400 جنيه بسبب لمبة !!!!

[misoalex]

والراجل فعلا صنايعى جدا انا كان عندى عيب اشتغلت فى العربية 7 مرات علشان اجيبه وهوا الوحيد اللى عرف يعمله لذلك كنت قررت استقر عليه لكن كده هبدا احس انه اشتغلنى وممكن اقطع معاه

الخلاصه عشان متتعبش نفسك
بص شاطر حاجه وبتاع اشتغلات حاجه تانيه

لو شايف انه شاطر يبقى انت محتاجله لان شاطر وبتاع اشتغلات يبقى حله انك تفتح عينك كوووووووويس ليه وتسأل قبل متعمل الحاجه عنده

شاطر وفاهم بس بتاع اشتغالات احسن من حمااااااار وبتاع تدبيس ويبوظ الحاجه ويبجح ويقولك مليش دعوه

الصنايعيه كلهم بتوع اشتغالات الا من رحم ربى
ربنا يتوب علينا


على فكره عاوز اقول لحضرتك حاجه العيب ده كان حصل عندى مره وفعلا كانت المشكله من طلمبه الزيت بس كنت عارف ان دى لمبه الزيت من التابلوه وكانت لما بدوس بنزين تطفى
جايز اختلط عليه الامر المهم ان الفلوس اتدفعت فى العربيه وانت كده ماشى متطمن
وربنا يعوض عليك وعلينا انا برضه لسه لابس 450 جنيه فى موضوع تافهه بس انا الى دماغى ناشفه وعملت فى نفسى كده مش الصنايعى

[magyver]

معلش بقي يابو ادم
واديك اتعلمت حااجة اهة
ومحدش بيتعلم ببلاش
ومتزعلش نفسك

[modo88]

والله العظيم استنتجت من اول كلامك ان الموضوع هايبقا كدا اصل عارف العربيات الفيات القديمه دي كلها فيهم العيب السافل دا وواحد صاحبي وقع في حوار شبيه بتاعك :d

[haroun707]

ياباشا الله يكون فى عونك بس انا حقولك ان ده الفرق بين الميكانيكى اللى بجد والميكانيكى اللى اى كلام

انا كان معايه لادا 1500cc موديل 1985 وفيها لمبة بردوا ناحية الفتيس مش مفهومه ليتها بتنور وتطفى ومرة واحده نورت على طول بطلت العربية على طول وكلمته قالى وسألنى انت حاسس بحاجة ريبة قلتله لا قالى والحرارة قولتله بردوا لا

قالى لو معاك زيت باكم زود الفرامل والدبرياج

ولما عملت كده فعلا اللمبه طفت والحمد لله

[keko]

انا كنت مغير طلمبه الزيت في ال125 بدون رفع الموتور

طيب لما فك الكارتير وغيرها الجوان ركب كويس ؟؟

[mmffor]

انا حصلت معايا ميكانيكي حمار و ما بيفهمش خلاني اغير تيل فرامل و ماستر عمومي و طنبوره و ماستر ورا و خراطيم زيت باكم يعني من الاخر غيرت فرامل كامل و طلع في الاخر ان كاوتشة السيرفو مقطوعه قطع صغير و عايزه تتغير اتغيرت بالمصنعيه عند بتاع سيرفوهات ب 80 جنيه بعد ما ابن التيت غرمني 680 جنيه

[keko]

الواحد زهق بجد من موضوع الصنايعية ده وبعدين الوحيد اللى مافاصلش معاه الصنايعى علشان المحل بيديك حاجة ثابتة انما الصنايعى يقدر يعك ويقدر يظبط ضيف على كده لو عنده صبيان كتير بيتك يتخرب شاى وقهوة واكراميات

[misoalex]

انت منين من اسكندريه يا باشا

[medociv]

ربنا يعوضك خير وحصل خير
الغريبة ان ماشاء الله بنتكلم في قطعة غير ب 125 و 150 و 200 ج
اصل العربيات الجديدة ده ميجيش تمن فلتر حقير ولا حتى فانوس
في مرة كنت في محل واحد جاي يشتري وش فانوس خلفي للشاهين من كام سنة بكام 17 ج !!!!!!!!!!!!!
وانا الفورد الفانوس الخلفي ومش اصلي ب 150 ج
يعني 10 اضعاف
كل سنة وانتم طيبين

[walidgamal]

معلش الصيانة بقيالك بس المكانيكي دة ربنا يسهله لامؤخذه ده لو صبي ميكانيكي و سألته كان قالك انه من الدينامو و ممكن السير ميتغيرش كمان كان عاوز يشد بس ، ربنا يعوض عليك و مترحلوش تاني

[mlav_cbr]

ديه مشكله قله الخبرة لو عندك خبرة فى العربيه هتروح للميكانيكى تقوله اعمل كذة وكذة و تاخد معاك كمان قطع الغيار الجديدة بس الخبرة بتيجى بمرور الوقت ومحدش بيتعلم ببلاش

[kamalsalem]

البولونيز كانت بتعرف اني معايا فلوس من اي حته وتروح هب فاتحة بقها هات هات هات... والتابلوه كله لمض واشارات غريبة كأنك راكب غواصة وهي في الاخر فكسانة جداً

علرف مشكلة الصيانة اللي انت عملتها دي ايه؟ انه لو حاجة فيهم قطعة غيار معيوبة هتغلبك.. ربنا يستر عليك ان شاء الله

في عربيات كده مش وش نعمة

[abo_hosni]

والتابلوه كله لمض واشارات غريبة كأنك راكب غواصة وهي في الاخر فكسانة جداً
في عربيات كده مش وش نعمة

انت فطستني من الضحك

و أقول لصاحب الموضوع:
1- ماحدش بيتعلم ببلاش و المواقف دي حصلت لنا كلنا و اتعلمنا و لسه بنتعلم و هنتعلم
2- انت استفدت بتركيب القطع الجديدة مهما كان

[keko]

ااااااااااااااااااااااااااااه
الطرمبة الجديدة وقفت تاااااااااااااااااااااااااااانى هاتجنن والعربية عملتها فى مكان غبى ومقطوع وماعيش فلوس ولا رصيد ساعتها كان موقف زبالة لمبة الزيت نورت وروحت جبت صنايعى من عند الميكانيكى قعد بفك فى ساعة الزيت و مش عارف ايه وبتاع المهم قاللى على ترشس تحت السبراتير عايز يتغير مسكته شكله سليم جدا يابنى سليم لا غيره غيرناه ومافيش فايده وفى الاخر بعد 6 ساعات روحت قطرتها زى الجزمة ووديتها للمكانيكى واتخانقت معاه وباتت اول يوم وتانى يوم طلع الموتور الصبح وسابه مرمى طول اليوم علشان معاه عمره وعدى يوم الاحد اجازة وانا قاعد اشد شعرى وسبحان الله كل ما اقول لسواق حصل كذا كذا يقوللى من فلان استحالة ده صنايعى ميه ميه ان بجد هاتجنن مستنى الطرمبة تطلع لو المشكلة فيها هابهدل المحل اللى شاريها منه ومش ماشى غير بواحدة جديدة والمصنعية كمان ولو من الميكانيكى بجد ممكن اروح القسم فيها ربنا يستر

[mrwho1982]

ماحدش بيتعلم ببلاش