نصيحة هامة فى شراء المستعمل بدفع خلفى

[keko]

فى الغالب عند شراء سيارة مستعملة ذات دفع خلفى مثل الشاهين ينصحوك بالتاكد من الكرونة طبعا الميكانيكى بيمشى بيها ويقولك تمام مافيش ونة ولكن ده مش صح الافضل طالما العربية عاجباك ان تغير لصاحبها زيت الكرونة على حسابك بالنوع المناسب ليها غالبا بيكون 90 ساعتها ممكن تفاجا بمزيكة حسب الله ورا
ليه :
احيان كتيرة لمداراة صوت الونة يتم استخدام زيت تقيل 140 مثلا او حتى زيت مخلوط بشحم بل بتوصل لو الكرونة ضايعة لاستخدام قشر موز ونشارة خشب ناعمة اه بجد يعنى ياكل الموز ويحطلك القشر فى الكرونة وتكون النتيجة انعدام الصوت وكام شهر تلاقيها بتزرغد
وربنا يسترها مع الجميع

[abo_hosni]

سمعت كده فعلاً، و أعرف ناس كتير لبسوا علربيات مستعملة اللي فيها كورونة، واللي فيها عمرة و حاطط لها زيت شنبر، و اللي جابت فتيس أتوماتيك بعد أسبوع
سوق المستعمل هنا كله تلصيم و نصب

[mahmoud5777]

هو فعلا بتحصل الحجات دى دايما بحطوا نشارة خشب او قش
حسبى الله ونعم الوكيل فى الغشاشين

[ahmdmagdy]

طيب النشاره اللي اللي بيحطوها دي او قشر الموز مش بتأثر علي سحب العربيه و لو واحد فاهم في ميكانيكا العربيات هيلاحظ الكلام ده و لا أيه

[mr_sameh]

معقولة نشارة خشب طيب تشتغل ازاي

[د.محمود صلاح]

الكارونا مشكلة الفيات القديم كما علمت هنا من المنتدى

[keko]

لكن فعلا افضل كثير من الكبالن والمفترض للكرونة السليمة انها تعيش بعمر العربية او على الاقل عمر المحرك

[amro1965]

اشنرى سيارة دفع امامى افضل من الكرونه ومشاكلها اللى تحتاج مبلغ محترم
ده وجه نظرى معرفش اغلب الاعضاء رايهم ايه