إعـــــــلان

Collapse

.

,
See more
See less

تقرير عن السيارات من وجهة نظري الشخصية (شارك برأيك) وبدون زعل

Collapse
X
 
  • Filter
  • الوقت
  • Show
Clear All
new posts

  • تقرير عن السيارات من وجهة نظري الشخصية (شارك برأيك) وبدون زعل

    ما سأكتبه هنا هو وجهة نظري المتواضعة عن السيارات اللي في حدود 35الف الي 60 الف واتمني ان محدش يزعل لو عنده عربية من اللي انا كاتب عنهم
    1- سوزوكي ماروتي : ليه أدفع 37 الف في علبة سردين تكفي شخصين او تلاتة بالكتير اوي ومفيهاش اي نوع من التكنولوجيا بتاتا يا جدعان ديه حتي كاربراتير اللي هوه اتلغي من حوالي 12 سنة ؟؟؟؟ وشرحه السوزوكي التو
    2- اللادا : قمة الغباء والتخلف وجابها برنامج توب جير وضحك الناس عليها ويوم ما فكروا يعملو تكنولوجيا عملوا السمارا (2115) وال (2110) وياريتهم ما عملوهم قمة الحمورية في التقفيل والتصنيع وتوكيل مفيهوش اي قطعة غيار فيهم يميز اللادا شئ وحيد عفشة لا تتاثر بشئ ابدا .....
    3- شيفورليه سبارك : 50 الف ليه ؟؟؟ علبة سردين اخري بس بتكييف وياريتهم ما حطوه تيجي تشغل التكيف العربية تموت منك تماما
    4-سوزوكي سلاريو : اللي هيا الالتو برة اعتقد انها فاشلة لاني ما شفتش منها غير 3 او 4 عربيات في مصر
    5- اسبيرانزا 113: (علي فكرة عربيتي) فول اوبشن ب 50 الف ههههههههه صيني بقي يعني الله اعلم حتعيش اد ايه وعفشة وحشة وتوكيل اوحش
    6- هيونداي I10 بتبدا من 57 الف شغل التكييف يا معلم ونام جنب العربية او شوف حد يشدك وتعالي بقي لقطع الغيار يا نهار اسود خراب بيوت
    7- كيا بيكانتو : اخت الهيونداي يمكن ميزتها ان قطع غيارها ااقل شوية

    نزود شوية في السعر ونخش علي العربيتين الشعبيتين اوي اوي ( الفيرنا واللانوس ) طبعا حلاقي هجوم رهيب بس فعلا عربيتين ملهومش اي لازمة خالص قمه الهطل والاستخفاف بالناس ليه فيرنا فاضيه ب 64000 ؟؟؟؟ واللانوس ليه برضة كدة ؟؟؟؟
    كفاية كدة علشان لو زودت شوية في الكلام حاسس ان الناس حتولع فيا صح ولا .....
    المهم ياريت اللي عنده تعليق يشاركنا برايه
    ولو الموضوع عجبكم حكمل باقي السيارات اللي كان نفسي اقولها بس اشوف الانطباع ايه الاول
    الجاي اللانسر - السيراتو - الكروز

  • #2
    رأي ايه بقى انت حاطط صورة طبنجة في التوقيع وتقوللي قولو رأيكو؟

    وبعدين طب ممكن نعرف ايه الهدف من الهجوم الشرس على كل العربيات اللي في الدنيا... ربنا سبحانه وتعالى قال "لا تبخسوا الناس اشيائهم".. وضدقني لو كلنا معانا محدش هيفكر مرتين وكلو هيركب فيراري وش وكل واحد راكب أقصى امكانياته اكيد سواء زيرو او مستعمل.... وانا ممكن اقعد اعدلك في عيوب الايطالي والياباني والالماني وبرضه مش هنخلص

    الناس اللي معاها العربيات اللي انت بتهاجمها دي اكيد هتزعل وانا منهم الصراحة مش عايز اخوض في جدال له اول ملوش اخر عن عربيتي والنتيجة واحدة... مش هنزل الصبح ابيع عربيتي واعربن على رولس رويس

    فلو في هدف واضح من الهجوم ده يا ريت نعرفه
    [CENTER][sigpic][/sigpic]
    [SIZE="3"][FONT="Book Antiqua"]Proud Chevrolet Club Member Number 113[/FONT][/SIZE][/CENTER]

