هل شراء سيارة من الخليج افضل من شرائها من مصر فعلا ؟؟؟

[Dr_Smart]

دلوقتي الناس اللي بيشتغلو في الخليج دايما يسألو السؤال ده ... اشتري العربية من هنا وانزل بيها ولا اشتريها من مصر وخلاص ؟؟؟

في الخليج تسهيلات اسهل بكتير في الدفع ... خصم محترم في الشراء النقدي ... اقساط سهلة بفوايد بسيطة وممكن اول قسط يكون السنة الجاية كمان ... ولكن في المقابل لازم تكون مجهز الجمرك في جيبك كاش حوالي 40 50 الف جنيه

عشان تنزل بيها مصر هتسافر بيها مشوار محترم يزيد على الالف كيلو يا اما تشحنها بمبلغ وقدره

العربيات اللي بتنزل الخليج لها سمعه احسن من مصر ( المواصفات الخليجية ) تقفيل انضف من ناحية الخامات ... التكييف ... ساعات بحس العربية اللي بتنزل مصر بتكون اقل حاجة في الانتاج .. ده حتى الكاوتش ساعات بيختلف !!

العربية هناك هتجيبها زيرو فعلا ... لكن هنا شوفو العربية على ماتوصل للتوكيل اللي ساقها ده ساقها ازااااي !!! فيه ناس استلمت عربياتها عامله اكتر من 80 كيلو

الميزة الوحيدة في مصر التوكيل ... ولكن مش في كل حاجة ... لو ظهر عيوب تصنيع فقط ... يعني تستفيد بالضمان
بس هل لو اشتريت تويوتا مثلا من الكويت ضمانها مش هيمشي في مصر ؟؟؟؟؟؟؟؟

سؤال تاني بخصوص التوكيل ... انت كده كده بتدفع حق الصيانه في التوكيل ... هل لو جبت العربية من بره ممكن اعملها صيانة في التوكيل ؟؟؟؟

عايز ارائكم في الموضوع ده .....

[محمد عز]

الحقيقة سؤال كويس جدا
لكن فى الاخر التمن تقريبا قريب من بعضه لكن يفرق بعض الاف بالنقص او بالزيادة
لكن
العربية بالمواصفات المصرى وبالمواصفات الخليجى هى فى الاخر نفس العربيه ولكن بتفرق فى بعض الكماليات
العربية الخليجى يعنى شغلانة (جمارك ووجع قلب وموظفين حكومة وما ادراك ما موظيفن الحكومة وشحن والخ)
عربيه مصرى يعنى ادفع وشيل وخلاص على كده
ده من وجهة نظرى وده غير طبعا الضمان اللى فى صالح العربيه المصرى

[Dr_Smart]

الف شكر يا بشمهندس على رايك

بصراحه موضوع الجمارك ده فعلا وتخليص العربية بيبقى شغلانه

[fahd_628]

الخليجى افضل من المصرى فى

ردياتير اكبر
تكييف اقوى
دهان احسن و بيتحمل الحرارة اكتر
كماليات اعلى
حتلاقيها نازلة بحاجتها الأصلية يعنى الكاسيت الأصلى مثلا غير هنا حتلاقيهم مركبين كاسيت اى كلام

المصرى افضل فى

الضمااااااان
العفشة مصممة للطرق المصرية
بتحس انك جايب حاجة مضمونة عن الخليحى

[Dr_Smart]

يعني مفيش ضمان للسيارات اللي جاية من الخليج في مصر ؟

ازاي ؟! ده احيانا الموبايل والاجهزة الكهربائية بيبقى ليها ضمان دولي وممكن يشتغل في مصر

طيب هل ممكن عمل الصيانة لها في توكيلها في مصر ؟؟

[hero]

بص يا باشا...
لو هاتشتري العربية علشان تيجي بيها مصر بعد سنة ولا حتي اقل ....يبقي ريح دماغك وهاتها من مصر....وما تقلقش ...الخليجي والمصري الفروق بينهم مش كبيرة...بالعكس في بعض الماركات المصري فيها احسن من الخليجي....التويوتا مثلا مواصفات الخليجي اقل من المصري...(مش عارف لية)...

لو العربية ...هاتشتريها من الخليج وتركبها 4 ولا 5 سنين هناك.....يبقي اشتريها وجمركها وانت نازل....لان جماركها هاتقل النص...علي الاقل...دة غير ان استخدام 5 سنين في الخليج يعادل استخدام سنة واحدة في مصر....كفاية المطبات والحفر ايلي في الطرق عندنا...والكفيلة باهلاك اتخن عفشة....هناك البنزين محترم 97 والصيانة بضمير وقطع الغيار اصلية...والطرق زي الحرير....

