Over drive

[ahmedmohamed7]

شكرا جزيلا على الرد و كلامك مفهوم طبعا

بس ايهم افضل اشغل الوفر درايف ولا لأ او امتى اشغلوا و امتى لأ ؟؟

معلش معلوماتي ضايعة و فهمي بسيط في الموضوع دا

الى اعرفه ان غلق الاوفردريف....يعنى اللمبة تبقى منورة فى التابلوه ده يساعد فى تحسين و تقليل استهلاك البنزين.....ديه اكيد ان شاء الله

وجهة نظرى بقى ان على الطريق السريع و المفتوح من الافضل تشغيل الاوفر دريف_يعنى اللمية تطفى_ علشان الموتور يبقى مرتاح و عدد لفاته تبقى اقل و الله اعلم بقى من الكلام ده :)

[Donzi]

الى اعرفه ان غلق الاوفردريف....يعنى اللمبة تبقى منورة فى التابلوه ده يساعد فى تحسين و تقليل استهلاك البنزين.....ديه اكيد ان شاء الله

وجهة نظرى بقى ان على الطريق السريع و المفتوح من الافضل تشغيل الاوفر دريف_يعنى اللمية تطفى_ علشان الموتور يبقى مرتاح و عدد لفاته تبقى اقل و الله اعلم بقى من الكلام ده :)

و انا اقول العربية بتاكل بنزين لييييييييييييييييه اتاريني مشغلة الاوفر درايف عمال على بطال

جزاك الله خيرا بجد

[Ahmod]

الأوفر درايف ببساطة معناها سواء يالنسبة للسيارة المانيوال او الأوتوماتيك هى النقلة العالية، يعنى نقلة الخامس فى السيارة المانيوال اسمها اوفر داريف واعلى غيار داخل جير بوكس السيارة الاوتوماتيك والذى عادة يكون الرابع يسمى اوفر درايف

يعن انت لو راكب سيارة مانيوال ونقلت على الخامس يبقى انت اسمك سايق اوفر درايف، وسبب التسمية اوفر درايف ان الخامس فى السيارات اليدوية بيكون النقلة الوحيدة اللى الفتيس مش بيخفض فيها سرعة المحرك لكن بيعليها ، يعنى مثلا ممكن تلاقى نسب تخفيض الفتيس اليدوى كالآتى: الأول 1 الى 4 يعنى كل ما الموتور يلف اربع لفات عمود خرج الفتيس يلف لفة واحدة، التانى 1 الى 3 مثلا، الثالت 1 الى 1.5 ، الرابع 1 الى 1 لكن الخامس مثلا بيكون 1.25 الى واحد يعنى خرج الفتيس يلف اسرع من الموتور ، ونفس الحال بالنسبة للرابع بتاع الفتيس الأوتوماتيك

فيه نوعين من شكل الحارات بتاعة عصاية الفتيس الأوتوماتيك، فى نوع عبارة عن 4 حارات امامية (1,2,D3,D) وحارة N وحارة R وحارة P زى اللانسر واللانوس مثلا،ونوع آخر فيه 3 حارات امامية فقط وزرار اوفر درايف زى الصنى

الحارة 1 او ساعات بيكون اسمها L وظيفتها فى النوعين ان الجير الأوتوماتيك يفضل على الأولانى بس وماينقلش منه

الحارة 2 فى النوعين وظيفتها انها تخلى الفتيس ينقل بين الغيارين الأول والثانى بس

الحارة D3 فى النوع الاول تقابل استخدام الحارة D مع إغلاق زرار الأوفر داريف فى النوع الثانى، يعنى تكون لمبة الأوفر درايف فى التابلوه منورة،وهذا الوضع يسمح للفتيس الأوتوماتيك انه يغير بين الأول والثانى والثالت فقط ولا لسمح له انه يروح للرابع(ملحوظة هامة جدا: لمبة الأوفر درايف اللى فى التابلوه بتنور لما يكون زرار الأوفردرايف مقفول وليس مفتوح ، وحتى تلاقىى اللمة اللى فى التابلوه مكتوب عليها o/d off، معنى ان اللمبة مضاءه ان السيارة غير مسموح لها تنقل على الرابع)

