::: هل ستوافق على استلام سياراتك الجديده الموجوده بصالة العرض؟ :::

[m7nsh]

عربيتى لما استلمتها كانت هى المعروضه .. و اساسا ساعتها لانعدام الخبره تقريبا استلمتها بدون استغراب .. و الحمد لله بقالها سنتين مفيش مشاكل

بس اعتقد حاليا لن اوافق

[mhmdalsaadany]

انا اشتريت فيرنا اللي في المعرض مع اني كنت حاجز اسبرانزا السنه اللي فاتت ولما العربيه الاسبرانزا اتأخرت اكتر من 3اسابيع وهما كل يوم بكره بعده وفي مره الراجل قالي طب ما تاخد الفيرنا دي وكانت واقفه من يوم ما رحت المعرض من اكتر من شهر وكمان كان فيها خربوش بطول الرفرف الخلفي كله غيرت الموديل واخدت العربيه والمفتاح والفاتوره وموديل 2010 وكنا ساعتها في 5 / 2009 وارخص 6 الاف جنيه من سعرها واخدتها قعدت معايا 7 شهور وبعتها بخساره الفين جنيه
(لأنها كدا ارخص من الزيرو 8 الاف وكانت ماشيه 5000 كم بس )

[Karim_Monir]

عربيتي اخدها بسلوفانها باستيكراتها بريحة الفابريكة بترابها اللي جايه بيه كمان من غير ما تتلمع
اينعم في تويوتا مارضيوش اخرج من غير ما تتظبط لاني اشتريتها من تويوتا العباسية وكانت واقفة في العرض
بس كانت مقفولة وكانت لسه واصلة وكانت اخر دفعة في الشكل ده قبل ماينزل الشكل الجديد
ولوو كنت لقيت جواها اثر لانها اتركبت ماكنتش خدتها حتى لو كانت اخر واحدة وحتى لو كان عليها تخفيض 10 الالاف جنيه
معلش بحبها virgin :-)

[Sharky]

عربيتي اخدها بسلوفانها باستيكراتها بريحة الفابريكة بترابها اللي جايه بيه كمان من غير ما تتلمع
اينعم في تويوتا مارضيوش اخرج من غير ما تتظبط لاني اشتريتها من تويوتا العباسية وكانت واقفة في العرض
بس كانت مقفولة وكانت لسه واصلة وكانت اخر دفعة في الشكل ده قبل ماينزل الشكل الجديد
ولوو كنت لقيت جواها اثر لانها اتركبت ماكنتش خدتها حتى لو كانت اخر واحدة وحتى لو كان عليها تخفيض 10 الالاف جنيه
معلش بحبها virgin :-)

كريم انا مش فاهم
ازاى اخدتها بترابها من غير ماتتلمع وإزاى هما ظبطوها و كانت واقفة فى العرض !!

[ahmed_mido1889]

كنت مع صاحبي بنشتري لوجان من المصريه كنا عايزين الللون الفيراني
المندوب عرض علينا اللي موجوده في العرض قولتله لأ
العربيه واخده خرابيش في الاكصدام غير كده شبعت لعب في كل حته فيه من هنا لهنا خدنا عربيه لونها فضي لسه جايه وكان افراجها لسه جاي معاها في نفس اليوم

[mahmoud_afifi]

على حسب نوع وفئه العربيه. يعني ماتبقاش مرسيدس او بي ام والحاجات العاليه دي وهتكون متبهدله مثلا.
انما العربيات العاديه خاصة لما تكون في معرض كبير زي المصريه و اوتو سمير ريان الناس بتدخلها كتير وتفتش فيها كتير. مش بعيد يكون 100 واحد ركب العربيه قبلي. الحمدلله حظي كان حلو وخدت عربيه من المخزن عشان اللون الي طلبته ماكانش هوا الي في العرض ودي فيها ميزه وعيب. ان اللون الي بره كان الي انا عاوزه بس لون الفرش ماكانش الي متوقعه عشان ماشوفتهاش.

[A.Elsheikh.01]

عامله زي البنت الى هاتتجوز
مينفعش اخد عروسه مشيت مع ولاد الشارع
ولو واحد بس الى مشى معاها
معرفش هيبقى عمل معاها ايه

[rompo6]

لالالالالالالالالالالالالالالالالالالالالالالالالا لالالالالالالالالالالالالالالالالا

[nouranwar]

والله هتفرق لو معرض زي المصرية يبقي صعب شوية لكن لو معرض زي الطارق بيبقي قافل العربية و بيفتحها لما بتقوله و غالبا بيبقي واقف معاك واحد من المعرض ففي الحالة ديه العربية بتكون زي ماهي مفيش اي حاجة فيها

[x512]

طيب وانتوا حتعرفوا منين مانتوا عارفين المعارض وشغلها
اذا كان يبيعوا عربيات مخبوطة وراشة فمش حيعرف ينضفلك العربية ويقنعك انها واحدة جديدة غير اللى كانت معروضة

++11111

[x512]

انا كنت بتفرج علي البيرسونا عند الغد...موزع بروتون في المنصوره و العربيه كانت متربه و مبهدله ...تقريبا كانت لسه خارجه من المخزن...المهم بدور العربيه لقيتا ماشيه 300 كيلووووو.......حاجه زي دي مستحيل اخدها و بنصح الناس انها تبعد عن الغد دا...لان المعامله هناك مش كويسه ....دا الواد اللي كان واقف يبيع كان عاوز يسمسر عليا و بيقولي هجيبلك عربيه عاملخ 10 الاف كيلو بس....يعني اروح اتفرج عند الموزع عشان يبيعلي عربيه مستعمله...دا ولا السووق!!!

[ashouhdy]

دة كفاية كمان العين اللى واخدها من عيون الشعب كلة اللى نفسة فيها ومجبهاش حتى لو كانت توكتوك

[Moe86]

أنا اشتريت عربيتى من أوتوميشو فى اسكندرية رغم انها كانت فى العرض علشان :
-العداد كان عامل 40 كيلو (طبيعى)
-العربية كانت سليمة تماما, يعنى مافيش خرابيش و كل حاجتها معاها
-العربية كان فيها دواسات ورق على الارض
-المعرض صغير و على طول فى واحد واقف جنبيها مش سايبين العربيات كدة زى المصرية مثلا
-خفضولى السعر 500 جنيه (الرسمى كان 72,000)
-اللون الأزرق أيامها كان مش متوفر حتى فى التوكيل و لو عايز واحدة تانية كنت هاستنى شهر

[modo88]

مستحيل طبعا

[caysersosaih]

لا مش هاخدها لو اتنططوا