كارثة جديدةاسخن من بتاعتة اسكندرية :الشورى يطالب برفع سعر البنزين

[hussein]

شكلنا كده لازم نعمل زى تونس اللى اجبرت بن على على اقالة وزير الداخليه و عدم ترشحة مره اخرى للرئاسة


طالب أعضاء لجنة النقل بمجلس الشورى الحكومة بإغلاق المحال التجارية في الثامنة مساء، وخفض عدد السيارات الخاصة بالقاهرة الكبرى لحل مشكلة المرور، مؤكدين ضرورة توسيع سلطات جهاز تنمية النقل الحضري بالقاهرة الكبرى، وأن تكون تبعيته لمجلس الوزراء.

قال النائب مجدى عفيفي، وكيل اللجنة، خلال اجتماعها أمس إنه لابد من إعادة النظر في عدد السيارات الخاصة ونظام البيع بالتقسيط ورفع سعر البنزين وتحويل دعمه إلى التعليم، مشيراً إلى أهمية إغلاق المحال التجارية في الثامنة مساء، كما يحدث في أغلب دول العالم لتقليل أوقات استهلاك الطاقة وازدحام المرور، حسب صحيفة "المصري اليوم" الخميس.

[nour_nrc]

لا تعليق

[dr_abooody]

هو غلو البنزين هو اللي هيحل المشكلة
لا مهما البنزين غلى محدش هيستغني عن العربية لا مفيش مواصلات ادمية عشان الواحد يروح الشغل بالعربية

[dr.hany]

حرام عليهم.

[injection]

نص الخبر

ContactCars | الشورى يطالب برفع سعر البنزين

بس شكل تونس هيطلعوا أرجل مننا:)

[محمد ابراهيم 1]

والله فعلا التوانسة والجزائريين طلعوا رجاله بجد

[hugan]

والله فعلا التوانسة والجزائريين طلعوا رجاله بجد

المغرب انضمت اليهم اليوم
وزين العابدين مجهز الهليكوبتر علشان يخلع بعد ما خربها
اجدع حاجه يفضلو كابسين علينا وينهبونا واول ما تقع الجري كل الجدعنه

[Ashraf_Ibrahim]

لو حصل وغلوه يمكن انزل لبنزين 90 او حتى 80 مهي هيصة بقا
يعني انا بحط 92 بالعافية عشان احافظ على العربية عشان جايبها زيرو ودول برده مفيش اي احترام للناس خالص
ما يشوفوا البلاوي اللي في البلد قبل ما يفكروا في الحجات دي؟!
يشوفوا الناس اللي بتموت في الاقسام
يشوفوا المصايب والتفجيرات اللي بتحصل دي
يشوفوا عجرفة البوليس على الناس وقلة ادبهم عليهم
يشوفوا عمليات السرقة اللي بتحصل كل يوم
يشوفوا انتهاك حقوق الآدمية في المستشفيات والمدارس والاقسام والشوارع والمواصلات
نسيوا كل دا واتوجهوا للمواطن المطحون عشان يحرموه من ابسط حاجة يقدر يتمتع بيها وهي انه يكون مرتاح وهو رايح شغله وجاي من الشغل؟!
حسبي الله ونعم الوكيل !

[SeiffoZ]

الناس هتثور لو حصل ده .. لأان اللعبة إحلوت

[تامر.محمد]

هو فيه حاجة اسمها مجلس شعب او مجلس شورى اصلا ؟
:)))

[mr_vampire]

طب والراجل اللي بيقول يقلل عدد العربيات ده لحل مشكلة الزحام ياتررررررررررررررررررررررري هو كمان هيسيب عربيته راكنة تحت البيت ويستخدم المواصلات المريحة الادمية؟؟؟؟؟؟؟ ولا لبس الشعب قرارات واحنا ملناش دعوة بالقرارات ده لاننا اصحاب مناصب

[Ahmedhussein007]

حسبنا الله ونعم والوكيل

[ahmedsamir79]

حسبنا الله ونعم والوكيل

+999999999999999

[eng.m7md.ali]

الحكومة هتعمل اللي هيا عايزاه ومحدش فينا هيقدر يفتح بوقو
احنا اصلا شعب جبان

[M.Mostafa80]

ماهو ياهيعملوها ونسكت كالعاده ياهتولع وفى كل الأحوال فوق دماغ الشعب المطحون وهما مش هيتأثرو بحاجه كلو هيجى على دماغ عساكر الأمن الغلبان اللى معموله غسيل مخ ومفكر ان كده بيحمى بلده من الأوغاد اللى هما الشعب