لو العربيه عامله حادثه و مقلوبه....ممكن تتباع بعد كده؟

[esp]

السلام عليكم


لو العربيه عملت حادثه و كان في تصليح في السقف و قايم واحد.....هل ممكن حد يشتريها و يكون عارف انها عامله حادثه؟ مع العلم انها اتصلحت و رجعت حالتها ممتازه و صعب تعرف الفرق بينها و بين الفابريكه....يعني من الاخر مفيهاش عيوب

لو عايز ابيع العربيه من غير طرق الغش و الخداع الموجوده في السوق اه الحل.....؟

[mr_sameh]

طبعا تتباع بكل سهولة ولو معمولة وحشه كمان بس سعرها بيكون اقل من العادي طبعا

[osama.m]

مش هتتباع زي مانتا عايز ... لو عرفت اللي هياخدها انها قالبة قبل كدا هيبقى عايز ياخدها من غير فلوس
لو الشغل اللي معمول فيها نضيف زي ما بتقول نزل من تمنها الف او الفين عن سعر السوق و خلاص

[ahmedsrs]

هتتباع بتوبهاوفى ناس بدور على الحاجات دى ولو موديل حديث ممكن الى يشتريها يعملها تاكسى او تتاجر

[KHALED AYMAN]

مش هتتباع زي مانتا عايز ... لو عرفت اللي هياخدها انها قالبة قبل كدا هيبقى عايز ياخدها من غير فلوس
لو الشغل اللي معمول فيها نضيف زي ما بتقول نزل من تمنها الف او الفين عن سعر السوق و خلاص

وده مش حرام ؟

[esp]

شكرا لكل ردود....

ولكن لو هتنزل العربيه الف او الفين من تمنها (علما بان الزيها حاله نظيفه بتبقى ب 19الف-21الف).....هل لازم تقوله الهيشتري انها عامله حادثه؟ (هل هيبقى حرام عليك او ربنا مش هيبارك لو مقولتش؟)

[osama.m]

ايوة حرام .. بس جرب كدا و انت بتبيع قول ان العربية كانت مقلوبة و شوف انا قلت كدا لية

[omar-saad]

المشكلة اننا فى بلد الفتى
برة فى الدول المتقدمة
العربية بيتعمل فيها البدع
تقطيع وتلحيم ورش دواخل وخوارج ومريات وفرش كمان لو حبيت
بس عندهم العبرة بايه؟
العبرة بحالة العربية بعد الكلام دة
يعنى لو العربية رجعت زى الاول واحسن خلاص
مافيش مشاكل تتباع عادى ويمكن باعلى من تمنها
ولو زهقان من التصليح وملكش نفس او التصليح غالى عليك
ترميها فى المكبس وتاخد تمنها تجيب بيه عربية تانية سليمة
(دا فى الدول التقدمة)
انما فى مصر المحروسة العربية مالهاش تمن تتاجر بقى يتولع فيها
وتروح الافات صاحب العربية اللى شقى وتعب فيهم على الارض
ثقافة غريبة الشكل

[KHALED AYMAN]

ايوة حرام .. بس جرب كدا و انت بتبيع قول ان العربية كانت مقلوبة و شوف انا قلت كدا لية

يا عم اعتبرها مش هتسوى حاجه خالص ...
تعمل حاجه حرام عشان كام الف ولا مليون حتى ..؟؟
هتستفيد ايه بقى ؟
انك معلم و لبست العربيه لواحد
تمام
مش يمكن تلبس عربيه انت كمان ؟
و هتقول ايه لربنا لما يحسابك ؟؟ هتقوله اصل سعرها واقع قوى فى السوق ؟
وعموما انا مجرب
ابيع اوكتافيا الى فى صوره التوقيع
سعرها فى لحظه نزل من 135 الف ..ل 50 الف ...
وفى ايدى اصلحها و ارجعها فابريكه ..وابيعها ب 135 تانى ..بس هروح من ربنا فين ؟
اتقى الله و انت بتنصح

[esp]

ايوة حرام .. بس جرب كدا و انت بتبيع قول ان العربية كانت مقلوبة و شوف انا قلت كدا لية

ده ال انا بكلم في....

هل حضرتك حاولت تبيع عربيه مقلوبه قبل كده؟

[esp]

المشكلة اننا فى بلد الفتى
برة فى الدول المتقدمة
العربية بيتعمل فيها البدع
تقطيع وتلحيم ورش دواخل وخوارج ومريات وفرش كمان لو حبيت
بس عندهم العبرة بايه؟
العبرة بحالة العربية بعد الكلام دة
يعنى لو العربية رجعت زى الاول واحسن خلاص
مافيش مشاكل تتباع عادى ويمكن باعلى من تمنها
ولو زهقان من التصليح وملكش نفس او التصليح غالى عليك
ترميها فى المكبس وتاخد تمنها تجيب بيه عربية تانية سليمة
(دا فى الدول التقدمة)
انما فى مصر المحروسة العربية مالهاش تمن تتاجر بقى يتولع فيها
وتروح الافات صاحب العربية اللى شقى وتعب فيهم على الارض
ثقافة غريبة الشكل

يعني رآي حضرتك اه؟ العربيه كلها ايام ما كانت فابريكه كانت ب20الف.....بعد الحادثه انا مرجعها زي ما كانت ب8الف .....اقول ان العربيه عامله حادثه؟

