هل سيتأثر ثمن السيارات بالازمة الحالية؟؟؟

[mahmoudelfayez]

سؤال لأهل الخبرة:

هل سيتأثر ثمن السيارات بالازمة الحالية؟؟؟ وهل سيرتفع أم سينخفض؟؟؟ أصل أنا كنت هشترى عربية جديدة أول الشهر دة (اللى هو فبراير) وكنت تقريبا هشترى نيسان 2011 اللى كانت ب 90 الف. يا ترى السعر هيعلى؟؟؟ ولا هينزل؟؟؟

والا أنا اللى فقر والا اية؟

وشكرا

[M.Osman]

اعتقد مفيش طلب دلوقتي خالص...
و لو ده صح يبقى المفروض الأسعار تنزل شوية

[Ahmed Nouh]

موجة العطالة اللى هتجتاح البلاد بعد الظروف اللى احنا فيها دى هتخلى ناس كتير تحتاج فلوس سائلة وناس اقل بتصرف فلوس بالتالى اسعار المستعمل هتنزل طبعا وعليه اسعار الجديد المفروض تنزل ، اكيد مش من اول الرجوع الحركى للسوق وكل التوكيلات هتعمل صامدة بس مع الوقت الكل هيتوجع بالازمة مستهلك وبائع

[eldell]

موجة العطالة اللى هتجتاح البلاد بعد الظروف اللى احنا فيها دى هتخلى ناس كتير تحتاج فلوس سائلة وناس اقل بتصرف فلوس بالتالى اسعار المستعمل هتنزل طبعا وعليه اسعار الجديد المفروض تنزل ، اكيد مش من اول الرجوع الحركى للسوق وكل التوكيلات هتعمل صامدة بس مع الوقت الكل هيتوجع بالازمة مستهلك وبائع

+111111111111111111

[hossam20102010]

انا برده كنت بدور على عربية جديدة من اواخر الشهر الى فات

و لاقيت ان موديلات 2011 غلت اوى عن 2010

يعنى الكروز منوال كانت ب110 بقت ف2011 ب118 (زيادة 8 الاف مرة واحد)

سيراتو هاى لاين زادت من 126 ل131 الف

وانهاردة لاقيت ناس عالنت بتقول ان الدولار هيغلى اوى بعد رجوع البورصة

والصراحة مش عارف هل العربيات هتغلى اوى ولا ايه الى هيحصل

ربنا يستر وماتطرش اجيب يوزد

[mxz911]

بالنسبه للجديد لا اعرف

المستعمل فى الاوضاع دى هينزل سعره جدا ولفتره كبيره كمان مش هيرخص فتره صغيره ويطلع تانى .. انا متوقع هبوط حاد ف اسعار المستعمل لان محدش بيشترى الفتره دى خالص وكله هيعوز فلوس لان فعلا الدنيا هتغلى

[mzzzika1]

الدولار ب6 ونص

[hossam20102010]

الدولار ب6 ونص

ده سعر البنك المركزى ولا السوق السودا؟

[dr-mohamed]

لو عندك الدولار ب 6 ونص انا شاري

[Haitham10]

الدولار هيغلي عن كدة بكتييير
وانا قلت لناس كتير الشاطر دلوقتي يحول فلوسه كلها اخضر والحياة هتظبط معاه علي قد صبره

[moonish_galaxy]

علي المدي البعيد الاسعار هاتولع و ده عشان التضخم الي حيحصل
نتيجه انخفاض قيمه الجنيه و بصراحه الوضع ميطمنشي خالص
يعني الي عاوز يستسمر عليه بقي يا اما يشتري اخصر او يحول فلوسه لذهب
اما علي المدي القريب حوالي تلت او اربع اشهر فعلا الحاجه هتبقي رخيصه
عشان قله السيوله في البلد بس بعد كده الاسعار هاترفع اوي

و يارب كلامي كله يطلع غلط و ميحصلشي حاجه و تفضل الامور مستقره

[د.محمود صلاح]

لا يمكن التكهن الآن بمستقبل السيارات .. بس الطلب هيقل كثيرا بالتأكيد

[pharonicking]

ربنا يستر ومش تزيد

[ramremo]

اعتقد العربيات الزيرو المستورده هتعلى بعلو الدولار انما التجميع المحلى هيكون اقل شويه والمستعمل اقل جدااااااا -- وربنا يخلف الظنون للخير

[ahmdmagdy]

انا رأي ان خلال الست شهور الاولي بعد الازمه الحاليه ان الطلب هيقل علي الزيرو و ده هيخلي الوكلاء و المعارض ان يعملوا عروض جديده علي التقسيط و الكاش و المستعمل اكيد هيبقي في النازل