If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
معايا رخصه سلاح
باخد ترخيص لشراء الذخائر( الطلقات)
بروح اشترى الرصاص
المحل بيعرض عليا انه يدينى 50 طلقه ببلاش واسيب له الترخيص اللى هو ب 100 طلقه
وطبعا هو يبيع الطلقات فى السوق السودا بأضعاف تمنها
وممكن يتقتل بيها ناس
أنا طبعا رفضت
لكن أعتقد ان ده مش ممكن يحصل غير فى مصر
مين اللى يستحمل كل ده
[URL="http://www.0zz0.com"][/URL]
1. أبواب أي وسيلة مواصلات كالمترو و الأتوبيسات للطلوع و النزول في ان واحد !!!
2. في اشارة المرور: اللون الأحمر = اللون الًصفر = اللون الأخضر = لو مفيش أمين شرطة يبقي عدي !!!
3. أمين شرطة واقف في الجزيرة الوسطي علي الطريق الدائري و السيارات تسير من حوله بسرعات متفاوتة ما بين 60 -100 كم/الساعة و تجده ماسك دفتر المخالفات و نازل كتابة في المخالفات !!!
4. عبور المشاة من أي نقطة في الطريق , و في أي وقت و بدون أي انذار سابق و غالب ماا يتم عبور الطريق بشكل قطري (بالورب) لضمان قضاء لأطول فترة ممكنة في نهر الطريق.
5. و أخيرا و ليس اخرا شارع فيصل هو أكبر "موقف"(بكسر القاف أو فتحها.. سيان :)) ممكن تشاهده هذه الأيام وهو أيضا شىء نادر حدوثه الا فى مصر :)
باختصار ...... العيشه اللى احنا عايشنها بكل تفاصيلها لن تجدها الا فى مصر
قصرت و اوفيت و الله
[CENTER][url=http://www.0zz0.com/realpic.php?s=6&pic=2008/03/05/18/150338696.jpg][img]http://www6.0zz0.com/thumbs/2008/03/05/18/150338696.jpg[/img][/url][url=http://www.0zz0.com/realpic.php?s=4&pic=2008/03/05/18/239251693.jpeg][img]http://www4.0zz0.com/thumbs/2008/03/05/18/239251693.jpeg[/img][/url][url=http://www.0zz0.com/realpic.php?s=4&pic=2008/03/05/18/236947414.jpg][img]http://www4.0zz0.com/thumbs/2008/03/05/18/236947414.jpg[/img][/url][/CENTER]
[U][I][B][CENTER][COLOR="SeaGreen"][SIZE="5"]سبحان الله عدد ما خلق من الملائكة وما خلق من الأنعام والأنام[/SIZE][/COLOR][/CENTER][/B][/I][/U]
معقول يا جماعة كل الناس كاتبة سلبيات
ايه رأيكم لو دورنا على ايجابيات اهو على الاقل نرفع من روحنا المعنوية
طبعا انا عارف انها صعبة و انا شخصيا حاولت و يمكن اكتر حاجة حاسسها ايجابية ان الواحد حاسس نوعا ما بالامان
على الاقل لما تقفل باب بيتك عليك
ياريت كل واحد يدور على حاجة ايجابية و يقولها
معلش نبتدى بالسلبيات التى لا حصر لها لكن نذكر بعضها
1. شارع بقاله حوالى 20 سنه كل يوم بتحصل فيه حوالى 20 خناقة تقريبا علشان مش محدد الاتجاهات ، مين يرجع لمين ، والمرور مكسل يحط يافطه .
2. اعلان شومان بتاع الضرائب "يا اخى دى كلها 20 %" (و10% مبيعات ، و7% لو توريد حكومى وضريبة الدمغة والخدمات) فضل لك 40% حلوووووووين .
3. استكمالاً للضرائب ، وزير المالية فى التليفزيون يقولك "مش بسبب الانارة والصرف الصحى والحدائق اللى البلد عملها عقارك بيزيد ، ادفع ضريبة عقارية" اولا فين الخدمات الهو اتكلم عليها دى لو حد لقيها يقولى ، ثانيا قمال ال60 % تقريبا الاتخدت فى رقم 2 دى كانت علشان ايه .
