أختار ما هي أجمل سيارة في الشكل من وجهة نظرك

[tutankhamoun]

يا جماعة انا لاحظت ان الخلاف بين العضو ده و الاخ توت مش هنا بس ده فى كذا موضوع .. اكن المنتدى كله عارف الخلاف بينهم ... يعنى لقيت اختلاف بينهم حولين هيونداى و حولين المقارنة بين ياريس و جين 2 بس احب اوضح حاجة للحق فقط و الله انا قريت فى كذا موضوع ان عنده النترا الجديدة يعنى مش فيات 128 زى ما احد الاعضاء بيقول
يا ريت يا جماعة نشيل الكره بينا ده ... و ياريت تعتبرونى اخ ليكم لانى جديد فى المنتدى و ححاول ان شاء الله اصلح الامور بين العضوين لما تنتهى عقوبة الاخ alivara

الأستاذ بالاك
مفيش أي خلاف بيني و بين اي حد على المنتدى

الأخ alivara
كان فاتح موضوع بيقارن فيه ما بين الياريس و الإلنترا
و أنا دخلت و قلت رأيي و قلتله الإلنترا
إلا أنه كان في هذا التوقيت منحاز أكثر للياباني
و موضوع الجين2 و الياريس مكنش معاه و كان مع عضو زميل آخر

و أنا لم أرد على مداخلته السابقة لأني مش بحب إن الأمور تتصعد بطريقة مش كويسة خصوصا إن أنا لم أفعل أي شئ سلبي نهائي ضده أو ضد السيارة إلنترا

و الحمد لله الإدارة أخدت حكم عادل في الموضوع
و أهلا به و أهلا بأي زميل عضو ما دمنا نحترم بعضنا البعض
خصوصا ما ننساش إن أحنا بنتكلم عن حاجات الإنسان هو اللي صانعها ......... يعني شوية حديد في حديد
و أحنا اللي بنشتري العربيات مش هي اللي بتشترينا
و إن شاء الله يرجع بالسلامة

و مرة تانية بأشكر كل من رد في الموضوع و أحس بما شعرت به و أخص بالذكر مرة أخرى

الاستاذ الكريم ... كريم كريبتون .... و الأستاذ الفاضل محمد 88 و الأستاذ العزيز حازم خضر .... و الأستاذ حسن خليل ...والدكتور شيكو حبيبي .... و الدكتور العسل أحمد سامي ...... و الجميل باروت العسل ..... و الأخت الزميلة NYSMA ...... و شكرا على دعوتك يا أستاذ بالاك بس بجد ........ خلاص الموضوع منتهي تماما و مفيش أي مشكلة أو ضغينة من ناحيتي تجاه أي حد على المنتدى
و الكل أخوة لي و فعلا المنتدى الخاص بنايل موتورز مكان خاص و أشعر فيه و كأنني في وسط أصحابي و أهلي
فالكل يحب بعضه

و شكرا لكم جميعا
أخوكم توت
و كل سنة و الكل بخير و رمضان كريم إن شاء الله

[CryptonX]

لا شكر علي واجب يا استاذ توت

الناس المحترمة تستاهل اكتر من كدة و انا لم اغير شهادتي .. انا فعلا نزلت مع بعض الاخوة من نايل موتورز لعمل موضوع جديد مثل السابق عن سيارات فئة سعرية معينة و قمت بجولة سريعة في معرض عز العرب بالمهندسين .

و شفت الجين 2 - مانوال - جين 2 اوتوامميتك و السبور برده و شفت الواجا الجديدة .

وبصراحة زهلت ان بيها جدا حيث اني مشفتهاش غير مرة واحدة قبل كدة و بصراحة بالثمن ده و الامكانيات دي ... حتى اصغرالعيوب ممكن التغاضي عنها تماما .

يكفيني انها محققة مبدا " Value for Money "

و باذن الله نويت ان شاء الله لو غيرت سيارتي السنة القادمة - حتكون الجين 2 او حتى الواجا 2 في مقدمة اختيارتي في هذه الفئة السعرية .

و كل عام وكلكم بخير ومن غير مشاكل و لا زعل .

و ارجو من الاستاذ Alivara ان كان يقرا الرسائل - رغم خطأك فيا .