الحارة D فى النوع الأول تقابل الحارة D مع فتح زرار الأوفر درايف فى النوع التانى(لمبة الأوفر درايف مطفية) دى معناها ان الفتيس حر يغير بين الأربعة نقلات زى ما هو عايز حسب ظروف السرعة والطريق

نستنتج من كل هذا ان زرار الأوفر داريف فى السيارات المزودة به هو بديل الحارة الرابعة فى السيارات الغير مزودة به ووظيفته السماح للجير بوكس انه يستعمل النقله الرابعة او منعه من ذلك

لا علاقة نهائيا لموضوع الأوفر درايف بما تفعله بدواسة البنزين، اللى انت بتعمله لما تكبس على دواسة البنزين اسمه كيك داونkick down وليس اوفر درايف، الكيك داون بيخلى العربية تنقل من ايه نقلة الى النقلة السابقة لها ، يعن مثلا لو الجير بوكس واخد تالت وانت كبست هايروح نازل على التانى علشان يديلك عزم، ولو كان على الرابع هاينزل على التالت وهكذا

اللبس اللى بيحصل عند الناس هو ان بعض الناس لما بيدوس زرار الأوفر درايف ويكون الجير بوكس على الرابع في هذة اللحظة الزرار بينزل الجيربوكس اجباريا من الرابع للتالت لأن مع إغلاق الأوفرداريف لا يكون مسموح للفتيس باستعمال الرابع،وده هو نفس تأثير الكيك داون فالناس بتفتكر انهم نفس الحاجة، لكن لو ساعة استعمال زرار الاوفر درايف وكان اصلا الجير بوكس على التالت او التانى مثلا هنلاقى ان استعمال زرار الاوفر درايف معملش اى حاجة، كما ان مع الكيك داون العرية لما بتاخد سرعتها بترجع تنقل تناى للنقلة الأعلى لكن لو استعملت زرار الأوفر درايف فالعربية عمرها ما هاتاخد الرابع مهما جريت بيها حتى لو الRPM دخلت فى الزون الأحمر، غير لما ترجع تفتح زرار الأوفر درايف

فى جمل سريعة:
1- الأوفر درايف معناه اعلى نقلة فى السيارة سواء يدوية او اوتوماتيك
2-زرار الأوفر درايف فى السيارات الأوتوماتيك المزودة به هو بديل الحارة الرابعة فى السيارات الأوتوماتيك الغير مزودة به
3-وظيفة زرار الأوفر درايف السماح للجير بوكس او منعه من استعمال الغيار الرابع
4-الكيك داون عن طريق كبس دوراسة البنزين ينقل السيارة الى النقلة الأدنى لتجميع عزم للسيارة وحسن تصل الى سرعة عالية تعاود النقل الى النقل الأعلى
5-لمبة الأوفر درايف تضئ حين يكون الأوفر درايف مغلق وليس مفتوح، معنى ان اللمبة مضاءه ان السيارة غير مسموح لها تنقل على الرابع

كلام عشرة على عشرة ولا غبار عليه ماشاء الله عليك

لكن اسمحلي انا مش متفق مع حضرتك في بعض النقاط

بالنسبة لان الاوفر درايف مقتصر فقط على السماح للجير بوكس للوصول للنقلة الرابعة وان الاوفر درايف هو نفس ال D في العربيات اللى مش موجود فيها زرار اوفر درايف انا مش متفق مع حضرتك في النقطة دي

وفي نفس الوقت لو جبت الخامس وحرقت عليه بدون ماتسقط نقلة التسارع هيتأخر وهتبقى محتاج انك تسقط نقلة عشان تدي العربية العزم المناسب وتحقق اقصى تسارع ممكن

وسواء انت ماشي على وضع ال D العادي او ماشي على وضع ال Ds العربية هتنتقل للغيار الاعلى بدون مشاكل الا في حالة لو حضرتك حولت العربية للوضع المانويل وحددت الفتيس بنقلة معينة يتلزم بيها

اللى توصلتله من خلال بعض التجارب على عربيتي (ياريس اتوماتيك) وعربيات زمايلي (بعضها فيها نمط Ds بدون 3,2,1 زي الفكترا موديلات 2000 وبعضها فيها D بالاضافة لفتيس تيبترونيك زي السيراتو وبعضها فيها D بالاضافة لزرار اوفر درايف زي النيسان صني)

