لادا 2105 موديل 89 موتور1300cc

[hamadaalo2002]

لادا 2105 موديل 89 موتور1300cc

العربية مش رشة جوة بس رشة برة

4 فرد كاوتش جداد
بطارية من شهر 10/2007
الصالون بحالة معقولة جداا
التابلوة مشقق
الماتور حالتة 70%
عفشة جديدة
الراجل عاوز 25 الف جنية

انا قلت لة 22 الف جنية

العربية تسوي كام

العربية فيها توكيل واحد ولسة فاضل في الرخصة 2 سنة

[hamadaalo2002]

منتظر ردودكم يا شباب ؟؟؟؟

[samoshow]

انا معايا لادا موديل 89 1300cc
وفعلا كان مطلوب الرقم الي انت كتبتة وتقريبا بنفس حالة العربية دى

[hamadaalo2002]

انا معايا لادا موديل 89 1300cc
وفعلا كان مطلوب الرقم الي انت كتبتة وتقريبا بنفس حالة العربية دى

يا ريت تقولنا رائيك في العربية ؟

الفرق بينها وبين موديلات التسعينات في لادا2105؟

استهلاك البنزين في الماتور ال 1300ccاخباره اية ؟؟

العربية تسوي كام علي كدة؟؟

شكرا لردك يا غالي

[hamadaalo2002]

منتظر ردودكم يا شباب وما هو السعر العادل لتلك السيارة؟؟؟؟

[hamadaalo2002]

مزيد من الردود يا شباب ؟؟؟؟؟

[hamadaalo2002]

فين الردود يا شباب

[hamadaalo2002]

ردود يا شباببببب

[driftracer11]

يعنى لو عرفت تنزل الف كمان يبقى كويس بس اهم حاجه الشاسيه سليم

[hamadaalo2002]

يعني اخليهم 24 قصدك
ولا قصدك 21؟؟

[samoshow]

والله رائي بصراحة الاداعربية بتستحمل وكويسة بس من الاخر تقدر تقول انها معمولة للناس الي هيروحو بيها اماكن الطرق فيها وحشة وسيئة وبالنسبة للسعر هو تقريبا السعر دة مظبوطفعلا بس حاول تجيب ميكانيكى تعرفة ويكشف علي العربية ويشوف ازا كانتواخدة خبطة في اماكن من جوا او الشاسية فية حاجة او لا وكمان القوايم والرش الداخلى و إن شاء الله خير

[thegoodhacker]

اعتقد السعر اللي انت عاطيهوله معقول اوي وممكن تزوده 500 جنيه كمان ولا حاجة
كويس انك غيرت رايك و ما بتدورش علي فيورا زي زمان لان النضيف منها بقي نادر الوجود
وربنا يوفقك و تجيب عربية كويسة

[hamadaalo2002]

يعني دي تسوي كام يا رجالة علي حالتها كدةة؟؟؟؟؟؟؟؟
السعرررر؟

[hamadaalo2002]

يا شباب لقيت لادا 2105
موديل 94
بس العربية فقيرة يعني الل معاه كان واضح انه بخيل اوي علي العربية
من برة نضيفة
لكن جوة تعبانة كا صالون وببان وكبوت وشنطة

حالة الماتور حلوة

انا خلصت ل 24 الف ؟؟؟؟


الرايء اشتري ولا ؟؟؟

[thegoodhacker]

بص بالنسبة للصالون والتابلوه مفيش مشكلة ممكن يتغيروا بس كله بتمنه اهم حاجة دواخل العربية لازم ما تكونش راشة خالص علشان دي لادا وموديل 94 المفروض تبقي فابريقة ....... وشوف حالتها كميكانيكا يعني موتور و عفشة وجيربوكس و الكورونة بتاعتها ؟ ( خللي بالك الكورونة لو بايظة حتكلفك علي اقلها 2000 جنيه )....

نصيحة ما تستعجلش خالص لاني شايف ان السوق مليان بعربيات زي الزفت امبارح اتفرجت علي عربية نوفا 127 موديل 97 و السمسار قعد يقولي دي عربية نمرة واحد وفرصة علشان صاحبها عاوز يسافر و ممكن يبيع علي 25 الف .... قلت تبقي فرصة بقي ورحت شفتها و كنت حانخدع فيها لولا ان واحد صنايعي تبعي قالي انها راشة الفخد و كمان لقيت فيها كذا شرخ في الحوض و كمان مسقطة موتور 1100 يعني مش بتاعها اساسا و اعضاء المنتدي هنا اكدولي الحاجات اللي انا كنت شاكك فيها و فعلا صرفت نظر عنها بالرغم من ان العربية واقفة صح و مش منزلة رفارف ( ده علي كلام الصنايعي بتاعي )......
المهم خلاصة الكلام ما تستعجلشي خالص