عربيتي الكورولا 2005 الي مسروقه من 3 سنين

[Karim_Mohy]

ربنا يوفقك وتلاقيها ان شاء الله

[saadelden]

ماتروحش لواحدك بالذات في منطقه ماتعرفهاش
حاول تجيب معاك ناس كتير بتعرف تضرب و بلغ البوليس
و ان شاء الله خير

[kar!m]

يا اخي الله أعلم انا شوفت العربية دي فعلا لانها كانت واقفة امامي في أشارة مرور روكسي تقريبا او في المنطقة دي عموما
هي ملاكي الشرقية مكتوبة بخط اليد بلون أسود علي شكل نصف دائرة تقريبا.

لا أنا على ما أتذكر كانت رقم كمبيوتر بخط كبير .. وصاحب العربية يصلح لى لو أنا غلطان.

[SaberMan]

فى كمان هيئه اسمها مباحث الاتصالات ممكن يجبولك مكان الرقم المتصل , بس شوف اسرع وسيله و تنساش تأمن نفسك كويس و انت رايح أن شاء الله ربنا يوفقك و ترجعلك .

[hpxp]

يا اخي الله أعلم انا شوفت العربية دي فعلا لانها كانت واقفة امامي في أشارة مرور روكسي تقريبا او في المنطقة دي عموما
هي ملاكي الشرقية مكتوبة بخط اليد بلون أسود علي شكل نصف دائرة تقريبا.

لا أنا على ما أتذكر كانت رقم كمبيوتر بخط كبير .. وصاحب العربية يصلح لى لو أنا غلطان.

كانت برزة ومش مهم جايز يكون ظبط الدنيا وحصل حوار غريب جدا بليل هبقي اكتبه لان معنها ان الي معاه العربيه حرامي

[SAMEH_FOUAD]

اعتقد فى ظل التطورات اللى حصلت فى الظروف الراهنة ماعتقدش ان هيبقى فية تقصير من جانب الشرطة فى عملهم او لازم يبقى معاك واسطة عشان يتحركوا والا عارفين ان مصيرهم شكوى مباشرة ممكن تؤدى الى محاكمتهم عسكريا نتيجة لتقصير فى العمل ودية عربية مش موبايل ولا لاب توب

دلوقتى انصحك بانك تبلغ شرطة الاتصالات وتشوف الرقم اللى كلمك دة بتاع مين واحكيلهم الموضوع وان شاء الله مش هتحتاج واسطة لان المفروض ان البلد اتعدلت على الاقل نسبيا

بعد كدة تعرف مين دة وتجيب عنوانة وتروح لحد بيتة الاول تشوف عربيتك ممكن تكون واقفة هناك , وتروح يوم او يومين ويكون فى اوقات مختلفة ومتنساش ان ربنا مابيضيعش تعب حد ولازم تتعب وتور عشام ربنا يرجعهالك تانى ان شاء الله حتى ولو بعد 20 سنة

بعد كدة تروح انت وامين او ظابط تجيبوا الراجل دة وتخلية يعترف بكل اللى يعرفة من معلومات عن السيارة اكيد هيفيدك كتير وان شاء الله تلاقيها

[hpxp]

معلش بس هوة رقم شرطه الاتصالات كام ولا لازم ارحلهم لاني نسبيا بقطع في شعري دلوقتي
الراجل قال اديني النهارده بس اشوف اعمل ايه لان الثقه مش هتيجي في يوم ولما بكلمه صوت الهواء كانه في جبل بصراحه قربت اروح السريا الصفراء

[hpxp]

بص انا قلبى مش مطمن
جاب الرقم منين
ليه الفترة اللى فاتت مكلموكش
مش هما بيقولوا الرقم معاهم من اول ماخدوا العربية على اساس ان ده رقم البائع
طيب مش كانوا يكلموك علشان تخلص الورق وتبقى مليتها ليهم ولا هما استحلوا انهم يدفعوا 5000 والعربية معاهم

لو تعرف تاخد شرطة معاك يبقى حلو
وما ترحش بعربيتك اجر بيجو ولا تويوتا باليوم وخلاص

هو دا الي مجنني حتي لو كدا هدنها 3 سنين معا الحراميه معاهم رقمي طيب كانوا اتصلو ثبتوني علي مبلغ ولا اي حاجه وياخوفي من الناس دي والله امبارح لففوني من بلبيس للاردنيه في العاشر من 11 الصبح ل6 المغرب وفي الاخر قفل الموبيل وشكرا

[hpxp]

ها يجماعه ايه الاخبار ؟

[A.Saad]

