الشرطة جابت عربيات كامري ؟؟؟؟

[dr.hazem]

والله انا ساكن في شارع رئيسي (جمال عبد الناصر بالحرفيين) متكسر لدرجة ان بقي فيه حفر الكرولا لو وقعت فيها تحك مش مطبات عادية
الشارع ده ماتسفلتش من ساعة ما سكنت فيه من 8 سنين وبقى ادغال
واللي بيدخل جمال عبد الناصر للحرفيين عارف يعني ايه الشارع الزفت ده

وجسر السويس نفسه لما اتسفلت ودخلو الغاز من اول الحرفيين لغاية الجراج بطول 7 كم كل 10 متر مطبر بالعرض نتيجة الحفر والرم والسفلتة غير المستوية

حاجة زبالة وانعدام تخطيط وموازنة

انا متاكد ان الكامري دي منحة (اتاوة)من الفطيم ولا حاجة
زي ال x3 كدة

اه يا كيمو
الشارع ده بالذات انا ليا فيه خالتي وعندنا ارض هناك
وكل يوم اقول الحته دي هتتظبط
لغاية اما فقدت الامل وشاركت واحد يبنيها عشان نبيع ونرتاح

اما عن جسر السويس فده لسا واخد فيه حفرة بعربيتي البسيطه جدا والله العظيم العربية نزلت ومكانتش هتطلع
والحفرة من كتر ما هيا كبيره كان ممكن تاخد العربية بعرضها ولما فاديتها اخدتها من الناحيه الشمال فقط والحمد لله على كل حال

من يومها وفي نقط بسيطه من زيت الفتيس وهروح اكشف عالعربية
وربنا يسترها
ده غير كمية المطبات والذي منه...

حاجه تكسف والله

ماعلينا

............

[dr_abooody]

موجودة كتير و شوفتها و شوفت x3 bmw و شوفت شيفرولية كابتيفا

[د.محمود صلاح]

دي ثمنها الرسمي بعد الجمارك والضرايب 575 الف ج

[zidaneelwaly]

خدو عندكو
مره ماشي في صلاح سالم فكان في تشريفه و عربيات واقفه علي اليمين
أيه بقا : -مرسيدس e شرطه
- لانج روفر و مرسيدس جيب شرطه
- و عربيات اودي a4 كلها عليها السرينه من فوق و لونها اسود
- عربيات ميجان برده شرطه
- غير طبعا ال bmw 545
كل دول في خدمه الشعب بعون الله

[Eng.Geo]

شفتها من سنتين وكانت زرقا ... تحت كوبري غمرة

[i_Am_Legend]

عادى_بفلوسنا_كل دة من فلوسنا_كل دة من تعبنا وشقانا_وبهدلتنا فى الشوارع.
يمهل ولا يهمل_ولكل أجل كتاب.

[x512]

فلوس الناس اللي زيي و زيك و الاتاوات اللي بيلموها مننا علي الطرق و اثناء الترخيص كترت لدرجه انهم مش عارفين يودوها فين....فبيخزنوها في صوره عربييات شرطه بدل ما تتحط رصيد في البنك و تجيب لسياده اللواء او العميد شوشره و قيل و قال....

[x512]

خدو عندكو
مره ماشي في صلاح سالم فكان في تشريفه و عربيات واقفه علي اليمين
أيه بقا : -مرسيدس e شرطه
- لانج روفر و مرسيدس جيب شرطه
- و عربيات اودي a4 كلها عليها السرينه من فوق و لونها اسود
- عربيات ميجان برده شرطه
- غير طبعا ال bmw 545
كل دول في خدمه الشعب بعون الله

بس دول ممكن تلاقيهم حاجه تبع رياسه الجمهوريه او هيئه بيحرسو هيئه سياسه بس واخدين نمر شرطه لسبب او لاخر....و في الاخر..ربنا علي الظالم و المفتري

[x512]

دي ثمنها الرسمي بعد الجمارك والضرايب 575 الف ج

عادي يا باشا...المرور قادر يعملهم في اقل من يوم بدون مبالغه

[x512]

الكامرى نازلة من سنتين فعلا فى صفقة مع هاى لوكس دوبل كابينة تربو ديزل دفع رباعى

بس كانت لونها كحلى اللى شوفتها منها وكانت حوالى 8 عربيات فى مرور مدينة نصر

منزلش بعدها حاجات نضيفة غير الشغل بتاع منصور الفيكترا والكابتيفا وبعدين مؤخرا ال X3 اللى فعلا Sport زى ما قال دكتور احمد

فى كلام بيتقال والله اعلم ان علشان ال X3 الجديدة قربت تنزل الصفقة دى كان فيها مصلحة لحد بكرش فى الوزارة , منها الحكومة تركب والبافارية تسلك المخزون بدل ما يدخل الاوكازيون ويوقع سعر العربية فى السوق وميعرفوش يرفعوا سعر الجديدة شويتين

صح و الله...المهم المصلحه العامه....الحكومه تركب و التوكيل ميخسرش و يخلص مخزون...اهي تبقي عربيات الشرطه واجهه برضو قدام السياح

[Lion_Heart]

دي ثمنها الرسمي بعد الجمارك والضرايب 575 الف ج

و لا كأننا اغنى دولة فى العالم

[N.a.j.d]

الى الامام يا مصر

[RUN]

منك لله يا جمال يا مروان

[MaZaGAngeE]

دي شرطة .............. و لا بلاش يحسن اطرد من المنتدى

[mohie777]

حسبى الله ونعمة الوكيل