الى كل الساده الاعضاء بالمنتدى

[mely]

لاحظت مؤخرا اننا نطلب فى بعض المواضيع عناوين وارقام مراكز خدمه ومحلات قطع غيار ولم نطلب التواصل فيما بيننا اقترح ان نفتح مجال لتعارفنا اكبر بحيث كل مجموعة من محافظة واحده تعلن لبعضها عن بياناتها حتى يتسنى لنا مساعدة بعضنا بصوره افضل وكذلك الاستفاده من خارج المحافظات فمثلا انا من محافظة الغربيه اذا طلبت عنوان محل ابو الحسن لابد ان اعرف اطلبه من مين لأنى اسمع عن هذا الرجل ولا اعرف موقعه وهذا على سبيل المثال للاستفاده من تجاربنا لأن اهل مكه ادرى بشعابها اذا حبيت اجيب حاجه استعمال من القاهره او بورسعيد اجيب من مين يكون امين وسعره حنين ده قصدى من التواصل





شكرا مسبقا لكل من ساهم بالرد او المرور



شكرا لسعة صدركم

[engaass]

+11111111111111111111111111

[karimfahmy99]

+111111

و ياريت يكون فى المواضيع المثبتة

[mely]

اشكر كل من ساهم بالرد

[pesso]

الله يبارك فيك فكره حقيقى جميله
على فكره انا من الاسكندريه
7eda1b9e-5faf-407f-bbb5-d622dd1128b7
1.03.01

[emad2100]

وانا احب صديقنا على هذه الفكرة
ونبداء بالكلام
محل ابو الحسن محل مشهور ببيع قطع الغيار الخاصة بتالسيارات الكورى وبصفة خاصة الدايو وتلاقى عنده الصينى واليابانى والكورى
واسعاره على حد علمى معقولة وتعامله جيد
اما عن عن عنوانه بين السريات بجوار مرور بين السريات - الشارع الى امام باب كلية التجارة جامعة القاهرة - محافظة الجيزة
وهناك موجود عنده ميكانيكى متخصص فى الدايو فقط اسمه محمد هاشم بس غالى شوية وقريب منهم كهربائى بيشتغل بالكمبيوتر ( الاسكانر ) كويس اسمه محمد السيد بشارع ريحان من شارع الدقى - بعد نزلة كوبرى الدقى فى اتجاه

[hosar]

بالفعل فكرة ممتازة
و انا من الاسكندرية و ياريت قبل كل دا داخل القسم دا نفتح مواضيع التعارف و من داخل المحافظات
يعنى أهل كل محافظة يتعرفوا على بعض الاول

[تامر.محمد]

محل نافع في شارع دمشق ( على ناصية شارع دمشق مع شارع بيروت )
أشهر محل قطع غيار كوري (ما ركزتش عنده غير الكوري ولا لأ ) في مصر الجديدة
غالبا بتبقى الحاجة اللي عنده الأصلية
و تعاملهم معقول اوي

[mely]

كان نفسى ان الاصدقاء يهتمم بالتعارف بينهم بصوره اكتر بس واضح ان الموضوع مهمش ناس كتير
عموما شكرا لكل من ساهم بالرد او المشاهده والصمت

[mhmdalsaadany]

موضوع ممتاز
واحيي صاحب الموضوع علي الفكره بس المهم التطبيق الفعلي
وكيفيه التعارف يعني نفتح موضوع مخصوص لكل محافظه ولا في كل قسم نفتح موضوع للتعارف ووضع الخبرات ولا ايه

[mesaharaty]

والله الفكرة عظيمة ونحييك عليها وأنا طرحتها من قبل لكن بشكل آخر وهى ( عمل قاعدة بيانات عن مراكز الخدمة المتخصصة ) يعنى ميكانيكا - عفشة - كهرباء - سمكرة - إلخ علشان اللى ماعندوش وقت يودى عربيته كذا ورشة وماتفرقش معاه انه يجمع كل السرفيس المطلوب فى مركز واحد
ارجو من الإخوة الأعضاء المساهمة فى قاعدة البيانات دى للصالح العام

[mely]

والله الفكرة عظيمة ونحييك عليها وأنا طرحتها من قبل لكن بشكل آخر وهى ( عمل قاعدة بيانات عن مراكز الخدمة المتخصصة ) يعنى ميكانيكا - عفشة - كهرباء - سمكرة - إلخ علشان اللى ماعندوش وقت يودى عربيته كذا ورشة وماتفرقش معاه انه يجمع كل السرفيس المطلوب فى مركز واحد
ارجو من الإخوة الأعضاء المساهمة فى قاعدة البيانات دى للصالح العام

يا ريت لو فعلا نعمل قاعدة بيانات خاصه بالاعضاء فى كل محافظه لأن عندى فكره انا متأكد انها مجنونه بس يمكن الاقى حد مجنون زى
الفكره اننا نعمل رابطه لمالكى الدايو ويتم فيها المساهمه الماليه كل شهر بمبلغ بسيط جدا لمساعدة اى واحد داخل الرابطه لحل مشكله كبيره فى سيارته مثلا الله لا يقدر عمره او حدثه او خلافه وربنا يجيب العواقب سليمه
يعنى ندخل جميه مع بعض

مجنونه صح

[medo_2060]

فكره ممتازه وانا بقترح الاداره تعمل موضوع وتثبته ويكون باسم مثلا زى استفسارتك فى المحافظات وجوه الموضوع يكون فى لينك لمحافظه القاهره واهلها يشاركوا بارقام وعناوين اى حاجه لها علاقه بالعربيات وكذلك يكون فى لينك للدقهليه وكل المحافظات.. ويبقى الموضوع كمرجع ياريت الاداره تقولنا هل ينفع ولا لأ