هو رقمك اللى بيتصلوا عليه
كان معاك ساعة العربية اما اسرقت
على ما اعتقد مباحث الاتصالات هتلاقيها فى السنترال الرئيسى عندك فى الزقازيق
اللى عند المحافظة

[A.Saad]

ها يجماعه ايه الاخبار ؟

مش انت اللى تقولنا
بقولك ايه
متكشف على الملف فى المرور تشوف فيه نقل ملكية ولا حاجة

[EgyptianTune]

رقم المويايل ممكن يجيبوه بأى حجة من ملف ترخيص العربية فى المرور وأكيد إتباعت بورق مزور قبل الرخصة ما تنتهى واللى إشتراها مش عارف ينقل ملكية بعد إنتهاء الرخصة وهو دلوقتى بين نارين يمشى بالعربية لحد أما تتسحب منه والا يسلمها لصاحبها الأصلى .

ده تحليلى للموقف والله أعلى وأعلم

[hpxp]

طيب تمام يعني هروح السنترال تمام اوي والرقم الي معايا موجودمن قبل الكورولا كمان
الاخبار بقي ان الراجل شكله حرامي لان التلفون الي مكلمني اسمه ماجد وقالي في رفح اتاري التلفون طلع مع صاحب العربيه
ولما رد قال لولدي يا دكتور انا مجتش لاني مش هثق فيك في يوم وليله والمفروض اكلمه النهارده ربنا يسهل
شكرا استاذ سيد

[hpxp]

رقم المويايل ممكن يجيبوه بأى حجة من ملف ترخيص العربية فى المرور وأكيد إتباعت بورق مزور قبل الرخصة ما تنتهى واللى إشتراها مش عارف ينقل ملكية بعد إنتهاء الرخصة وهو دلوقتى بين نارين يمشى بالعربية لحد أما تتسحب منه والا يسلمها لصاحبها الأصلى .

ده تحليلى للموقف والله أعلى وأعلم

والله جايز ليه لا
المجنني اكيد والدي مكتبش رقمي انا يعني وعلي حوار الرقم بقا يبقوا عرفني وعارفين التاريخ ونتقلب تقليبه حلوة

[AHMEDATTARKARE]

بص يا سيدي أنا ليا وجهة نظر متواضعة
خصوصا أني أعرف إنك في الثانوية وكمان أعرف إن معاك أوبترا وكنت بتنظف فلتر الهوا في الجراش في الزقازيق عندك
وسبب سرقة الكورلا كان لأن الإنذار فاصل
والسبب أنه إتهبل بعد ما شلت أنت البطارية




كل المعلومات دي أنا أعرفها عنك من الردود والتقارير والمواضيع في المنتدي هنا

لا مش بس كده
أنا لو دخلت علي ملفك الشخصي هلاقي رقم موبايلك

إللي كلمك حاجة من إتنين مالهمش تالت

1. واحد . . . صاحبك وبيشتغلك (( سواء من المنتدي هنا أو من زمايل الدراسة )) وده إحتمال كبير جدا جدا
2.عصابة عارفة إن أنت مسروق منك عربية وعندها بعض البيانات العبيطه كما زكرتها أنت في كل تعليقاتك وردودك علي أصحابك
ومعارفك وقرايب قرايبك وكمان الجيران وبتحاول تستغلك إنها ترجعلك العربية إللي هما أصلا عمرهم ما شافوها من أجل 5000 جنيه مثلا


والطعم أنه يقول لك تعالي خد عربيتك وهات ال 5000 ج

ده كلام هبل




(( أخي الصغير إللي بيسرق عربية زي الكورلا أو لانسر بوما أو لانوس بيقطعها في ساعة زمن وبتتباع ب 25000 جنيه
وأنا أعرف سمكريه بيشتروها وبيشتروا عربيات حوادث ب 10 إلي 15 ألف
وينقل رقم الشاسيه ده علي ده
وكده تقف العربية بمصنعيتها علي 55 ألف ويبيعها في معرض مش في سوق الجمعه مثلا ب 75 ألف80 الف

الموضوع ده إتعرض عليا فعلا في عربية والدي الانسر ((بعد الحادثة)) ووالدي رفض الحوار ده وباعها ب 28000جنية
لسمكري معروف جدا في فاقوس
وعرفنا بعد كده إنه باعها لتاجر في أبو كبير ب 75000



في النهاية

إستعوض ربنا ومتخليش حد يلعب في دماغك إللي سرق عمره ما هيتصل بإللي إتسرق منه علشان يرجعله عربيته

ده عاوز يعمل عليك مصلحه في 5000ج
علي امل إن العربية ترجعلك

فكر جيدا هذا فخ إياك أن تقع فيه