كان يا ما كان (شنطة اسعاف- ومثلث -وحزام)

[tkamal]

كان يا ما كان (شنطة اسعاف- ومثلث -وحزام)


حد فاكر حاجة من ضجة شنطة الاسعاف والمثلث والقانون الجديد


كل ده مات زى غيرة ما مات ومفضلش غير تمنهم فى المرور

وغرامه الحزام على الفاضى والفاضى

[ICE_MAN]

اولا ياباشا الصفقة خلاص نزلت السوق و اتباعت خلاص يعنى من الاخر السبووووبة خلصت

ثانيا الحاجات دى دلوقتى متروكة للحالة المزاجية للباشاوات بتوع المرور بحيث ان الباشا لو نازل النهاردة و موده مش مظبوط يعرف يلاقى حاجة يتلكك عليها لاكتمال سيناريو جباية الاموال من المواطن المصرى.

[golfawyzz]

دى صفقه واتباعت خالص وحققت الارباح المرجوه
وشكرا للشعب اللى تعاون مع الحكومه فى تحقيق الارباح

[yoko]

انا لسه مجبتهومش معيش غير الطفايه

[tigernet]

انا عندى ياباشا كان نازل مع العربية مثلث و طفاية و شنطة اسعافات من المصنع

[dr.hazem]

انا مكنش عندي عربية ولما جبتها مكنش فيها الحاجات دي وحرصت اشد الحرص اني اجيبهم لضرورة تواجدهم ليس الا....


تحياتي

[MOUSTAFA_SAAD]

انا كنت عاوز اشتريهم بس فى المرور قالولى انها مش للملاكى والكلام ده عندنا فى مرور البحيره فمش عارف ليه مختلف عن باقى ادارات المرور وبصراحه انا شايف ان ليهم فايده وحاحاول اشتريهم ان شاء الله بس لو لقيتهم بسعرحلو

[wawoo]

يعنى هى بتتباع فى المرور ولا بتتوزع مجانا مع الترخيص الجديد

[zizoagain]

ﻻ بتتباع في المرور الشنطة والمثلث ب 71 جند انا لسة كنت برخص واشتريتهم

[tarekmomo]

وتوتة توتة خلصت الحدوتة

[Akram]

انا شايف ان الحزام طبعاً حاجة مهمة سواء في الطرق السريعة أو داخل البلد ,
و علشان كده بستخدمه دائماً .....

بالنسبة للمثلث فده برده ضروري لو حصل عطل لا قدر الله في طريق سريع فبيبقى تحذير لباقي السيارات ,
و علشان كده جبته و دورت على نوع جيد و خامة جيدة .

بالنسبة للشنطة , انا شايف انها ملهاش لازمة دا غير ان الأدوات ليها عمر افتراضي , دا غير ان درجة حرارة الشنطة بتبقى ساخنة من الشمس و بالتالي محتويات شنطة الاسعاف مش هتستحمل , دا غير اننا مش مؤهلين لإستخدامها أساساً ....

هي دي بجد اللي سبوبة و ناس كسبت منها و احنا مستفدناش منها .......

[dr.hazem]

انا شايف ان الحزام طبعاً حاجة مهمة سواء في الطرق السريعة أو داخل البلد ,
و علشان كده بستخدمه دائماً .....

بالنسبة للمثلث فده برده ضروري لو حصل عطل لا قدر الله في طريق سريع فبيبقى تحذير لباقي السيارات ,
و علشان كده جبته و دورت على نوع جيد و خامة جيدة .

بالنسبة للشنطة , انا شايف انها ملهاش لازمة دا غير ان الأدوات ليها عمر افتراضي , دا غير ان درجة حرارة الشنطة بتبقى ساخنة من الشمس و بالتالي محتويات شنطة الاسعاف مش هتستحمل , دا غير اننا مش مؤهلين لإستخدامها أساساً ....

هي دي بجد اللي سبوبة و ناس كسبت منها و احنا مستفدناش منها .......

ياعزيزي
العلبة بلاستيك مبتسخنش اطلاقا
انا حاططها تحت الكرسي ومش بتسخن واستخدمتها وللصدفه اول مره كان ابن خالتي اتقلبت عربيته وانا كنت قريب منه علطول رحتله وطلعتها
عدم المعرفه باستخدام ادواتها ده عيب فينا
مش في الشنطه!!!
والادوات المستهلكه تقدر تشتري زيها تاني وتالت فين المشكله؟؟

تحياتي

[د.محمود صلاح]

ممكن لجنة غلسة تحاسبك عليهم وتديك مخالفة

[Fadi Ezzat]

انا معيش اى حاجة منهم فى عربيتى البى ام ولا حتى الطفاية

[cyborg_ift]

سبوبه وقضيت