مش ممكن اللي بيحصل على الكورنيش ده

[ahmmedbingo]

ثقافه شعب كامل

[N.a.j.d]

ربنا يصلح الحال

[icucono]

انا برضة مرة سخنت ونش عليهم بس كان فيه اتنين امناء وقعد يجري وراهم ومشاهم في صلاح سالم عند النافورة اللي عند نادي الجلاء
نفسي اعرف ايه اللي بيفرح في النافورة او الوقفة عالنيل او اي حاجةة من اللي ببتعمل دي

يا عزيزي مازال هناك من الفقراء من تسعدهم تلك الاماكن البسيطه والمجانيه

[icucono]

مرة وانا في اجازتي كنت ماشي كورنيش النيل عند الكيت كات ولقيت الزفة المعتاده بتاعت العربيات ويتقدمهم حوالي خمسين فسبا ومتوسيكل
رحت طالع من على يمين العربيات بغلاسه وايدي علي الكالاكس والزينون العالي والواطي مع بعض ، كان معايا مراتي وابني (صوتوا طبعا من اللي بيحصل)
ودخلت فيهم ، بقو يتحدفو يمين وشمال وفتحو الطريق والمهم اني لقيت ناس تانيه عدت من ورايا كمان وطبعا مش هايعرفو يجرو ورايا كلهم ويسيبو العرسان في الشارع

[jisso82]

حضرتك عارف إيه الأغلس من كده الحركات اللى بيعملوها وهما ماشيين احتفالا بالعريس أنا مرة كنت فى طريق المريوطية ناحية فندق كتراكت رايح فرح و كان فيه شلة أصحاب بيزفوا واحد برده بس بغشامة حبة تخميس و أمريكانى بالعربيات قدامه لزوم المنظرة و الشو فى طريق ما يستحملش تماما اللى هما بيعملوه ده و اللى ماشى حواليهم يولعوا

[Amrrr]

يا عزيزي مازال هناك من الفقراء من تسعدهم تلك الاماكن البسيطه والمجانيه

المشكلة ان الغلابة دول ياباشا بيقفوا في منزل كوبري وبيتسببوا في حوادث طبعا الناس نازلة من عالكوبري فجأة تلاقي الكوبري بيقف
وكذا مرة بتحصل حوادث كمان وهما بيعدوا في ناس بتتخبط وطبعا زفة وناس كتير & مرة شفت 128 مش هقول متكسرة !!! لأ !!! الصاج بتاعها متقطع بسيوف وازازها متكسر والله اعلم اللي كان سايقها حصل له ايه

[horas3000]

انا الموضوع ده بيستفزني جداااااااااااااا
و بيبقي هاين عليا اخطف العريس و اطلع بيه علي اقرب مستشفي اعمله عملية ----- (افهموها انتم)
و خليه يفرح براحته بقي
و بكده اكون حليت واحدة من اكبر مشاكل مصر بالمره

[ihabchina]

خد عندك ده

ليا واحد صاحبى ظابط شرطة نقيب فى المرور وفى يوم مخلص شغل بعد خدمة 12 ساعة فى الشارع ومش شايف قدامة ونفسة يروح .. وراكب المكنة بتاعتة وماشى فى مصطفى النحاس مدينة نصر

شارع مصطفى النحاس ها !!!

لقى الشارع وكانة يوم الحشر من عند التوحيد والنور كده وبيضرب بعينة لقى كل الدنيا قدام واقفة وبيقولى وكان الناس بتبصلة واتقولة هو فية اية وهو ميعرفش . راح طالع على الرصيف فى النص وقرص شوية ونقل نفسة الناحية التانية وماشى عكس لحد فين بقى لحد مدرسة المنهل كده هههه !!

لقالك عربية عريس BMW ويجى 5 عربيات شباب قدام تخميس وفرك وخبط ورزع وحاجة زى الفل
ركن المكنة قدام عربية العريس ونزل العريس وباقى الشباب وحتى عربيات اللى مقفلة من ورا على عربية العريس . الرخص لو سمحتم يا اساتذة كلة طلع الرخص وفاكر اخرها 50 جنية .

الفاجر بقى عمل اية طلب النجدة من غير ما حد ياخد بالة وسلك الطريق وركن الزفة على جنب وعمل وكانة بيعمل مخالفات يا عينى هههههههه

جت النجدة قالك اثبت حالة يا عم وعمل حتة محضر ابن حرام

1. السير فى مواكب غير رسمية بدون تصريح
2. السير عكس اتجاة (ده بالنسبة للعربيات اللى كانت بتخمس قدام) الراجل اعتبرها سير عكس اتجاه (حقة بقى يفترى) ههههه

3. سوء ادب والتحدث مع ظابط المرور بأسلوب غير لائق
4. تعمد تعطيل حركة المرور والسير فى شارع حيوى
5. ملصقات غير مثبت على رخصة المرور
6. زجاج ملون غير مثبت على رخصة المرور

كل ده وهو مش فى وقت خدمتة وقعد فى الليلة ده ساعتين معاهم وفى القسم.

واخيرا............

