فكرة بدل الرادار المتحرك والثابت

[Mzeid]

طيب انا عندي فكرة تانية ليه مادام السرعة عندنا أقصاها 120 العربيات عندنا متنزلش محددة السرعة عند 120 زي المانيا ما هي محدداها عند 250

[Car's Sniper]

طيب انا عندي فكرة تانية ليه مادام السرعة عندنا أقصاها 120 العربيات عندنا متنزلش محددة السرعة عند 120 زي المانيا ما هي محدداها عند 250

فكرت قبل كدة فى الفكرة دى بس على التريللات...ان المرور يحط ترس السرعة الاخير فى العربيات دى بحجم معين يمنعه انه يعدى ال90...بس كان رد سواق مكروباص كان شغال سواق نقل...ان تانى يوم الميكانيكية هايكونوا عرفوا حل ليها ويلغوها...
الشعب ده عايز فكرة معقدة ...

[Eng.Geo]

فكرة هايلة واللهِ مع بعض التعديلات طبعا ... ومحتاجة مجهود جابر هنا في مصر بالذات .. أنا انصحك واللهِ يا إما تطلع تبيع الفكرة دي بره بس طبعا بعد أما تسجيلها ببرائة اختراع هنا الأول وده طبعا بعد أما تقدمها عملي على نموذج سيارة حضرتك عادلت فيها عشان تبقى الفكرة من حقك

وعلى فكرة انصحك إنك تتفرج على فيلم i, robot (2004) عشان تشوف التكنولوجي عملت إيه في النهاية

انا في مشروع بعمله فعلا
العربية هتمشي بالهوا أو المجال المغناطيسي
وهدخل فيها الفكرة بتاعة الرادار
اتفرجت علي الفيلم أكيد
نفسي في الحتة الأودي :(

فكرة ممتازة بجد و فعلا لو اتعملت هترحمنا من القرف اللي احنا فيه

انا شايف انها سبب رئيسي في الحوادث .... غير طبعا الطرق السيئة ولكن هي الأساس

سبحان الله
نفس الفكره دي فكرت فيها من سنه بالظبط وعملتلها مخطط وطريقه تنفيذ بس مش فاضل غير انها تتنفذ علي عربيه حقيقيه
بس المشكله انه هل حد هيهتم بالموضوع ده وينفذه في مصر ولا لا
وبعدين خلي بالك ماينفعش تخليه يبعت اشاره عند سرعه معينه 90 مثلا لان عندنا كل طريق بتختلف سرعته عن الطريق التاني

توارد أفكار :)
الظاهر انك مقريتش الفكرة كويس

بمجرد دخولك المحور التشيب هياخد أشارة من الشبكة ويعرف منها ان أخر القانوني 90

انا قلت ان التشيب هتاخد الأشارة عن طريق رسالة قبل دخول الطريق ومنها تحدد سرعة الطريق القانونية
في طرق 60 وفي 90 وفي 120 حسب الطريق

في ألمانيا الفكرة دي مطبقه طبعا مش بالنص بس نفس الفكرة

الحقيقة انا أعرف ان في ألمانيا الرادار بياخد صورة لوشك وبيانات العربية كلها
انما تحديد السرعة ومكانك في الحارات ويبعتلك أخر الطريق كام ده مشوفتهاش

[Samir Elshahawy]

الشعب ده عايز فكرة معقدة ...

الفوضويين من هذا الشعب ماينفعش معاهم ألا حاجة واحدة ...

[Eng.Geo]

لالالالالالالالالالالالالالالالالالا أنسو الفكرة أنسو الفكرة
يا جدعان حد يمسح الموضوع ده !!!! :b4_237:الحقونا :pointiy2[2]:

يارب الحكومة ماتاخدش بالها ياااااااااااااا رب

بالعكس سيبها تطبقها وإحنا نلعب في الجهاز ونلغي وظيفته وبكده نجري براحتنا من غير ما نخاف من ردارات (ما هي هتتلغي بقى!!!)

