ازاي اعرف ان العربيه ملعوب في عدادها

[rompo10]

ازاي اعرف ان العربيه ملعوب في عدادها بس عاوز طريقه اكيده ياريت تفدوني

[aymn2003]

سيبك من العداد وركز فى الحالة العامة للسيارة لان هو ده المقياس الحقيقى

[eldell]

حوار العداد مبيتعرفش بس فعلا زى مااستاذ ايمن بيقولك خد بالك من الحاله العامه للسياره وكبس الماتور واساسيات السياره

[Ashraf_Ibrahim]

حوار العداد مبيتعرفش بس فعلا زى مااستاذ ايمن بيقولك خد بالك من الحاله العامه للسياره وكبس الماتور واساسيات السياره

تمام جدا

[hpxp]

انا كنت لما بشتري الكورولا الله يرحمها بيبص علي حاجه في العداد نفسه وحاجه في الكبوت والرجل مرضيش يقلي ايه هيا شكله سر حربي بس لما سرح بيقول المسمارين بيبقو مش ظابطين حاجه كدا يعني

[rompo10]

مش فاهم حاجه

[beckeryahia]

من شكل عصاية الفتيس نكوت بنقشتها والطاره كذلك وريحة الفبر والبلاستيك اللي في العربية واهم حاجة ان يكون عمر الكاوتش الاصلي متناسب مع موديل العربية ومع العداد وايضا من شكل الفرش وزراير التابلوه واستبن العربية

[ahmdmagdy]

عمليه صعبه جدا جدا انك تعرف عداد العربيه مظبوط و لا ملعوب فيه

[Ghamrawy]

ممكن فى حالة واحدة
و هى تاخد العربية مركز الصيانة بتاعها و تشوف اخر زيارة كانت امتى و كانت بكيلو كام و تشوف عداد العربية الحالى
انا لما كنت باشترى الياريس وقعت فى عربية عدادها كان 23 الف و لما ودتها توكيل تويوتا طلع انها داخلة عندهم من 3 شهور و كان عدادها 85000 كيلو
طبعا كنت حاضرب الراجل و الناس مسكونى و الحرامى عمل عنها اعلان فى الوسيط بعديها باسبوع و بنفس الكيلو المضروب و اللى يحزن انه كان دكتور صيدلى اسم هيثم كمان و العربية كانت فى رشدى فى جراج تحت بيته