4. تشترى اى حاجه بضمان ؟؟؟ اه بضمان طبعاً . تانى يوم ترجع للبياع "ضمان ايه لمؤاخذه !!!"
5. انا زهقت ومش هكمل لانى هفضل طول اليوم اكتب ومش هكمل شغل .
ايجابيات
الناس ثم الناس ثم الناس
بالرغم من ان حتى دى بتقل ، والناس بقيت مشغولة فى اكل العيش الحاف اللى مش موجود ، لكن وجود الأصدقاء الحولين كل واحد فينا ، دى مش موجودة فى حتت كتييير
وللحديث بقية
الاشياء السلبية النادرة الحدوث اللي في مصر كتير اوي بس ححاول اختصر شوية :(
1- وجود طابورطويل عند ماكينات الصراف الالي للبنك ( ماكينة ال Atm )
2-سرقة ذلك الكم الهائل من بطاريات العربيات
3- تزوير الارقام الموجودة علي لوحات السيارات بوضع مسامير لتبدو كانها اصفار
4-سرقة كابلات التليفونات عشان يصهروا النحاس اللي فيها
5-سرقة و صلات الكهرباء من اعمدة النور اللي في الشوارع
6- العربيات اللي بتقف صف تاني مع شد فرامل اليد و تعشيق الفتيس
7-التاكسي اللي ما بيروحش غير الحتة اللي علي مزاج سواق التاكسي اللي سايقه
البلد الوحيده اللي بتدفع 200% جمارك علي العربيات .. زياده عن 30% في الضرايب .. رسوم و جمارك .. رغيف العيش البيتي بقي ال 3 بجنيه ... البنزين يا موجود يا مش موجود .. و ان اتوجد بيبقي بنزين خالي من البنزين .. 20% بنزين 80% مياه لفت ... العيش بالقتال علي الافران ... الاكل مسموم ... العربيات غاليه نار .. الشقق غاليه نار .. الحديد غالي نار ... الموظف مرتبه مفيش (ده كده و ماعندناش في عيلتنا موظفين ..) .. سن المعاش 60 سنه و بعد ال 50 مابيجوش اصلاً ... الموظفين ماتعرفش تكلمهم و ان كلمتهم يعملولك قضيه تعدي علي موظف حكومي اثناء تأديه عمله (عن تجربه.. بعد كده ماهكلموش اثناء تأديه عمله ... بس لو دكر يطلع الشارع بقي ...) ...العيشه بالدراع .. السواقه بالدراع .. البيع و الشراء بالنصب و الاحتيال ...الضرايب تتعدي تمن الوعاء الضريبي .. السرقه و الشحاته زادت ..الواحد بينام باليل و هوه فاتح عينيه ..المستثمر لو معاه فلوس مابيعدش لمصر ... الكوسه زادت قوي ..
حرفياً : العيشه كلها بقت تقرف .. و يبقي انت اكيد في مصر ...
بجد : عمار يا مصر ... كل ده و مستحمله لسه .. عمااار يا مصر !
رايحه علي فين يا بلد .....
اكبر العجايب فى نظرى .. انة رغم السلبيات اللانهائية التى نعيشها .. هو هذة المحبة والود الجميل بين اعضاء هذا المنتدى .. ودة فى حد ذانة دليل لايقبل الشك .. انة مصر مازالت بخير .......(اتمنى ذلك ) .
انا شايف ان مصر فيها ايجابيات وفيها سلبيات بس السلبيات اكتر بكتير من الايجابيات اولا السلبيات
1-الروتين الى يخنق علشان تخلص اى مصلحة لازم تعمل عجين الفلاحة
2-المرور فى مصر كتير بشوف ميكروباصات بتقف فى نص الشارع وولع فى نفسك ولو اتكلمت تاخد عل دماغك
3-التعليم الى الواحد يقعد يهرى نفسة مذاكرة ويتخرج يقعد على القهوة ويقولك الحق القطر فى الاعلانات الحقة ازاى لما اكون ليسانس حقوق او بكالريوس تجارة واروح اشتغل عامل خراطة ولا نقاش ولا عامل نظافة ودة اعتقد ان الواحد مبيشفوف الا فى مصر
4-السحابة السودا
5-الظباط الغير مؤهلين للعمل لانهم ببساطة بيستخدموا العنف والاكراة وقلة القيمة فى شغلهم
6-الوسايط مش فى الشرطة والنيابة بس انما كمان علشان اعمل اى حاجة فى حياتى لازم وسطة
الايجابيات
من كتر السلبيات الواحد مش فاكر ايجابيات لو حد فاكر اى ايجابيات ياريت يفكرنا معاة
اللهم اكتب لي الخير اينما كان .. وارضينى به كيفما كان ..
