استفسار عن شراء سيارة جديدة

[grgabra]

معايا 45000 وثمن بيع عربيتي من 36 إلى 40 ألف يبقى = 85000 بالكثير
اشترى شاهين جديدة 1600 أم
اشترى بيجو 405 ايرانى تقفيل مصرى أم
اشترى ماتريكس أم
اشترى صانى أم
اشترى اوبترا
ولا اريح دماغى من كل ده واصرف على عربيتي 10000 جنيه اركب تكييف وجنوط واعرض العجل وزجاج كهرباء وسنتر وشويه كماليات
مع العلم ان عربيتي شاهين 1400 موديل 1998 ومفيهاش مشاكل ، بس محتاج شويه كماليات
شكرا ليكم مقدماً

بالمناسبة الموقع ده رائع جداً وخصوصاً الاهتمام الشايفه فى ردود القراء بجد

[حماده عزو]

أنا بقترح أنك تجيب عربيه جديده
ولو على نصيحتى
أنا بفضل المتركس لأنها برغم عيوب الوكيل
لكن تقفيلها كورى أو توركى
يعنى أبعد عن المصرى وغنيلو
ولاتاخد منو ولا تديلو

[SEATLOVER]

اية رايك تستنى شوية ....وتشوف (البيرسوانا ) الجديدة

[tutankhamoun]

حضرتك
عند في الأختيارات اللي حضرتك قلتها
أحسن حاجة
الصني ........ . البيجو 405 الإيراني المصري ....... الماتريكس

و لكن لو تحب نرشحلك أحنا عربيات
يبقى عندك الآتي
النيسان الصني ........ بروتون جين 2 ......... و بروتون بيرسونا لما تنزل قريب
---------------------------------------------

و أحسنهم من ناحية الكماليات هي الجين 2 أو البيرسونا
و أرخصهم و أيضا أداء رهيب و كماليات فظيعة
و لكن لو أنت عايز من القائمة اللي فيها أختياراتك
يبقى النيسان صني ........... تكسب الكل

[tutankhamoun]

أنا بقترح أنك تجيب عربيه جديده
ولو على نصيحتى
أنا بفضل المتركس لأنها برغم عيوب الوكيل
لكن تقفيلها كورى أو توركى
يعنى أبعد عن المصرى وغنيلو
ولاتاخد منو ولا تديلو

يا أخي اللي يقرأ كلام ........ يفتكر أنه بيسأل على عربية إسرائيلي

حرام اللي بنعمله في نفسنا ده

و لعلمك العربية النيسان مفيش حد أشتكى منها ده كان أولا
ثانيا المصنع الموجود في مصر ده ملك شركة نيسان اليابانية و يدار بواسطة شركة نيسان اليابانية

نقفل بقى المصانع ......... و نسرح العمال ........... و نشحت و نتفقر أكتر ما أحنا فقرانين

بلاش تعميم يا اخي الكريم
يعني مثلا إن كان فيه حاجة وحشة قول عليها وحشة و متقلش صناعة مصر زفت
يعني الياريس بتيجي من اليابان و فيها عيب خطير و هو أن اسطوانة الدبرياج بتحتاج تتغير و محدش قال على اليابان وحشة أو حتى على العربية وحشة أو فيها عيوب ؟؟؟؟؟؟؟؟؟؟

[جمال]

نصيحتى لك يمكن تزعل ناس كتير فى المنتدى
اعمل زى مانا عملت و اشتريت هايما فاميلى - سيارة صينى لكن موتور و جير بوكس و عفشة مازدا - تقفيل صينى ممتاأأأأأأأأأأأأأأأأأأأأأز
انا اشتريتها بعد دراسة بتمعن و مستريح فيها جدا
نصيحتى لك لوجه الله

[SEATLOVER]

نصيحتى لك يمكن تزعل ناس كتير فى المنتدى
اعمل زى مانا عملت و اشتريت هايما فاميلى - سيارة صينى لكن موتور و جير بوكس و عفشة مازدا - تقفيل صينى ممتاأأأأأأأأأأأأأأأأأأأأأز
انا اشتريتها بعد دراسة بتمعن و مستريح فيها جدا
نصيحتى لك لوجه الله

يا عم هيما تزعل اية بس انت حر فى النصيحة بتاعتك وربنا ما يجيب زعل ..بعدين بقى معروف ان الفاميلى جيدة و مش وحشة ..هى بس بتفتح سوق لنفسها مش اكتر
اقتراح جيد ..و بصراحة ماجاش على بالنا .

