صيحة تحذير

[ahmedbeirut123]

انا مش عارف ايه الهدف الفعلى للموضوع

موضوع فمنتدى سيارات بيقول للناس متشتروش سيارات و مش مهم التكنولوجيا

يعنى على كده اللانوس زى الفولكس باسات ههههههه

مثال بسيط لو واحد معاه 20 مليون مثلا

ليه يركب عربية حقيرة ب 60 الف

و هو يقدر يركب عربية بمليون او اتنين

باختصار شديد

موضوع شرا العربية بيقف على حاجتين الحرية و القدرة المالية

[ahmedbeirut123]

كلام سليم بدليل في أوروبا لا يركبون السيارات الفارهة في الغالب , ولكن يستبدلونها قبل مضي 10 سنوات .

يادكتور

مفيش اساسا عربيات فارهة فمصر

العربيات مابين ال 200 الف لغاية 500 الف

ديع عربيات عادية مش فارهة

و شوف هى برا بتتباع بكام و ازاى ان عامة الشعب بيشتروها

هتعرف انها غالية بس عشان الجمارك انما مش فارهة ولا عربيات سوبر ولا حاجة

[SeiffoZ]

كلام سليم بدليل في أوروبا لا يركبون السيارات الفارهة في الغالب , ولكن يستبدلونها قبل مضي 10 سنوات .

السيارات الفارهة فى أوروبا ... مش زى عندنا ..

هناك عادى يبقى معاك بى إم ... مرسيدس ... جاجوار ... ده الطبيعى !

لكن السيارات الفارهة .. بنتلى ... فيرارى .. رولز .. مايباخ ...

هو الراجل صاحب الموضوع بيتكلم على فئة البى إم و المرسيدس و الباسات ...

[rompo10]

اولا يا جماعه الموضوع ممتاز جدا والكلام صح مليون في المائه ثانيا مفيش حد معاه كام مليون هايطلع زكاه مال لان دا كلام ربنا المال هايعمي عينه وعاوز اكتر دي اول حاجه حرام ثالثا ثلاث ارباع سيارات مصر بالقسط ودا حرام عشان الربا وانا ليا راي مش هاعرف هانتقد فيه ولا لا نسبه الحوادث كتير عندنا كتير عشان العربيات قسط يعني الربا داخل فيها طبعا تعتبر فلوس العربيه حرام فدا يبقي عقاب من ربنا وعلي فكره انا قريت اول كام رد ماكملتش الموضوع للا خر وعلي فكره انا زيكم مش هاقول اني ملاك وصاحب الموضوع كمان لكن عشان نتغير لازم الشعب كله يتغير وربنا يرحمنا

[power]

جمله واحده من حكم في ماله فما ظلم
طبعا بشرط انه يكون من حلال ورايح للحلال وبس
وفي حكمه بتقول ان لو وزعت مالك علي فقراء الارض يبقي انت معملتش حاجه الا انك زودت الفقرا واحد

[Abo_Lina]

ما هو كماليات للبعض هو أساسيات للبعض الآخر عند شراء سيارة ..
ممكن تشوف ال airbags شيئ يمكن الإستغناء عنه و كذلك ال abs بينما بالنسبة لشخص أخر أول ما ينظر إليه للسيارة هو وسائل الأمان ..
كل العالم يتطور من حولنا .. لماذا الدعوة لنكون مختلفين عن العالم و نركب سيارات منزوعة الدسم أو منزوعة الكماليات ..
صيحة في غير محلها

[shooter123]

حضرتك بتقول ان التكنولوجيا دى معظمها منظره و ممكن يكون عندك حق شويه
بس انا عاوز اقول ان بعد ستر ربنا اولا الabs و vsa انقذونى كذا مره من البهايم اللى بتفرمل فجاه قدامك او بيكسروا عليك فجاه و بتضتر تفاديهم على الطريق الزراعى فبيتهيالى فلوس الدنيا كلها ما كانتش هاتعوضنى اذا حصل لاسرتى حاجه لاقدر الله
ثانيا مره ابن اختى الصغير جاب كل اللى فى بطنه على الكنبه و لولا انها جلد و العمليه اتمسحت و بقت تمام تخيل ريحه العربيه لو كان الفرش قماش ده غير المنظر
و ايضا الجي بي اس سعات بينقذك من الناس الفتايه و دول ما اكثرهم
فسعات علشان تحصل على بعض الكماليات اللى انت محتاجها لازم تاخد معاها شويه حاجات تانيه لانها بتبقى باكيدج على بعضها
انما السمعات و الجنوط و الكلام ده انا ماليش فيه بصراحه
علشان كده انا اخترت الاختيار التانى لان بعض الكماليات الزياده مطلوبه بس فى حدود المعقول و فى حدود امكانياتك لان لو واحد ملياردير مثلا ليه ما يركبش عربيه حلوه و لو كانت غاليه لان لو الفلوس ما ريحتكش يبقى ايه لازمتها؟؟!!!!