يا عم اعتبرها مش هتسوى حاجه خالص ...
تعمل حاجه حرام عشان كام الف ولا مليون حتى ..؟؟
هتستفيد ايه بقى ؟
انك معلم و لبست العربيه لواحد
تمام
مش يمكن تلبس عربيه انت كمان ؟
و هتقول ايه لربنا لما يحسابك ؟؟ هتقوله اصل سعرها واقع قوى فى السوق ؟
وعموما انا مجرب
ابيع اوكتافيا الى فى صوره التوقيع
سعرها فى لحظه نزل من 135 الف ..ل 50 الف ...
وفى ايدى اصلحها و ارجعها فابريكه ..وابيعها ب 135 تانى ..بس هروح من ربنا فين ؟
اتقى الله و انت بتنصح

و حضرتك اه رآيك؟ خصوصا انك في نفس موقفي....

[osama.m]

يا جماعة والله الحكاية مش كدا .. انا عمري ما بعت عربية و كان فيها حاجة بس حصل و لبست عربية .. كنت مع واحد قريبنا و بيتفرج على عرية و عجبتة .. و بعد ما خلصنا بكام يوم عرفنا انها متغيرلها ربع بس الشغل نضيف و مش فارق في اي حاجة في العربية و مكنتش مشكلة معانا و لحد دلوقتي العربية موجودة ... بس فعلا لو هيبيع و قال ان العربية مقلوبة هيتخسف بتمنها الارض .. الراجل قال ان الشغل اللي عملوا نضيف و مش باين .. يعني صرف علييها .. يبقى كدا كدا هيخسر لما يجي يبعها

على فكرة انا اول رد ليا مكنتش مفكر في حكاية الحرام و الحلال

[KHALED AYMAN]

يعني رآي حضرتك اه؟ العربيه كلها ايام ما كانت فابريكه كانت ب20الف.....بعد الحادثه انا مرجعها زي ما كانت ب8الف .....اقول ان العربيه عامله حادثه؟



و حضرتك اه رآيك؟ خصوصا انك في نفس موقفي....

رايى ..سيب الزيون يتفرج و متقلش انها عامله حادثه ...
لما يخلص فرجه و تعجبه ...
قوله العربيه عامله حادثه ...
واطلب سعر مناسب
وافق اهلا و سهلا موافقش ...كل شىء نصيب ..واعرف ان امانتك و ضميرك وخوفك من ربنا ليهم ثواب كبير عند ربنا و هيعوضك
انا يا هبيع عربيتى كده ..
يا هصلحها و اظبتها صح الصح
واقول انها عامله حادثه و ابيعها
الحلال واضح والحرام واضح
والى مترضاهوش على نفسك مترضاهوش على غيرك

[shiko85]

لازم تقول علشان انت بتعامل ربنا قبل ما تكون بتعامل الناس, و الفلوس الزياده اللى ممكن تاخدها لو مقلتش انها مقلوبه متعرفش ايه اللى ممكن يحصل و تضيع الفلوس و معاها فلوس تانى و نفس الكلام بالنسبه للفلوس اللى ممكن تخسرها ممكن ربنا يحميك و يدفع عنك اذى كان ممكن تدفع فيه فلوس كتير
على فكره انا بقولك كده علشان ان شاء الله ده اللى انا هعملوا لما انوى بيع العربيه, هى مش مقلوبه ولا حاجه الحمد لله بس فيها خبطات هصلحها و ارشها و اصلح اى حاجه فيها علشان انا مش عايز حد يدعى عليا و علشان ربنا يكرمنى فالعربيه اللى هشتريها ان شاء الله

[esp]

رايى ..سيب الزيون يتفرج و متقلش انها عامله حادثه ...
لما يخلص فرجه و تعجبه ...
قوله العربيه عامله حادثه ...
واطلب سعر مناسب
وافق اهلا و سهلا موافقش ...كل شىء نصيب ..واعرف ان امانتك و ضميرك وخوفك من ربنا ليهم ثواب كبير عند ربنا و هيعوضك
انا يا هبيع عربيتى كده ..
يا هصلحها و اظبتها صح الصح
واقول انها عامله حادثه و ابيعها
الحلال واضح والحرام واضح
والى مترضاهوش على نفسك مترضاهوش على غيرك

لازم تقول علشان انت بتعامل ربنا قبل ما تكون بتعامل الناس, و الفلوس الزياده اللى ممكن تاخدها لو مقلتش انها مقلوبه متعرفش ايه اللى ممكن يحصل و تضيع الفلوس و معاها فلوس تانى و نفس الكلام بالنسبه للفلوس اللى ممكن تخسرها ممكن ربنا يحميك و يدفع عنك اذى كان ممكن تدفع فيه فلوس كتير
على فكره انا بقولك كده علشان ان شاء الله ده اللى انا هعملوا لما انوى بيع العربيه, هى مش مقلوبه ولا حاجه الحمد لله بس فيها خبطات هصلحها و ارشها و اصلح اى حاجه فيها علشان انا مش عايز حد يدعى عليا و علشان ربنا يكرمنى فالعربيه اللى هشتريها ان شاء الله

اشكركم على ردودكم المقنعه

....انا قولت اتخيل ال انا البشتري العربيه كنت هبقى عايز الموضوع يمشي ازاي؟ و زي ما بيقولوا الدنيا دواره