Tweet
دى وجهة نظر
السلام عليكم
أنا أولا بدعو لحوار هادف نستفيد منه وبلاش يقلب الموضوع كالعاده فى الاخر بخناق
والى يحس أنه هيقول حاجه تستفز أى حد يوفرها وميقلهاش أحسن حقناً للدماء :)
أنا عايز أتكلم بس فى حكايه "دى وجهة نظر" دى
يعنى هل ممكن أى حد يقول أي حاجه هو عايزها وفى الاخر يقول دى وجهة نظر
وتكون الكلمه دى حجاب بينى وبينه مقدرش أرد بعدها
لأن ببساطه دى وجهة نظر!
أنا مش بقول مفيش حاجه أسمها وجهة نظر
لكن مش فى كل شىء
مثلاً فى حقائق
مقدرش أقول أن وجهه نظرى أن الشمس بتطلع من المغرب
أو أن وجهه نظرى أن الموجب والسالب يتنافروا
ساعتها أبقى أكيد بتكلم غلط
ومينفعش أقول دى وجهة نظر
طيب
فى حاجات فى النص
أو بمعنى أصح مش عارفين هى حقيقه ولا لأ
دى بردو مش وجهة نظر
لأنها لازم يبقى البت فيها بحقائق وقائم على أجتهاد ولو تم دا مش هتبقى بردو وجهه نظر لأنها أعتمدت على بحث وأدله
فتحولت من حاجه مشكوك فى أمرها لحقيقه...من جديد مش وجهه نظر
وفى حاجات بقى فعلا وجهه نظر
وهى الى بتختلف من واحد للتانى
لأن كل الى فات دا ماشى علينا كلنا مهما أختلفت أذواقنا ولا أسلوب تفكيرنا غصبن عن الكل الشمس بتطلع من المشرق
لكن لما نتكلم عن شكل مثلا
أو طعم أو أحساس
حاجات زى دى بتختلف من أنسان لأخر
الى يعجبنى طعمه غيري قد ميعجبوش وتبقى ساعتها وجهه نظر لأن ربنا مخلقناش زى بعض فى الحته دى بالذات
وجهه النظر حاجه كدا زى الحصانه
تقدر بجد تستخدمها وتلجم الى قدامك بعدها لأنه لو عارض يبقى رجعى أو متزمت أو لا يقبل الرأى الاخر
وهنا يكمن الكنز
اه والله كنز
لأنى فعلا ممكن أستخدمها وقت محب مش بس كدا
لا كمان أتفرج على منظر الى قدامى وهو بيولع من جوه لأنه ميعرفش يتكلم بعدها
أحنا بقى بنستخدم "دى وجهة النظر" فى غير موضعها
علشان نقول الى أحنا عايزينه
وعارفين كويس أوى أن لو حد أتكلم وقال لأ دى مش وجهة نظر أو عارض يبقى هنقول عليه دا متحيز أو لا يقبل إلا رأيه
فى التخصص الى أحنا فيه بقى - السيارات
الكلمه دى كنز بكل ما فى الكلمه من معنى
وربما تستخدم فى مجالنا دا فى غير موضعها أكتر من غيره بكتير
فممكن تتكلم زى منت عايز عن أى عربيه وتقول زى متحب وفى الاخر دى وجهه نظر
وأفتح بقك لو تعرف
لأن هناك مبدأ عدم الاعتراض على وجهات النظر
الرأى والرأى الاخر
الكلام مفتوح للجميع وغير قاصر على ناس بعينهم
دى حقوق مكفوله للجميع لكن ذو حدين للأسف لأن من وراها شوفنا ناس بجد مينفعش تتكلم فى المجال دا أتكلموا فيه
وناس تانيه هو دا مجالها وساكتين أو تايهين وسط الناس التانين أو صوتهم مش باين وسط الغوغاء
أنا عايز نعيد التفكير فى "دى وجهه نظر"
مش أى حد يقول أى حاجه وفى الاخر يقول دى وجهه نظر علشان محدش يعترض عليه
لازم نعرف وجهه النظر من الكلام الصح من الكلام الغلط
وجهه النظر الى مربوطه بكلام غلط لازم بجد نتصدلها وميبقاش ليها مكان
والمفروض صاحبها لو عايز يفيد ويستفيد يبقى أحرص أنه يعرف إذا كان كلامه غلط ولا صح
مش يقول كلام غلط وهى كدا ودى وجهة نظرى!
