يا مطباتك يا مصر

[dr.hazem]

يا رب نلاقى حد يصلح لنا المطب ده (رابع المستحيلات )

المهم طيب رأى حضراتكم إيه علشان بكرة الجمعة أبدأ أشتغل بناء على تنويركم لى بالرأى
أنا بإذن الله خطتى كالآتى :
أفك العجل وأطلع الجنوط وأروح بيهم للراجل بتاع الملك الصالح ده (وأنا مش عارف إسمه) ونصلحهم ونركب فيهم الكاوتش تانى ونجرب
فلو كانت النتيجة كويسة يبقى الحمد لله ولو كانت وحشة يتم شراء 2 جنط وتركيبهم ثم التجربة فلو كان الموضوع لسه وحش يتم شراء عدد 2 كاوتش جديد
والأمر لله من قبل ومن بعد علشان يبقى يعجب السيد رئيس حى مصر الجديدة الهمام

عزيزي
معلش ممكن تصورلي شكل الجنط


لانه لو معووج حاجه بسيطه ممكن تطلع على بريدجيستون صلاح سالم وهيعملوه ان شاء الله

حاول توريهوني
سا اما فعلا السيناريو اللي انتا كتبته هوا ده اللي هتعمله بالظبط


تحياتي

[mesaharaty]

مش عارفين نمشى بعربياتنا من كتر المطبات
واللى عاوز يجرى بقى يبقى هو وحظه
وبما إن مافيش شارع فى المحروسة إلا وفيه مطبات بالهبل
يبقى الحل :
إما تمشى هادى علشان تقلل شوية من الخسائر
وإما تمشى براحتك بقى ودى نفسك وإنت حر فيها (بس فى الحالة دى مش نفسك وبس)

والله ولى التوفيق
هذا كلام من أعيته الحيل وأضنته الأفكار
لله الأمر من قبل ومن بعد

[mesaharaty]

مرحبا بالدكتور

هو بريدجستون ده ممكن يتعامل مع الحالة بتاعتى ؟
أعتقد - وإن كانت خبرتى قليلة للغاية - إن الجنوط متدمرة مثلا بنسبة 30% مثلا يعنى

السؤال :

لو الكاوتش حلو والجنط هو اللى معوج هل ده يخللى الكاوتش يفضى كل شوية وبسرعة - سؤال مهم جدا لأن هو ده الحاصل عندى حاليا

[dr.hazem]

مرحبا بالدكتور

هو بريدجستون ده ممكن يتعامل مع الحالة بتاعتى ؟
أعتقد - وإن كانت خبرتى قليلة للغاية - إن الجنوط متدمرة مثلا بنسبة 30% مثلا يعنى

السؤال :

لو الكاوتش حلو والجنط هو اللى معوج هل ده يخللى الكاوتش يفضى كل شوية وبسرعة - سؤال مهم جدا لأن هو ده الحاصل عندى حاليا

انا لسا راجل حالا من بريدجستون وكان عندي جنط فيه عوجه بسيطه بس كانت بتخلي الكاوتش تنزل من 27 ل 23 كل 3 ايام
وانا مراقبها وعارف انها من العوجه وكنت مطنش لاني مش فاضي
بس رحت عملت تدوير للاطارات عندهم وعدلهولي ورصصت وركبت وكله تمام الحمد لله

انا مش عارف ليه حاسس ان ان شاء الله كل مشكلتك هتكون في الجنوط فقط
عارف
ممكن تختبرهم بنفسك
مهوا نفس الفكر
لو الجنط بينفس من حته ممكن تجيب سفنجه وتعصها ميه وصابون
وامشي بيها على حزوز الجنط بحيث تغطي الحزوز برغاوي
وشوف لو فيهم تسريب ولا لأ
طبعا عالحزوز الداخليه والخارجيه
ويشترط الكاوتش يكون منفوخ شويه

واعتقد لو هوا الجنط اللي بيسرب الهوا هتشوف بعينك فقاعات الصابون...