تقبل خالص مودتي و تهنئة بشهر رمضان المبارك عن قريب باذن الله .

[Ahmed Samy]

توت عنخ امون

صديقى الذي لم أشرف بمقابلته بعد

كفاني خلقك الهادئ

و لم اقل الا ما يرضي ضميري فالسيارة بالفعل جميلة و مرضية لحد بعيد

و لا شكر على واجب

[ballackbob]

يعني انت عضو جديد لسة انهاردة

وال 3 مشاركات بتوعك بتنحصر في الرد علي من رد علي الاستاذ " Alivara " الموقوف ؟

صدفة غريبة اوي !
و مفيش حد اتهمه باي حاجة ولا رد عليه باي حاجة .. و الادارة موجودة و حكمت في الموضوع خلاص.

قصدك ايه ؟ انا و الله يا سيدى لا صاحبه و لا اعرفه حتى .. كل الحكاية لقيت الموضوع ده فى المنتدى العام دخلته لقيت الحكاية ديه حبيت اعرف السبب لان كلام العضو ده الادارة شالته و عايز اعرف قاللك ايه ... اصله غريب اوى ان فى نايل موتورز تبقى فيه شجارات كده و عنف فى الرد
و ربنا يسامحك يا سيدى على سوء ردك و سوء ظنك .. المفروض بقى الادارة ما تسمحش بدخول اى عضو جديد
و بعدين ايها العضو المحترم من السهل عليه اوى انه يعمل عضو جديد و يتدخل بيه فى المواضيع من غير اى مشكلة .. يعنى مش محتاجنى اسهله العملية
انت حر فى شكك و ربنا يهدى

[ballackbob]

الأستاذ بالاك
مفيش أي خلاف بيني و بين اي حد على المنتدى

الأخ alivara
كان فاتح موضوع بيقارن فيه ما بين الياريس و الإلنترا
و أنا دخلت و قلت رأيي و قلتله الإلنترا
إلا أنه كان في هذا التوقيت منحاز أكثر للياباني
و موضوع الجين2 و الياريس مكنش معاه و كان مع عضو زميل آخر

و أنا لم أرد على مداخلته السابقة لأني مش بحب إن الأمور تتصعد بطريقة مش كويسة خصوصا إن أنا لم أفعل أي شئ سلبي نهائي ضده أو ضد السيارة إلنترا

و الحمد لله الإدارة أخدت حكم عادل في الموضوع
و أهلا به و أهلا بأي زميل عضو ما دمنا نحترم بعضنا البعض
خصوصا ما ننساش إن أحنا بنتكلم عن حاجات الإنسان هو اللي صانعها ......... يعني شوية حديد في حديد
و أحنا اللي بنشتري العربيات مش هي اللي بتشترينا
و إن شاء الله يرجع بالسلامة

و مرة تانية بأشكر كل من رد في الموضوع و أحس بما شعرت به و أخص بالذكر مرة أخرى

الاستاذ الكريم ... كريم كريبتون .... و الأستاذ الفاضل محمد 88 و الأستاذ العزيز حازم خضر .... و الأستاذ حسن خليل ...والدكتور شيكو حبيبي .... و الدكتور العسل أحمد سامي ...... و الجميل باروت العسل ..... و الأخت الزميلة NYSMA ...... و شكرا على دعوتك يا أستاذ بالاك بس بجد ........ خلاص الموضوع منتهي تماما و مفيش أي مشكلة أو ضغينة من ناحيتي تجاه أي حد على المنتدى
و الكل أخوة لي و فعلا المنتدى الخاص بنايل موتورز مكان خاص و أشعر فيه و كأنني في وسط أصحابي و أهلي
فالكل يحب بعضه

و شكرا لكم جميعا
أخوكم توت
و كل سنة و الكل بخير و رمضان كريم إن شاء الله

انا ارفعلك القبعة ايها الاخ الكريم .. واضح جدا انك انسان محترم و ليك مكانة فى قلوب كل اعضاء المنتدى
و انا اتمنى بجد انى اكلم العضو الغائب عشان اشوف شخصيته و ان شاء الله مايكونش فيه حاجة
و ياريت حضرتك ماتكونش فكرت فيا غلط زى الاخ كريبتون انا ماليش اى مصلحة و لا حاخد فلوس عشان بحاول اهدى الموضوع لكن من الواضح انه مفيش موضوع اصلا , و ان مفيش زعل او احتقان بينك و بين العضو ده
ربنا يهدينا كلنا و يوقفنا ايد واحدة مع ادارة نايل موتورز فى محاولة لتطوير كل شيئ خاص بالسيارات فى مصر
و للجميع منى خالص الاحترام و التقدير
اخوكم ايهاب