[hazem_khidr]

هات ياريس هاف اوبشن و ريح دماغك لا تقول عيوب تقفيل و لا سخونيه ولا صوت شخشه مش عارف منين و لا بويه بايظه و لا تحط هم للكلام دا كله

يعني الياريس بتيجي من اليابان و فيها عيب خطير و هو أن اسطوانة الدبرياج بتحتاج تتغير و محدش قال على اليابان وحشة أو حتى على العربية وحشة أو فيها عيوب ؟؟؟؟؟؟؟؟؟؟

يا استاذ توت ايه العيب الخطير و الكبير في كده هيا لاقدر الله بتتقلب مثلا و لا فاقده لثباتها و لا فيها مشكله دوره الوقود ممكن تعرض حياتك للخطر؟؟؟؟
كل ما في الامر بعض العربيات مش كلهاو اكرر مش كلها طلع عيب في اسطوانه الدبرياج و اتغيرت في الضمان علي حساب التوكيلو التوكيل مااتكلمش و لا قال دا عيب استعمال و لا كلام من دا.
بلاش بس نكبر مشاكل مش كبيره خالص و نصفها بالخطوره و خلاص لمجرد ان العربيه مش علي اهوائنا الشخصيه.
و بعدين لما حضرتك بدافع عن المصري كده يا تري قريت الموضوع بتاع اخ عزيز لينا مش متذكر اسمه حاليا لما بيقولك علي بقع الدهان في عربيته ؟؟؟
بذمتك يا راجل في كده في عربيه زيرو ؟؟؟؟؟
و غير كده معلش يعني لو حضرتك بتشجع الصناعه المصريه ليه حضرتك كان معاك بونتو و مش معاك شاهين مثلا و ليه معاك بروتون و مش معاك صني؟؟؟؟؟؟
انا اسف لو كنت بتكلم كده لكن احنا اتعودنا اننا نتناقش كاخوات و نتكلم بصراحه :)
و لك مني كل الحب و الاحترام

[tutankhamoun]

هات ياريس هاف اوبشن و ريح دماغك لا تقول عيوب تقفيل و لا سخونيه ولا صوت شخشه مش عارف منين و لا بويه بايظه و لا تحط هم للكلام دا كله

يا استاذ توت ايه العيب الخطير و الكبير في كده هيا لاقدر الله بتتقلب مثلا و لا فاقده لثباتها و لا فيها مشكله دوره الوقود ممكن تعرض حياتك للخطر؟؟؟؟
كل ما في الامر بعض العربيات مش كلهاو اكرر مش كلها طلع عيب في اسطوانه الدبرياج و اتغيرت في الضمان علي حساب التوكيلو التوكيل مااتكلمش و لا قال دا عيب استعمال و لا كلام من دا.
بلاش بس نكبر مشاكل مش كبيره خالص و نصفها بالخطوره و خلاص لمجرد ان العربيه مش علي اهوائنا الشخصيه.
و بعدين لما حضرتك بدافع عن المصري كده يا تري قريت الموضوع بتاع اخ عزيز لينا مش متذكر اسمه حاليا لما بيقولك علي بقع الدهان في عربيته ؟؟؟
بذمتك يا راجل في كده في عربيه زيرو ؟؟؟؟؟
و غير كده معلش يعني لو حضرتك بتشجع الصناعه المصريه ليه حضرتك كان معاك بونتو و مش معاك شاهين مثلا و ليه معاك بروتون و مش معاك صني؟؟؟؟؟؟
انا اسف لو كنت بتكلم كده لكن احنا اتعودنا اننا نتناقش كاخوات و نتكلم بصراحه :)
و لك مني كل الحب و الاحترام