    Comment


    • #3
      بصوا يا جماعه الواحد خلاص مش عارف يعمل ايه علي رأي كمال نركب فيراري ولا ايه
      دا مفيش عربيه بجد غير لما الناس تتطلع فيها القطط الفاطسه ولو مفيهاش حاجه يقولولك التوكيل معفن اي عربيه دا حتى الباسات والاوكتافيا والتويوتا والانسر وكل العربيات بجد
      يقولك اصل دي تقيله ومش بتجري
      والتانيه لازم بنزين 95
      والتالته اصلهم سحبوها عشان عيوب
      والرابعه اصلها مش ثبته علي الطريق علي سرعه 250كم
      مش عارف بجد زي ماتكون الناس دي لاقيه 200 الف في الشارع وراحت جابت توك توك مش عربيه لماركه محترمه ولها تاريخ طوييييييل جدا في عالم السيارات وبصراحه مش السوق المصري ولا الشوارع المصريه اللي ممكن تحكم حكم نهائي علي اي عربيه في العالم
      مش زي الخليج او دول اوروبا مثلا
      والغريب ان كل دا بتلاقي واحد بيقول بسمع من اصحابي او من قرايبي تيجي تسأل واحد معاه العربيه يقولك مفيش بعد كدا دي ممتازه
      يبقى العيب فين
      انا مش عارف وبجد الواحد تعب
      انا ابن عمي عايز عربيه بقاله 5 شهور هيتجنن وكل عربيات الدنيا طلعولو فيها عيوب والله الواحد مش عارف يعمل ايه يقضيها مواصلات ويريح باله وفي نفس الوقت يتريق علي عربيات الناس التانين براحتوا مهو ساعتها معندوش عربيه معيوبه زيهم
      [SIGPIC][/SIGPIC]

      Comment


      • #4
        يا باشا الهجوم علي السعر مش علي العربية او بمعني تاني يعني الماروتي اخر سعرها المفرض 25 الف
        وبعدين انا معايا اسبيرانزا 113 وموجودة في الليستة
        الاسبيرانزا حق ربنا اللي يدفع فيها اخرها 30 بالكتير
        وبعدين انا مش بهاجم انا بقول رايي عن تجربة لمعظم العربيات ديه

        Comment


        • #5
          ولو علي التوقيع يا جماعة اغيره
          انا كنت حاطط صورة كاسيت بس زهقت منه

          Comment


          • #6
            والله هي الاسعار زياده بس ما باليد حيله
            ممتنع عن المشاركه

            Comment


            • #7
              على فكره انا بقول وجهة نظر عامه مقصدش حضرتك خالص اوعى تفهمني غلط انا بقول ان كل العربيات لازم هتلاقي حد يقولك فيها عيب سواء صغير او كبير مفيش حد هيقول العربيه ممتازه من كله حتي لو ملقاش عيب هيقول قطع الغيار غاليه المهم اي حاجه وخلاص
              وعلى العموم العربيات عندنا ما شاء الله 3 اضعاف سعرها الحقيقي بالخارج في اي دوله في العالم
              احنا اعلى سعر في الدنيا ومع كدا بركب عربيات برضه
              واوعى تزعل مني انا بكلم معاك بمنتهى الامانه
              [SIGPIC][/SIGPIC]

              Comment


              • #8
                يا باشا موضوع التعليق ده كان تهريج والله

                وانا مع محمد الواحد مبقاش عارف يركب ايه نتيجة انه في ناس كتير قوي بتتكلم عن تجارب شخصية على انها عيوب في الموديل عامة وكأن الشركات اللي بمليارات الدولارات دي تاريخها ملوش قيمة

                يا جماعة انا شغال ف ibm ولما بيحبوا يدونا كورسات عن مراقبة الجودة ومعايير الانتاجية.... بيدونا كورسات تويوتا اللي عملاها.. ومع ذلك لبسوا في الحيط بسبب عيب تصميم... جل من لا يسهو هما يعني هيخشوا ف حكم ربنا؟ بس كمان 10 سنين هتقفل شركات وتفتح شركات وتويوتا هتفضل موجودة

                الواحد بقى بيشتري ماركة ويقول يا رب... عشان كده انا اشتريت شيفروليه حتى لو كانت كوري عشان اسم شيفروليه مش صغير... وبرضه مش عايز اقلب الموضوع على تحربتي الشخصية

                الاسعار عالية؟؟؟ قاطعوا التجار وهما يضطروا ينزلوا الجمارك والاسعار تنزل... بس طول ما احنا بتشتري الاسعار هتفضل عالية
                [CENTER][sigpic][/sigpic]
                [SIZE="3"][FONT="Book Antiqua"]Proud Chevrolet Club Member Number 113[/FONT][/SIZE][/CENTER]

