النور العالى

[ABO_MAREM]

بسم الله الرحمن الرحيم مل

السلام عليكم ورحمة الله وبركاتة

انا يا جماعه مش حخبى عليكى انا عايز ابوس رجل كل واحد فيكم ورجل ابهتكم كمان لو عايزين

انا يا جماعه لسه شارى العربية ولسه يا دوب متعلم جديد وكان اول مره انزل من مسكنى فى اكتوبر لحد الدقى وبعدين كوبرى اكتوبر لحد غمرة ورجعت تانى لأكتوبر ودى اول مره فى حياتى بصراحه اسوق طريق بالطول دا واول مره اطلع كبارى والقصه دى لحد هنا كويس .
الى انا عايزه بقى يا جماعه انا لحظت ان كل الناس ضربه ام النور العالى عمال على بطال فى النور فى الظلام مش بيطفى وانا كنت حجنن ومراتى جنبى بقول لها هو انتى يا بنتى شايفه تقولى اه وقولها وانا كمان شايف . الشارع حلو اساسا ومنور او نور ضعيف بس متشاف يعنى مش كحل والناس برده مولعة النور العالى وبصراحه انا اتعصبت جدااااااااا واضيقت جدا علشان كده عايز اعمل حمله واكتب على العربيه من ورا ورقه مكتوب عليها لو سمحت طفى النور العالى وحتشوف والله طفووووو النورررررررررر

[JUVENTUS]

اولا : ملوش لازمة طبعا حضرتك تقول ابوس رجليكم او كلام من هذا القبيل حضرتك مقامك اعلى من كده
ثانيا : النور العالي الناس بتستخدمه لان الناس كلها مش زي بعض يعني انا واحد من الناس لازم انور الكشاف عشان اشوف كويس
و لازم برضو تاخد في بالك ان الطرق عندنا في مصر سيئة و ياما حصلت حوادث بسببها ولذلك استخدام النور افضل

[Ashraf_Ibrahim]

وعليكم السلام ورحمة الله وبركاته
مبدئيا يا رجل ايه تبوس رجليهم والكلام دا
احنا هنا كلنا اخوات مجرد انك تكتب في عنوان الموضوع عاجل وهتلاقي اهتمام ان شاء الله
ارفع رأسك فقد ولدتنا امهاتنا احرارا :d
حلو جو الحرية دا
ندخل في الموضوع بقا
انت اللي كان مضايقك اللي جاي من وراك واللا المقابل ليك؟!
اعتقد الطرق اللي انت بتقول عليها دي اللي مضايقك اللي جاي من وراك
في الحالة دي ممكن تقلب المرايا
هتلاقي تحت المراية اللي في النص زي كلبس صغير تقدر ترفعه لفوق او تنزله لتحت
الطبيعي انه يكون لفوق وتظبط مرايتك عادي ولما تحب تقلب المراية تنزله لتحت هتلاقي ان انوار العربيات بقت خفيفة جدا وهتشوف الطريق وراك كويس
اما لو اللي جاي من الناحية التانية فللأسف طبع السواقين انهم يضربوا العالي ويجروا وخلاص
مع اني مبحبش اشغل العالي اساسا بس ثقافة خاطئة
وربنا يعينك

[smartchoice]

المفروض أن أول ما الليل يجى كله يفتح النور و لو حضرتك بتبقى شايف ففى ناس نظرها ضعيف و مش هتشوف كويس غير لما تفتح النور
لأن العربيات اللى قدامك سهل تشوفها انما المارة و البلاعات و الحفر مش بتبان كويس فبدل ما الواحد يقعد يحول نفسه علشان يركز يفتح النور أفضل
بس هى الفكرة أن المفروض الناس تظبط أرتفاع النور بحيس ما يخبطش فى مراية اللى قدامك
و هدى أعصابك و حاول تتغاضى عن عيوب الناس لأنك متعرفش ظروف كل واحد

[M.Osman]

لازم النور يشتغل بالليل داخل و خارج المدينة
ده موضوع مفيهوش كلام إلا لو كان قصدك على النور البعيد (اعلى درجة)

[hpxp]

حضرتك اعلي من انك تبوس رجلنا
بص انا حضرتك 16 سنه وبسوق من عندي12 سنه يعني خبرة 4 سنسين لما النور العالي بينور نسبه امانك بتزيد بتشوف الناس من بعيد يعني انا مثلا كنت هشيل حمار علي طريق بلدنا علشان مكنتش منور العالي العالي بيدك مساحه رويه اكبر وبينفعني انا في اللجان بخلي الي قدامي مش يفني وانط انا ورا واتصرف بعدين انما بقي لو في طريق اتجاهين ومنور العالي من غير رعاش دا يبقي استهبال وبعدين لما تلاقي نور مضيايق حضرتك طلع ايدك واقفلها وافتحها كذا مرة هتلاقي الي وراك طفالك النور
وزي ما قلت لحضرتك النور العالي مهم جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااااااااااا

[amrelsaqqa]

النور مش بش عشان تشوف الطريق
عشان غيرك يشوفك
بس لما يكون في اتنين مقابلين لازم يطفوا العالى لأنه بيعمل عمى مؤقت ومحدش بيشوف حاجة وممكن يجيب نتيجة عكسية
انما في العادى طالما بالليل يبقى لازم تشغل النور

[osama.m]

