طلب مساعده قسط السياره

[themyth999]

السلام عليكم
أنا ان شاء الله ناوي اشتري عربيه لوجان من سمير ريان بالتقسيط مع بنك السي اي بي
هدفع مقدم 13700 يعني 20 % من تمن العربيه
والباقي على خمس سنوات بقيمه قسط 1393 جنيه شهرياً
لما حسبت المبلغ اللي هدفعوا في نهاية المده لقيت ان الفائده كده ثابته 10.5 % رغم اني لما كنت في المعرض مندوب البنك قاللي فائده 8.8 %
أنا كده مش فاهم هوا مين فينا اللي صح
ممكن توضيح من الناس اللي بتفهم في نظام البنوك ده و جزاكم الله خيراً

[asas2]

بص من الاخر البنوك دول حرامية وحياخدوا اضعاف اضحاف نسبة الفايدة دى

[mrwho1982]

قسط تبع بنك ناصر الاجتماعي

[rompo10]

نصيحه ابعد عن البنوك ربنا يكفيك شرها هاياخدوا تمن العربيه مرتين اقساط ومصاريف ومش عارف ايه وهايخترعوا

[mahmoud19]

سعر الفائده اقل فى حاله انك هتبقى مابينك ومابين البنك بس سمعت انه بيبقى ربا لأن كده اكنك هتاخد قرض تجيب بيه العربيه لأن البنك مش مالك للعربيه
انما سعر فائده معارض العربيات بتبقى عاليه وأسألنى انا مجرب الحوار بتاع التقسيط ده بيخليك تكره نفسك وانا عن نفسى متقطش وسديت القسط بعد سنتين من الخمسه وبعد ما كانو بيقوقو(بنك بركليز)ان فى حاله السداد فى نص المده الفائده بتقل بنسبه كبيره للأسف الى حصل العكس تماما والواحد يعتبر خسر مبلغ محترم جدا فى العربيه دى مع انها كانت كلها مترين
فنصيحه حوار القسط ده خنقه آخر حاجه يعنى قبل مارجلك تتزحلق فى الحوار ده لازم تكون مفهم نفسك ان فى خنقه 5 سنين فى حاله ان ممكن تجيب عربيه مستعمله حاليا وتحوش فلوس وإن شاء الله تقدر تجيب حاجه زيرو مستقبلا
وبالتوفيق
وطبعا انا كنت مقسط مع معرض سيارات لأنى سمعت ان لو مع البنك هيبقى ربا

[SonaSteel]

ممكن تفكر في البنك الوطني للتنمية .... نظامة اسلامي ونسبة الربح 9.5%

[cyborg_ift]

البنك الوطني للتنميه وممكن بنك فيصل

[themyth999]

السلام عليكم
انا سألت في موضوع التقسيط ده و وصلت للأتي
ان لو اخدت قرض من البنك و جبت العربيه و قسطت القرض في الحاله دي بيكون ربا
اما لو البنك اشترى العربيه و باعهالك بأكتر من سعرها على أقساط شهريه في الحاله دي بيكون توسط القرض سلعه يعني انت مأخدتش قرض انت اشتريت العربيه من البنك و هنا ميبقاش ربا
بس انا كان سؤالي هو ان الفائده 10.5 % ده رقم كبير ولا مقبول عشان انا سمعت ان في 8.8 و 9 و 9.25 لكن مش بيوصل لـ 10.5 % الإ لو كان البنك بينصب

[YaSSerwIN]

باشا كدة ربا وكدة ربا مافيش فرق بس

انا مش بيأسك من الشراء بالتقسيط بس عايزك تحسبها صح

أولا احسب ان فى خلال ال5 سنوات كل سنة هاتدفع 2000 تأمين ودة طبعا مش اختيارى علشان البنك يضمن حقه ويديك جواب تجدد بيه السنة الى بعديها

ياعنى مبدئيا ً 10 الاف جنية تأمين غير الفائدة عن كل سنة

وخلى بالك فى السداد المباشر ياعنى لو كملت سنيتين ولا سنة وعايز تدفع كل المبلغ بتلاقيهم مش بيشيلو من الفائدة الى حاجة بسيطة جدا ياعنى الكلام الى بيتقال فى الأول دة كله مش مظبوط

ياعنى فى الأخر لو العربية بـ 60 الف هتلاقيها بقت ب 100 الف بعد التقسيط

انا حبيت بس اوضحلك النقاط وكل الكلام دة عن تجربة

[themyth999]