اللى توصلتله ان الاوفر درايف او مايسمى بوضع ال Ds مختلف تماما عن السواقة في وضع ال D

السواقة في وضع D دي السواقة العادية اللى كل الناس بتمشي عليها بحيث ان الجير بوكس بيسمح ان العربية تنقل من الاول للتاني والتالت والرابع هكذا وده بيعتمد على قوة الدوسة على البنزين كل ماتزيد دوستك على البنزين كل مايزيد التسارع ولو ماشي براحة بينقل بدري ممكن تبقى على ماشي على الرابع على سرعة 70 عشان يقلل استهلاك البنزين

وفي حالة الكيك داون بيسقط نقلة ويحرق عليها وبعدين ينقل للنقلة اللى بعديها

اما بالنسبة للاوفر درايف فده نظام عشان يدي العربيات الاتوماتيك نفس عزم وقوة العربيات المانويل

بمعنى انك لو ماشي على نمط ال D وعملت كيك داون وحرقت وال Rpm عند 4 سبت رجلك من على البنزين هتلاقي ان عداد ال Rpm نزل بشكل اتوماتيك ل 1 مرة تانية

وفي الدوسة التانية تلاقي العربية بدات من الاول وهتحتاج كيك داون تانية عشان العربية تجمع وال Rpm يعلى وده بياخد وقت وبيأخر عزم العربية عشان في كل مرة هتدوس على البنزين هيبدأ الماتور من عند الف لفة في الدقيقة ثم الفين وهكذا

اما لو ماشي على نمط Ds او مشغل زرار الاوفر درايف وحرقت وال Rpm عند مثلا 4 وسبت رجلك من على البنزين هتلاقي ال Rpm فضل زي ماهو ! ! طول مانت مادستش فرامل او هيقل بنسبة بسيطة جدا ! ! ! وبالتالي في الدوسة التانية هتلاقي الماتور بدأ من عدد لفات اعلى وده هيديلك عزم اقوى وتجميع اسرع وهتلاقي العربية اكنها عايز تطير من على الارض

وبالنسبة للعربيات اللى مافيهاش Ds هتلاقي الفتيس فيه حاجة من اتنين ودول بيقومو بنفس المهمة بالظبط وهي تثبيت ال Rpm وسرعة التجميع

اما هتلاقي فيها L,2,3 او هتلاقي الفتيس تيبترونك

في حالة لو الفتيس فيه L وده معناه الغيار الاول

2 = الغيار التاني

3 = الغيار التالت

العربية بتتحول من اتوماتيك لمانويل واكنك ماشي على الغيار الاول او التاني او التالت وهتفضل ماشي عليه لحد اما ماتنقل لغيار اعلى او اقل او ترجع لوضع D

وده بيديلك نفس الخاصية الموجودة في زرار الاوفر درايف او وضع Ds وهي تثبيت ال Rpm وانه مايسمحش لل Rpm انه يرجع لاف لفة في الدقيقة عشان تزود عزم العربية ويسرع تجميعها

في حالة لو العربية فيها فتيس تيبترونيك

نفس القصة العربية بتتحول لمانويل وال Rpm بيثبت في حالة الحرق وده بيديلك عزم اقوى وبيزود التجميع

العربيات الحديثة بيبقى فيها الاتنين Ds و فتيس تيبترونيك هتقول ازاي وانت لسه قايل ان الاتنين تقريبا واحد !

هقولك صحيح ان الاتنين بيعملو نفس الوظيفة تثبيت ال Rpm على العالي ولكن نمط ال Ds مش بيديلك حرية التحكم في النقلات بحيث امتى تنقل او امتى تسقط نقلة بعكس التيب تروينك او ال ( L,2,3 )

يعني بإختصار شديد :

الاوفر درايف او ال Ds :

