فيليشيا بيضاء

[hany79]

السلام عليكم جميعا
في عربية فيليشيا بيضاء نمرته و ن أ 593
انا حاسس انها ممكن تكون مسروقة بشوفها مركزنة في مكان مش تحت بيت في شارع بعيد عن العمائر السكنية بقالها ييجي 3 شهور لغاية ما العجل بتاعها نام لو حد يعرف صاحبها يا ريت يبعتلي على الايميل hany_gwd@hotmail.com
عشان ادله على مكانها و ربنا يسترها معانا جميعا

[ahmdmagdy]

بلغ قسم الشرطه

[Ayman-Ahmed]

او اعمل زى ما انا عملت لما لقيت فيرنا مرمية فى الشارع.اتصل او روح القسم.

سلام عليكم.بقالى اسبوعين شايف عربية واقفة فى مكان بعيد وانا راجع من الشغل وبلاقى فيها شباب قاعدين شكلهم غلط.ده لو متاكد ان صاحبها مش ساكن جنبها وراميها ويمكن بايظة او الموتور فيه حاجة.

او

خد البواب وروح بص على العربية ويمكن تلاقى فيها كارت ولا حاجة لو العربية مفتوحة

[cyborg_ift]

جزاك الله خيرا

[aymn2003]

ربنا يجعله فى ميزان حسناتك

[windofchange]

وفي جولف2 برده راكنه لغاية مالكاوتش نام والتراب غطاها ده فالنزهة الجديدة لونها اسود ومجنطة واسبيرو فالخليفة المأمون امام كنتاكي فالحارة البطيئة..........بس لو بلغت القسم ههيهتموا ولا ايه؟

[EZABY]

هي العربيه في انهي منطقه؟
متقولش العنوان بالتحديد قوللي بس في انهي منطقه