يا جماعه دا عوض ولا لا

[modydosoki]

شاليه نزلت علي الزجاج السياره واتكسر وكمان فيه شويه شغل في الصاج المهم المتسبب عنده استعداد يتحمل المسؤاليه فا دا يبقي عوض ولا لا يعني حلال ولا حرام وشكرا

[megamoudy]

لا مش حرام طبعا

من افسد شئا فعليه اصلاحه

تقبل مروري

[modydosoki]

شكرا يا باشا علي سرعه الرد انا عارف ان من اتلف شيء فعليه اصلاحه بس انا قولت اتاكد علشان الواحد مش يقبل علي نفسه فلوس حرام وشكرا ليك مره اخري

[megamoudy]

لا خالص مفهاش حاجة باذن الله
الدونيا ماشية بكده حتى ف السعودية بيعملو كده

ربنا يوفقك ف تصليح العربية

[Hondawy_2008]

لا ده سيد مش عوض :)))

[yoko]

أصلا العوض مش حرام وفي الدين من أفسد شيء فعليه إصلاحة

[Ralliart]

يعني ايه عوض !! مش فاهم ايه اللي هيحرمه اصلاً؟
متفهمونا يا جدعان علشان كل ما حد يخبطي بيقولي هتقبل العوض ويبصلي باحتقار كأني واخد رشوه!!
ربنا ياخد اللي طلع الفكره دي في دماغ الشعب المصري

[ahmedsamir5edr]

no problem

[mahfouz1983]

لا مش حرام طبعا

من افسد شئا فعليه اصلاحه

تقبل مروري

[megamoudy]

يعني ايه عوض !! مش فاهم ايه اللي هيحرمه اصلاً؟
متفهمونا يا جدعان علشان كل ما حد يخبطي بيقولي هتقبل العوض ويبصلي باحتقار كأني واخد رشوه!!
ربنا ياخد اللي طلع الفكره دي في دماغ الشعب المصري

معاك حق الناس بتبص بطريقة غريبة

بس ارجع واقول لأن احنا شعب ملوش خلفية ديينيية واذا الاسلام فلا امان

[shaddadfalcon1]

مش عوض وده حقك لكن طبعا لو تقدر تسامح او عندك المقدره علي العفو وانك تشيلها علي حسابك برده شيء يرجعلك
وانت برده تقدر تشوف ظروف الراجل اللي عمل كده ايه

[MASERATI]

السلام عليكم و رحمة الله و بركاته

أولا , الحمد لله على كل حاجة و ان ماحدش كان قاعد فى العربية و لا واقف جمبها و اتعور .

أصلا , اللى أنا أعرفه, أن العوض مش حرام و بالتالى التصرف فى المسائل اللى زى دى بيرجع لسيادتك , لو سيادتك بفضل الله , ربنا موسع عليك و معاك المقدرة المالية أنك تعمل الاصلاحات دى و ماتاخدش من الراجل عوض , خلاص, اعملها على حسابك , لو التكلفة بتاع التصليح تلزمك , خلاص , خد التكلفة من اللى اتسبب فى التلفيات .

أنا لو مكانك و كانت التلفيات بسيطة و اللى عملها زى ما أنت بتقول راجل محترم و عنده استعداد أنه يدفع بالكامل , خلاص , مفيش مشكلة , مابرضاش آخد حاجة و بقوله , حصل خير , أما لو كان مش محترم ولا بيتناصح و لا بيقاوح و لا بينكر و لا متعمد الاهمال اللى أدى الى التلفيات , هاخدهم من عينه, حتو لو كان شلن ( 5 قروش ).

أما لو كانت التلفيات كبيرة , فأنا أعتقد أنى هاخدهم , أو على الأقل هاخد جزء منهم , يعنى هقسم بالنص بينى و بينه , بس أنا بصراحة ماتعرضتش للموقف ده قبل كده و الحمد لله و أتمنى أنى ماتعرضلهوش , لا أنا و لا أى من أعضاء المنتدى الكرام .

ربنا يسترها معاك و معانا أجمعين .

مازيراتى كواتروبورتيه

[rompo10]

مش عوض ودا حق ليك بس لو الراجل مش قاصد يبقي ممكن تشيل جزء معاه

[abo_lamar]

ايوه حقبل العوض طبعا

[Abdo_Eldesokey]

الطبيعي إنك تاخد تمن التصليح .. وده الأساس

لكن ممكن انت تسامح الي خبطك وتعذره على أساس إن كلنا ممكن نغلط في أي وقت ، وتكون النية خالصة لله إنه يفاديك بالفلوس دي من حاجة أكبر