وايا كان
الكاوتش صعب انه يكون هوا السبب لانه عشان يكون السبب لازم يكون اتقطع قطع باين لان الكاوتشات تيوبليس وبتبان
اللي يخليه يفقد الهوا بسرعه متوسطه كده غالبا الجنط


بص
فقدان هوا بسرعه جدا ممكن من البلف
بسرعه متوسطه بس بيفقدها عالآخر غالبا الجنط
بسرعه متوسطه او بطيئه ومبيفقدش الهوا كله للآخر يبقى مسمار في الكاوتش


لو تقدر صوره بموبايل للجنط وهقولك تقدر تعدله ولا لأ


ربنا معاك ان شاء الله


تحياتي

[mesaharaty]

الله عليك وعلى كلامك يا دكتور
ربنا يديم عليك عقلك المنور والله

فعلا أنا لما أخدت الفردتين من بتاع الكاوتش (العشوائى) نفخهم وعمل إختبار الماء مع الصابون وماكنش فيه تنفيس ثم بعد كده ظهر التنفيس فى إختبار تالى فقام حاطط حاجة كدة لزجة بس مش لاصقة حاجة شبه الصابون أو الغراء المخفف وجربنا تالت مرة فكان مافيس تنفيس فاضطريت أركب العجل وأنا غير مقتنع تماما بما تم ومشيت بالعربية وفاكر إنها كده اتصلحت
هو مشوار واحد ورجعت لقيت عجلة مهوية النص والتانى تقريبا الربع

بالنسبة لصورة الجنط فبإذن الله سأحاوا رفعها قريبا لكن أقدر أقول لسيادتك دلوقتى إنك لو بصيت للجنط تحس إنه متساوى الإستدارة لأن العيب الأصلى كان فى الشفة وتم إستعدالها عشوائيا ولم تأتى بالنتيجة المرجوة

يعنى بالنظر إلى الجنط ماتحسش ببيضاوية أو عصرة أو قطع هو بس موضوع الشفة ؟

[dr.hazem]

الله عليك وعلى كلامك يا دكتور
ربنا يديم عليك عقلك المنور والله

فعلا أنا لما أخدت الفردتين من بتاع الكاوتش (العشوائى) نفخهم وعمل إختبار الماء مع الصابون وماكنش فيه تنفيس ثم بعد كده ظهر التنفيس فى إختبار تالى فقام حاطط حاجة كدة لزجة بس مش لاصقة حاجة شبه الصابون أو الغراء المخفف وجربنا تالت مرة فكان مافيس تنفيس فاضطريت أركب العجل وأنا غير مقتنع تماما بما تم ومشيت بالعربية وفاكر إنها كده اتصلحت
هو مشوار واحد ورجعت لقيت عجلة مهوية النص والتانى تقريبا الربع

بالنسبة لصورة الجنط فبإذن الله سأحاوا رفعها قريبا لكن أقدر أقول لسيادتك دلوقتى إنك لو بصيت للجنط تحس إنه متساوى الإستدارة لأن العيب الأصلى كان فى الشفة وتم إستعدالها عشوائيا ولم تأتى بالنتيجة المرجوة

يعنى بالنظر إلى الجنط ماتحسش ببيضاوية أو عصرة أو قطع هو بس موضوع الشفة ؟

طيب طيب ياعزيزي
بص
انتا متأكد ان الراجل نفخه على 27؟؟؟

لان ممكن اللي بتنفخ عندهم بيعملو معاك واجب ويحطو هوا بزياده بحجه انه كده هيصمد معاك
لكن هما مش واخدين بالهم انه لو نفخه زياده وفعلا في تسريب من الجنط فانه كده هيزود التنفيس وده يهيألك انه نقص جامد...

طبعا لو عندك ساعة كاوتش كان هيبقى الكلام بالارقام...

عموما
انا عايزك بنفسك تجيب السفنجه بالصابون وامشي زي مقلتلك على الشفه الداخليه والخارجيه وشوفلي في تسريب ولا لأ
وعموما طالما الجنط رجعت استدارته يبقى ان شاء الله الموضوع مكنش مشكله كبيره وبتدي اشك في الكاوتش واللي برضه بيتكشف عليه بالميه والصابون وكل ما كان الصابون اكتر كل ما الموضوع بان اكتر....

ياريتك جنبي بجد انا كنت شفته معاك بعيني وانا عندي منفاخ عالولاعه وعندي ساعة كاوتش فكله هيبقى تحت عيني

وانا برده برجح لحد دلوقتي ان المشكله مش في الكاوتش بس افحصه وقولي النتيحه وهيبان باذن الله المشكله وهنحط ايدينا عالجرح
يا اما حد الكاوتشات لحد امين يكشفلك عليهم ويشوف المشكله فين....