[hazem_khidr]

لا شكر علي واجب يا استاذ توت
انت انسان راقي و مؤدب و متحضر
و انا رايي من زمان ان الجين 2 من اجمل سيارات فئاتها و الفئات الاكبر ايضا.
تحياتي لك:)

[Chicco]

و مرة تانية بأشكر كل من رد في الموضوع و أحس بما شعرت به و أخص بالذكر مرة أخرى الاستاذ الكريم ... كريم كريبتون .... و الأستاذ الفاضل محمد 88 و الأستاذ العزيز حازم خضر .... و الأستاذ حسن خليل ...والدكتور شيكو حبيبي .... و الدكتور العسل أحمد سامي ...... و الجميل باروت العسل ..... و الأخت الزميلة NYSMA ......

العفو يا توت باشا .....الشكر ليك إنت .....و ربنا يديم المودة و المعروف يا صديقي الجميل

[Philippe]

انا دايما احس ان في عربيات في حاجة غلط في شكلها لكن Gen 2 من العربيات القليلة اللي بتتمتع بتناسق جميل ورايي ان الترتيب:
بروتون جين 2
أوبل أسترا
رينو ميجان هاتش باك
ميتسوبيشي لانسر شكل جديد
رينو ميجان سيدان
نيسان صني
تويوتا ياريس
فيات جراند بونتو
تويوتا كورولا
ميتسوبيشي لانسر شكل قديم

[alivara]

حان وقت الرد على كل عضو ..............
بالنسبة لاستاذ توت : اسف كل الاسف على ردى السخيف و عصبيتى اللى جرحتك و احترمت حضرتك اوى لما ما ردتش و قولت "ربنا يرجعه بالسلامة" اسف اوى و اعتبر ردى رد طايش من شاب صغير لان انا عندى 18 سنة .. بس احب اعاتب حضرتك فى حتة صغيرة ارجوك حاول تخفف من حبك لجين 2 و الله انا عارف انها عربية حلوة بس حضرتك بتدخلها فى كل موضوع و ديه نصيحة بس من اخ صغير لاخوه الكبير .. بس و الله لو مش قصد حضرتك من كده انحياز ليها عشان هى عربيتك يبقى عداك العيب و انا اللى غلطان
بالنسبة لبعض الاعضاء اللى هم : كريبتون , شيكو , حازم خضر , حسن خليل , احمد سامي , نسمة
ماتحولوش تقربوا من الاستاذ توت عن طريقى بانكم تدافعوا عن حاجة ملكوش دخل فيها عشان يحبكوا اكتر و يعتبركوا اصدقاءه , تانى حاجة ماتفرحوش اوى لما تولعوا الجو و تزودوا المشكلة بينى و بين عضو محترم زى الاستاذ توت لمجرد انكم عايزين تقربوله .... اذا كنتم بتعيبوا عليا فى ردى (السخيف) على استاذ توت فردودكم ديه تسموها ايه ؟ ارجو من كل عضو فى هؤلاء الاعضاء (مجرد طلب و رجاء) تجنبى تماما و عدم التعليق على اى رد او تعليق او موضوع ليا .. و انا كمان حتجنبكم خالص و ده منعا لحدوث مشاكل و مصادمات بينى و بين اى حد .. و اكرر ده مش امر او تهديد ده مجرد طلب و رجاء
بالنسبة بقى للاستاذ powert انا قريت انت كتبت ايه قبل الادارة ما تشيله .. حقولك حاجة :: بوجهلك نفس كلامي اللى قولته للاعضاء اللى قبلك بس احب ازود حاجة كده .. حضرتك انا مش معايا فيات 128 مطلعة عينى و لا حاجة .. انا حاجز هيونداى النترا 2008 فول اوبشن مانوال و حتكون سيادتك اول واحد اوريه صورها لما استلمها .. و على الاقل خالص حتى لو النترا وحشة و عربية زبالة و العربية الكارو احسن منها , فعلى الاقل هى احسن و احدث من عربيتك .. تانى حاجة انا مش متغاظ من العضو توت و لا حاجة .. لانى حشترى عربية ان شاء الله لا تقل عن عربية حضرته فى شيء بل تزيد .. كل الحكاية عتاب و انا اعترف انى قولته بطريقة مش لطيفة .. بس مش من حقك ترد على حاجة بوجهها لعضو تانى غيرك لانى اظن انه عنده لسان و كيبورد يكتب بيها و حضرتك مش مكتوب فى نقابة المحامين ان حضرتك المحامى الخاص بيه .. ياريت تتجنبنى فى كل مواضيعى و ردودى منعا للمشاكل
فى الاخر بتأسف تانى لاستاذ توت (المحترم) عشان غلطت فيه من غير سبب و ارجو انه يتقبل نصيحتى و يعتبرنى كاخ صغير ليه ... الاستاذ توت و بس ...
و ليتقبل بقية الاعضاء المشاركين فى الموضوع الاصلى منى خالص التقدير و الاحترام
ايهاب (alivara , ballackbob , willsmith )