الله ينور هو ده الكلام والله كنت حقول تقريبا نفس الكلام

[mhmdalsaadany]

الله ينور عليك كلام موزون100%

[Sindibad]

أمثله خاطئه

جمله واحده من حكم في ماله فما ظلم
طبعا بشرط انه يكون من حلال ورايح للحلال وبس
وفي حكمه بتقول ان لو وزعت مالك علي فقراء الارض يبقي انت معملتش حاجه الا انك زودت الفقرا واحد

السلام عليكم
هذا المثل ليس بقول نتبعه ولا بأيه من قران , هل يعجبك مايفعله الخليجيون فى بلادهم و مالهم من بناء ابنيه عاليه جدا و فارهه جدا ؟ و قبل أن ترد على السؤال أقول لك حديث من أحاديث سيدنا محمد (ص) أن من علامات الساعة أن ترى الحفاة العراة يتطاولون فى البنيان و أنظر لكلمة يتطاولون أى يزيدون ابنيتهم طولا على طول , لا لشىء سوى الأفتخار أنهم عندهم أطول مبنى فى العالم وياليتهم يبنونه من بنان أقكارهم و من عقولهم ولكن يضحك عليهم الغرب و يستنفذون مواردهم ويكسبون من ورائهم و لا فائده من تلك المبانى العاليه , فالأراضى واسعة و التوسع الأفقى أولى من الرأسى

أيضا أيه من القران تخبرنا عن قوم اهلكم الله لأنهم تركوا العمل و الزراعة ة انشغلوا لبناء القصور المشيده (وبئر معطلة و قصر مشيد) و هناك أيه أخرى (والذين أذا أنفقوا لم يسرفوا و لم يقتروا وكان بين ذلك قواما) ولم يقل الله انهم صرفوا فى الحرام ولكن يصرفون فى الحلال و لكن باسراف و هذا ماقصدته
و لك الشكر على المداخله
م/ طارق منصور

[yaserbasha2000]

اسمحلي اختلف مع حضرتكفي بعض النقاط

اولا يا جماعه الموضوع ممتاز جدا والكلام صح مليون في المائه

طبعا الموضوع هادف جدا وباحي مهندس طارق عليه و انا شخصيا من انصار ان الحاجه اللي معايا طالما مكفياني و مش مبهدلني عند الصنايعيه اغيرها ليه؟

ثانيا مفيش حد معاه كام مليون هايطلع زكاه مال لان دا كلام ربنا المال هايعمي عينه وعاوز اكتر دي اول حاجه حرام

لا طبعا كتير و كتير جدا كمان من اصحاب الملايين بينفقوا في الخير غير زكاه مالهم و التعميم مرفوض

ثالثا ثلاث ارباع سيارات مصر بالقسط ودا حرام عشان الربا وانا ليا راي مش هاعرف هانتقد فيه ولا لا نسبه الحوادث كتير عندنا كتير عشان العربيات قسط يعني الربا داخل فيها طبعا تعتبر فلوس العربيه حرام فدا يبقي عقاب من ربنا

طبعا لاخلاف علي موضوع الربا و حرمانيته
بس نظريه حضرتك مش مظبوطه لان احنا 50- او 60 % من عربيتنا بالربا و اوروبا 95 % من عربياتهم بالربا و علي الرغم من كده حوادثنا اكتر


وعلي فكره انا قريت اول كام رد ماكملتش الموضوع للا خر وعلي فكره انا زيكم مش هاقول اني ملاك وصاحب الموضوع كمان لكن عشان نتغير لازم الشعب كله يتغير وربنا يرحمنا

[Eslam.Elrefaey]

اهو ده بقى راجل بيفهم
لأن الالماظ اللي في العربيه دي قيمتة بتزيد مع مرور الوقت
و بالتالي العربية لما يفكر يبيعها هتجيبله اضعــــــــــاف سعرها الحالي

تصدق صح

[Eslam.Elrefaey]

معتقدش إن في جنوط 25!!

مين قال كده بس ده فيه 30 يا باشا

[Eslam.Elrefaey]

انا هقول كلمة واحدة بس وهيا ان ربنا هيسأل كل واحد عن فلوسه من اين اكتسبها وفيما انفقها بس منا مش هيبقا عندى مليار جنية وعملت كل حاجة زكا وصدقات واسيب الباقى جمبى وبعدين ان الله يحب الغنى ولا يحب التقشف

[MISS_MONA]

كلام منطقى جدا

[Elawany13]

أخى الفاضل سندباد
والله انت معاك حق
ثقافة السعار الإستهلاكى انتشرت فى كل الطبقات وكل الفئات
دلوقتى تلاقى صناعيى جايب موتوسيكل صينى وعامل فيه ساوند سيستم مكلفة شيئ وشويات وبيشتغل بكارت الميمورى وبالفلاشة (ياسلام على التطور التكنولوجى) وبكره يركب دى فى دى
وكمان مركب أنوار زينون ..... ونفس الكلام فى التوكتوك

أنا شوفت عند الكهربائى شاب اشترى شيفروليه الدبابة علشان ياكل بيها عيش
طبعا سعرها فوق 100 ألف جنيه وبالقسط
(ربنا يعينه ويسترها معاه ويسدد أقساطها)
الغريب انه جايبها مكيفة وزجاج كهرباء
ولسه بأكياس الفابريكة
غير السماعات بسماعات أقوى
وغير الكاسيت بكاسيت لاطش على رأى الكهربائى
وبعدين اكتشفت انه يقصد كاسيت تاتش
غير لمبات فوانيس الشابورة والفوانيس الكبيرة بلمبات زينون مزعجه جدا
واللى ينقط عامل زينون ورا كمان علشان يعمى اللى وراه واللى قدامه
وكمالة الهبل والإسراف ركب لمبة زينون من أسف العربيه بتعمل برق متقطع (مفكر نفسه طائرة نفاثه)
كل الإسراف ده ليه وانت شارى بالقسط
انت شارى عربيه نص نقل علشان تتدلع بيها ولا علشان تاكل عيش وربنا يكرمك
سعادته الباشا قاعد فى التكييف ومش قادر يفتح الزجاج بالأوكرة وعامله كهرباء
إزاى الأخ ده هيحمل العربيه حديد ولا حيوانات ولا اى بضاعه بينقلها بعربيته
النص نقل
بعد الرفاهيه والفخفخه اللى قاعد فيها
أما الموبايلات حدث ولا حرج
وحتى الأثاث فى بيوتنا
ربنا يهدينا ويلهمنا الرشد والصواب