عربيه صحبي اتسرقت

[AbuHusam]

الحمد لله و قدر الله و ما شاء الله فعل
العربيه اكسيل 1300 يعني ما فيهاش اسبويلر
رقمها ل ر ط 658
لونها مووف الاكصدمات لونها اسود
فيها معجون في الابواب والرفرف اليمين
محطوط خوذه في الرف الوراني عند القزاز
مكتوب بريستيج علي القزاز الوراني
دي العلامات اللي قدرنا نفتكرها
الكارثه ان العربيه كان فيها جهاز انذار واتسرقت واللي عرفنها من البوليس انهم بينزلو تحت العربيه يقصوا السلك بتاع الارضي

[mark=#ffffdb]آجرك الله في مصيبتك.. ولا يعلم كم هي مصيبة إلا من جربها مثلي... لكن قدر الله وما شاء فعل.. وبإذن الله ستستردها قريباً..
طبعا انت بلغت البوليس.. لكن إليك النصائح التالية يمكن تفيدك:
1- ياريت تشوف أي واسطة وتتواصل بها مع مطتب مكافحة سرقة السيارات في مديرية لأمن التابع ليها.
2- اعمل إعلان عن سرقة السيارة في الوسيط وبعض الجرائد اليومية واذكر فيه إحدى العلامات الثابتة مثل كلمة بريستيج.
3- اطبع إعلان عن مكافأة (الف جنيه مثلاً) لمن يجدها ووزعه على أوسع نطاق.. في كمائن الشرطة على الدائري ومداخل القاهرة وفي الإشارات وعند الميكانيكية وخصوصاً في المناطق التي تباع فيها قطع الغيار المستعملة والسيارات المسروقة (الحرفيين/ عزبة شلبي/ الزقازيق)
4- اعمل جولات يومية بسيارة صديق أو قريب إلى المناطق النائية في القاهرة.. 6 أكتوبر/ الشيخ زايد/ 15 مايو/ القاهرة الجديدة/ المرج/المقطم/ العاشر/ العبور/...)
5- لو معاك صورة للعربية على الموبايل ابعتها لكل من تعرفه ونزلها على النت وابعتها بالإيميل لأكبر عدد ممكن علشان الناس تعرف شكلها.
الحاجات دي يمكن تبدو بسيطة وممكن واحد يقول يعني لما ألف بعربية في الشوارع هالاقيها؟ لكن صدقني الحاجات دي بتفيد جدا.. أنا اتسرقت مني عربية قبل كدة ولقيتها بعد ما عملت الحاجات دي.. وعلشان تصدق هاقولك إن واحد مكيانيكي نعرفه لما أعطيناه صورة العربية من على الموبايل وقلناله إن ليها مكافأة ألف جنيه.. أخد عربيته وبقى بيلف كل يوم ساعة يدور معانا.. وبعد أسبوع هو اللي لقاها في 6 أكتوبر واقفة في الشارع الرئيسي بميدان الحصري
يعني لا تستهون بأي خطوة.. وإن شاء الله ربنا يعترك فيها
بس نتمنى لما تلاقيها تبقى تطمنا وإن شاء الله يكون قريب جدا جدا[/mark]

[ahmed88hassan]

حسبي الله و نعم الوكيل :(