1- بيمنع ال Rpm انه ينزل في حالة لو سبت رجلك من على البنزين وبيديلك نفس قوة وعزم تسارع المانويل عشان الماتور مايبقاش محتاج انه في كل مرة يرجع يلف بداية من الاف لفة في الدقيقة وتبقى محتاج تعمل كيك داون وكل ده بياخد وقت وبيقلل سرعة التجميع بعكس لو ال Rpm فضل عالي والماتور بدأ يلف من اربع او خمس الاف لفة في الدقيقة (L,2,3 نفس الخاصية ونفس الوظيفة )

2 - لو ماشي على نمط D بتبقى محتاج تعمل كيك داون عشان العربية تسقط نقلة وتجمع اسرع بعكس لو جايب على نمط ال Ds او الاوفر درايف او المانويل اقل لمسة على البنزين بتخلي العربية تجمع باقصى عزم وقوة الدوسة على البنزين مش بتبقى العامل اللى بيحدد قوة التسارع والتجميع (يعني لو جايب على المانويل مافيش حاجة اسمها كيك داون )

3 - بمجرد انك تدوس على زرار الاوفر درايف او على Ds العربية بتسقط نقلة بشكل مباشر للغيار المناسب فمش هتبقى محتاج للكيك داون

4 - في حالة استخدام (L,2,3) او المانويل (تيبترونيك) مش محتاج انك تسقط نقلة لانك خلاص حددت للفتيس اي نقلة انت هتمشي عليها L= الاول , 2 = التاني , 3 = التالت وهتبقى محتاج تنقل بشكل يدوي عن طريق تحريك عصا الفتيس

العربيات اللى مافيهاش اوفر درايف هتلاقي الفتيس فيه (L,2,3) لانها بتقوم بنفس المهمة (زي الياريس واغلب العربيات الاوتوماتيك )

العربيات اللى مافيهاش (L,2,3) هتلاقي فيها Ds وده نفس زرار الاوفر درايف وبيقوم بنفس المهمة (زي البيجو 307 واغلب العربيات الالماني عموما)

العربيات اللى مافيهاش لا Ds ولا (L,2,3) هتلاقي الفتيس تيبترونيك وبالتالي المانويل بيقوم بنفس المهمة (اشهر مثال السيراتو)

وممكن حضرتك تجرب بنفسك تكون ماشي على الوضع D وتسيب رجلك من البنزين وشوف ال Rpm وبعدها دوس تاني

وجرب نفس الموضوع في حالة لو انت جايب العربية على Ds او على المانويل (L,2,3) او من خلال الفتيس التيبتروينك هتلاقي فرق فظيع ! !

وفي حالة لو انت ماشي بدون الاوفر درايف وعلى نمط ال D فقط هتلاقي العربية بتنقل بدون اي مشاكل لكل الغيارات بداية من الاول للرابع

ولو مشغل الاوفر درايف العربية مش بتنقل الا لما الغيار يوصل لاعلى سرعة ممكنة فيه وقبل الريد زون مباشرة هتلاقي العربية نقلت

في حالة لو المانويل انت هتتحكم بنفسك في النقلات

[Donzi]

طيب سؤال اخير يا جماعة بعد اذنكم

انا كل ما اقفل الاوفر درايف ( يعني اللمبة تبقى منورة في التابلوه اوفر درايف اوف ) و ابطل العربية يرجع يشتغل تاني لوحده اتوماتيك

هوا مش ممكن يفضل اوف علطول لحد ما انا اللي اشغله ؟؟ ليه العادي بتاعه انه يكون شغال مش مطفي ؟؟

[aif]

طيب سؤال اخير يا جماعة بعد اذنكم

انا كل ما اقفل الاوفر درايف ( يعني اللمبة تبقى منورة في التابلوه اوفر درايف اوف ) و ابطل العربية يرجع يشتغل تاني لوحده اتوماتيك

هوا مش ممكن يفضل اوف علطول لحد ما انا اللي اشغله ؟؟ ليه العادي بتاعه انه يكون شغال مش مطفي ؟؟

