موتوسيكلات الديليفري

[abo_lamar]

سلام يا شباب
هو ليــــه دايمـــاً بلاحظ ان سواقين الموتوسيكلات بتاعته المطاعم الديليفري بيمشوا بعبط وتخلف بين العربيات بالذات في الزحمة ... هما فاكرين انها يعني عيال مخلصة في السواقة .. أمبارح قامت خناقة كبيرة بيت واحد عامل ديليفري شغلا في مطعم مشهور اوي وصاحب عربية هيوانداي النترا , سواق الموتوسيكل جرح العربية بتاعة الراجل الطيب حرج قطعي بالصندوق الكبير اللي وراه واللي بيحط فيه الأكل والمصيبة ان اصلا الشارع واقف والواد بتاع الموتوسيكل عايز يمر بين العربيات بأي طريقة .. بس بصراحة الواد خد ضرب وانا فرحت فيه ههههههههههه

[Nistelrooy]

وعليكم السلام ..

معظمهم بيكون مغلوب علي امرهم ... الي مش هيوصل الاكل بسرعة فية غيرة كتير .. وانتا وشاطرتك
وبيجروا ورا لقمة عيشهم ..


بس برضوا ده مايمنعش ان فيهم المجانين وفيهم العاقليين

[mahmoud_afifi]

وفيهم استهتار مش طبيعي . بيتخبطوا كتير للأسف
ومسكين بتاع الالنترا , الضرب مش هيصلحله عربيته ولا هياخد حق التصليح.
بس بتاع الدليفري هيحرم يركب موتوسيكلات تاني d:

[Abo_Lina]

كان مفروض بتاع الإلانترا ياخد السندوتشات الدليفري دول كمان ..

[Fadi Ezzat]

قبل كدة واحد دخل فى عربية والدى وجها لوجة
بس والدس سكت لما لقى الواد وقع واتبهدل
بس بجد حرام الى بيعملو فى نفسهم دة

[shiko85]

المشكله انه لازم يوصل الطلب بسرعه فا بيعمل اى حاجه علشان يلحق يوصل الطلب و ده للأسف خطر عليه و على العربيات و هو عارف كده كويس بس عارف انه لو موصلش الطلب بسرعه هيجى مكانه اللى يوصل الطلب اسرع منه

[power]

علشان ماكدونالدز اسرع دليفري في مصر (مش مهم مثلا انه يبقي احسن المهم انه يكون اسرع)

[mhmdalsaadany]

والله الناس دي بتسوق كأنهم في سباق سيارات ولو وقع هياخد محاوله جديده
مهما كان السبب عشان يوصل اسرع لازم يحترم الناس اللي في الشارع كمان عشان اقصر طريق من نقطه لاخرى هو الطريق المستقيم
وبعدين مين قال ان الديلفيري بيجي بسرعه دا اقل حاجه ساعه الا ربع

[mr_sameh]

للاسف الولاد دي لاتراعي اي اداب للطريق والغريب ان الفسبا اللي بيركبوها بتجري جري

[marsguy]

المفروض ا لموتسيكل يمشي في الحاره لوحده زيه زي أي عربيه أصلاً

لكن اللي بيحصل هنا تهريج

أكتر ناس باخاف منهم وعليهم هم سواقين الموتسيكل، سواء ديليفري أو عادي

[Ahmed Nouh]

اكيد طبعا سواقتهم 90% منها غلط

بس لو هتبص للصورة من منظور ابعد هتلاقى ان احنا سواقين العربيات اسوء منهم بكتير علشان دايما بنقفل عليهم ومبنديهمش الحق فى استغلال حارة كاملة وبنستهون بيهم وحتى ابسط حقوقهم فى ترك مسافة بين بعضنا يعدوا منها بنستكترها عليهم وده اللى بيخليهم يعملوا كدا , يعنى ابدا محدش هيتأخر او يتعطل لو ساب 30 سم جنبه الموتسيكلات تعدى منها لكن فعلا بشوف بعينى الناس بتقفلها عمدا يقولك واعديه ليه !!

ربنا يكون فى عونهم شباب بتشقى علشان القرش

ان كانوا غلطانين فإحنا لا نقل عنهم فى الغلط وحال البلد هو السبب فى كل ده

[Amro_ON]

كان مفروض بتاع الإلانترا ياخد السندوتشات الدليفري دول كمان ..

[ahmed88hassan]

زي ما الشباب قالولك
دي طبيعة شغله .. انه يوصلك اكلك بسرعة
ولو معلمهاش يبقي فاشل

ده انت المفروض تشفق عليه مش تفرح فيه

[Ralliart]

بعد ما جربت سواقة الموتسيكلات بقيت دايماً براعي الموتسيكلات واوسعلهم حته يعدو منها ولو خبطني بعد كده يبقى انزل اضربه بضمير لاني موسعله وهو غبي
اكتر حاجه بتغيظني انهم ساعات بيقفلو النور وبيعدو من على اليمين وكمان بيلفو يوترن من فوق الرصيف ودول بقفل عليهم لانهم اغبياء رسمي