[tutankhamoun]

السلام عليكم و رحمة الله و بركاته
أهلا بالأخ alivara و عودا سالما
و أهلا بك أخ عزيز
بالنسبة لنصيحة حضرتك عن الجين 2
أولا أنا عمري ما بدخل الجين 2 في أي موضوع
و لكن إن تم ذكر السيارة بشئ خطأ أدخل و أتحدث عن تجربتي لها حتى لا تنتشر معلومات خاطئة عن سيارة محترمة جدا و هي سيارة محترمة ليس لأنها معي و لكن لأنها محترمة و عن تجربة

و شكرا لك و أرجوا أن تقرأ مداخلاتي جيدا حتى تستطيع أن تفهم ما أنا أصبوا إليه يا أخي الكريم

أما الأخوة الأعزاء
الأستاذ كريبتون و الدكتور شيكو و الأستاذ حازم خضر و الدكتور أحمد سامي و الأستاذ حسن خليل و الأخت NYSMA ,,,, و الأخ العزيز باورت
فهم أخوة أعزاء و لا أحد منهم يحاول أن يفعل ما تقول
بل على العكس أنا من له الشرف أن يكون صديق لهؤلاء الناس المحترمين جدا
و أنه لشرف كبير لي أن يكونوا من ضمن الأعضاء البارزين في نايل موتورز

و نصيحة يا أخي الكريم
بمناسبة شهر رمضان المبارك ....... أدعوك يا أخي الكريم أن تقلل من إنفعالاتك قليلا حتى تهدأ الأمور و ينتشر الحب فيما بيننا
فأنت أخ عزيز و كريم و أهلا بك و لكن أسلوبك حاد قليلا
فأرجوك يا أخي الكريم أن تقلل حدة أسلوبك قليلا
و ربنا يباركلك في الإلنترا إن شاء الله و تستلمها على خير بإذن الله تعالى
و الإلنترا زي ما بأقول على طول
عربية محترمة و ربنا يديك خيرها و يحفظك من شرها
و السلام عليكم و رحمة الله و بركاته

[eng_elnaggar]

انا بصراحة عاجبني شكل الواجا القديم والمميز بالسبعة المميزة لمقدمة السيارة

[alivara]

السلام عليكم و رحمة الله و بركاته
أهلا بالأخ alivara و عودا سالما
و أهلا بك أخ عزيز
بالنسبة لنصيحة حضرتك عن الجين 2
أولا أنا عمري ما بدخل الجين 2 في أي موضوع
و لكن إن تم ذكر السيارة بشئ خطأ أدخل و أتحدث عن تجربتي لها حتى لا تنتشر معلومات خاطئة عن سيارة محترمة جدا و هي سيارة محترمة ليس لأنها معي و لكن لأنها محترمة و عن تجربة

و شكرا لك و أرجوا أن تقرأ مداخلاتي جيدا حتى تستطيع أن تفهم ما أنا أصبوا إليه يا أخي الكريم