أولا يا أستاذ حازم ......... كلام حضرتك على دماغي من فوق

نيجي بقى نتكلم على العربيات
أنا مقلتش إن الياريس وحشة أو زبالة أو الكلام ده
لأني لو قلت الكلام ده يبقى أنا بكدب و بألف كلام من دماغي لمجرد إن شكل العربية مش عاجبني
العربية الياريس عربية حلوة و لكن أنا أوضحت وجهة نظري فقط ليس أكثر
و بعدين إن العربية تيجي من اليابان ........ عارف يعني أيه يابان ......... يعني لما أي حد يسأل على عربية في المنتدى يقولك دي كفاية أنه ياباني
و أنا قلت إن العربية بتيجي من اليابان فيها عيب صناعة خطير ( اسطوانة دبرياج ) و في رأيي الشخصي المتواضع أنه عيب خطير لأنه في المحرك

و لكن لم يقول أحد على العربية فيها عيب و لا حاجة
عارف ليه ؟؟؟؟؟؟؟؟؟؟؟؟؟؟؟
علشان تويوتا ........... و صنع في اليابان
إنما العيب ده لو ظهر في أي عربية تانية ......... كانت الناس نحلت وبر الشركة المنتجة

المهم
نيجي بقى لسؤال حضرتك
أنا معايا بونتو .......... و معايا جين 2
و الأثنين ليسوا صناعة مصرية
و لهذا أسباب
أولا البونتو .......... مش أول مرة أركبها و العربية عاجباني جدا من حيث الوفر في البنزين و الشكل الجميل
و الجين 2 ....... إنتاج شركة من بلد إسلامي و أنا عندي منتج أي بلد إسلامي زي منتج مصر بالظبط و لكن مصر لها الأولوية طبعا ......... و لكن أنا كنت عايز أشتري الآتي
فيرنا .......... نيسان صني .......... أفيو .......... هوندا سيتي
و لكني أستقرت على الجين 2 لأن شكلها عجبني جدا
أما موضوع تشجيع الصناعة المصرية فياريت تقرأ مداخلتي بالكامل علشان تفهم أنا أقصد أيه

أنا اشتريت جين 2 بالإضافة للبونتو و لكني لم أقول في يوم من الأيام لأحد
" أوعى تشتري مصري "
هنا الفرق
واحد عاجبه شكل العربية و مصري كمان ........ يبقى يتكل على الله و يشتريها
أما لو واحد مش عاجبه الشكل ماشي يشتري اللي هو عايزه
إنما المشكلة في الناس اللي ليل نهار تقول
"أوعي تشتري المصري "

أرجوا أن تكون فهمت مقصدي
و شكرا على مداخلتك و توضيح وجهة نظرك التي أحترمها جدا

[hazem_khidr]

مفيش مشاكل يا اخ توت
علي فكره بعدت لحضرتك رساله علي الخاص :)

[Akram]

يا جماعة انتو بعتوا عن الموضوع و هو نصيحة (grgabra) بإختيار عربية جديدة أو يضيف الكماليات في الشاهين ,
انا رأي انك لو ضفت الكماليات دي للشاهين هتبقى كويسة بس مش هتكون بنعومة العربيات الجديدة ,
و كمان بعد ما تعمل الكماليات ممكن تلاقي مشاكل من التركيب و الصنيعية ,
دا غير ان العربية عدى عليها 10 سنين و دي فترة مش كبيرة و مش قليلة ,
يعني لازم كل فترة فيه زيارات للميكانيكية و الكهربائية و ........

يا ريت تفكر في الجديد و بالنسبة للنوع انا برشحلك الماتركس ,
ربنا يوفقك للإختيار.

[grgabra]

اشكركم جميعا على ردودكم
انا بس خايف اتفزع من فرق اسعار قطع الغيار فى العربيات الكورى واليابانى ، لو ممكن حد يدينى أمثلة على اسعار قطع الغيار دى بالتقريب أبقى شاكر .
بالنسبه للياريس (اللى سمعته والله واعلم) ان صاجها خفيف زيادة عن اللزوم والكبوت صغير فأى خبطه تسمع بسرعة فى حاجات كتير داخل الكبوت ، وانسيابية وشها لو لقدر الله اتخبطت صعب قوى ترجع زى الاول .
مع الشكر