عادي ليها حل برده
بمجرد ماتفك دايرته هيتعرف ويتبلغ في كل الدوريات زي العربيات المسروقة

الفكره دى شفتها من فتره متطبقه فعلا فى عربيات جهه معينه

بس كان النظام المتبع هو الجى بى اس

والاجهزه متصله على طول علشان تحدد مكان العربيات علشان الموظفين ميخرجوش عن خط السير وفى حاله الحوادث او المشاكل او الاعطال

وطبعا كانت بتتابع السرعه وبتدى تحذيرات بس كانت على سرعه ثابته

واللى يتخطاها بتعمل له ريبورت ولازم يحدد السبب وتبقى مشكله

ده التتبع
انت ممكن تعملها في الموبايل بس مش أي موبايل
هي الفكرة قريبة ولكن هل بتتغير بتغير الطريق ؟

الموضوع بذلك يصبح تجسس
المبالغة في التجسس على الناس يفسدهم
كلما زادت القيود عن الحد المعقول زاد الفساد

وسيظهر إختراع آخر بلحام غويشة من الألماس الصلب حول معصم كل مواطن بها شريحة لا يمكن إستخراجها حتى بلحام البلازما
ومن خلالها نراقم تحركات كل مخلوق لمنع السرقة والتزويغ وغيره

الرقابة لها حدود لو زادت عنه تفسد المجتمع

والكلمة المشهورة:
التجسس على الرعية يفسدهم
لا أدري إن كانت حديث أو قول مشهور

وبذلك أنا أرفض هذه الفكرة تماماً

هو أيه اللي زاد عن الرادار العادي ؟
تغطية أكبر وتحذير
خالف
هتدفع زي مالرادار هيصورك بالظبط
ولكن هو حضرتك عايز تذيد عن المسموح في الأماكن بين الرادارات ؟

[Eng.Geo]

انا عارف انها فكرة هتدايق ناس كتير
أولهم انا لو كان أتعمل من فترة
ولكن دلوقتي انا أول واحد برشحه

لا عادي خد راحتك والي يضايق يشرب من البحر
عايز أتكلم عن الرادار نفسه :
الرادار بيتحط في أماكن معينة عشان يصور اللي معدي القانوني
وعيبه انه مش مغطي كل المناطق ومش بيعرف ان كان ده نقل ولا توتوك
طاب انا فكرت شوية كدة ولقيت ان في حل أظرف شوية
ليه ميكونش الرادار في العربية نفسها
ولكن مش رادار بالمعني العادي
مش هيصور حاجة
الكلام كله هيبقي ماشي بشبكة الموبايل
مشيها gbs اوفر شويه وتغطيه اقمار صناعيه بتكون افضل
فكرة كويسة جدا
مفيش حتة في مصر مش متغطية بأشارة الموبايل
طيب هنتعاقد مع اي شركه اتصالات من ال 3شركات
اللي تختارها الحكومة
طاب هنستفيد أزاي ؟
مثلا المحور
انت ملاكي
هتقوم باعتة شركة الموبايل لتشيب عندك في كمبيوتر العربية ويكون تحت كل سرة من السرعات في العداد أضائة حمرا
بمجرد دخولك المحور التشيب هياخد أشارة من الشبكة ويعرف منها ان أخر القانوني 90

طيب مااحيانا البرج بيغطي مساحه فيها شوارع 90 وشوارع 60 مثلا انا في البدايه قلتلك ال gbs احسن

أيه المشكلة في شوارع 60 أو 90 ؟
علي العموم ال gps كويس بس هيبعت البيانات أزاي ؟
أعتقد هيحتاج شركة محمول برده
هيقوم منور عندك في العداد عند 90 الليمبة الحمرة
بمجرد ماتوصل ل 88 هتدي زمارة
وبعد الصفارة هيديك الفرصة انك تزود عن المسموح
أول ماتزيد عن 90 هيستني لحد أخر حاجة يوصل ليها العداد ويبعت بيها رسالة
وتتحط علي الملف بتاعك
انك زودت عن كذا

