إعـــــــلان

Collapse

.

,
See more
See less

عربية والدي اتسرقت و مش لاقينها خالص ...اعمل ايه انتوا اخر حل لينا

Collapse
X
 
  • Filter
  • الوقت
  • Show
Clear All
new posts

  • عربية والدي اتسرقت و مش لاقينها خالص ...اعمل ايه انتوا اخر حل لينا

    السلام عليكم يا شباب المنتدي
    عربية والدي
    بيجو 504 اتسرقت من تحت البيت في شارع السودان يوم الثلاثاء 15 فبراير يوم مولد النبي اليوم اللي كان فيه عواصف واتربة دة و مش لاقينها لحد النهاردة
    الحكاية هي كما يلي:
    العربية كانت ركنة امام معرض عربيات , واحد من الناس اللي شغالة في المعرض دة بيقول انه كان شايف العربية لحد الساعة 10 الصبح -و كذلك بواب العمارة اللي قال انه مسحها الساعة 8 ونصف الصبح في هذا اليوم-و بعدين فوجئ حارس المعرض بعربية ميكروباص نوع الترامكو لونها ازرق في ابيض -يعني المفروض اجرة القاهرة و ان كان المرور بقي خلطبيطة خاص ؤو ماعدش حد ملتزم بدة- الميكروباص دة كان ركبه عيال شكلها سوابق لدرجة ان حارس المعرض فكر انهم جايين يسرقوا المعرض
    الميكروباص وقف امام عربية والدي اللي اتسرقت وغطي عليها في حين ان حارس المعرض علي حد تعبيره فكر انهم جاايين يكسروا المعرض اللي واجهته زجاج ويسرقوه فدور علي حاجة يحمي بيها نفسه وقفل عليه باب المعرض الزجاج وجري يكلم صاحب المعرض و ما ركزش هما بيعملوا ايه.....
    والدي المسكين نزل الساعة 12 الظهر عشان يصلي الظهر مالقاش العربية ولقاها اتسرقت بلغ قسم العجوزة وادارة مكافحة سرقة السيارات في مديرية امن الجيزة و حاول يوص يوصي ناس كبيرة في الشرطة تدور عليها بس قالولو ان البلد في حالة فوض تامة وقالولنا انه زمان قبل 25 يناير كان بنسبة كبيرة جدا ممكن يجيبوها قبل المغرب لكن دلوقتي بقي مستحيل قالوها كدة بصراحة عشان تشكيل سرقة العربيات هربوا كلهم من السجون وقالزولنا اعتمدوا علي نفسكم في التدوير عن العربية
    المهم اعتمدنا علي نفسنا من ساعتها ولفينا لحد ما الواحد ساب غله وتدهور معنويا وماديا وصحيا من كتر اللف دون جدوي وتعبنا ودخنا من اللف و رحنا الاماكن التاليه:
    1-شارع السودان كله من اوله لاخره و شارع فيصل
    2-ارض اللواء والبراجيل والطريق الابيض
    3-البشتيل و امبابة و الوراق
    4-بولاق الدكرور وابو العلا
    6-المقطم ومنشية ناصر
    7-طريق اسكندرية الصحراوي لحد البوابة ومحور 26 يوليو لاخره
    8-ابو رجوان منطقة تقطيع البيجو 504
    9-الجيزة و المنيب
    10-شبرا الخيمة وطريق بنها السريع
    11- شوارع المهندسين كلها

    كل اللف دة من غير اي جدوي
    للاسف العربية دي والدي كان معتز بيها جدا ونظيفة جدا جدا جدا-انظف من عربيتي الجديدة- بس للاسف الدنيسا مش بتتدي للواحد اللي عاوزه
    ياااااااااريت اي حد ما يبخلش علينا باي معلومة او نصيحة او يقولنا علي اي مكان ممكن ندور فيه مكان يكون مشهور بوجود الكثير من السيارات المسروقة او يقولنا نعمل ايه رحمة بوالدي
    ملحوظة مهمة: مرور العجوزة اللي تبعه العربية وفيه ملفها اتحرق كله بالكامل بالاوراق اللي فيه يعني لو حد عاوز يضربلها ورق هيضرب بسهولة

