Tweet
الزمان .... امس الجمعة الساعة 4 العصر تقريبا
كنت راجع من النادي وطلعت كوبري اكتوبر من مطلع الحي السادس اللي بجوار نادي السكة الحديد بمدينة نصر .... وبانزل من اول منزل يمين بتاع العباسية اللي بينزل في امتداد رمسيس باتجاه العباسية ... وطبعا معايا المدام والاولاد
واول ما طلعت الكوبري وباستعد علشان آخد يمين وانزل من المنزل بتاع العباسية وكنت في الحارة الوسطى
وألاقي عربية تاكسي شاهين ماشية في التجاه المقابل .... ومش عارف ايه اللي حصل عنده .... حد زنق عليه .... كاوتش انفجر .....الله اعلم ..... لقيت العربية فجأة بتقفز من فوق الجزيرة الى الاتجاه اللي احنا فيه ......
وهنا يبان لطف ربنا وستره
راح التاكسي لابس في العربية اللي جنبي اللي كانت في الحارة الشمال وش في وش
ربنا الهمني اني ما أفرملش ..... دوست بنزين بقوة وأخدت يمين في اتجاه المنزل بتاع العباسية
نفدت بأعجوبة قبل ما العربيتين يتجهو نحوي مباشرة ....... مش شطارة مني و خيابة من العربية اللي كانت جنبي ..... ده مجرد لطف من الله
..
طبعا العربية التاكسي على ما قفزت من الجزيرة اللي ارتفاعها حوالي 30 سم كانت بتتنطط بشكل عشوائي و الكابوت اتفتح وطار والكاوتش بقي عجينة .... يعني بدون اي سيطرة من السائق ......
طبعا زوجتي بقت عمالة تترعش لغاية ما وصلنا البيت ...... والاولاد طبعا مش في دماغهم .... هما مبسوطين بالمغامرة المثيرة دي .....
المهم في الموضوع ان مش لازم تكون انت غلطان .... يعني الراجل اللي كان جنبي ده مش غلطان في حاجة ..... ده ماشي في حاله لقى التاكسي ده طاير من فوق الجزيرة في اتجاهه
بصراحة انا شعرت بشعور غريب ........ شعرت ان اللي حصل ده ولطف ربنا ده .... كان بسبب اذكار الصباح ودعاء الركوب ...... الموضوع كان مالوش اي سبب او اي سيطرة ..... كان ممكن ببساطة التاكسي ده يلبس فيا انا مش في اللي جنبي
طبعا وقفت في اول المنزل اليمين علشان اطمئن ان مافيش اصابات في الناس .... لغاية مالقيت سواق التاكسي نازل يتخانق مع الناس اللي وراه واللي جنبه .... قلت الحمد لله ان الاصابات في العربيات بس .... ومشيت علشان ما اعطلش الطريق اكتر ماهو عطلان
.....
يا جماعة لا تنسو دعاء الركوب واذكار الصباح والمساء ..... والله ربنا هو اللي بيستر
كنت راجع من النادي وطلعت كوبري اكتوبر من مطلع الحي السادس اللي بجوار نادي السكة الحديد بمدينة نصر .... وبانزل من اول منزل يمين بتاع العباسية اللي بينزل في امتداد رمسيس باتجاه العباسية ... وطبعا معايا المدام والاولاد
واول ما طلعت الكوبري وباستعد علشان آخد يمين وانزل من المنزل بتاع العباسية وكنت في الحارة الوسطى
وألاقي عربية تاكسي شاهين ماشية في التجاه المقابل .... ومش عارف ايه اللي حصل عنده .... حد زنق عليه .... كاوتش انفجر .....الله اعلم ..... لقيت العربية فجأة بتقفز من فوق الجزيرة الى الاتجاه اللي احنا فيه ......
وهنا يبان لطف ربنا وستره
راح التاكسي لابس في العربية اللي جنبي اللي كانت في الحارة الشمال وش في وش
ربنا الهمني اني ما أفرملش ..... دوست بنزين بقوة وأخدت يمين في اتجاه المنزل بتاع العباسية
نفدت بأعجوبة قبل ما العربيتين يتجهو نحوي مباشرة ....... مش شطارة مني و خيابة من العربية اللي كانت جنبي ..... ده مجرد لطف من الله
..
طبعا العربية التاكسي على ما قفزت من الجزيرة اللي ارتفاعها حوالي 30 سم كانت بتتنطط بشكل عشوائي و الكابوت اتفتح وطار والكاوتش بقي عجينة .... يعني بدون اي سيطرة من السائق ......
طبعا زوجتي بقت عمالة تترعش لغاية ما وصلنا البيت ...... والاولاد طبعا مش في دماغهم .... هما مبسوطين بالمغامرة المثيرة دي .....
المهم في الموضوع ان مش لازم تكون انت غلطان .... يعني الراجل اللي كان جنبي ده مش غلطان في حاجة ..... ده ماشي في حاله لقى التاكسي ده طاير من فوق الجزيرة في اتجاهه
بصراحة انا شعرت بشعور غريب ........ شعرت ان اللي حصل ده ولطف ربنا ده .... كان بسبب اذكار الصباح ودعاء الركوب ...... الموضوع كان مالوش اي سبب او اي سيطرة ..... كان ممكن ببساطة التاكسي ده يلبس فيا انا مش في اللي جنبي
طبعا وقفت في اول المنزل اليمين علشان اطمئن ان مافيش اصابات في الناس .... لغاية مالقيت سواق التاكسي نازل يتخانق مع الناس اللي وراه واللي جنبه .... قلت الحمد لله ان الاصابات في العربيات بس .... ومشيت علشان ما اعطلش الطريق اكتر ماهو عطلان
.....
يا جماعة لا تنسو دعاء الركوب واذكار الصباح والمساء ..... والله ربنا هو اللي بيستر
Comment