شوف انت ظروفك اية برة ....وتوكل علي الله...ولو عايز عربية في مصر...هاتلك حاجة صغيرة تمشيك الاجازات...

[mohamed_88sk]

لا للأسف متهيألي مش بيكون في أي كفاله ليها في التوكيل هنا في مصر ..
بس أنا برتاح مهما كان للسيارات الخليجية ..على الأقل جايب حاجة من بتها يعني صنع بلدها 100% مش تقفيل والكلام اللي هنا ..يعني تويوتا يبقى ياباني 100% إلخ...

[Dr_Smart]

بص يا باشا...
لو هاتشتري العربية علشان تيجي بيها مصر بعد سنة ولا حتي اقل ....يبقي ريح دماغك وهاتها من مصر....وما تقلقش ...الخليجي والمصري الفروق بينهم مش كبيرة...بالعكس في بعض الماركات المصري فيها احسن من الخليجي....التويوتا مثلا مواصفات الخليجي اقل من المصري...(مش عارف لية)...

لو العربية ...هاتشتريها من الخليج وتركبها 4 ولا 5 سنين هناك.....يبقي اشتريها وجمركها وانت نازل....لان جماركها هاتقل النص...علي الاقل...دة غير ان استخدام 5 سنين في الخليج يعادل استخدام سنة واحدة في مصر....كفاية المطبات والحفر ايلي في الطرق عندنا...والكفيلة باهلاك اتخن عفشة....هناك البنزين محترم 97 والصيانة بضمير وقطع الغيار اصلية...والطرق زي الحرير....

شوف انت ظروفك اية برة ....وتوكل علي الله...ولو عايز عربية في مصر...هاتلك حاجة صغيرة تمشيك الاجازات...

وجهة نظر سليمة ...

اشكرك يا باشا

[PRO-DRIVE]

بما اني مجرب و جايب العربيه من عمان

فا نصيحه علي حسب العربيه بتفرق كتير

احسب تمن الشحن و الجمارك حتدفع كام بعدين شوف سعرها في مصر كام

اذا ناوي تستخدمها اكتر من سنه "تقريبا علي حسب معلوماتي اول سنه بتقل 10%
و بعد كدا كل سنه 5%"

يبقي توكل علي الله و اشحنها حتي الكونتينر بيكون مفيد في انك تحط معاها حجات كتير تنقلها

بس برضه دا بيتوقف علي العربيه اللي حتجيبها

[Ramy_Tantawi]

والله عن تجربه حصلة معايا كان واحد صاحبي منزل عربيه من السعوديه وكنت معاه وقت اجراءات التخليص ودفع الجمارك والكلام ده كله ....... العربيه اللي كان بينزلها رينو كليو وكان كل اللي اتوفر فعلاً بسيط جداً ومايساويش ابدا ابهدله اللي شفناها والله اليوم ده ..........قمة الاستفزاز الجمارك بتاعتنا دي والله الكلام ده كان من 3 سنوات تقريباً او اكتر كان لسه طالع قرار تقليل الجمارك وقتها يمكن اكتر من 3 سنين والله مش فاكر بالظبط...........اولا بحر الجمارك ده واسع جداً لازم يكون في مخلص جمركي وانت وشطارتك بقى في التظبيط واللعب........الحاجه التانيه بتتحاسب على كل خيط في العربيه والله العظيم بدون مبالغه الحراري اللي في زجاج العربيه الخلفي يعدوه ويحاسبوا عليه.....الباور....التكيف....المرايه اللي في الشماسه............كلام فاضي والله وقمة في الاستفزاز....................ده بالنسبه لموضوع الجمارك.......موضوع التوكيل اعتقد على حسب التوكيل واحترامه......عموماً وقتها في الكليو دي كان فيه شوية مشاكل في الأول لكن اتحلت معاهم ودخلت العربيه الضمان عادي مافيش مشاكل اطلاقاً.......الله اعلم التوكيلات التانيه هاتعمل ايه لكن اعتقد ماباقتش مشكله اوي زي زمان......

[Dr_Smart]

1- هو فعلا الموضوع بيعتمد على العربية

يعني لو هجيب مازدا 3 مثلا متهيألي هاتها من هناك احسن ... هتبقى ضامن انك واخد انضف حاجة وكده كده مالهاش توكيل هتستفيد منه في مصر .

2- انا عارف ان مش هيكون فيه فرق سعر ... لكن هيكون فيه فرق في تسهيلات الشراء ... يعني لو هجيبها اقساط اعتقد ان شرائها من هناك هيكون اسهل .

3- انا اللي بسأل عليه تحديدا ... اني بحس ان العربيات هناك قليل لما يكون فيها عيوب تصنيع بالاضافه الى انها افضل في التقفيل والكماليات .