    ودي مواصفات العربية :

    بيجو 504 لون ازرق ميتالك-لسه مدهونة- الفرش الداخلي لونه كحلي
    لا يوجد اي تعديلات عليها من الخارج او الداخل اطلاقا يعني ما فيهاش جنوط ولا فتحة سقف ولا في اي استكير ملصوق علي الزجاج بتاعها

    نمرها : ن أ - 2479
    علي من يجدها الاتصال ب
    0107991127
    وياريت اي حد يساعدنا

  • #2
    ربنا يكون في عونكم ويصبركم
    [CENTER][img3]http://www.nileup.com/uploads/13458446741.jpg[/img3]
    رحمك الله يا صبحي[/CENTER]

    Comment


    • #3
      ربنا يناولك غرضك و يجمعك بضالتك و تلاقيها
      [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

      Comment


      • #4
        ربنا يعينكم

        Comment


        • #5
          اولا ربنا يعينكو وتوصلو ليها بسرعة.

          ثانيا حابب اعلق علي جملة (
          قالولو ان البلد في حالة فوض تامة وقالولنا انه زمان قبل 25 يناير كان بنسبة كبيرة جدا ممكن يجيبوها قبل المغرب لكن دلوقتي بقي مستحيل................ ) علي اساس بقي انهم اصلااااااااااااااااااااااا كانو بيجيبو العربيات المسروقة قبل كدة. ماعلي يدنا هنا فالمنتدي كاااااااااااااااام حالة سرقة عربيات واصحابها بيقولولنا المهازل اللي بيسمعوها من ظباط الشرطة ( المحترمين ) عند تقديم بلاغات وان اغلبية السيارات المسروقة عادت اولا بفضل الله عز وجل ثم بسعي اصحابها ومجهوداتهم الشخصية الفردية دون ادددددددددددددددني تدخل امني.

          فبلاش بقي يعلقو خيبتهم قبل كدة وبعد كدة علي الثورة الشريفة اللي طاحت بكبيرهم وان شاء الله هتاخدهم واحد واحد لحد مالبلد كلها تنضف.

          اسف لصاحب الموضوع بس الجملة فعلا عصبتني اوي.

          وان شاء الله هتوصلولها قريب اوي لاني عارف قيمة العربيات القديمة للوالد. زي والدي بالظبططططططططط كأنها اخ لينا بالظبط ولما قولتله نبيع ونجيب جديد قالي ( انا ممكن ابيعك انتا لا هي معتقدش خااااااااااااااالص هههههههه).

          تقبل مروري

          Comment


          • #6
            فى عربيه هيونداى اكسنت موجوده فى منطقة الورديان بالاسكندريه الحراميه مسبوش فيها حاجة غير بودى من غير كبوت اخذوا كل حاجه ممكن تتخيلها وتلاقى صاحبها دايخ عليها .... وفى كمان عربيه متقطعة بالصاروخ و موجود منها فقط الجزء الامامى عشان رقم الشاسيه ...
            الحاله بقت صعبه جداً فى البلد ربنا يسترها

            [mtohg=null]http://store2.up-00.com/Mar11/ACy59799.jpg[/mtohg]

            Comment


            • #7
              انا حاسس بمعاناة الوالد
              ربنا ييسرلكم و ان شاء الله تلاقوها
              حسبي الله و نعم الوكيل الله يحرق اللي سرقها

              أتمنى الناس تهدى شوية على حكومة تسيير الأعمال علشان يحصل استقرار في حال البلد شوية لأن علشان نختار رئيس جديد لازم مجلس شعب و علشان انتخابات مجلس الشعب لازم الشرطة اللي هتنظم العملية و في فرق بين الإشراف و التنظيم

              عملنا مظاهرة و تم اسقاط النظام و بشهادة الجميع دي حاجة ماكناش بنحلم بيها و الحمد لله