أما الأخوة الأعزاء
الأستاذ كريبتون و الدكتور شيكو و الأستاذ حازم خضر و الدكتور أحمد سامي و الأستاذ حسن خليل و الأخت NYSMA ,,,, و الأخ العزيز باورت
فهم أخوة أعزاء و لا أحد منهم يحاول أن يفعل ما تقول
بل على العكس أنا من له الشرف أن يكون صديق لهؤلاء الناس المحترمين جدا
و أنه لشرف كبير لي أن يكونوا من ضمن الأعضاء البارزين في نايل موتورز

و نصيحة يا أخي الكريم
بمناسبة شهر رمضان المبارك ....... أدعوك يا أخي الكريم أن تقلل من إنفعالاتك قليلا حتى تهدأ الأمور و ينتشر الحب فيما بيننا
فأنت أخ عزيز و كريم و أهلا بك و لكن أسلوبك حاد قليلا
فأرجوك يا أخي الكريم أن تقلل حدة أسلوبك قليلا
و ربنا يباركلك في الإلنترا إن شاء الله و تستلمها على خير بإذن الله تعالى
و الإلنترا زي ما بأقول على طول
عربية محترمة و ربنا يديك خيرها و يحفظك من شرها
و السلام عليكم و رحمة الله و بركاته

يا اخى الكبير , انا اتضايقت اوى لما لقيت الاعضاء ديه بترمى عليا بالكلام اصلهم مالهومش دخل فى الموضوع . انا كنت متنرفز ساعتها بسبب مشكلة كده و طلعت زهقى فى حضرتك انا اسف جدا و زعلت اوى بعدها انى رديت بحدة كده بس لما جيت اتأسفلك تانى يوم لقيت الاعضاء بترمي بالكلام عليا و و خصوصا العضو كريبتون لانى فعلا بتنرفز لما اشوفه فى اى موضوع للاسباب ديه : فى موضوع المقارنة بين ياريس و النترا لما غلطت و قولت موتور ياريس اقوى و حضرتك صلحتلى خطأى و قولتلى لا و فهمتنى بالراحة فقولت فعلا انا غلطان يعنى اعترفت بغلطتى , لقيت الاستاذ كريبتون بيتريق عليا عشان انا غلطت و ده دفعنى لانى ارد عليه بحدة و خدت بسببه انذار اول , فى موضوع كده مش فاكره بس كان موضوع جد اوى و صاحب الموضوع بيتألم من مكلة فى عربيته لقيت الاخ كريبتون داخل يهزر و يتريق على صاحب الموضوع , لما حصلت مشكلة بينى و بين حضرتك لقيته داخل ينرفزنى و يستفزنى فرديت عليه و خدت عقوبة ايقاف لاسبوع بسببه برده
يعنى بسببه خدت انذار و ايقاف .. تفتكر ديه صدفة ؟ عشان كده بقوله ارجووووك ييا جدع ابعد عنى و اتجنبنى عشان مش عايز اتنرفز عليه مرة تانية و اخد ايقاف تانى بسببه
بالنسبة للدكتور الكريم احمد سامي .. مشكورا فهمنى موقفه فى رسالة خاصة و اقسملي انه ما كنش يقصد انه يغيظنى برده عشان كده احترمته و اتأسفتله
اما بقية الاعضاء ما قالوش اى حاجة لانهم فعلا كانوا عايزين يغيظونى خصوصا العضو powert اللى بيقول انا عندى فيات مطلعة عينى و انى متغاظ من حضرتك مع انى لا عمرى كلمته و لا رديت عليه فى اى موضوع و اول مرة اعرف ان فيه عضو بالام ده اصلا ... بصفته ايه يتريق عليا و يقوللى عندى فيات مطلعة عينى ؟ باى حق ممكن يقوللى كده ؟ عشان كده زى ما طلبت من الاخ كريبتون بطلب منك برده يا powert انك تتجنبنى خالص و مش لازم ترد على اى حاجة ليا عان بجد انا متأكد ان اى نقاش بينا بعد كده فى اى موضوع مش حيبقى لطيف
و فى الاخر كل سنة و كل اعضاء نايل موتورز بخير .. و بوجه اسفي لكل عضو انا غلطت فيه من غير حق و تقبلوا جميعا احترامى
ايهاب