كلامى مش مربوط بعربيتى على فكره
لأنى متأكد مليون فى الميه أن كل أقسام المنتدى بلا أستثناء المتخصصه منها وغيرها
بردو ملوثه بآفه "دى وجهه نظر"
أنا على فكره مش عارف الحل علشان مكدبش :)
بس أنا عن نفسى مش هقبل مجداا "دى وجهه نظر" فى غير موضعها
شكراً
أنا أولا بدعو لحوار هادف نستفيد منه وبلاش يقلب الموضوع كالعاده فى الاخر بخناق
والى يحس أنه هيقول حاجه تستفز أى حد يوفرها وميقلهاش أحسن حقناً للدماء :)
أنا عايز أتكلم بس فى حكايه "دى وجهة نظر" دى
يعنى هل ممكن أى حد يقول أي حاجه هو عايزها وفى الاخر يقول دى وجهة نظر
وتكون الكلمه دى حجاب بينى وبينه مقدرش أرد بعدها
لأن ببساطه دى وجهة نظر!
أنا مش بقول مفيش حاجه أسمها وجهة نظر
لكن مش فى كل شىء
مثلاً فى حقائق
مقدرش أقول أن وجهه نظرى أن الشمس بتطلع من المغرب
أو أن وجهه نظرى أن الموجب والسالب يتنافروا
ساعتها أبقى أكيد بتكلم غلط
ومينفعش أقول دى وجهة نظر
طيب
فى حاجات فى النص
أو بمعنى أصح مش عارفين هى حقيقه ولا لأ
دى بردو مش وجهة نظر
لأنها لازم يبقى البت فيها بحقائق وقائم على أجتهاد ولو تم دا مش هتبقى بردو وجهه نظر لأنها أعتمدت على بحث وأدله
فتحولت من حاجه مشكوك فى أمرها لحقيقه...من جديد مش وجهه نظر
وفى حاجات بقى فعلا وجهه نظر
وهى الى بتختلف من واحد للتانى
لأن كل الى فات دا ماشى علينا كلنا مهما أختلفت أذواقنا ولا أسلوب تفكيرنا غصبن عن الكل الشمس بتطلع من المشرق
لكن لما نتكلم عن شكل مثلا
أو طعم أو أحساس
حاجات زى دى بتختلف من أنسان لأخر
الى يعجبنى طعمه غيري قد ميعجبوش وتبقى ساعتها وجهه نظر لأن ربنا مخلقناش زى بعض فى الحته دى بالذات
وجهه النظر حاجه كدا زى الحصانه
تقدر بجد تستخدمها وتلجم الى قدامك بعدها لأنه لو عارض يبقى رجعى أو متزمت أو لا يقبل الرأى الاخر
وهنا يكمن الكنز
اه والله كنز
لأنى فعلا ممكن أستخدمها وقت محب مش بس كدا
لا كمان أتفرج على منظر الى قدامى وهو بيولع من جوه لأنه ميعرفش يتكلم بعدها
أحنا بقى بنستخدم "دى وجهة النظر" فى غير موضعها
علشان نقول الى أحنا عايزينه
وعارفين كويس أوى أن لو حد أتكلم وقال لأ دى مش وجهة نظر أو عارض يبقى هنقول عليه دا متحيز أو لا يقبل إلا رأيه
فى التخصص الى أحنا فيه بقى - السيارات
الكلمه دى كنز بكل ما فى الكلمه من معنى
وربما تستخدم فى مجالنا دا فى غير موضعها أكتر من غيره بكتير
فممكن تتكلم زى منت عايز عن أى عربيه وتقول زى متحب وفى الاخر دى وجهه نظر
وأفتح بقك لو تعرف
لأن هناك مبدأ عدم الاعتراض على وجهات النظر
الرأى والرأى الاخر
الكلام مفتوح للجميع وغير قاصر على ناس بعينهم
دى حقوق مكفوله للجميع لكن ذو حدين للأسف لأن من وراها شوفنا ناس بجد مينفعش تتكلم فى المجال دا أتكلموا فيه
وناس تانيه هو دا مجالها وساكتين أو تايهين وسط الناس التانين أو صوتهم مش باين وسط الغوغاء
أنا عايز نعيد التفكير فى "دى وجهه نظر"
مش أى حد يقول أى حاجه وفى الاخر يقول دى وجهه نظر علشان محدش يعترض عليه
لازم نعرف وجهه النظر من الكلام الصح من الكلام الغلط
وجهه النظر الى مربوطه بكلام غلط لازم بجد نتصدلها وميبقاش ليها مكان
والمفروض صاحبها لو عايز يفيد ويستفيد يبقى أحرص أنه يعرف إذا كان كلامه غلط ولا صح
مش يقول كلام غلط وهى كدا ودى وجهة نظرى!
كلامى مش مربوط بعربيتى على فكره
لأنى متأكد مليون فى الميه أن كل أقسام المنتدى بلا أستثناء المتخصصه منها وغيرها
بردو ملوثه بآفه "دى وجهه نظر"
أنا على فكره مش عارف الحل علشان مكدبش :)
بس أنا عن نفسى مش هقبل مجداا "دى وجهه نظر" فى غير موضعها
شكراً
Comment