تحياتي

[dr.hazem]

ومن كلامك واضح انه كان فيه تنفيس ولا زال محتاج تظبيط وهوا استسهل وحط من الماده اللي بيلحمو بيها الكاوتش ولانه جاهل غالبا معملش حساب حرارة الكاوتش مع التمدد بالمشي انه هيفتح المكان اللي بينفس وان الماده اللي حطها دي حطها من بره يعني في الشارع وبالتالي عمرها مهتقوم بالمهمه بتاعتها


وبكرر كل المشكله انت هتحددها بسفنجه وصابون بريل بتاع المواعين
انزل وشوف التنفيس

وخد بالك من حاجه
المفروض الفحص ده ميتمش الا والكاوتش فعلا على 27
لانه ممكن الشفه تعمل نفس فكرة المسمار
يفسيله شويه لحد اما الكاوتش يسد المكان اللي بينفس فميبانش حاجه


حاول تطلع على اي حد بتاع كاوتش جنبك ويكون امين وباذن الله هيعمله وهيبان قدامه
هينفخ ويحطه في الميه وهيلاقي الفقاقيع ويشوف اللازم ويعمله

مش محتاجه حد يعدلك الجنط هتلاقيه محتاجله دقتين كمان ولا حاجه ان شاء الله...


تحياتي

[mesaharaty]

معلش يا جماعة الشىء بالشىء يذكر
أنا كان لى تعليق على عشوائية الصنايعية ممكن أتناوله :-

بالنظر إلى معظم صنايعية الورش تحس بالآتى :
1- شخص كسلان ومش عاوز يشتغل ومش مقدر الزبون إللى جايله ولا وقته ولا ظروفه وبيتنك عليه رغم إن هو مايسواش بصلة .
2- شغل من غير ضمير ولو حس إنك مش فاهم يبقى يا سواد ليلك .
3- فقر فى أبسط مبادىء المعرفة الفنية ومعظمهم بيشتغل بأساليب عتيقة أكل عليها الدهر وشرب
هذا لا ينفى إن فيه قلة جيدة وفاهمة لكن الأزمة (أزمة ضمير)
ربنا يرحمنا

[mesaharaty]

موضوع السفنجة ده لازم يتعمل والكاوتش مليان
طيب ده العجل دلوقتى مهوى تقريبا النص أمشى إزاى وأروح لبتاع الكاوتش علشان أقول له إملا الفرد وبعدين نختبرها؟
وأنا لا أخفيك سرا يادكتور أنا ميال للكشف على الجنوط أولا قبل النظر للكاوتش لأن الإتنين بيخدموا على بعض
وحضرتك رأيك إن الكاوتش غالبا مفيهوش حاجة جامدة صح؟

[dr.hazem]

معلش يا جماعة الشىء بالشىء يذكر
أنا كان لى تعليق على عشوائية الصنايعية ممكن أتناوله :-

بالنظر إلى معظم صنايعية الورش تحس بالآتى :
1- شخص كسلان ومش عاوز يشتغل ومش مقدر الزبون إللى جايله ولا وقته ولا ظروفه وبيتنك عليه رغم إن هو مايسواش بصلة .
2- شغل من غير ضمير ولو حس إنك مش فاهم يبقى يا سواد ليلك .
3- فقر فى أبسط مبادىء المعرفة الفنية ومعظمهم بيشتغل بأساليب عتيقة أكل عليها الدهر وشرب
هذا لا ينفى إن فيه قلة جيدة وفاهمة لكن الأزمة (أزمة ضمير)
ربنا يرحمنا

بأيدك في كل كلمة ولكن لايمنع زي ما تفضلت ان في من هم كفؤ وعشان كده في كل مجال لازم تسأل
ومتنساش كله بحسابه
ههههههههههههههههههههههههههه

بريدجستون عجبوني جدا جدا وانا نقلت تجربتي في قسم السوزوكي والجميل في الموضوع ان اللي بيشتغلو فنيين مدربين مش بطيخ....