وممكن نحط رد الي يكون بذيء شويه ويشتم الي سايق ههههه

كان ممكن نحط دايرة تمنع استجابة العربية أكتر من القانوني
ولكن ممكن تحتاج الزيادة ده في تخطي مطلوب وفي الحالة ده يبقي خطر الديرة ده
ولكن ممكن نخلي الدايرة تقفل السرعة بعد القانوني ب 30 مثلا
عشان بعد كدة هيبقي ده زيادة من عندك انت وتهور وليس تخطي
في جزء كمان وهو ترتيب الحارات
هيتحط سينسور في جناب العربية بحيث يحدد بعدك عن الحواجز ومش هيبقي في مشكلة من العربيات حوالين العربية عشان لو السينسور خبط في حاجة ممكن يعرف ان كانت في سرعته أو حاجة ثابتة وبكدة يقدر يحدد ان كانت الحاجز أو عربية تانية
وكمان عملنا الجانبين عشان يلقط من الجانبين بحيث يكون مجموع المسافتين بيساوي عرض الشارع ناقص عرض العربية
عشان لو في عربية راكنة ميلقطهاش كحاجز

ونخلي كمان في رد بصوت الي لو عديت بجوار تكتك مثلا يرد عليك ويقولك جسم غريب يقترب هههه

وكمان لو عايز يخش شمال أو يمين لازم يدي أشارة وان مداش أشارة تعتبر كدة مخالفة
وبكدة عرفنا نرتب أماكن العربيات والمخالف هيتبعت برقمه رسالة

مشيها رنه وخلاص علشان التكلفه ماتذيدش واحتمال الحكومه ترفض الفكره

:)
ماهي مش sms :)
علي فكره موضوع السينسر اتعمل في bmw من التسعينات تخيل بقي وكانو عاوزين يخلوه علشان تحديد المسار بمعني لو انته ماشي في حاره هتفضل ماشي فيها لغايه ماتصحي من النوم في حاله انك تكون مفعل الخاصيه طبعا وطبعا كانو عاملين حساب المستشعرات تكون في الخطوط الي بتحدد الحارات وكمان كانو عاملين حساب حاجه شبه نفس فكره الرادار لمعرفه سرعه الجسم الي قدامك علشان امتي مايهدي العربيه بتاعتك تهدي وطبعا الفكره اتكنسلت علشان خطرها هيكون اكبر من نفعها وابسط عطل ان السنسرات الي في الارض تعطل وتكون انت معتمد عليها وتحصل حوادث

drive assistant
ده حاجة وده حاجة
السينسور لو باظ في ده بموت
انما لو باظ في حكاية الرادار هيبعت ريبورت ومش هيبقي في خطر
وبعدين انته لسه بتفكر في سنسرات وتشيبات موبيايل ولا gbs وبنيه تحتيه متقدرش عليها الدول العظمي طيب ماتفكر في الطرق البايظه الي مش لاقيه حد يسأل فيها وبدل العربيات ماتركب سينسرات خليهم علي الاقل يركبو اضائه خلفيه ولا يصلحو الاشارات ولا انوار الفرامل وطبعا ما اكثرهم والتكاتك برضه هيركبو سينسرات وتشبات موبيل ولا نعتبرهم خارج الحسبه وذي ما قلت في الاول لما تعدي جنب تكتك يرد عليك صوت الي ويقولك كائن مجهول يقترب ههههههههههههههه
لما نصلح من كله ونحط قيود هتنصلح كل حاجة
لما صاحب العربية يتلسع من تمن رادار هيمشي كويس
الطرق حلها بسيط جدا
الحكومة تعمل اللي عليها فقط
مش عايز أختراع ده
باين عليك بتشوف افلام خيال علمي كتير او بتقرا للدكتور نبيل فاروق سلسله ملف المستقبل
الفكرة محتاجة وقت وتخطيط و دراسة
أيه رأيكوا ؟

عادي خد وقتك وخطط براحتك ياكبير واحنا وراك
يا ريت لو في أي مقترحات
الفكرة غير منقولة

ولا يهمك حتي لو منقوله هنعتبرها منقوله للمصلحه والفائده العامه

فكرة متازة .. وبالفعل مطبقة لدى بعض الجهات بال gps

ال gps ممكن يساعد أكتر في تحديد سرعات الطريق ويبعتها لشركة المحمول انما مش هيعرف يحدد مكان العربية في الحارة

فكرة حلوة جدا يا جيو
بس قبل ما تفكر في مميزات الفكرة فكر في عيوبها الاول علشان تكون الفكرة مكتملة