الطبيعي ان الاوفر درايف يبقى شغال .... يعني بمعنى ابسط ان اللمبة تبقة مطفية
وفي هذه الحالى السيارة بتشتغل من النقلة الاولى وحتى الرابعة
لكن لو الاوفر درايف مطفي ..... هنا بقى اللمبة بتنور علشان تنبهك ان الاوفر درايف مش شغال .... يعني العربية ح تشتغل لغاية النقلة الثالثة فقط ....
ولما بتطفي العربية وتشغليها تاني ..... بترجحع تلقائيا للوضع الطبيعي اللي هو تشغيل الاوفر درايف
لييييييه ؟؟؟؟؟
علشان اصحاب العربيات .... وخصوصا الستات .... وخصوصا خصوصا زوجتي ..... دايما تنسى انها لعبت في الزرار ده .... يقوم لما تطفي العربية ترجع للطبيعي .... ولو كان السائق ( السائقة ) ناسي .... يبقى مافيش مشكلة
يعني م الآخر حضرتك خلي اللمبة تبقى مطفية وريحي دماغك
على فكرة الموضوع ده معمول من 4 سنين

[Donzi]

الطبيعي ان الاوفر درايف يبقى شغال .... يعني بمعنى ابسط ان اللمبة تبقة مطفية
وفي هذه الحالى السيارة بتشتغل من النقلة الاولى وحتى الرابعة
لكن لو الاوفر درايف مطفي ..... هنا بقى اللمبة بتنور علشان تنبهك ان الاوفر درايف مش شغال .... يعني العربية ح تشتغل لغاية النقلة الثالثة فقط ....
ولما بتطفي العربية وتشغليها تاني ..... بترجحع تلقائيا للوضع الطبيعي اللي هو تشغيل الاوفر درايف
لييييييه ؟؟؟؟؟
علشان اصحاب العربيات .... وخصوصا الستات .... وخصوصا خصوصا زوجتي ..... دايما تنسى انها لعبت في الزرار ده .... يقوم لما تطفي العربية ترجع للطبيعي .... ولو كان السائق ( السائقة ) ناسي .... يبقى مافيش مشكلة
يعني م الآخر حضرتك خلي اللمبة تبقى مطفية وريحي دماغك
على فكرة الموضوع ده معمول من 4 سنين

شكرا يا حج احمد

الموضوع معمول من اربع سنين بس انا جيبت الاوتو من 9 شهور بس ... اعمل ايه طيب

طيب مش لما اخللي الاوفر درايف اوف دا بيوفر في البنزين فعلا ؟ يبقى ليه اسيبوا شغال علطول ؟

[elgdawy2007]

شكرا يا حج احمد

الموضوع معمول من اربع سنين بس انا جيبت الاوتو من 9 شهور بس ... اعمل ايه طيب

طيب مش لما اخللي الاوفر درايف اوف دا بيوفر في البنزين فعلا ؟ يبقى ليه اسيبوا شغال علطول ؟

