بالنسبة لشراء سيارة من الكويت

[tot]

السلام عليكم، كنت عايز اسال يا جماعة على شراء عربية من الكويت، انا دلوقتى ف الكويت و بفكر اجيب فولكس فاجن جيتا، بس عايز اعرف لو فى حد فى المنتدى هنا عايش ف الكويت يفيدنى هل العربية دى بتاخد بنزين 95 ولا 92 عادى، و هل سيتم خفض الجمارك عشان اتفاقية الشراكة الاوربية بمناسبة العام 2011، حيث انى سمعت ان كل سنة من 2010 المفروض تقل التعريفة الجمركية ( اللى هى مثلا 40% لو 1600 او اقل ) يعنى كده المفروض تبقى 32 % ؟؟ و متى يتم احتساب العام الجديد اللى هينزلوا فيه ال 10 % دى ، هل من اول يناير ولا من اول اكتوبر للعام اللى قبله زى تخفيضات استعمال السنة الاولى

[samo9992003]

اعتقد ان الجيتا اللى بتنزل فى الكويت مش 1600 خالص ولا 2000 حتى

[aly_hosny]

العربية مش هتبقى ضمن الاتفاقية
لازم تكون جاية من اوروبا عشان تاخد التخفيض

[tot]

بس اللى اعرفه ان الاتفاقية تبع بلد المنشأ بغض النظر انت جاى بيها منين، يا ريت لو حد يعرف يفيدنا

[horas3000]

الجيتا في الكويت بتنزل بالمتور ال 1600 سي سي mpi و ده قوته 102 حصان و بيقبل البنزين ال 92 عادي و هو هو اللي بينزل عليها في مصر مفيش اي اختلاف

اما بالنسبه للتخفيض الجمركي فالمفروض انه مطبق
لكن زي ما انت شايف اهو 2010 خلصت اهه و مفيش حد حس بيه و سعر العربية زي ما هو
فبصراحة محدش عارف حاجة و الاغلب انهم بيعوضوا التخفيض ده في حاجة تانية و الله اعلم
عموما جمرك الجيتا بيتراوح في حدود ال 85 الف جنيه حسب المواصفات اللي فيها

و خلي بالك انا اسمع ان التوكيل لا يقبل صيانه العربيات اللي مش جايه عن طريقة .فلو تعرف حد يسالك و يتاكد من المعلومه ده يبقي احسن حسان تبقي في الامان

و لو عايز نصيحتي فكك من الحوار ده و لما تنزل مصر يبقي جيب عربية من هناك و خلاص و بلا وجع القلب و الدماغ لاني مجربه و عارف

[rompo10]

استني شويه ياباشا لغايه مانشوف ايه اللي هايحصل

[aly_hosny]

بس اللى اعرفه ان الاتفاقية تبع بلد المنشأ بغض النظر انت جاى بيها منين، يا ريت لو حد يعرف يفيدنا

الجيتا في الكويت بتنزل بالمتور ال 1600 سي سي mpi و ده قوته 102 حصان و بيقبل البنزين ال 92 عادي و هو هو اللي بينزل عليها في مصر مفيش اي اختلاف

اما بالنسبه للتخفيض الجمركي فالمفروض انه مطبق
لكن زي ما انت شايف اهو 2010 خلصت اهه و مفيش حد حس بيه و سعر العربية زي ما هو
فبصراحة محدش عارف حاجة و الاغلب انهم بيعوضوا التخفيض ده في حاجة تانية و الله اعلم
عموما جمرك الجيتا بيتراوح في حدود ال 85 الف جنيه حسب المواصفات اللي فيها

و خلي بالك انا اسمع ان التوكيل لا يقبل صيانه العربيات اللي مش جايه عن طريقة .فلو تعرف حد يسالك و يتاكد من المعلومه ده يبقي احسن حسان تبقي في الامان

و لو عايز نصيحتي فكك من الحوار ده و لما تنزل مصر يبقي جيب عربية من هناك و خلاص و بلا وجع القلب و الدماغ لاني مجربه و عارف

لا انا متاكد انه مش هيبقى عليها تخفيض
لان عمي جاب 308 من السعودية على اساس ان في تخفيض وحاسبوه عادي على على نفس الشريحة
لما سال قالولو لازم تبقى جاية من اوروبا عشان تاخد التخفيض

[tot]

طب بالنسبة للسيف اللى هو على مافهمت تمن العربية من الفاتورة مضاف اليه 16% ، هل ده يطبق لو الواحد جه بالعربية هو اللى سايقها ولا لا، يعنى هل ده مثلا بيكون مصاريف شحن لو الواحد هيبعت العربية مش هييجى بيها ولا ايه النظام

[cyborg_ift]

متابع باهتمام