تحياتي

[dr.hazem]

موضوع السفنجة ده لازم يتعمل والكاوتش مليان
طيب ده العجل دلوقتى مهوى تقريبا النص أمشى إزاى وأروح لبتاع الكاوتش علشان أقول له إملا الفرد وبعدين نختبرها؟
وأنا لا أخفيك سرا يادكتور أنا ميال للكشف على الجنوط أولا قبل النظر للكاوتش لأن الإتنين بيخدموا على بعض
وحضرتك رأيك إن الكاوتش غالبا مفيهوش حاجة جامدة صح؟

انا مش عايز احلف ان الكاوتش سليم
هههههههههههههههههههههه

المشكله كلها هتطلع في شفة الجنطين وانهم لسا عايزلهم ضربتين تلاته حلويت يعدلو ابوهم

لو الكاوتشات مليانه النص امشي عليه بالراحه وتجنب الحفر والزلط عادي ومتقلقش ان شاء الله

مره نزلت الصبح قبل ما اجيب منفاخ الولاعه والكلام ده ولقيت الكاوتش نازل كان الضغط فيه 11 تقريبا
ومشيت عليه لاقرب بتاع كاوتش وصدقني من غير ما اعمل حاجه انا نفخته وكملت مشواري لاني كنت مستعجل وبد اما خلصت طلعت لقيته نفس الحكايه فكده كان اكيد مسمار كبير شويه
رحت لاقرب بتاع كاوتش وعمله في دقيقتين ولقينا فيه فعلا مسمار كبير والحمد لله كله تمام حاليا

فمتقلقش امشي عليه بعيدا عن الحفر والزلط وان شاء الله هتطلع كل المشكله في الجنوط مش اكتر وهتتحل باذن الله بأقل التكاليف واقل الخسائر...


تحياتي

[mesaharaty]

أنا اتفقت مع واحد معرفة شغال سواق تاكسى على إننا نروح بكرة إن شاء الله للراجل بتاع الملك الصالح اللى كله بيشكر فيه علشان نقطع فرط موضوع الجنط ده أو نكمل الموضوع مع الكاوتش بعد كده

والله ولى التوفيق (كأننا حنبنى السد العالى مثلا)
نفسى أعيش فى رحاب رسول الله
نفسى أبقى من الجماعة إللى بينضفوا المسجد الحرام وأعيش وأموت هناك

أنا زهقان

[dr.hazem]

في حاجه ملاحظها
انك مقلتش خالص ان الكاوتش بينزل للآخر
وده معناه حاجه من اتنين
يا اما شفة يا اما للصدفه البحته عندك مسمارين مختلفي الاحجام في كل كاوتش
ههههههههههههههههههههههه

اما لو كان بينزل للآخر كنت قلت البلف فيه حاجه ولا الكاوتش نفسه فيه حته مخرومه وده صعب

اتوكل على الله وروح لبتاع كاوتش وعينك عليه متفارقهوش لانه ممكن يخرمه بنفسه لو معنوش ضمير وتقوله انك اخدت بيهم مطب وانهم بينفسو هوا وانك عايز تكشف علليهم هل العله فيهم ولا في الجنوط...

وطمني اول بأول عملت ايه


تحياتي

[dr.hazem]

أنا اتفقت مع واحد معرفة شغال سواق تاكسى على إننا نروح بكرة إن شاء الله للراجل بتاع الملك الصالح اللى كله بيشكر فيه علشان نقطع فرط موضوع الجنط ده أو نكمل الموضوع مع الكاوتش بعد كده

والله ولى التوفيق (كأننا حنبنى السد العالى مثلا)
نفسى أعيش فى رحاب رسول الله
نفسى أبقى من الجماعة إللى بينضفوا المسجد الحرام وأعيش وأموت هناك

أنا زهقان

هههههههههههههههههههههه
قول الحمد لله انها جت على قد كده
وان شاء الله كلنا نروح الجامع الحرام وربنا يرزقنا اننا نعيش هناك باذن الله

هيا كده العربيات
لما بتكون سليمه الواحد بينسى يحمد ربنا عليها ولمجرد حاجه فيها زي الكاوتش الواحد يسبها ويلعنها ويكره عيشته
هههههههههههههههههههه

ومعرفش ليه حاسس ان الموضوع ولا محتاج الراجل بتاع الملك الصالح ولا غيره
انتا مش هتخسر حاجه لو رحت لواحد دلوقتي وضرب الجنط ضربتين حلوين واتظبط
لو متظبطش يبقى انتا كده كده هتروح للراجل بتاع الملك الصالح

هههههههههههههههههههههه

ان شاء الله ربنا يفك كريك وكربنا جميعا

تحياتي

[mesaharaty]

يا دكتور أنا شاكر إهتمامك ومشاركاتك القيمة جدا
وبإذن الله أنا سأعطى سيادتك تقرير عن رحلة بكرة دى بتاعت الملك الصالح ووصلنا لإيه كمرحلة أولى قبل فحص الكاوتش (الواحد دماغه باظت)
ونشوف