بصوا يا جماعه الخير عشان فيه ناس طبعا مفهمتش الشرح ده بأستفاضه انا حوضحلكم الامر بالترتيب
اولا عند بدايه تشغيل المحرك وهو بارد حندوس زر الاوفر درايف فى الفتيس الاوتو فى وضع الاغلاق يعنى حينور فى التابلوه O/V OFF ده اولا يبقى كده اول خطوه لاغينا الاوفر درايف اثناء تسخين المحرك عشان ميستهلكش بنزين خلاص كده والا مفهوم!!!!!!
نيجى بقى لثانيا وركزوا معايا المحرك سخن خلاص وبقى تمام التمام حنعمل ايه بقى حنروح ضاغطين على الزر الموجود فى الفتيس الاوتوماتيك حيطلع لبره والللمبه حتطفى بتاعه التابلوه معنى كده ان الاوفر درايف شغال وده الوضع الطبيعى فى السير على فكره فى الطريق ان الاوفر درايف يكون شغال واللمبه تكون فى التابلوه اوف كده ثانيا خلاص اظن واضح جدا لحد كده
نيجى بقى لثالثا والاهم الفتيس الاوتوماتيك فيه رقم 1 ورقم 2 صح كده؟؟؟ رقم واحد ده فايدته ايه بقى
اولا رقم واحد ده نستعمله لما نكون طالعين مرتفع جبلى يعنى يكون فيه رمل او عند نزول المنحدرات وده اهميته انه بيتحكم فى سرعه دوران المحرك ويحكمه عشان السياره تفضل تحت طوعك وتقدر تتحكم فيها بس المهم بقى وده الاهم ان عند التحويل لرقم واحد ده منزدش عن 50 كيلو متر فى الساعه يعنى المحرك ميزدش عن خمسين بس رابعا
لو حبينا نزيد عن كده يعنى السرعه نزودها عن 50 وبرضه اثناء القياده فى نفس الظروف السابقه يعنى طلوع طريق رملى او نزول منحدرات يبقى ننقل الفتيس للنقله رقم 2 لغايه 95 كيلو متر ساعه منزودش عن كده ابدا طول مالسرعه فى الفتيس معشقه على رقم 2 حلو الكلام؟ يعنى السرعه التانيه فى الفتيس من 51 لغايه 95 حد اقصى اظن لغايه كده مفهوم اوى صح؟
خامسا
انا دلوقت مثلا على الوضع D حبيت اعدى سياره ادامى وعاوز تجميع عالى عشان عربيتى تلم معايا واقدر اعدى السياره اليى امامى او انى طالع مرتفع عالى مثلا ومحتاج عزم شديد وانا على 100 كيلو مثلا حعمل ايه بقى حروح دايس دواسه البنزين للاخر خالص فى الدواسه ودى بقى اسمها العلمى كيك داون حيحصل ايه بقى ساعتها!!!!حيروح الفتيس نازل على السرعه 3 مثلا لوحده لو فرض مثلا ان المائه كيلو اليى كنت ماشى عليهم كانت السرعه الرابعه حيروح الفتيس محول اوتوماتيك للسرعه الاقل على طول يعنى دى بتتحسب على حسب سرعه السياره اليى انا كنت ماشى عليها لو كنت على الرابع مثلا الفتيس حيقل نقله عشان يدينى عزم لحد كده حلو؟
نيجى بقى لسادسا
اى سياره مانوال بيكون العادى بتاعها 4 سرعات اماميه وواحده خلفيه عدا السيارات الحديثه بيكون عدد سرعات المانوال 5 غير المارشدير طبعا فايده الغيار الخامس ده يا جماعه الخير انه بيريح الماتور وبيخفض استهلاك البنزين طبعا وده بيكون فى الطرق المفتوحه ____اما فى السيارات الحديثه الاوتوماتيك بيكون عدد الغيارات فيها 4 +مارشدير وطبعا الغيار الرابع فى الاوتوماتيك بيريح السياره جدا ويخفض استهلاك الوقود لان الموتور ساعتها بيكون مرتاح حلو لحد كده!!!!!!
نيجى بقى لسابعا
انا دلوئت ماشى على سرعه 110 كيلو مثلا وحعتبرها السرعه الرابعه فى الفتيس الاوتوماتيك مثلا وماسك شمالى وادامى سياره وجنبى سياره وفيه مسافه بينهم حبيت اعدى بين العربيتين دول ومحتاج عزم عشان اقتنص الفرصه دى واهرب منهم حعمل ايه بقى!!!
حروح دايس على الزر بتاع الاوفر درايف عشان اقفله من الفتيس ساعتها حتنور اللمبه فى التابلوه تفيد انى قفلت الاوفر درايف o/v off حيحصل ايه بعد كده بقى ؟ حينزل الغيار من السرعه الرابعه للتالته وحيدينى عزم كبير جدا للسياره يعنى بالعربى حتجمع معايا سرعه اكبر عشان اقدر اعدى بين السيارتين دول بعد ميجمع معايا الموتور بقى واقدر اعدى بين السيارتين حروح ضاغط تانى على الزر الموجود فى الفتيس حيطفى فى التابلوه طبعا وحيشتغل الاوفر درايف وحيقدر يدخل على السرعه القصوى للفتيس اليى هى الرابعه حروح دايس بنزين حتلائى السياره طارت بأقصى سرعه وابقى قابلنى لو حد بقى من العربيتين دول عرف يحصلك لانك ساعتها حتكون طيرت بالسياره لانه حتكون خدت سرعتها خلاص على الطريق
الخلاصه يا جماعه الخير الاوفر درايف بيكون شغال معانا على طول يعنى سيبه مفتوح لانه بيوصل بالسياره لاقصى سرعه فيها ولما بيكون شغال اللمبه فى التابلوه بتكون مطفيه طبعا حالتين بس حنطفيه فيهم من الاخر وساعتها اللمبه فى التابلوه حتكون منوره تفيد انه مش شغال
الحاله الاولى عند تسخين السياره وخصوصا لو الجو بارد بعد متسخن حنشغل الاوفر درايف ونمشى بالسياره
الحاله التانيه بقى لو زادت سرعتنا عن 110 والكلام ده فى الصنى اوتوماتيك عشان يبقى كلامى واضح وحبينا نسقط نقله عشان نقدر ندى السياره عزم عشان تقدر تهرب من عربيتين مثلا او لزياده العزم عشان الموتور يجمع بسرعه فى توقيت اقل وبعد كده نشغل الاوفر درايف تانى عشان نقدر نوصل للنقله الرابعه والاخيره فى السياره الاوتوماتيك الصنى ومازلت بقول الصنى
اليى هى توازى النقله الخامسه فى الفتيس المانوال برضه فى الصنى
اظن كده مفيش حد حيقدر يقول مفهمتش ولو حد قال مفهمتش معنديش كلام تانى اقوله غير انه يبيع السياره ويجيب سياره بدون اوفر درايف ويريح نفسه ويريحنى ههههههههه ودمتم بخير
ملحوظه اخيره خلى الاوفر درايف شغال على طول يعنى تكون اللمبه فى التابلوه مطفيه نطفيه بس فى الحالتين اليى قولنا عليهم غير كده لا حتلائى استهلاك البنزين ممتاز والسياره فى منتهى الراحه والامان ان شاء الله ودمتم بخير

