يا ريت نخلي بالنا كلنا .....

[mohamed hatem]

سلام الله عليكم

لاحظت حاجه موجوده في السوق ....طبعا هي مش حاجه غريبةولا غامضه .... بس زادة قوي ولاز نلا قيلها حل ... ويا ريت نخلي بالنا ونسااعد بعض فيها واللي عنده اضافة يقولها

الموضوع اني بدور اليومين دول على جنوط لعربيتي .... ولا انكر فضل الموقع ومجهود الاعضاء في الموضوع وانه وفر عليا كتير ......بس لاحظت حاجه ... ان السوق كله معظمه صيني الا ارابكوم واشرفكو هما اللي عندهم الحجات الكويسة (ارابكوم عنده صيني بس غريب عن اللي بره وانظف بكتير ووالوحيد اللي لقيت عنده التايواني بس مشكلته غالي عن بره بي 200 جنيه عايزين نحاول انه يعمل تخفيض للاعضاء - اشرفكو فعلا معندوش غير اندونيسي بس تشكيله فقيره وهو اللي بيوردها لأاحمد سعيد)

مش هي دي المشكلة ....المشكله يا اخواني في الصيني .... وو اللي منتشر عند الروماني وهو اللي بيورده لشارع احمد سعيد ....
ان في بعض من الصيني ده بيقولو عليه ماليزي خلو بالكم (L.M) لان الماليزي الاصلي قليل جدا في السوق ومش موجود في كل المقاسات

اللذيذ انى بسأل في شارع احمد سعيد وناس كبيره زي الحاج عصمت وده كان صريح .... على فكرة عنده تشكيله صيني جامده وبيقول انه بيدي عليه ضمان لانه استيراده ..... بيقول ايه ان كل اللي في السوق صيني ووراني جنط محفور عليه - كلمة Germany فقط - بيقولي انه صيني

وواحد تاني برده بسأله ايه طيب انظف انواع الصيني فرد وقالي ما فيش - كله واحد - فسألته عن AK على اعتبار اني بشوفه كتير فتخيلو يرد ويقولي اللي يريحك انا ممكن احطلك العلامة اللي تريحك على الجانط اللي يعجبك !!!!!!!!!

واكيد ده بيحصل في حجات كتير مش الجنوط بس ..... المشكلة مش الصين ... المشكلة في المستوردين ودول مع الاسف مصريين .... نعمل ايه !!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟

وشكرا

[tutankhamoun]

ذمة التجار المصريين ( الغالبية ) أستك
و نظرا لغياب المتابعة القانونية و الملاحقة القضائية
يظل المستهلك المصري هو الخاسر الوحيد في هذه المعادلة
و حسبي الله و نعم الوكيل
و كما قال الرسول الكريم
من غشنا فليس منا
صدق رسول الله صلى الله عليه و سلم

[fiatmomo]

شكرا يا اخى الكريم على النصيحة ... وياريت ناخد بالنا ان لو الجانت مكانش مطابق للمواصفات .. ممكن يتكسر فى اى مطب او نقره . طبعا احنا مش حندخل جواه ونعرف اذا كان مطابق ولا لا .. بس الافضل اننا منجبش انواع مضروبة وخليك فى المضمون حتى لو كان اغلى

[amr mokhtar]

الجنوط سبور دى من الحاجات المهزلة فى مصر و فيها كمية نصب و سرقة وغش رغم الخطورة الشديدة لإن لا قدر الله لو جنط من دول إتكسر على سرعة عالية يبقى بالسلامة

نصيحة لو انت عايز تركب جنوط سبور روح لحد معتمد زى بريدجستون او توكيل العربية بتاعتك

[sokasoon]

شكـــرا يـا محمـد عـلـى التنبيــه

الغــش دلوقتـى بقـى فـى كـل حـــاجـــــة

[magomago]

الموضوع اني بدور اليومين دول على جنوط لعربيتي .... .... نعمل ايه !!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟

وشكرا

الموضوع بسيط وانت اللى معقدة
خليك على الجنوط الاصلى للسيارة افضل فنيا للسيارة وليك
وممكن تجيب طاسات شكلها مناسب على زوقك
ودا رأيي ولك الخيار

[hazem_khidr]

شكرا للتنبيه يا استاذ محمد :)

[Karim_Monir]

افضل الجنوك الموجودة دلوقتي بالسوق جنط اسمه هاي جون
ده غاللي شوية بس محترم ونضيف
عما عن شارع احمد سعيد حدث ولا حرج لدرجة اني في ناس زي علاء مرسي بتستورد جنط محفور عليه كلمة مرسي وبيقول انه بيتصنعلة
وشوفت مومو وطبعا لا مومو ولا حاجة
انا جبت الهاي جون من عند ارابكوم ومستريه معاه بصراحة جنط محترم من شكرة محترمة بس غالية
لاني شوفت الاندونيسي عن اشرفكو شكلة اخرة يركب على تاكسي

[LUX]

حرام و كفاية بقي بجد

فعلا مشكلة كبيرة...
بس تخيلوا معايا كده لو انت راكب في تاكسي او ميكروباص و حاطط جنوط من المغشوشة دي و ماشي بسرعة عالية "وده حال 99%"من سواقين الميكروباص و التاكسي.

او واحد "ليس لديه خبرة و إنما سمع كلام ناس كلمنجية و ما اكترهم في السوق المصري" اشتري الجنوط المغشوشة دي لعربيته و عنده اسرة:(
يبقي ايه العمل ساعتها؟؟...


هي فعلا مشكلة كبيرة جدا..و ياريت يلاقوا حل لموضوع الغش بتاعها ده بسرعة.
مش كفاية الكاوتش المضروب يبقي كمان الجنوط.
ربنا علي كل ظالم و مفتري.
________