يا باشا ميصحش تقول كدا احنا هنا كلنا اخوات
انا بس عايز اقلك الواحد على حسب ما بيتعلم في الاول ..
للاسف انا نظري ضعيف و بالليل النور العالي بيعمل معايا احسن واجب عشان النضارة و مع ذلك متعودتش اعلى النور غير لو اللي قدامي دا غلس عليا
ربنا يسترها علينا و حاول متركزش في العربيات اللي جاية في وشك .. ركز بس في طريقك عشان عنيك متتعبش من النور

[eldell]

المفروض أن أول ما الليل يجى كله يفتح النور و لو حضرتك بتبقى شايف ففى ناس نظرها ضعيف و مش هتشوف كويس غير لما تفتح النور
لأن العربيات اللى قدامك سهل تشوفها انما المارة و البلاعات و الحفر مش بتبان كويس فبدل ما الواحد يقعد يحول نفسه علشان يركز يفتح النور أفضل
بس هى الفكرة أن المفروض الناس تظبط أرتفاع النور بحيس ما يخبطش فى مراية اللى قدامك
و هدى أعصابك و حاول تتغاضى عن عيوب الناس لأنك متعرفش ظروف كل واحد

+1111111111111

فعلا حوار تظبيط النور ده شى اساسى بس بجد فى ناس مستفذه يبقى مشغل الزاطى وتلقيه راشيا فى المرايات التلاته وديه حصلت معايا روحت مهدى شويا لحد ما عدى واستلمته عالى وواطى وحواار النور ده مهم فى الظلام بس لاكن لو فعلا الشارع منور يبقى نكتفى بالشبوره بس

[A.Saad]

فيم الزجاج الخلفى اول او تانى درجة وهيريحك من العالى او ركب ستارة شبك عليه
اللى وراك اعمل ما الاعضاء اللى قادمك قالوا افتح واقفل اصابع ايدك هيفهم
مفهمش
خليك وراه وعرفه يعنى ايه عالى
اللى قدامك
لعب الرعاش بتاعك
وبعد اذنك يا بو مريم
احنا هنا علشان نساعد بعض
زى ماالاعضاء فوق ساعدوك
هما ساعدونى
وغيرهم ساعدنا كلنا
فبلاش اول جملة انت كاتبها
احفظ الجميل بس واعزمنا على رحلة لبلد متقدمة شهر لكل واحد
وعلى فكرة فيه عربيات نورها لو وسط مش العالى بيكون غلس زى ال 28 واللادا والالتو
لان ده تصميم الفانوس كدة

[saadelden]

اكتر عربيه بتستفزني ف الطريق الشاهين و الفيرنا يبقى كتير اوي مغير اللمض و فرحان بيهم بقى
و المشكله ان قليل اوي الي بيعرف يظبط ريجلاش اللمض

انا عندي الفوانيس المدوره و اما ظبط الريجلاش ماحدش بيكلمني ع النور مع اني مركب لمض 260\200

[M.Osman]

وعلى فكرة فيه عربيات نورها لو وسط مش العالى بيكون غلس زى ال 28 واللادا والالتو
لان ده تصميم الفانوس كدة

تمام
بس مش مبرر ان كــــــــــــــل سائقي السيارات في مصر ماشيين من غير نور بالليل بحجة عشان مضيقش الناس !!

تيييت بجد
الموضوع ده بيحرق لي دمي

==========
مرة ماشي بالليل و قالب مراية الصالون عشان اللي ورايا كان ضارب العالي و مفهمش اي إشارة مني عشان يطفيه
لقيت واحد بلانسر معدي من جبني طاير و غرز و هو طافي النور تماماً

بالذمة ده كلام :( ؟

[eldell]

تمام
بس مش مبرر ان كــــــــــــــل سائقي السيارات في مصر ماشيين من غير نور بالليل بحجة عشان مضيقش الناس !!

تيييت بجد
الموضوع ده بيحرق لي دمي

==========
مرة ماشي بالليل و قالب مراية الصالون عشان اللي ورايا كان ضارب العالي و مفهمش اي إشارة مني عشان يطفيه
لقيت واحد بلانسر معدي من جبني طاير و غرز و هو طافي النور تماماً

بالذمة ده كلام :( ؟

على فكره والله انا على طول كده علشان بعانى من الى بيضرب النور فى عينى بس وانا معدى من جنب حد برعشله كده وعادى ده فى الطرق السريعه
ههههههههه ويارب مكنتش دعيت عليه علشان ممكن يكون انا

[fiat128man]

وعلى فكرة فيه عربيات نورها لو وسط مش العالى بيكون غلس زى ال 28 واللادا والالتو

انا معايا 128 والوسط بتاعها بينور الاكصدام بالعافيه
الحل ياباشا انك ترعشله بالنور لغاية مايطفي النور بتاعه ولو ماطفهوش اهو تجيبلو عمي مؤقت يلبس في شجرة جزاء له d:

[pro_samir]

فيم الزجاج الخلفى اول او تانى درجة وهيريحك من العالى او ركب ستارة شبك عليه

+1
الفاميه هيريحك فعلا

انا مركب ستاره علي الزجاج الخلفي بس بقالي فتره النور بيتعب عنيا جدا معرفش ليه سواء المرايات الجانبيه أو الصالون

شيلت الستاير وفيمت الأبواب درجه وسط و الزجاج الخلفي درجه أتقل شويه