مرة واحد قريبي عمل حادثة
وهو ماشي في طريق الاسماعيلية عند كوبري الهاكستب
سواق مكروباس وقف علي الشمال في مطلع الكوبري عشان ينزل ركاب
المهم الناس نزلت في نص الطريق طبعا وهو ما كانش واخد باله فخبط بنت عندها حوالي 20 سنة خبطة جامدة .. البنت طارت لفوق ونزلن علي كبوت العربية وبعدين علي حافة الرصيف
كان فيه شاب نازل من المكروباس معاها ... مايعرفهاش ولا عمرة شافها .. البنت قبل ما يغمي عليها كانت ماسكة فيه وبتقوله .. ماتسيبنيش .. وراحت في غيبوبة
قريبي عنده سكر .. وطبعا هو كمان بقي عاوز اللي يسعفه
الشاب اللي كانت البنت ماسكة فية فضل معاها وفتح الموبايل بتاعها عشان يعرف اهلها لكن الموباايل كان اتقفل من الصدمة وعلية رقم سري .. الولد طلع بطاقتها من الشنطة وطلع اسمها وفضل يتصل بالنجدة شوية وبالدليل شوية والاسعاف شوية من تليفونه
واخيرا قدر يوصل لتليفون اهلها عن طريق ناس اصحابة اتصل بهم واعطاهم الاسم وهما فضلوا ورا الدليل لغاية ما اتصلو باهلها بعد حوالي 3 ساعات
خلال هذه المدة كان هو وقف سيارة اجرة ونقل البنت للمستشفي ودخلها الاستقبال علي مسؤليته ولما مالقوش اشاعة في المستشفي اخذها لعين شمس التخصصي عملولها اشاعة مقطعية ورجعها تاني لهليوبلس وفضل معاها لغاية اهلها ما وصلوا وبعد الاجراءات اللي انتو عارفينها وما فيش جراح وبعتو جابولها جراح مخ واعصاب من مستشفي تانية دخلت للعمليات وعملولها عملية لإزالة تجمع دموي في المخ ولما خرجت من العمليات كان الولد لسة موجود ورافض انه يمشي الا لما البنت تفوق
وكان واخد رخص الراجل قريبنا وسلمها لبتوع الشرطة في المحضر وشهد باللي حصل بالتفصيل
ولما اهلها وصلوا واتأكد من شخصية ابوها اعطاه شنطتها والموبايل والذهب اللي كانت لابساه ( كان اخذو منها وهي في الغيبوبة عشان محدش يسرقو )وطبعا كل ده كان قريبي معاه لكنه كان مذهول ومش مركز
احنا لما عرفنا روحنا المستشفي بسرعة ومتخيلين ان اهل البنت عاملين مشاكل وخايفين انهم يعملوا حاجة في الراجل ( قريبنا ) لكن العكس هو اللي وجدناه .. الناس في منتهي الصبر والذوق وقاعدين يدعوا للبنت
الموضوع دة استغرق من الساعة 1 الظهر الي حوالي 2 فجرا واخيرا الولد مشي ورفض ياخد اي فلوس من اهل البنت وسابلهم تليفونه عشان لو عاوزينه يشهد في النيابة
اللي عرفته بعد الموضوع ما كان علي وشك النهاية ان الولد ده مسلم وقريبي طبعا مسلم .... والبنت كانت مسيحية
انا اتحدي ان ده ممكن يحصل في اي مكان آخر في العالم
[SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
[SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
[SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]
Comment