ممكن حد يدلنى على بنزينه

[NaderNabil]

بس خد باللك من حاجة... فيه مجهود عضلي رهيب في الموضوع ده...انا مرة جربت أعمل عربية مكملتش نص الكبوت من التعب...فا ده يبرر فرق الفلوس

طيب سؤال تاني معلش...هل اللتلميع ده بيشيل الخدوش و الحاجات الرفيعة زي الكمباوند؟

[mazgangy]

لا يا باشا هو مش بيشيل الخدوش وعلى فكره الكمباوند مش بيشيل الخدوش ده علشان لو عربيه مثلا حكت فيك خفيف وثابت اثر بويه من العربيه اللى حكت فيك على عربيتك يعنى مثلا لو عربيتك لونها اسود وحت فيك عربيه لونها ازرق حكه خفيفه مش شالت البويه عندك فديه تتعمل كامباوند بيشيل لون العربيه الازرق اللى اتعمل على عربيتك وعلى فكره عندنا محل دهانات وبويات وعارف البلوش والكامباوند وفايده الحاجات دى اما بالنسبه للخدوش ديه لاما تتعمل بقلم دوكو لاما بلوش الوان سمعت عنه بس لاسه مش استخدمته وانا بالنسبه لكلام حضرتك على انه يحتاج مجهود عضلى فده بالنسبه لو كامباوند او بولش عادى لكن الواكس اللى هو شمع ده اللى اتعمل فى البنزينه مش بيحتاج ضغط عليه وكده زى ما انت فاكر ده بيتعمل بسفنجه ناعمه جداا بتيجى مع العلبه وتفضل تلف السفنجه براحه جدااا على شكل دواير ومش فيها اى مجهود وبسيطه جداااا ومش بتضغط جامد زى ما بتعمل كامباوند مثلا بتضغط علشان اثار بويه من عربيه تانيه على بويه عربيتك تطلع وشكرا لحضرتك ولو فى اى حاجه انا تحت امرك

[NaderNabil]

ربنا يخليك يا باشا :)

أنا فاهم قصدك بالنسبة لموضوع الخدوش و عارف انها مش هاتطلع...أنا اقصد علي لون العربية التانية اللي حكيت فيا...

هروح كارفور أجيب الشمع ده و ان شاء الله أحكيلكوا عملت ايه:)

[mazgangy]

ربنا يخليك يا باشا :)

أنا فاهم قصدك بالنسبة لموضوع الخدوش و عارف انها مش هاتطلع...أنا اقصد علي لون العربية التانية اللي حكيت فيا...

هروح كارفور أجيب الشمع ده و ان شاء الله أحكيلكوا عملت ايه:)

اوك يا باشا ووانت بتجيبوا اتاكد انه صنع الولايات المتحده الامريكيه الاصلى ولما تجيبه قولى بس وانا اقولك ازاى تستخدمه وباقل مجهود وافضل نتيجه ومستنيك تجيبه وتقولى يا باشا وانا تحت امرك

[NaderNabil]

ألف شكر يا جميل:)

[mazgangy]

ده انت اللى جميل يا باشا والله انك دلتنى على البنزينه دى ودى افضل بنزينه من حيث المعامله بصراحه ومتنساش لما تجيبه ترد هنا فى الموضوع ده وتقول النوع اللى جيبته وسعره وانا اقولك تستخدمه ازاى وشكرا تانى ليك يا باشا

[elrasy]

الحمد لله انا لسه راجع وعلى فكره انا كنت بعمل هناك عربيتين الالنترا الجديده وليجانزا وللعلم الاتنين لونهم اسود طلعت على وطنيه اللى على الاتوستيراد المعادى بصراحه معامله خاصه جداا ودى اعتقد لانها طبع القوات المسلحه والله اعلم اللى شغالين عساكر وغالبه جدا بجد وبيسمعوا الكلام وعندهم ضمير اوووى بالنسبه للاسعار الحاجات اللى انا عملتها
غسيل شامل=22
تربيط عفشه=15 وللعلم تربيط العفشه عندهم بضمير اوووى وكمان بيفتح الكابوت ويربط كل الصواميل اللى فيه وقواعد الموتور(عجبنى)
تلميع waxب 50

وللعلم بيدوك كارت على كل اربع مرات غسيل الخامسه مجانا بس صالح الكارت ده خلال اربع شهور واللى عندوا اى استفسار عن اى حاجه او اى سعر انا تحت امره وشكرا ليكم

هية فين بالظبط البنزينة دى؟؟

[NaderNabil]

علي اوتوستراد المعادي

[casperinoo]

tayb ana 3ayz arbt 3fsha fee mdynyt nasr aw masr
gdeeda

eh afdl bnzeena at3amel m3aha?

[casperinoo]

tayb ana 3ayz arbt 3fsha fee mdynyt nasr aw masr
gdeeda

eh afdl bnzeena at3amel m3aha?

[sherif_84]

النهاردة رحت غسلت العربية فى وطنية المعادى
بصراحة خدمة فعلا ممتازة وشغل نضيف وبضمير بس العملية فتحت معايا شوية
غسلت من بره وجوه ( صالون وأرضية ) وشاسيه وبعدين عملت تلميع بالبوليش دفعت 150 جنيه
وأحب أشكر أخويا اسلام شاهين لاهتمامه ووصفه للمحطة ربنا يخليك ياباشا

[OldVic]

ما نوع الwax المستخدم؟؟ وهل يمكننى احضار النوع الخاص بى؟

[Noha.M]

الف شكر لنادر و mazagangy على الموضوع عشان انا فى المعادى و هيفيدنى اوى المعومات اللى قلته عليها

ميرسي :)

[محمد المشد]

محطة بنزين وطنية المعادى من المحطات المحترمة والمؤتمنة تماماً 000 تابعة لجهاز الخدمة الوطنية