امال ايه بقي حوار ال 10 في الميه بتاع المخالفات ده ؟

[Hikayat]

بقالي كتير عمال اسمع اني لو رخصت دلوقتي بدفع 10 في الميه من المخالفات بس
رحت النهارده علشان اشوف الحوار ده رغم اني لسالي في الرخصه سنه ... لقيت العربيه عليها 500 جنيه مخالفات
المهم سالت قالولي مفيش حوار ال 10 في الميه ده ؟ قالولي انت هترخص 6 شهور مجانا وبعد ال 6 شهور دول تبقي تدفع المخالفات

[michohat]

بالنسبة لموضوع ال مخالفات بعد 6 شهور واحد شغال في المرور قال لي ان نيابات المرور شالت المخالفات فى مكان امين (خايفين عليها من الحرق والتلف) لحين استقرار الاوضاع وقايلين مده 6 شهور كفرصة للوضع انه يصبح آمن

[zyadahmed]

طيب ايه الوضع للملف اللى اتحرق فى المرور هل فى مخالفات فى مكان تانى غير نيابة المرور على كمبيوتر مركزى مثلا ...
لانى رخصت 3 شهور مؤقت فى المرور المحترق بمحرم بك فى اسكندرية وسمعت ان المخالفات والملفات كلها اتحرقت

[abdalah_hashem]

انا اتوقع ان المخالفات اللى بتتسجل اول باول بتتحفظ على كمبيوترات مركزية فى ادارة المرور طبعا غير الملفات الورق
والله اعلم