شكل العربية .....يشارك بنسبة كام في قرار شرائك العربية..

[Mosso]

70 %
لان مينفعش اركب عربيه مهما كانت وانا مش راضي عن شكلها
بس برضه ميمنعش انها تكون امكانياتها ممتازه في المقابل

[SEATLOVER]

الشكل ينبىء عن المضمون
100 % الشكل ..معلش اختيار مش موجود فى الاستطلاع
لية اقولك
لوعربية وحشة ...مستحيل هاكمل فى سكتها او اهتم اعرف تفاصيلها حتى لو فيها موتور لامبورجينى

ولو عربية حلوة شكلاً ..هادور على كل تفاصيلها و اشوف حتى لو فيها موتور 800 cc هادرس اقتصادياتة و طرق التغلب على عيوبة

يبقى العنصر الفاصل بنسبة 100% بين الاخذ و الترك هو التصميم الجيد

[fahd_628]

انا عن نفسى 90 % لأن العربية شكلها حيفضل فى وشى على طول و انا مقدرش اشترى عربية شكلها مكعبر لأنى كل ما حبص عليها حتقرف مثال الشيرى Qq السبرنزا 2113 الصغيرة السيدان الجديدة اووووووووف مش بطيقها مش عارف ازاى ممكن حد يشتريها انا لما بشوفها بتنرفز بالزات من الخلف ياااااااااااااااااااااااااااااااااااااااااااة




من العربيات الجميلة

1- بروتون جين 2
2-رينو ميجان
3-السيات بكل انواعها الحديثة
4-الستريون سى 4

حاجات كتييير

[engamrnour80]

الشكل الخارجى 30%
النظافة الداخلية10
المجموع40

[PRO-DRIVE]

مش لاقي قرار محدد بس شخصيا عندي اكتر م 60%

بس في مشكله تانيه

لو مثلا حتقارن "اسبيرانزا" او "اكسنت" او "لانوس"

اكيد مش حروح للاسبيرانزا مع انها اجملهم :)


شخصيا انا شايف انها مجرد نسبه
انت مستعد تتنازل عن ايه مقابل ايه :)

[Megane]

السلام عليكم
أنا من رأى 50% :):):)

[ramyfawzy]

اعتقد ان شكل العربية مهم جدا عند الاختيار
حتى لو امكانياتها قليلة بس شكلها يكون بيفتح النفس
مش اركب صاج وكماليات وفي الاخر الاقي نفسي راكب بلدوزر

رامي (ابو احمد)

[ehabradwan]

انا ممكن افضل عربية على عربية عشان الشكل انما مش ممكن اختارها من الاساس عشان شكلها حلو

[hazem_khidr]

الشكل دا اذواق
يعني بالنسبالي انا ببص للعربيه كمجمل
مثلا و انا بشتري كنت بقارن بين السيتي و الياريس و في حين ان شكل اليريس عجبني اكتر رغم انه ما يعجبش ناس كتير و رغم ان كان عاجبني الجراند بونتو كشكل اكتر من دا كله بس مش معني كده اني جبت الجراند لا ء ...اشتريت الياريس
فالخلاصه الشكل عليه عامل لكن مش هو السبب و اللي بيعجبني مش شرط يعجب غيري

[segsauer]

أنا في رأيي الشكل الكويس أو المقبول بالنسبة لى
بجانب القوة والأمكانيات والأمان و الصيانة و سعر أعادة البيع
يعني نسبة 50%

[kareem_Ashmawy]

الشكل مش بيأثر بالنسبالى بأكتر من 30 فى المية
بس مش لدرجة الاسبيرانزا ال A213
شكلها بشع

[sherif80]

حوالى 50%
بس بيهمنى اكتر المواصفات و الاعتمادية

[hero]

نسيت اقول ...عن اهمية الشكل بالنسبة لي...
الشكل الجميل مهم طبعا ....بس انا عندي اهمية الشكل في اخر النقاط ايلي بابحث عنها...
يعني انا اهتمامتي بالعربية كالاتي:
اعتمادية السيارة
راحة السيارة بالنسبة للركاب..
اقتصادية الشتغيل
احتفاظ السيارة بسعرها ...ودة مش معناة اني ناوي ابيعها ....بس ما حدش عارف الظروف..
ممكن بعد كل ايلي فات ...يجي شكل السيارة...

يعني بالنسبة ليا ....قيمة الشكل ما تزيدش عن 15% او ممكن تنزل لحد 10%


يعني انا ممكن اشتري واركب عربية ...كل ايلي فات دة عاجبني جداااا جدااا فيها وشكلها مش عاجبني خالص...
هو يمكن يكون تفكير غريب شوية ....بس انا اهم شيء عندي مقدار استفادتي من الآلة ايلي بتنقلني من مكان لمكان...(ايلي هي العربية يعني)...

[Noha.M]

انا بالنسبة لبه موضوع الشكل بيجذبنى اوى بس عمرى ما حسيت اهم من اى حاجة
اهم حاجة عندي انها توفرلى الحاجات اللى انا محتاجاها في العربية ..يعني انا مش مختاجة مثلا عربية 1600 كفاية اوى عليه 1300 و محتاجة انها تكون automatic و استهلاك البنزين معقول و يكون ال brand name بتاعها موثوق فيه

[د.اسماعيل النجار]

انا بالنسبة لبه موضوع الشكل بيجذبنى اوى بس عمرى ما حسيت اهم من اى حاجة
اهم حاجة عندي انها توفرلى الحاجات اللى انا محتاجاها في العربية ..يعني انا مش مختاجة مثلا عربية 1600 كفاية اوى عليه 1300 و محتاجة انها تكون automatic و استهلاك البنزين معقول و يكون ال brand name بتاعها موثوق فيه

----------------------------------------
كلام جميل ومنطقى جدا (ويبدو ان تفكيرك منظم وعملى مثل معظم بنات حواء مع ان الرجال للاسف يرون انهم هم العمليون والنساء رومانسيون)
باختصار رتبك احتياجاتك بطريقة عملية ومنطقية ورتبت اولوياتك حسب حاجتك ليها (وتقريبا دا كان رائى) اشكرك على اسلوب تفكيرك وانا احترم جدا اراءك وان كانت هذه اول مرة اعقب عليها خالص تقديرى



0