[mrghost]

بسم الله ماشاء الله شرح وافى جدا الف شكر ياباشمهندس سبعاوى

[houras1010]

بالرغم من انا سألت على حاجه عايز اعرفها فى الفتيس الأتوماتيك والناس كبرت دماغها هقول على الفرق من سواقه عربيتين اتوماتيك واحده فيها اوفر درايف اللى فيها اوفر درايف مكتوب فى كتالوجها يفضل عدم تشغيله والعربيه بارده او السواقه بسرعه معتدله فى بدايه تحريك العربيه يبقى واضح انه بيحرق على الغيارات بالأضافه ان عدم تشغيله بيزود استهلاك البنزين يعنى لو شغال ودوست بنزين زياده مش كيك داون من الثبات العربيه هتفرك فى الأرض زى ما اكون كبست فى العربيه التانيه ولو مش شغال بلاقى العربيه فى مشيها زى اللى من غير اوفر درايف بدايتها هاديه وزى الكلام اللى بنسمعه ان العربيه الأتوماتيك اللى يركبها واحد هادى

[Sehsss]

الأوفر درايف ببساطة معناها سواء يالنسبة للسيارة المانيوال او الأوتوماتيك هى النقلة العالية، يعنى نقلة الخامس فى السيارة المانيوال اسمها اوفر داريف واعلى غيار داخل جير بوكس السيارة الاوتوماتيك والذى عادة يكون الرابع يسمى اوفر درايف

يعن انت لو راكب سيارة مانيوال ونقلت على الخامس يبقى انت اسمك سايق اوفر درايف، وسبب التسمية اوفر درايف ان الخامس فى السيارات اليدوية بيكون النقلة الوحيدة اللى الفتيس مش بيخفض فيها سرعة المحرك لكن بيعليها ، يعنى مثلا ممكن تلاقى نسب تخفيض الفتيس اليدوى كالآتى: الأول 1 الى 4 يعنى كل ما الموتور يلف اربع لفات عمود خرج الفتيس يلف لفة واحدة، التانى 1 الى 3 مثلا، الثالت 1 الى 1.5 ، الرابع 1 الى 1 لكن الخامس مثلا بيكون 1.25 الى واحد يعنى خرج الفتيس يلف اسرع من الموتور ، ونفس الحال بالنسبة للرابع بتاع الفتيس الأوتوماتيك

فيه نوعين من شكل الحارات بتاعة عصاية الفتيس الأوتوماتيك، فى نوع عبارة عن 4 حارات امامية (1,2,D3,D) وحارة N وحارة R وحارة P زى اللانسر واللانوس مثلا،ونوع آخر فيه 3 حارات امامية فقط وزرار اوفر درايف زى الصنى