طاب فكر معايا كدة في العيوب
أكيد في عيوب
لما فكرت كنت بفكر في مشاكل وحلول وبعدها فكرت في العيوب
يمكن أكبر عيب هو صعوبة تطبيقها

والله اكتر حاجه تجنن الواحد اما يتاخد رادار مثلاً عشان واحد ماشي فى الحاره الشمال تاته تاته المفروض الناس اللى بتمشي براحه زياده عن الازم دولة يتاخدوا مخالفات لانهم اخطر من البني ادم اللى بيجري وبيسببوا كوارث

اه كدة الناس بتفكر أهو
يبقي لازم زي ما في حد أقصي للسرعة في حارة معينة يبقي في حد أدني و أقل من كدة يبقي بأنار ثم مخالفة

فى تاكسيات دبى اول مايعدى السرعة بيجيله رسالة وهو سايق..بس ماعرفش ايه اللى حاطينه فى التاكسيات
فكرتك جامدة جدا وشاملة...بس مش فى دولة الحد الاقصى ليها سرعة 90..انا مابعترفش بالسرعة دى اساسا..المفروض مع تطور العربيات وزيادة الامان فيها يزودوها ل120
حاول بجد تسجلها كبراءة اختراع بس[overline]ابعد عن مصرررررر[/overline]..هتسجلها فى يوم ..اليوم التانى هاتتسرق
حاول تسجلها فى دولة علم محترمة زى السويد او كندا مثلا...مصر لااااااااااااااااااااااااااااااااااااااااااأ

طاب أزاي ؟

طيب انا عندي فكرة تانية ليه مادام السرعة عندنا أقصاها 120 العربيات عندنا متنزلش محددة السرعة عند 120 زي المانيا ما هي محدداها عند 250

عشان خطر جدا
ساعة التخطي بتبقي قاتلة
ممكن تبقي محتاج السرعة ده عشان انت في موقف يستدعي السرعة
ولو ماستجابتش العربية ممكن تؤدي لحادثة قاتلة
عشان كدة قلت ممكن نفكر في تحديد السرعة ده بعد القانوني ب 30
عشان نسيب فرصة للتخطي

فكرت قبل كدة فى الفكرة دى بس على التريللات...ان المرور يحط ترس السرعة الاخير فى العربيات دى بحجم معين يمنعه انه يعدى ال90...بس كان رد سواق مكروباص كان شغال سواق نقل...ان تانى يوم الميكانيكية هايكونوا عرفوا حل ليها ويلغوها...
الشعب ده عايز فكرة معقدة ...

مش ترس
ده دايرة كهربية بتتحط علي أي عربية
ولو أتفكت ممكن بتعت أشارة انها أتفكت والعربية تتطلب كعربية مسروقة
ويبقي حد يفكر يفكها بقي :)

[Car's Sniper]

طاب أزاي ؟

والدى شغال فى شركة مصرية سويدية مقرها الرئيسى فى السويد ومسجل 4 براءات باسمه وجنسيته المصرية
فى مجال (الميكروبيولوجى)ومسجل فى جمعية اسمها تقريبا الجمعية الملكية وده بعد التجارب الفعلية فى مصر والتأكد من نتايجها و الشركة اللى هو شغال فيها عرضت عليه شراء الفكرة واخذ نسبة من مكسب تحقيقها..مع ان لولا الشركة دى مكانش سجل حاجة
لكن فى مصر..جدى الله يرحمه سجل براءة اختراع (لانتاج فواكه بدون بذر وتضاعف قيمتها الغذائية) سنة 72 وبسم الله ماشاء الله الفكرة منتشرة فى العالم كله(اتسرقت) ومازالت سرقة الافكار موجودة حتى الان بمصر
فحاول على قد ماتقدر انك تشوف شركة متخصصة فى السيارات وتكون ليها علاقة بدول العلم واكيد هاتلاقى
وعلى ما اظن ان لازم تكون عملت التجربة دى على ارض الواقع او تخلى حد (شركة مثلا) يتبناك وده اللى يستحسن ماتعملوش فى مصر
وربنا يوفقك ان شاء الله فى فكرتك دى