اركب يا نجم الشباب مع النجدة وعلى قسم مدينة نصر والباقى كده يحصلك على مهلة ومحضر حبس للعربيات اللى واخدة سير عكس اتجاة وعرض على النيابة المسائية ههههههههههههههههههه


ظبط ابوهم ههههههههه بيت العريس فى القسم

الغريب انة بيقولى بذمتك ودينك وايمانك لما تلاقى موقف زى ده من شباب المفروض شكلهم ناس متعلمة وشكلهم كلاس وراكبين عربيات زى الفل من الاخر ناس مرتاحة. يبقى اية الوعى عند الباقى الغير متعلم ولا مؤهل متوسط. هستنى اية من سواق ميكروباص ولا تاكسى!! معرفتش ارد علية هههههههه

[charming]

دى اسمها طبيعة التقليد الاعمى تلاقى و احد اصولة من العشوائيات حيث انعدام الحضارة و انتشار الجهل و عدم الاخلاق قام بتنفيذ الفكرة و بقت عادة عند الناس اللى من نفس العينة (سياسة القطيع) تلاقى ثور و احد فى المقدمة وباقى القطيع بيقلدوة و اتباع لية

[kemoelord]

انا الموضوع ده بيستفزني جداااااااااااااا
و بيبقي هاين عليا اخطف العريس و اطلع بيه علي اقرب مستشفي اعمله عملية ----- (افهموها انتم)
و خليه يفرح براحته بقي
و بكده اكون حليت واحدة من اكبر مشاكل مصر بالمره

هههههههههههههههههههههههههههههههههههههههههههههههههه هههه

لقى الشارع وكانة يوم الحشر من عند التوحيد والنور كده وبيضرب بعينة لقى كل الدنيا قدام واقفة وبيقولى وكان الناس بتبصلة واتقولة هو فية اية وهو ميعرفش . راح طالع على الرصيف فى النص وقرص شوية ونقل نفسة الناحية التانية وماشى عكس لحد فين بقى لحد مدرسة المنهل كده هههه !!

يا دييييييييييين النبي كل ده هههههههههههههههههههههههههههههههههههههههههههههههههه هه
على فكره صاحبك ده كان رحيم بيهم اوي علشان ما خلاش ليلتهم مهببه اكتر من كده وكتب في المحضر ان كان معاهم متفجرات سي فور هههههههههههههههههههههههههههههههههه

[mrghost]

كنت رايح جمصه من اسبوع وكان فى زفه على الطريق السريع وكان معايا اخواتى وكان معايا عربيتى الشاهين
علقت ايدى على الكلاكس مفيش فايده
عملت مجنون بالعربيه وفضلت اجرى وادوس فرامل وازنق عليهم وعملت مستبيع لحد ما عديت انا وواحد عمل زيى كان معاه نصف نقل واول عربيه فى اول الصف كانت عربيه الزفه وكانت باسات
بعد ماعديت منه قمت رامى عليه جامد كنت هخليه يلبس فى الفاصل بتاع الطريق ولحق نفسه بالعافيه بعد ماكان بيلعب بالعربيه شمال ويمين

[x512]

قله ادب

[x512]

1. السير فى مواكب غير رسمية بدون تصريح
2. السير عكس اتجاة (ده بالنسبة للعربيات اللى كانت بتخمس قدام) الراجل اعتبرها سير عكس اتجاه (حقة بقى يفترى) ههههه

3. سوء ادب والتحدث مع ظابط المرور بأسلوب غير لائق
4. تعمد تعطيل حركة المرور والسير فى شارع حيوى
5. ملصقات غير مثبت على رخصة المرور
6. زجاج ملون غير مثبت على رخصة المرور

صاحبك كان لازم يعاقبهم... ماشي مفيش مشاكل...انما يبيت العريس في الحجز كدا افترا و و بيفسد عليه فرحته...كان ممكن يفتري في المخالفه و يلسعهم في الفلوس او يعمل اي حاجه تانيه بس ميوديش عريس الحجز يوم فرحه.....ادي اللي بناخدو من الشرطه

[x512]

كنت رايح جمصه من اسبوع وكان فى زفه على الطريق السريع وكان معايا اخواتى وكان معايا عربيتى الشاهين
علقت ايدى على الكلاكس مفيش فايده
عملت مجنون بالعربيه وفضلت اجرى وادوس فرامل وازنق عليهم وعملت مستبيع لحد ما عديت انا وواحد عمل زيى كان معاه نصف نقل واول عربيه فى اول الصف كانت عربيه الزفه وكانت باسات
بعد ماعديت منه قمت رامى عليه جامد كنت هخليه يلبس فى الفاصل بتاع الطريق ولحق نفسه بالعافيه بعد ماكان بيلعب بالعربيه شمال ويمين

هو دا الاسلوب اللي ينفع في المواقف دي بس لازم يكون الواحد بايع العربيه و مش فارقه معاه انما لو عربيه جديده هتخاف شويه

[aymanay32]

من حق الناس تفرح و من حقهم الحفاظ على حقوق الاخرين فى الطريق حتى يحافظ الاخرين على حقهم فى الفرحة