الحارة 1 او ساعات بيكون اسمها L وظيفتها فى النوعين ان الجير الأوتوماتيك يفضل على الأولانى بس وماينقلش منه

الحارة 2 فى النوعين وظيفتها انها تخلى الفتيس ينقل بين الغيارين الأول والثانى بس

الحارة D3 فى النوع الاول تقابل استخدام الحارة D مع إغلاق زرار الأوفر داريف فى النوع الثانى، يعنى تكون لمبة الأوفر درايف فى التابلوه منورة،وهذا الوضع يسمح للفتيس الأوتوماتيك انه يغير بين الأول والثانى والثالت فقط ولا لسمح له انه يروح للرابع(ملحوظة هامة جدا: لمبة الأوفر درايف اللى فى التابلوه بتنور لما يكون زرار الأوفردرايف مقفول وليس مفتوح ، وحتى تلاقىى اللمة اللى فى التابلوه مكتوب عليها o/d off، معنى ان اللمبة مضاءه ان السيارة غير مسموح لها تنقل على الرابع)

الحارة D فى النوع الأول تقابل الحارة D مع فتح زرار الأوفر درايف فى النوع التانى(لمبة الأوفر درايف مطفية) دى معناها ان الفتيس حر يغير بين الأربعة نقلات زى ما هو عايز حسب ظروف السرعة والطريق

نستنتج من كل هذا ان زرار الأوفر داريف فى السيارات المزودة به هو بديل الحارة الرابعة فى السيارات الغير مزودة به ووظيفته السماح للجير بوكس انه يستعمل النقله الرابعة او منعه من ذلك

لا علاقة نهائيا لموضوع الأوفر درايف بما تفعله بدواسة البنزين، اللى انت بتعمله لما تكبس على دواسة البنزين اسمه كيك داونkick down وليس اوفر درايف، الكيك داون بيخلى العربية تنقل من ايه نقلة الى النقلة السابقة لها ، يعن مثلا لو الجير بوكس واخد تالت وانت كبست هايروح نازل على التانى علشان يديلك عزم، ولو كان على الرابع هاينزل على التالت وهكذا

اللبس اللى بيحصل عند الناس هو ان بعض الناس لما بيدوس زرار الأوفر درايف ويكون الجير بوكس على الرابع في هذة اللحظة الزرار بينزل الجيربوكس اجباريا من الرابع للتالت لأن مع إغلاق الأوفرداريف لا يكون مسموح للفتيس باستعمال الرابع،وده هو نفس تأثير الكيك داون فالناس بتفتكر انهم نفس الحاجة، لكن لو ساعة استعمال زرار الاوفر درايف وكان اصلا الجير بوكس على التالت او التانى مثلا هنلاقى ان استعمال زرار الاوفر درايف معملش اى حاجة، كما ان مع الكيك داون العرية لما بتاخد سرعتها بترجع تنقل تناى للنقلة الأعلى لكن لو استعملت زرار الأوفر درايف فالعربية عمرها ما هاتاخد الرابع مهما جريت بيها حتى لو الRPM دخلت فى الزون الأحمر، غير لما ترجع تفتح زرار الأوفر درايف

فى جمل سريعة:
1- الأوفر درايف معناه اعلى نقلة فى السيارة سواء يدوية او اوتوماتيك
2-زرار الأوفر درايف فى السيارات الأوتوماتيك المزودة به هو بديل الحارة الرابعة فى السيارات الأوتوماتيك الغير مزودة به
3-وظيفة زرار الأوفر درايف السماح للجير بوكس او منعه من استعمال الغيار الرابع
4-الكيك داون عن طريق كبس دوراسة البنزين ينقل السيارة الى النقلة الأدنى لتجميع عزم للسيارة وحسن تصل الى سرعة عالية تعاود النقل الى النقل الأعلى
5-لمبة الأوفر درايف تضئ حين يكون الأوفر درايف مغلق وليس مفتوح، معنى ان اللمبة مضاءه ان السيارة غير مسموح لها تنقل على الرابع

[el_nahal2004]

حلو اوى الكلام دى الواحد كل يوم بيستفيد ااكتر