              مفيش حد بياخد كل حاجة مرة واحدة ياريت النــــــــــــــــاس تهدى شوية لحسن كتر المظاهرات دي هتودينا في طريق تاني
              [U][FONT=Comic Sans MS][COLOR=blue]سُبْحَانَ اللَّه وبِحَمْدِهِ ... سُبْحَانَ اللَّهِ الْعَظِيمِ[/COLOR][/FONT][/U]

              Comment


              • #8
                ربنا يعترك فى العربية وانا مع راى فانبير فعلا الجملة دى مستفزة شوية هما كانو بيجيبوا عربيات اصلا لما هيجيبوا عربيات دلوقتى
                عليك وعلى الجيش بلغ عن سرقة العربية وهما هيتصرفو
                [SIGPIC]http://imageshack.us/photo/my-images/545/6c6d1551112s.gif/[/SIGPIC]

                Comment


                • #9
                  فية نااس تعرف امااكن الناس الحرامية بيكونوا في الصحرا
                  لان واحد زبون عندنا عربيتة كانت اتسرقت وراح لواحد شيخ منصر وقالة هتديني المبلغ المتفق علية ووداة الصحرا فين بالظيط مش فااكر
                  ووراة ولا يجي 200 عربية واللي مدفونة في الرمل واللي مش عارف اية
                  بس في الاخر ملقاش عربيتة فيهم
                  انا هحاول اعرفلك سكة الناس دة اية
                  [CENTER][media]http://www6.0zz0.com/thumbs/2011/09/14/04/347541799.jpg[/media]
                  MY BMW 2500CC
                  :tumb:
                  [/CENTER]

                  Comment


                  • #10
                    ربنا يعوض عليكم فيها بالخير وقول للوالد ميحزنش ان شاء الله خير

                    Comment


                    • #11
                      ربنا معاكو و تلاقو العربيه

                      انا والدى برضه عربيته اتسرقت فى شهر 4 الى فات و عملنا محضر فى القسم و روحنا مديريه الامن و جبنا واسط كبيره و برده مفيش فايده

                      و كانو بيقولولنا العربيه الى بتتسرق يترجع بالصدفه غير كده مفيش حاجه بترجع

                      ربنا معاكو و تلاقو العربيه قريب ان شاء الله

                      Comment


                      • #12
                        المشاركة الأصلية كتبت بواسطة maged_samy مشاهدة المشاركة
                        فى عربيه هيونداى اكسنت موجوده فى منطقة الورديان بالاسكندريه الحراميه مسبوش فيها حاجة غير بودى من غير كبوت اخذوا كل حاجه ممكن تتخيلها وتلاقى صاحبها دايخ عليها .... وفى كمان عربيه متقطعة بالصاروخ و موجود منها فقط الجزء الامامى عشان رقم الشاسيه ...
                        الحاله بقت صعبه جداً فى البلد ربنا يسترها
                        طيب يا باشا متقولى مواصفات العربيه الاكسنت ايه عشان عربيه والدى مسروقه و بندور عليها بقالها كتير

                        العربيه هيونداى اكسنت فضى موديل 2000 1500 سى سى

                        Comment


                        • #13
                          في عربيه بشوفها كل يوم واقفه علي الطنابير قصاد جراج المقالون العرب بجوار شارع النصر - جرين بلازا

                          عربيه لانوس 1 زيتي

                          Comment


                          • #14
                            شوف سواقين التاكسي و قولهم فيه مكافئه حلوه للي يلاقيها
                            هم طبعا بيلفو ف كل حته

                            طب انت بتقول انها لسه مدهونه
                            مش ممكن يكون حد من الميكانيكيه الي اشتغلو فيها ؟؟
                            [CENTER]م. سعدالدين مصطفى
                            Follow me on Twitter @Saadelden
                            http://www.nilemotors.net/Nile/67592-131.html[/CENTER]

                            Comment


                            • #15
                              ربنا ييسرك الحال و تلاقيها ان شاء الله
                              [SIGPIC][/SIGPIC]

                              Comment

                              Working...
                              X