا بعد تقدير ربنا لنا بالعمر