4- من الاخر .. لو ممكن العربية يبقى ليها ضمان شغال في التوكيل هنا يبقى اشتريها من بره احسن .

[hazem_khidr]

بص يا باشا...
لو هاتشتري العربية علشان تيجي بيها مصر بعد سنة ولا حتي اقل ....يبقي ريح دماغك وهاتها من مصر....وما تقلقش ...الخليجي والمصري الفروق بينهم مش كبيرة...بالعكس في بعض الماركات المصري فيها احسن من الخليجي....التويوتا مثلا مواصفات الخليجي اقل من المصري...(مش عارف لية)...

لو العربية ...هاتشتريها من الخليج وتركبها 4 ولا 5 سنين هناك.....يبقي اشتريها وجمركها وانت نازل....لان جماركها هاتقل النص...علي الاقل...دة غير ان استخدام 5 سنين في الخليج يعادل استخدام سنة واحدة في مصر....كفاية المطبات والحفر ايلي في الطرق عندنا...والكفيلة باهلاك اتخن عفشة....هناك البنزين محترم 97 والصيانة بضمير وقطع الغيار اصلية...والطرق زي الحرير....

شوف انت ظروفك اية برة ....وتوكل علي الله...ولو عايز عربية في مصر...هاتلك حاجة صغيرة تمشيك الاجازات...

هيرو جاب من الاخر
و نقطه كمان ان فتره الكفاله بتاعها بتكون انتهت يعني اي عطل سوء مصري او خليجي انت بتتحاسب عليه .

[goodwave]

يا جماعة كلامكم مظبو بالنسبة للسيارات إللي بينزل منها هي هي في مصر وموجودة فبدل وجع القلب والدماغ والجري وراء الضمان.... أشتريها من هنا واريح دماغي...... ولكن..... انا ليا واحد صاحبي على سبيل المثال عاوز يشتري تويوتا هيلوكس فيجو ودي عربية مش بتنزل مصر ولو نزلت فبتكون محرك أصغر ومانيوال.... بس هناك في السعودية بتنزل بمحرك ديزل أكبر وكمان أوتوماتيك (عمرك شوفت نقل أوتوماتيك؟) وكماليات زي الفل مش بتنزل في مصر زسعرها هناك في السعودية اقل من سعرها في مصر بكتيير.... كمان هو بيقوللي إنه لو معاك حيازة أرض بتقدر تنزل أي عربية نقل وتاخد عليها تخقيض جمركي كبيييير؟؟؟؟ حد سمع الكلام دة قبل كدة!

هي العربية تصنيفها نقل ولكن شكلها قريب جدا جدا من التويوتا برادوا إللي زي ما أنتم عارفين نزل منها المئات برخص التراب علشان كانوا بيرخصوا أوتوبيس خاص بس طبعا دة بقى ممنوع دلوقتي!

[Xpert]

الخليجى افضل من المصرى فى

ردياتير اكبر
تكييف اقوى
دهان احسن و بيتحمل الحرارة اكتر
كماليات اعلى
حتلاقيها نازلة بحاجتها الأصلية يعنى الكاسيت الأصلى مثلا غير هنا حتلاقيهم مركبين كاسيت اى كلام

المصرى افضل فى

الضمااااااان
العفشة مصممة للطرق المصرية
بتحس انك جايب حاجة مضمونة عن الخليحى

صح كده .. احسن من كل النواحي .. الا ناحيه القلق اللي في السوق اليومين دول (درجه الخطر من انهيار السوق)

[mahamedaraby]

بص يا باشا...
لو هاتشتري العربية علشان تيجي بيها مصر بعد سنة ولا حتي اقل ....يبقي ريح دماغك وهاتها من مصر....وما تقلقش ...الخليجي والمصري الفروق بينهم مش كبيرة...بالعكس في بعض الماركات المصري فيها احسن من الخليجي....التويوتا مثلا مواصفات الخليجي اقل من المصري...(مش عارف لية)...

لو العربية ...هاتشتريها من الخليج وتركبها 4 ولا 5 سنين هناك.....يبقي اشتريها وجمركها وانت نازل....لان جماركها هاتقل النص...علي الاقل...دة غير ان استخدام 5 سنين في الخليج يعادل استخدام سنة واحدة في مصر....كفاية المطبات والحفر ايلي في الطرق عندنا...والكفيلة باهلاك اتخن عفشة....هناك البنزين محترم 97 والصيانة بضمير وقطع الغيار اصلية...والطرق زي الحرير....

شوف انت ظروفك اية برة ....وتوكل علي الله...ولو عايز عربية في مصر...هاتلك حاجة صغيرة تمشيك الاجازات...

صح ميه ميه يعنى لو انت شغال هناك وهتقعد اشترى من هناك احسن