الشرطه

[aminibrahim]

لازم احنا كمان نحترم القوانين والا مش هاتبقي ديمقراطيه هانبقي شعب بتاع مهلبيه

وعايزين نبطل نغمه مش عارف انا مين يعني كسرت الاشاره مخالفه بدون ماتتكلم
بتتكلم في المحمول مخالفه بون مانفتح بقنا مش عايزين معلش اصل مااخدتش بالي

[mhmdalsaadany]

الله ينور يا رجاله هو دا الكلام

[AMA]

والله ياجماعه الواحد لما بيشوف ظابط محترم وابن ناس بيبقي عايز ينزل ياخده بالحضن وبيبقي مبسوط جدا فما بالك بقي كلهم بقو كده
معتقدش ان في حد هيخالف علي الأقل احتراما ليهم

ماهو الشئ دة أسمه الأغتراب فى الوطن

يا جماعة الموقف ده حصل و انا مش مصدق
انا كنت طالع من سمحة و طالع على البحر عن طريق الشارع اللى فية كيروسيز مول فالشارع ده لما الاشارة بتفتح يبقى تقريبا اتجاه واحد ناحية البحر المهم لقيت العربيات ماشية قولت تبقى الاشارة مفتوحة و اخدت عكس لحد قبل شارع ابوقير و هوبا الاشارة مقفولة
وطبعا انا عكس لقيت ظابط من ابو موتوسيكل جه نحيتى قولت اجهز التليفون للجنة الشعبية احتياطى و بابتسامة و قاللى " انا اسف بس حضرتك واقف عكس الاتجاه و اعتقد ان حضرتك افتكرت الاشارة مفتوحة"!!!!!
المهم نظرة غريبة منى و فتح الفم تعجبا مما حدث و كأنى فى حلم المهم وقف ورا منى و خلاانى ارجع و اظبط مكانى و يقولى خالى بالك من العربية اللى وراك سنة ورا لحد اما بقيت فى الصف و قاللى " حضرتك مش رابط الحزام اعتقد حضرتك لسة طالع فياريت تلبسوه عشان سلامتك " و قاللى " اى خدمة تانى حضرتك"!!! مش مصدق اللى حصل لولا والدتى كانت قاعدة جمب منى لقالت انى بحور و انا بحلم قولتلو الف شكر و كان هاين عليا انزل و احضنه هو الذوق و الادب ده كان فيييييييييين من زمان
يااارب يفضل الحال كدة امين

سبحان الله يحيى العظام و هى رميم
والله حاجة عجيبه جدا و يا ريت أشوف شخصيا موقف زى دة على الأقل أحس أننا فى بلدى
لكن على ماأظن لما يكون فيه مجال معين و أتلوث بدماء شهداء يتهئ لى بينطبق عليه مثل
إلى أتكسر مبيتصلحش
بس والله العظيم لو وزارة الداخليه فعلا كلها تتعامل بالطريقة دى أحنا كشعب عمتا هتلاقيه بيساعد الحكومة فى تطبيق القوانين بطريقة فظيعة يعنى أولهم أحترام القانون و كمان لو واحد شاف أمين شرطة بيجرى ورا حرامى أو بتاع مخدرات هتلاقى الشارع كله و أنت أولهم بتجرى ورا المتهم عشان تسلمه للبوليس لأننا عمتا شعب عطوف جدا و فى الأيام الأخيره كان بيدل على ثقافة عاليه أوى يا ريت يتم تطبيقها بشكل صح

[Nistelrooy]

لا برضوا انهاردة قلت اركب مواصلات علشان الزحمة ..

ركبت من الجيزة باص من باصات الجمعية .. لقيت واحد بيسلم ع السايس ..

السواق بيقولي ده امين الشرطة كان كل شويا ياخد مننا عشرة جنية دلوقتي ولا بياخد مننا حاجة .

[ابو حسين]

ان شاء الله

[Ashraf_Ibrahim]

في امريكا كان فيه ظابط شرطة سايق عربية وكان فيه عربية بي ام دابليو ماشية كاسرة السرعة
بتاع الشرطة طلع يجري وراه والتاني رفض يقف
عايز اقلكم ان المناورة بينهم استمرت بتاع ربع ساعة وخلال الربع ساعة دي عربية الشرطة اتدغدغت ومبقتش نافعة ببصلة
واول ما زنقه وخلاص مفيش قدامه حتة تانية يمشي فيها
نزل الظابط وراح لسواق البي ام وقله بكل هدوء لو سمحت رخصتك ورخصة العربية
اعتقد لو حصل كدة في مصر مش بعيد الظابط هيضرب عليه نار من اول ما يجري منه
هههههههههههههههههههههههههههههه

[rompo10]

نفسي بجد احس اني عايش في بلد نظيفه وظباط الشرطه يبطلوا بقي التعالي علي الناس لازم يعرفوا انهم هربوا وقت الجد وقتلوا اخواتنا

[hpxp]

انا حصل معايا موقف من سنه ووالدي الي كان سايق لقينا ظابط وقفنا فبابا جهز الوش لانه كان ماشي 150 فا فتكرة ردار فقله افنددم قاله امر بابا قاله امرني قاله لو سمحت الرخص بس يباشا
التاني بقي عسكري تلح انا والدتي تعبانه عنده خشونه في الركبه جه حته عسكري بيطنط علينا كنت مستهبل من ورا الحج ومعلق علي العربيه هيئه قضائيه لسه هيكتب النمرة شورتله عليها نزل الدفتر تاني ومشي ويارتني ما شورت الحج كان هينفخني قالي مبحبش اتمنظر بحاجه غيري ! بس نجتنا من مخالفه

[MISS_MONA]

يا ريت ميكنش ده رد فعل دلوقتى بس
وبعد كده ترجع ريمه لعادتها الاديمه