[CryptonX]

لقيت الاستاذ كريبتون بيتريق عليا عشان انا غلطت و ده دفعنى لانى ارد عليه بحدة و خدت بسببه انذار اول , فى موضوع كده مش فاكره بس كان موضوع جد اوى و صاحب الموضوع بيتألم من مكلة فى عربيته لقيت الاخ كريبتون داخل يهزر و يتريق على صاحب الموضوع , لما حصلت مشكلة بينى و بين حضرتك لقيته داخل ينرفزنى و يستفزنى فرديت عليه و خدت عقوبة ايقاف لاسبوع بسببه برده
يعنى بسببه خدت انذار و ايقاف .. تفتكر ديه صدفة ؟ عشان كده بقوله ارجووووك ييا جدع ابعد عنى و اتجنبنى عشان مش عايز اتنرفز عليه مرة تانية و اخد ايقاف تانى بسببه
ايهاب

اهلا بعودتك يا استاذ ايهاب .
اولا بس عايز اوضح حاجة انت فاهمني غلط فيها ..
انا في موضوع الياريس مقصدتش خالص اتريق عليك و لا علي اي عضو بس انت لو كنت من زمان هنا حتلافي دايما في " مشاكل " بتحصل عندما يكون في مقارنة بين سيارة كورية و سيارة يابانية .. ولو تفتكر ساعتها انا مكنتش بتريق انا كنت بوضح وجهة نظر معينة الا وهي انك ميفنعش تقارن سيارة من فئة كبيرة بسيارة من فئة اصغر فقط لتقاربهم في السعر و في راي ساعتها ان الانترا احسن من الياريس بكتير

يمكن اكون قلت الكلام في صياغ ساخر او كوميدي و لكن لم اكن اقصد اساءة ليك و لا اي حاجة .. انا بهرج مع اخواتي في نايل موتورز على طول و عمري ماقصدي اضايق حد و لا استقصدك ولا حاجة انا بس اتضايفت لما رايتك رد حضرتك العصبي و الغاضب و به اساءة شخصية لي مع اني حتى و ان كنت " استفزيتك او نرفتزك " و لكني لم اغلط فيك .

بالنسبة للموضوع ده . ممكن اقسملك بالله اني رديت ردي علي توت و ماكنتش متذكر خالص اسمك .. يعني لو كان شخص تاني غيرك مع توت كنت حقول نفس الرد بالظبط علشان بصراحة رد حضرتك عليه زي منت قولت كان شديد .. و توت من اعز اصدقائي في المنتدى زي ماهو قالك ,, و انا مبعملش حاجة علشان اقرب لحد و لا اضايق حد .

و ووقف و انذراتك مش انا السبب فيها - السبب ردود افعالك العصبية .. كان ممكن حضرتك بمنهى البساطة تبعتلي رسالة خاصة و تشرحلي انك مش بتحب التهريج او كلامي ضايفك و انا كنت حعتذرلك في ساعتها علي طول او اذا كنت ضايفتك للدرجة دي كنت ممكن تعمل شكوى و بالتالي حقك يبقى مضمون من غير ماتضطر تاخد انذار او وقف بسببي .

و ارجوا انك متكونش زعلان و انا لم اتعمد مضايقتك نهائيا - و كل عام و انت بخير بمناسبة رمضان .

و مبروك مقدما علي الالنترا - اختيار موفق باذن الله .

[CryptonX]

وطبعا مش حعلق علي موضوع الشكوى الي انت عامله علشان مش عايز حد يتعافب بسببي تاني في نفس الوقت انا مغلطتش في حضرتك شخصيا علشان تنعتني باللفظ الي انت بتقوله في شكوتك .

الله يسامحك .

[Chicco]

وطبعا مش حعلق علي موضوع الشكوى الي انت عامله علشان مش عايز حد يتعافب بسببي تاني في نفس الوقت انا مغلطتش في حضرتك شخصيا علشان تنعتني باللفظ الي انت بتقوله في شكوتك .

الله يسامحك .

كريم باشا ....رغم اني لا أعرفك شخصيا لكن احترامي لك يزداد يوما بعد يوم .....حسنا فعلت يا أخي الفاضل و الكرة الآن في ملعب alivara