السلام عليكم
أولاً : شكراً لكل الردود
ثانياً : انا بعت لدار الإفتاء لأخذ الفتوى الشرعيه في شراء سياره بالقسط و كان الرد كما هو بالرابط ده
Result

[alaa99991111]

السلام عليكم
انا سألت في موضوع التقسيط ده و وصلت للأتي
ان لو اخدت قرض من البنك و جبت العربيه و قسطت القرض في الحاله دي بيكون ربا
اما لو البنك اشترى العربيه و باعهالك بأكتر من سعرها على أقساط شهريه في الحاله دي بيكون توسط القرض سلعه يعني انت مأخدتش قرض انت اشتريت العربيه من البنك و هنا ميبقاش ربا
بس انا كان سؤالي هو ان الفائده 10.5 % ده رقم كبير ولا مقبول عشان انا سمعت ان في 8.8 و 9 و 9.25 لكن مش بيوصل لـ 10.5 % الإ لو كان البنك بينصب

فعلا صحيح لو اشتريت من البنك بس بشرط امتلاك البنك للعربية وانها تكون في حوذته متكنش لسه في المعرض
بالنسبة للنسبة انا عن نفسي قسطت بنسبة حوالي 13 % بس تقسيط مباشر بدون تدخل للبنك بالرغم من اني دفعت 50 % من قيمة العربية والباقي علي سنتين ونص بس ورضيت بكده عشان ابعد عن اي شبهة وربنا يوفقك للخير

[M.Mosaad]

السلام عليكم
أنا ان شاء الله ناوي اشتري عربيه لوجان من سمير ريان بالتقسيط مع بنك السي اي بي
هدفع مقدم 13700 يعني 20 % من تمن العربيه
والباقي على خمس سنوات بقيمه قسط 1393 جنيه شهرياً
لما حسبت المبلغ اللي هدفعوا في نهاية المده لقيت ان الفائده كده ثابته 10.5 % رغم اني لما كنت في المعرض مندوب البنك قاللي فائده 8.8 %
أنا كده مش فاهم هوا مين فينا اللي صح
ممكن توضيح من الناس اللي بتفهم في نظام البنوك ده و جزاكم الله خيراً

طالما انت بعت فتوي و مقتنع بالاجابه يبقي الافضل انك تروح اي معرض لتوكيل رينو نفسة و تاخد عرض سعر للبنك اللي هيديك عرض احسن و يفضل يكون اسلامي
10.5 كتير جدااااااااا العادي من 8.5 ل 9.5 و بتبقي فايدة متناقصة يعني بيبقي الجزء الاكبر في السنين الاولي علشان البنك يضمن انه حصل اكبر قدر من الفايدة قبل ما تسدد الباقي كاش مثلا

و اتاكد منهم عن موضوع السداد المبكر عليه فايدة قد ايه لان بعض البنوك زي عودة بتاخد 5%

و لو تقدر تعلي المقدم شوية و ترفع القسط و تقصر فترة السداد يبقي علي سنتين او 3 مثلا يبقي احسن بكتير لان خمس سنين مدة طويله و هتزهق من المبلغ المدفوع شهريا

اه نسيت و علشان ابقي خلصت ضميري اللغط الوحيد في موضوع البنك الاسلامي بيبقي ان البنك بيخلص الاجراءات و بياخد المقدم قبل ما يحوز العربيه زي ما الاخ alaa قال و اللي اجمع عليه معظم الشيوخ ان البنك لازم يحوز العربيه قبل دفع المقدم

[mailo]

بص يا باشا الحسبة دي على 8.8 بس بيزودوا تأمين وكده فايلفايدة بتعلى
بص nsgb فايدته 8 بس بس برده ربا
لو تعرف تستنى شوية وتعملك جمعيتن الوحدة بالف مثلا 20 شهر هيبقى معاك 40 غير المادام اللي معاك ورأينا يكرمك وهتلاقي جمعياتك بتخلص 3 سنين بس فهتريح نفسك سنة أو أكتر من الفايدة بس العربية هاتتأخر شوية ده لو معرفتش تقبض أول كلام اسم

[sonybony]

البنوك كلها حراميه
وشغل ودنك منين يا جحا وكده كده هنسرقك

[Rerii]

فنصيحه حوار القسط ده خنقه آخر حاجه يعنى قبل مارجلك تتزحلق فى الحوار ده لازم تكون مفهم نفسك ان فى خنقه 5 سنين فى حاله ان ممكن تجيب عربيه مستعمله حاليا وتحوش فلوس وإن شاء الله تقدر تجيب حاجه زيرو مستقبلا

انا رأيى كده بلاش تحمل نفسك اقساط ده مجرد رأى