                Comment


                • #9
                  ارجو انك تقرا الموضوع ده


                  [CENTER]
                  [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                  [/CENTER]

                  Comment


                  • #10
                    انا علي فكرة لما قلت من وجهة نظري ده عن تجربة ل 90% من العربيات اللي انا مكلم عليهم يعني مش بفتي ولا بألف العربية الوحيدة اللي مجربتهاش السوزوكي سيلاريو
                    وبعدين انا مش عامل الموضوع علشان اضايق حد ولا اكره حد في عربيته ما انا يا سيدي بقولك معايا اسبيرانزا
                    انا لما عملت الموضوع كان بهدف اني اعرض سعر العربيات المبالغ فيه جدا بالنسبة للأوبشن اللي فيها
                    يعني ممكن حد يقنعني ليه اسبيرانزا صيني ب 50 الف رغم ان سنة 99 كان بال 50 الف دول اجيب لانسر كريستالة ياباني علي ابوه
                    هيه ديه الفكرة مش اكتر
                    ولو يا جماعة شايفين الموضوع يضايق كدة انا بطلب من الادارة تقفله ولا حد يزعل يا جماعة

                    Comment


                    • #11
                      كمال باشا انت معاك كروز اه خلاص بقي بلاش اتكلم في باقي العربيات اللي كنت عايز اتكلم عنهم علشان الكروز كانت منهم
                      بس للامانة انا مجربتش الكروز لغاية دلوقتي بس اللي سمعته عنها ان عيبها الوحيد توكيلها المقرف

                      Comment


                      • #12
                        يا باشا احنا مش زعلانين
                        احنا معاك في اللي بتقوله بس كل ما هونالك ان انت حطيت ايدك علي الجرح مش اكتر فكله طلع اللي جواه
                        احنا اسعارنا مبالغ فيها جدييييييييييييييييييييييييي هههههههههههههه
                        وعلى فكره تقريبا كيلو اللحمه سنه 99 كان ب18 او 20 جنيه حاجه كدا يعني فكل حاجه في ال10 سنين الخرنين بقت 5 اضعاف مش بس العربيات
                        يارب اكون وضحت كلامي
                        وتحياتي ليك يا كبير
                        [SIGPIC][/SIGPIC]

                        Comment


                        • #13
                          كلامك صح يا باشا بس انا فعلا مقصدش اضايق حد انا بس الفكرة بعرض سعر العربية والاوبشن اللي فيها لكن مش بتكلم عن عيوب لان مفيش عربية في الدنيا مفيهاش عيوب يا راجل ده برنامج توب جير مش سايب عربية في حالها حتي الفيراري والبورش والبوجاتي
                          سؤال بقي علشان واحد صاحبي حيحجز الكروز ايه اخبارها في الثبات والجري واستهلاك البنزين والتوكيل اخباره ايه وقطع الغيار موجودة ولا لا
                          هوه كان بيفاضل بينها وبين السيراتو بس انا قلت له ميزة الكروز ان شكلها افخم كتير ومش شعبية زي السيراتو

                          Comment


                          • #14
                            وبالنسبة للفيرنا واللانوس انا مش بهاجم عيوب فيها علشان اكيد حلاقي مليون واحد حيهب فيا
                            انا بتكلم ان حرام 64 الف في عربية من غير اوبشن مش بتكلم علي عيوب
                            الموضوع انا مش عاملة عن العيوب عن الاسعار المبالغ فيها
                            ويمكن اللي مميز الفيرنا واللانوس ان قطع غيارهم ببلاش تقريبا واي صنايعي ممكن يشتغل فيهم علشان كدة انتشارهم رهيب

                            Comment


                            • #15
                              بص يا باشا بالنسبه للثبات فدا اكتر حاجه محبباني في العربيه ياراجل انا والله 180 ومش حاسس اني علي 100 حتى والله ولكن البنزين زي اي 1600 2كامه بالتكييف 180كم بالعافيه في الصفيحه ودا عيب فيها علي فكره العربيه تقيله واتوماتيك وقطع الغيار انا بصراحه عمري ما سأت عليها مش هقدر افيدك بس الكوري كله عامه ميتخفش منه في قطع الغيار لانها هتكون منتشره جدا
                              [SIGPIC][/SIGPIC]

                              Comment

                              Working...
                              X