تحذير محدش ياخد اسكندريه الصحراوى

[mazagngi2010]

الدنيا غرقانه جدا والمياه واصله لنمر العربيات وعربيات كتير عطلت غير انه واقف على الاخر من اول الرمايه لحد حازم حسن فى الناحيتين ماساااه على الاخر واللى جاى من اكتوبر ياخد الوصله بتاعت الجيش للدايرى ويقف الحته بتاعت الدايرى وخلاص احسن له
سلام

[Nistelrooy]

شكرا ع التحذير مش عارف لازم يعالجو المناطق دي كل ما تمطر توقف الدنيا افتكر المطرة الي فاتت وقفتني في الرماية حوالي ساعة ؟

[elmkaneeki]

انا اتبهدلت هناك دلوقتى
والله العسكرى ربنا يكرمو قالى لف وارجع
بعد ما مشيت 2 كيلو من الرماية فى اتجاه القرية الذكية فى حوالى ساعة

[ZALABANY]

تسلم على التنبيه

[rompo10]

شكرااااااا

[A.Saad]

طب انا بكرة الصبح عندى مشوار فى حازم
هاطلع من الهرم وبعدين ارجع القرية الذكية
امشى ازاى ؟؟؟؟
بفكر اخد المحور
وبعدين الصحراوى لحازم
وارجع من طريق الجيش لاكتوبر ومن هناك للقرية ولا ايه رايكم

[mazagngi2010]

طب انا بكرة الصبح عندى مشوار فى حازم
هاطلع من الهرم وبعدين ارجع القرية الذكية
امشى ازاى ؟؟؟؟
بفكر اخد المحور
وبعدين الصحراوى لحازم
وارجع من طريق الجيش لاكتوبر ومن هناك للقرية ولا ايه رايكم

ماتجرب تطلع الدايرى وتروح اكتوبر بس اعمل حسابك فى شويه عطله فى الحته اللى بتديق وشغالين دايما فيها وتكمل على طول وتنزل طريق الجيش هتكون عند حازم حسن ولما ترجع نفس السكه واختار النزله اللى تريحك

[A.Saad]

انا قلت ابعد عن الدايرى اتجاه اكتوبر علشان لو الصحراوى تحت المنزل واقف
ممكن يوقف المنزل والدائرى

هو الطريق واقف ما بين حازم والرماية فى الاتجاهين
صح ولا انا فاهم غلط

[mazagngi2010]

انا قلت ابعد عن الدايرى اتجاه اكتوبر علشان لو الصحراوى تحت المنزل واقف
ممكن يوقف المنزل والدائرى

هو الطريق واقف ما بين حازم والرماية فى الاتجاهين
صح ولا انا فاهم غلط

وجهة نظرك معقوله جدا وممكن الدايرى يبقى متنيل الا اذا بتوع المرور شغلوا دماغهم شويه وقفلوا النزله من اساسه
وفعلا الطريق واقف من الاتجاهين
المشكله لو انت رايح على المحور هتكون النزله بتاعتك سالكه ولا لا؟
فيه حل بقى بس لفه كبيره تمشى فى حدايق الاهرام وتطلع الدايرى من اوله وتنزل نزله الجيش على حازم حسن
مش عارف اقولك ايه بصراحه
ومنظر الصور ميقولش انهم هيلحقوا يشفطوها(انت وحظك بقى)

[mazagngi2010]

انا اتبهدلت هناك دلوقتى
والله العسكرى ربنا يكرمو قالى لف وارجع
بعد ما مشيت 2 كيلو من الرماية فى اتجاه القرية الذكية فى حوالى ساعة

يابختك احنا لبسنا السكه كلها ومشينا فى البحرين اللى اتعملوا فى الطريق

[kamalsalem]

يادي الخيبة... طب اروح الشغل ازاي الصبح.. انا مش بعرف طلعات ونزلات الدايري.. ايه اسهل حل بدل الصحراوي؟

[M.Osman]

بلد غرقانة في شبر مية

بلد "ميد إن شاينا" !!

[د.محمود صلاح]

بلد غرقانة في شبر مية

بلد "ميد إن شاينا" !!

غياب التخطيط وشبكة الصرف للطرق وحالة الطرق القديكة تخلي البلد تتشل مع شوية مطر

[nour_nrc]

مشكوووووور والله يعطيك الف عافيه

[mahamedaraby]

هى مش المفروض ان الطرق دى كلها جديده يعنى معمول حساب الكلام ده ولا ايه بالظبط

ويعنى حبه مطره صغيرين يعملوا كده

امال لو ربنا كرمنا بمطر بحق وحقيقى من اللى بيعد ساعتين وتلات ساعات تمطر ايه اللى هيحصل بالظبط